Halo Cat的个人专页

呢期buffet主題係地中海風情，先講呢度裝修，餐廳樓底夠高 ，裝修好有格調，環境闊落，望住海景食buffet，真係好chill海鮮區，選擇豐富，有我最鍾意嘅麵包蟹，好大隻好多膏，蟹腳好鮮甜，其餘仲有蝦，青口，蜆，螺，全部都好新鮮😋 刺身方面，基本款式都齊全，三文魚，油甘魚，八爪，魚希靈，甜蝦等等，全部都新鮮厚切熱食區好大，大家淨係睇相都知道好多嘢食，必食烤安格斯黑牛西冷&烤豬腩卷，黑牛西冷好Juice, 豬腩卷皮脆香口，地中海風情有意大利龍蝦燴薏米，鮮甜嘅龍蝦肉，令你一試難忘，仲有地中海焗魚柳、希臘炸雞腿、土耳其燉牛尾等等，選擇多不勝數而最吸引我嘅，就係呢度嘅雪糕區，從未見過有10款口味咁多，而且係自家製，雪櫃設計好似輪盤咁，任你轉😍口味唔逐一介紹啦，大家睇相啦，叫咗提子冧酒，口感好滑，好濃郁，而柚子味雪糕口感清新，兩者配搭一流，而甜品方面都好出色，誠意推介抹茶卷&雲石芝士蛋糕整體而言，綜合環境食物質素同款式，絕對係性價比極高既buffet👍🏻…查看更多

立鮨開到嚟大埔，係屋企樓下，帶爸媽試下但夜晚都要等位，等15分鐘左右立鮨尖沙咀嗰間食過，食材新鮮，價錢算公道，住大埔咁多年，終於有間性價比高嘅壽司店出現舖頭唔大，坐位唔多，但係坐得好舒服點咗三款刺身，保持一貫水準⭐️活赤背 & 北海道活象拔蚌 - 好大隻，爽口鮮甜，口感一流，誠意推介呢兩款👍🏻⭐️三文魚腩 - 都幾厚身，媽咪最愛，我冇食，唔評論見到呢個會員期間限定-海膽壽司盛盒，好吸引，問職員如何入會，比$100 可以join會員，會送返$100 coupon, 咁即係唔使錢，呢個set仲可以用會員價，平幾十蚊，即刻join 淨係睇刺身嘅色澤，就知道係用新鮮食材，配上海膽真係好鮮甜，值得一試，不過下次唔知仲有冇海膽限定試完海膽壽司盛唔夠喉，再叫咗個迷你海膽飯，滿足了😅 ， 另外值得一提呢三個火炙海苔三點，呢間嘢火炙做得幾出色，赤蝦，帶子，左口魚入口即溶，滿口油香味👍🏻甜品方面，點咗菠蘿&桃雪葩， 賣相都幾幾吸引，唔太甜總結，性價比真心高，但唯一唔好處，就係點餐時見電子餐單唔少item 都sold out, 唔知係咪因為要保持食材新鮮，唔儲存多啲食材…查看更多

趁着放假，帶小朋友踩單車，踩到科學園肚餓搵嘢食，見到間日式餐廳，全落地玻璃，景致10分開陽，而且枱與枱之間好闊落，最啱週末放空一下服務員非常細心，服務周到，主動問需唔需要兩個碗仔，值得一讚👍🏻叫咗兩個魚生飯，份量有啲嚇親，係超級大份😅 好抵食，如果同小朋友嚟，兩個人叫一個飯都已經夠食三文魚親子丼$138 三文魚好新鮮，三文魚子粒粒都好飽滿，睇相都知用料好足，咁既價錢都真性價比極高， 值得推介火炙魚生飯（秋季限定）$138用料有三文魚腩，三文魚子，左口魚，牡丹蝦，吞拿魚，油甘魚，帶子、睇見就覺得好豐富，左口魚一試難忘，入口即溶，成口油香味，大滿足整體來講，性價比極高，價錢不貴用料新鮮，絕不馬虎。…查看更多

食過返尋味系列打邊爐最講究就係湯底，呢間湯底真係冇得頂，真材實料，好有誠意！火焰三椰雞鍋首先用火燒一燒隻雞，再將原隻椰子水配上特別淆造嘅湯底，10分鮮甜，淨係湯底都飲咗兩碗美國安格斯牛肉叫左個中價牛，估唔到中位價錢都可以食到咁好質素既牛，牛肉好嫩口原隻南非大鮑魚 & 沙白鮑魚好新鮮，好爽口彈牙。沙白係最有驚喜嘅火鍋料，每隻都好大粒，每粒肉都好肥美，脹卜卜，好鮮甜，係食過最好味嘅沙白（絕對冇誇張）手打黑松露墨魚丸雖然細細粒，但黑松露味十足，兩個人叫咗半份，得四粒唔夠喉，下次可以可叫1份8粒兩人食招牌韭菜餃份量好足夠，大大粒，多肉汁 值得一提，呢間火鍋店裝修精緻，坐得好舒服，呢間火鍋店環境衛生，服務貼心👍🏻 會再幫襯…查看更多

難得今日有兩個鐘嘅午飯時間，約咗朋友去鬧市中嘅海旁餐廳食個lunch, 餐廳感覺好寧靜，枱與枱之間好闊落，係三五知己傾吓計嘅好地方🥑牛油果珍珠帶子法包呢個頭盤好特別，珍珠帶子咬落煙靭，有少少元貝會嘅香味，法包脆，配合埋牛油果，味道天衣無縫😌🍝避風塘原隻軟軟殼蟹炒意粉睇相都見到，隻軟殼蟹成隻碟咁大，份量大到兩個人都食唔晒，意粉10分煙靭，加埋啲辣汁，好惹味🔥🥩美國招牌風門柳五成熟剛剛好， 好多肉汁10分Juicy，配合海鹽調味，又有沙律3色椒，賣相一流，食得好滿足😋🍧飛天遁地香蕉船有唔同味嘅雪糕揀，份量好大，有藍莓香蕉士多啤梨，滿足你唔同嘅口感😍…查看更多

今日去左沙田搵食，18:30 walkin去到剛好有位唔駛等，遲多15分鐘就要開始排長龍，建議大家都係book咗位先嚟到Salted Pig 就當然要叫豬,呢度最出名就係豬手，但因為食過好多次，今次就試吓新嘢，職員都10分熱心，主動介紹餐牌上的美食😊慢煮醬燒豬助骨份量都唔小，足夠二人份量，好多肉汁好Juicy，口感一流😋蒜蓉辣橄欖油大蜆意粉必須要大讚蜆肉十分肥美，好鮮甜又大粒，意粉軟硬度適中，配合埋啲炒蒜片，10分惹味🔥甜品叫咗心太軟賣相不錯，外冷內熱，食完想再嚟一個🤣…查看更多

週末逛完熱鬧的尖沙咀，就來到美麗華這間寧靜的Cafe 食d野, 餐廳環境闊落，裝修很柔和，感覺舒適寫意👍🏻呢度最出名，就係咖啡同朱古力☕️點左杯Earl Grey Chocolate, 除左賣相吸引，厚厚嘅泡沫加上濃濃的朱古力味帶點Earl Grey味，口感一流，好快飲曬, 想再order 💕蜜糖青檸梳打，口感清新🌱厚切意大利煙肉配卡邦尼意粉，呢個值得推介，煙肉係厚切一嚿嚿同平時一片片好唔同，好有口感，咬落煙煙韌韌，意粉又好掛汁👍🏻Alchemy 精選全日早餐，份量豐富，竟然連燒香蕉都有，可謂應有盡有，大滿足…查看更多

假日睇完戲，想搵間可以坐得耐小小既西餐廳同朋友仔傾吓計，於是搵到這間Cafe職員10分友善，安排了窗邊位置，望向彌敦道街景，享受鬧市中的寧靜💓 Set dinner 性價比極高 $498 💓頭盤 - 水牛雞翼，酸酸甜甜10分開胃💓意粉 - 法國鵝肝菌帆立貝忌廉意汁大利粉，帆立貝表面剪得香脆，口感又滑又爽口，牛肝菌味道香濃，配合埋忌廉汁，味道一流，賣相都唔錯哦💓主菜 - 美國安格斯西冷牛扒，值得推介，揀咗七成熟，煎得剛剛好，份量好大，兩個人都食唔晒😅，好多肉汁，牛扒質素絕不馬虎，似係超市買二百幾蚊嘅一塊扒👍🏻💓甜品 - Häagen-Dazs ，有驚喜，就6，7種味選擇，估唔到連季節限定嘅哈密瓜味都有，第一次食哈密瓜味嘅Häagen-Dazs，好正呀😋 …查看更多

放工同朋友揀左間環境清新既餐廳dinner地方闊落，枱與枱之間相距好遠，餐廳設計用咗好多綠色植物，令人感覺好放鬆🌿💓特色飲品 - 西瓜物語$48 冷泡水果茶$68 又令又好似，一點都不馬虎， 十分足料 💓Set dinner 前菜 - 意大利腸沙律，蔬菜新鮮爽口🌿黑松露意大利雲吞，黑松露味道十分濃郁👍🏻💓虎蝦香辣蝦頭油天使面$218蝦肉新鮮彈牙，配合惹味香蒜辣油，絕配，天使面的口感很特別💓慢煮西冷牛柳香煎砵酒鵝肝$328鵝肝煎得外脆內軟，牛柳5成熟， 表面煎得焦香，口感一流， juicy到極…查看更多

去星影匯睇完戲，近近地行去MegaBox搵嘢食行暈成個商場，都唔知食咩好😵‍💫就是旦揀左呢間馬來西亞嘢，價錢都算平，但味道就一般白鳳爪份量算多，味道尚算OK蠔仔蛋份量好大，遮晒成個碟😂味道一般，油得滯，蠔仔偏細粒印尼炒飯，蝦片唔趣，啲飯有啲林，食落味精太重，唔建議…查看更多

週末去西貢逛逛，發現呢間人氣froyo小店，夜晚時段都仲有好多人排隊，越多人排越想食🤣呢間舖頭提供20多種選擇，今次揀咗海鹽焦糖脆脆，蝴蝶酥，芒果焦糖脆脆實在太太太好味，同乳酪嘅配搭簡直係天衣無縫，芒果就有點酸，但整體比100分，一試難忘…查看更多

呢間係lunch飯堂，性價比勁高嘅lunch4人同行1人免費，仲可以儲印仔🤩Lunch time 叫任何一個餐+$20 可以揀3串串燒，真係好抵哦，燒雞翼同牛肉都係我嘅至愛，好juicy炎海丼，有五款火炙刺身，雖然份量偏細，但食埋全消，就已經好full…查看更多

Lunch試新野，黎到The One 試吓呢間新餐廳，見門口幾多人， Menu都幾吸引，點知中伏😅燒美國黑毛和牛丼，餐牌寫住呢個係推介，所以酒店左呢個，一睇就知道啲牛好韌，咬落結果真係好韌，一啲牛味都冇，都唔知自己食緊豬肉定係牛肉，飯嘅份量特別少，食完都仲咁肚餓。個薯蓉就幾好味嘅，但個飯真係唔掂😅 冇下次…查看更多

放假去左黃金海岸staycation, 難得來到屯門當然食三聖海鮮🦞 🦀 🐠 可惜2個人，試唔到好多款椒鹽賴尿蝦，啲椒鹽多到cum住着晒隻d蝦，好香口，但唔夠鑊氣聖子煎米粉底，第一次咁樣食，好特別，d米粉煎到脆脆的，加埋啲豉椒汁，好嘢味蒜蓉蒸扇貝，不過不失啦椒鹽鮑魚，好香口好彈牙，有驚喜鹽水花甲，花甲偏細，好乾淨冇沙，鮮味整體而言，三聖來講呢間餐廳環境唔錯，闊落乾淨，但兩個人食性價比唔高，海鮮買左600，但加工費都600，唔抵食…查看更多

喺尖沙咀$36嘅lunch包埋野飲你又食過未？係尖沙咀工作咁多年，經常經過呢間野，但從來未入過去，因為樓上鋪關係，唔顯眼。今日經過，之前又聽過同事介紹過，話好抵食，就去試吓！望到個lunch Menu，真係平到你唔信我哋點左一個砂礓雞飯&焗豬扒飯買單你估下幾多錢？係total $72 😱😱味道好好，份量又多，真係好抵食好抵食好抵食！…查看更多