yuki9384的个人专页

呢間位於香港大學站既餐廳最近榮升左我最喜愛泰菜既第一位🥇🏆同男朋友行完山無意中發現，一試真係勁surprise！估唔到啲野食會咁正宗！餐廳既裝修幾特別，牆上面掛左好多泰國電影poster。泰奶茶好正宗，真係完全地還原左泰國既味道😳😳不過價錢有啲貴，要$48！椰子雞湯酸酸地，好香椰子味！值得一試！串燒係我同男朋友最推薦，好有碳燒味，啲肉燒得啱啱好，加埋個椰汁沙嗲醬👏🏻👏🏻不得了！芒果糯米飯都好味！不過炒粉就爭啲，再有鍋氣啲既話會正好多😣…查看更多

今日同朋友去旺角行街，經過呢間手搖飲品既舖頭⋯朋友比佢既鴨屎香(茶葉名稱)招牌手打檸檬茶吸引左，所以想試下。手打檸檬茶就不過不失，但就略嫌佢既茶味唔夠香🥲跟住我就叫左杯鴨屎香(茶葉名稱)水牛鮮奶。🧋呢杯水牛鮮奶茶$29，但杯奶茶其實都比較細杯，性價比相對黎講真係有啲低。個杯既包裝上睇得出都花過心思，幾IGable幾吸引人去打卡📸 味道方面，茶味係近乎冇，好似飲緊奶溝水咁🤮應該都唔會再有下次啦！…查看更多

以Layered Cake而出名既法式蛋糕店♥️創辦人曾經到巴黎藍帶廚藝學校進修，蛋糕有一定既水準！蛋糕既味道有好多選擇嫁，今次就揀左最受歡迎既S'mores 朱古力棉花糖蛋糕🎂朱古力味好濃，唔會話甜到好口渴！👶🏻最貼心既係蛋糕有唔同size選擇：baby size, small size同埋large size。今次揀既呢個baby size就啱曬4-5個人慶祝生日時食啦🤜🏻🤛🏻有興趣既朋友記住試下啦…查看更多

終於去左呢間係bucket list好耐既餐廳啦👅餐廳係走沖繩居酒屋風，所以Menu幾豐富。小食、串燒、炸物、拉麵、酒都好多選擇嫁！🦐虎蝦濃湯麵虎蝦好大隻，出面仲包左一層櫻花蝦再拎去炸，又脆又啖啖肉！蝦湯好杰身，好濃味！啲麵好掛汁，每一啖都食到個湯既精華！但個麵份量都幾多，最好兩個人share，唔係會好膩🥒麥粒味噌青瓜係餐廳送既前菜，清爽既青瓜加埋味噌醬一齊食又幾好味、幾夾🪿葡提鴨卷鴨肉包住一粒提子，食落既感覺幾得意。但男朋友唔中意又咸又甜既感覺，所以佢就話唔會再叫啦😂🦀蟹肉杜蠣隻蠔炸得好脆卜卜，上面放左好多蟹肉，再灑上青葱引味，值得試下🐟白燒活鱔白鱔啖啖肉，個皮燒到好脆好多油，食落好香口！唔中意食魚既我都覺好食！大推！🍹檸檬冰串燒酎好打卡able既野飲，但飲落就冇咩特別，正正常常餐廳長期都要排隊，所以想試既朋友仔就最好book定位先！咁就唔洗等得咁辛苦啦👅…查看更多