maijin的个人专页

話說我之前都經常幫襯貴店買普通牛肉飯同燒牛肉飯，因為都幾好食，取餐時間又穩定，所以都當咗貴店係飯堂。好可惜九月頭有次我買咗鰻魚飯，我明明見到其他人post出嚟, 同貴店賣廣告幅圖都係好大塊鰻魚，點解我買嗰個飯就咁細塊，我實在覺得好不滿😡所以我就停止幫襯。今日心血來潮又想食下牛肉飯諗住再俾多次機會啦仲已特登買貴啲嘅肉眼牛肉飯点知塊肉眼煮到好好好好好熟完全浪費左塊肉眼牛肉！！！！点解要煮到咁熟呢？？🤦🏻‍♀️🤦🏻‍♀️🤦🏻‍♀️食落去又鞋又柴頭😭😭😭😭…查看更多

最近心血來潮想食泰國嘢，所以喺OpenRice搵。搵到呢間泰國餐廳喺寶琳新都城，去到門口見到入面好多人好墟冚。個裝修就唔算新，但座位有好多，個場超大。叫咗冬蔭功扎肉豬頸肉金邊粉，一望落去個湯好似好淡，但係原來係好好食㗎！好有驚喜！啲扎肉同其他舖頭食到嘅好唔同😀而豬頸肉都好嫩，個金邊粉唔硬，有少少傾向係河粉質地，成碗麵我覺得非常驚喜👍🏻👍🏻另外，本身叫熱泰奶茶，不過阿姐話只有凍泰奶茶，就叫咗凍。杯奶茶都幾好飲。…查看更多

呢間Green Common我食過好多次，每次都係自取外賣。之前每次外賣奶茶，就算佢係無裝滿，但都只係低個杯2cm 左右但係今日杯奶茶超級細杯，好過分！😡😡😡…查看更多

最近好常幫襯貴店，因將軍澳區嚟講，貴店食物質素一向穩定，好食，價格合理。但今日唔知做乜事，杯咖啡未打開已隱約見到好細杯，一打開真係嚇親，有1/3 無咗😡😡😡 …查看更多

是日路過沙田，行到肚餓，所以搵野食上到高層路過好多間餐廳都無乜野啱食，正打算走人，就見到呢間餐廳。佢以粉紅色做主題，好靚，好吸引，所以就入去食。本身見到二人餐，有啲興趣，不過588未加一，又覺得有啲貴，所以無叫到，散叫咗一個Pizza同兩個雪糕水果窩夫。食物整體都算幾好食，Pizza Parma ham好好食, 但火箭菜偏多,比較苦。而芝士同菇嘅比例做得幾好，好食😋至於兩個窩夫，啲生果有好多種類，雪糕都好味，有啲驚喜。可惜窩夫個質地同口感有少少奇怪，同平時食開嗰啲唔同。雖然都係偏貴，但員工有禮貌，服務態度很好，整體感覺良好，所以下次都會再幫襯。…查看更多

將軍澳來講，木兆小品價錢真係唔算貴，我一直當佢係飯堂，但係佢整體嚟講，真係越嚟越差。之前試過好幾次等成40分鐘都未有食物，而家食物出餐就有改善，但係食物質素就越嚟越差。今日嗌魚腩粥，之前食過10幾次，每一次都係新鮮煲魚，冇煎過，好食，今日一打開見到啲魚煎過都覺得詭異，估計因為啲魚唔新鮮，點知真係！食落去一大浸怪味！酸味！炒麵嗰啲椰菜，又核核突突咁，好似餸頭餸尾咁。。。真係令人好失望💔💔💔😔😔…查看更多

對上一次上過去店舖已經係兩年前因為去之前幫襯過如心嗰間覺得好好食所以當時適逢我老公生日我哋去完海洋公園特登搭車去中環分店打算幫襯去到先知當時係立食冇理由生日流流企喺度食仲要我哋BB用緊BB車實在冇辦法推住BB車上樓梯所以就冇幫襯到一直覺得可惜好希望有機會可以試吓食中環呢間早排聽人講話而家終於有座位適逢今日就到我生日我哋一家去完海洋公園諗住終於有機會幫襯啦帶着期望去就真係失望到爆炸首先，去到竟然要我哋坐一入門口嘅吧枱嗰度每個人入嚟都會出出入入咁我哋有小朋友(先得兩歲幾)你裏面有大把位冇理由要我哋坐門口位姐咁我就禮貌地問下可唔可以坐入少少點知個女侍應黑晒面，唔出聲，淨係掹起塊板好似喺度發脾氣咁態度好差！但我都冇出聲！之後啲嘢食竟然同如心嗰間爭好遠壽司舊飯，得半啖咁細件人哋一口壽司都大件過佢然後個牛肉烏冬，碗麵仲細碗過人哋啲細蓉好似兒童餐咁，唔似大人份量，完全唔值呢個價錢然後刺身圖片好大碟送到黎又好似袖珍咁所有嘢都不似預期價錢偏貴，成$810所以冇下次以後都唔會再幫襯…查看更多

今次叫咗安格斯牛扒定食粟米湯好飲咖啡好飲但真心失望因主菜塊牛扒完全被糟蹋哂煮到猶如黑炭一塊真心唔明點解煮到咁都可以俾客人食配菜四季豆椰菜花都好難食呢個餐煮到咁真係完全唔值$75…查看更多

今日放假同老公，囡囡行過見到翠華變咗做D類食肆，因為周圍都唔俾三個人同枱，所以就局住入咗去食。本身對佢食物都無乜期望，叫咗A餐- 蒜蓉牛扒飯，明明叫飯，唔知做乜俾咗薯蓉。。。牛扒幾好，但係個薯蓉凍冰冰，無乜味。。。紅湯好似油浸咁熱咖啡就ok然後仲有個B餐 - 吉列豬扒腸仔意粉吉列豬扒同腸仔都幾好，火候適中冇煮燶但意粉凍冰冰好難食。。。。白湯ok，凍奶茶都不過不失但。。。員工服務十分差😒😒😒臨走嘅時候我個囡跌咗件好細嘅小玩具落沙發底但係跌到好入好入我就痞喺度，執咗好耐，都執唔到兩個侍應明明企我隔離，見到我執極都執到只係掛住傾偈同埋執枱冇一個員工願意協助我去執返件小玩具，都唔緊要但俾我聽到有個多口嘅女侍應背後講話我個女咁大個仲要爸爸揹其實關你乜事？？？加上我個囡只得兩歲，佢生得高，就以為我個囡好大個，仲要背後話人，真係好無品😒😒😒…查看更多

幫襯過幾次，水準係幾高，每次order唔同既都好好食👍🏻👍🏻👍🏻不過份量偏少，價錢稍貴🥲今日食呢個漢堡包併牛油粟米，盛惠$77，係好食，但餐廳喺粉嶺呢啲住宅區嚟講真心偏貴咗少少，餐飲轉capuchino +$17 , 賣單都$94不過漢堡包個精粹係塊大菇，爆汁超好味超juicy塊牛肉漢堡芝士都好正👍🏻overall都值得一試的👍🏻因為真係好味既全部侍應的服務態度都非常好，係十分難得…查看更多

叫左個二人餐，兩人原來只有一個前菜😅加錢叫多個前菜都OK既但意粉份量真係少得驚人，兩碟都好似俾人食過咁款，然後麵質實在太硬。。。😅😅😅仲要是日精選加$10之後加錢$30, 叫左個Tiramisu，係好食既但係當我叫餐飲嗰陣時，明明Menu寫House wine +$40，我就特登問侍應，可唔可以選貴啲價錢既，佢話得，但到找數嗰陣時就收我正價$140, 原來咁就叫可以。😅明明寫住$438加一，到頭來$700多少少賣單，中伏了…查看更多

我以前o係馬鞍山讀書~lunch 都會鐘意同d同學仔一齊去哩間"扒房"食野~~佢d野食一般~~但係學生餐只係19蚊~~好抵食~~同埋d staff愈做愈好~~好nice~~所以扒房係值得一去既好地方ps.不過就要搭檯, 同埋有時都幾大煙lor......…查看更多

仲記得果陣因為有staff o係學校隔離派q旁~成10 蚊咁多架~咁食一個lunch要27蚊~~減左10蚊變17.5!!超抵!!不過而家應該冇架la.....但係27.5都值丫!! 哩度d野好好食~~同埋環境好~~真係好令呀~~^^值得一去丫~!!…查看更多

山東餃子真係非常好食!!! 果度d 麵又彈牙~~~芹菜豬肉and 徇莤雞肉都好正~~~只係16蚊~~~超讚!!!! 閒日+2蚊仲有豆漿/5花茶~~!!(假日就+$5)~~~真係令人忘懷~~~至衰就係o係聯和墟咁入,唔係一定日日去!!ps.但係有次阿婆婆一手打死隻烏蠅.....冇即刻洗手.....咁好似唔太乾淨呢...…查看更多

上月咁岩路過habour city,見到仙記冇乜人,咁就入左去食飯~朋友叫左個墨魚丸麵,等左好耐都唔黎......不過催左催,5分鐘內就黎,都ok啦...d 野飲都ok~今日值得一讚的是我地坐左2粒幾鐘都冇人趕~good~^^…查看更多