亞比吃飯了的个人专页

今日同我嘅先生盼Open Rice先發現屋企附近有呢間馬拉菜小餐廳。去完完全無後悔！我哋掛住享受食物，無影相。因為我地本身就係諗住普普通通食一餐。但真係估唔到啲野食咁好味，老闆又親切友善仲俾好多遊戲我地玩！又有漫畫睇！講番啲食物：- 椰香喇沙（老闆話係自己用雞浸個湯底出嚟）我哋真心飲曬啲湯！- 南乳炸雞翼（必食之一，好香南乳又夠脆，單邊骨，啱懶人食）- 咖吔多士 （必食之二，麵包是馬拉來的，真係好鬆化，好好食！）最重要係老闆好友善，好難得搵到一間好似去左朋友屋企食飯咁招待你。所以我決定為佢寫個好評！…查看更多

平時成日要排隊的店。終於我同爸爸等到一個無咩人嘅機會啦！本身諗住去第間茶記食的我即改變主意。唔好意思我係真人食左先，連相都唔記得影。個生煎包真係好正！底係脆！真係新鮮煎出來。啲包嘅外皮係好適中，咬開後有啲熱，但充滿左肉汁！我先食左兩口原汁原味，後來再加啲醋食。亦非常配搭得宜！我第二日即帶埋媽媽去食 叫四件！我唔係好食主食，主力叫小食來吃。麻辣系列都唔錯！雞絲粉皮都好味！仲有韭菜餃都好香好鮮甜！個湯都好好飲。醉雞翼都推薦。但惟獨個麻辣鳳爪我就嫌太重口味，有啲太重香料嘅感覺！但我終於明點解佢個生煎包咁出名，因為真心好味！好開心，因為佢開左分店係我家附近，真係隨時都可以去，無位都可以叫個外賣食（但我仍是覺得即整即食是最好的！）…查看更多

平時多數係食雞煲對於豬手幫黎講 感覺幾新鮮豬手分量十足！肉質淋同埋入味！好好味呀！食完個豬手煲就玩湯底食邊爐～豬骨湯底真係有大大嚿豬骨！ 好足料！ 正 ！tick tick 紙上面既野食有海鮮，肥牛等...海鮮都新鮮～ 食左幾round. 肥牛唔會係肥膏多到放唔入口果種！ 質素不錯！雪糕同埋嘢飲都係任食任飲！有無糖嘅茶類飲品！ 健康der~ 喺雪櫃自己夾嘅嘢食種類都好多主要係蔬菜類～ 呢到既staff 都好nice ... 會主動幫忙～ 見你個鍋滾得好犀利 會幫你禁細火啲又會得閒幫你搞下個豬手煲 以免痴低值得一讚！…查看更多

我同朋友們常常係德寶淘大附近出沒。想搵間cafe坐下飲下野傾下計。終於...我地搵到呢間小小的店舖。地方對我地來講超方便。其實我自己，或同朋友都食過好多次。野飲同食品都有水準！今次想介紹個驚喜之作。就係呢個小食他他牛油果煙三文魚。28蚊我估唔到佢整得咁靚，再加上啲法包烘到好脆身，配埋個醬啱啱好！真心要試下！當然佢地其他意粉焗飯都好好味。…查看更多

聽到食燒烤，又有得食蝦又有得捉新鮮嘅食。我同朋友們即book（記得book定位，咁就唔洗失望而回）去到現場環境好乾淨。埋位就會夾蝦落個金屬筒，溫馨提示：記得一夾落去就要冚實佢，如果唔係會彈出來！啲蝦的確好生猛架！🙀用冰水浸暈左之後就可以燒。除左蝦，佢地仲有鮑魚一人一隻但一定要剪出來燒不然個殼會燒爆現場野食同野飲選擇都好多出到去超興奮仲有現成小食連蔬菜都好多選擇！有原條茄子！法包！海鮮都好多選擇，我地聽到有幾枱都話隻魚好好味，成條燒真心正！甜品有雪糕同雪條，隻雪糕牌子係本地產，我個人非常欣賞！特別係港式奶茶味！推薦一家大小黎一齊笑哈哈！真係好有氣氛又可以自己燒，但最緊要要唔洗自己買餸嘛！…查看更多

係門口經已見到佢有特色既招牌 入邊裝修古色古香⛩⛩都幾靚同有特色 晚餐時間幾乎座無虛席 入到去啲伙件都好好招呼同好態度 講番啲野食 開胃小菜雲耳青瓜 海哲 用自家制麻油制作 口感同味道一流 必點👍👍 另外個雞腳都值得一試 入口清脆 仲有個重點推介既湯底 花膠雞湯 滾左飲番碗 係出面火鍋都可以試到鮮甜既湯水 即炸響鈴都好脆口 唔同出邊食開個啲 仲有鵝腸 口感煙韌 香滑既麻辣鴨血 做為川式火鍋來講 又唔係真係咁麻同辣（只係揀左小辣 唔敢試正宗既麻辣😬😬）睇來有改良過來迎合香港本地人既口味🤭🤭 仲有叫左一渣西瓜汁 俾小朋友飲 用來解辣都係一個唔錯既選擇 牛頸脊牛味幾足 肥瘦適中 口感嫩滑👍 牛舌口感爽脆 食落有有嚼勁 仲有入口即溶既和牛 用清湯洽一洽 保留番啲牛既味道同香味 一流…查看更多

踩單車係將軍澳嘅海濱長廊上，想搵野食，又想搵個舒服嘅地方同朋友傾下計，又想睇住自己架單車無俾人偷走🤣🤣咁黎呢間就啱啦！今日個午餐黎個豪少少嘅。我同朋友一人叫左一個餐排得好靚呀！我個刺身係廚師發板，所以我登專問左有咩：北海道櫻津三文魚中拖羅瑩光魷魚左口魚海膽牡丹蝦帆立貝真鯛我覺得都好味😋，尤其係中拖羅！而出奇到啲魷魚好濃嘅鮮味！好正。我第一次食魷魚刺身架。而我朋友食嘅都係廚師發板，不過就係壽司同有烏冬仲有個湯而魚類就差不多。其實我係第一次食Omakase。而且對住個咁舒服嘅景食。特別覺得抵曬！食飽飽但又唔會太大負擔。再出發踩單車🚴🏻‍♀️！…查看更多

今次就港島做野嘅朋友。決定揀左間近地鐵站嘅日本餐廳。呢間野設有外賣部，都幾好，方便即揀即買。叫左好多野食🤣壽司、鍋物、小食、天婦羅都叫啲。仲有13蚊任飲、小童8蚊。不過我地就冇叫，因為想食多啲款壽司有：拖羅、三文魚天婦羅蝦卷、帶子、三文魚腩、火炙芝士三文魚。個人鐘意三文魚天婦羅蝦卷，因為口感有層次！我地個鍋係海鮮，再加左肥牛。啲肥牛係好食嘅！好有牛味！至於天婦羅我地揀左雜錦呢個，我特別欣賞個汁，因為佢係熱嘅。所以點完汁唔會即刻凍左。最後想講，個到位侍應哥哥都好好service。佢幫我地個鍋加左兩次湯，又好細心咁提我地要滾熱番先好過食讚！…查看更多

我雖然好鐘意食辣。但我好少特登去食麻辣嘅店食野。今次！同幾個朋友膽粗粗去試下！但...我有兩位不太吃辣的🤣🤣呢間店細細間，但啲位唔迫而且好好坐。來到店內嘅全部食客竟然都非常斯文。我地食左食餐覺得好舒服，大家有傾有講，但卻很和平。呢位紅衫哥哥要介紹下。佢服務態度非常好👍🏻！佢好細心地知道我地有人唔食辣，特意叫廚房唔好整太辣。有一下我朋友唔小心倒瀉嘢，佢即刻遞上拎濕紙巾，又話唔緊要，問我朋友有冇事。其實佢好忙，成晚做。仲唔嫌我地要特登加個唔辣炒飯。🙏🙏非常讚水煮魚，好好味！酸辣土豆絲，唔太辣，好惹味，又開胃！螞蟻上樹，好快食曬！呢個名真係呃到我地：火焰蹄花，幾好玩，會點火。本身以為好辣，但四個都食曬！好入味。啲配料都食埋！呢個就係阿哥哥叫廚房特制炒飯。佢本身有杯茶送，但太熱我地叫左杯水果茶，佢有一陣淡淡嘅香味，係我未試過。問番店員，原來送個杯熱茶同呢杯水果茶都係用芒果茶莉花茶！最後是甜品黑糖桂花冰粉：呢個係我食過最冇負擔的甜品之第一！有桂花、花生、黑糖糖水加冰粉。好清新，佢地用呢個甜品做結束其實好細心。因為食完成餐辣野，火都黎，即刻食番個冰粉降曬火。食完舒服曬！…查看更多

上次同屋企人一家大細叫外賣食。試左一次之後，真係覺得唔係好食辣的朋友都可以叫埋一齊試。終於！我真係叫埋朋友一齊食左！入去坐低見個裝修都幾有特色！自己對號入座啦喂！呢個都幾靚呀！講到食物同飲品：我朋友食素，我食肉😂。從來沒有衝突。我地叫左bb麻辣，為左訓練朋友陪我食辣、呢到啱曬。個湯底好好味😋，小小辣好惹味，餸食蒿荀、滷大腸，啲大腸味道啱我！小小甜夠入味！食左都覺油膩。本人是極愛鴨血！好多片！食到好過癮！皮蛋都係我地必食，因為素食朋友都啱口味仲有呢隻雞腳就不得了！是泡椒鳳爪。好入味、但真係比較辣。另友兩位朋友食左一隻就叫我食埋佢，而我表示好樂意！因為真係好有泡椒香又夠辣而且入曬味。最後仲有個涼皮：又係叫左兩個餸，個樣好靚！食落都好清新，加埋青瓜絲同芫茜，仲有最有特色的炸黃豆（一粒粒的東西）口感即刻提升，涼皮滑捋捋，青瓜爽脆，芫茜香、黃豆脆卜卜。讚呀！再來？why not?…查看更多

鐘意打邊爐又好牛的朋友們唔係無黎過呀嘛！放工同朋友一齊來食下。真係抵食，和牛任食！算係好多款牛肉選擇！我地湯底要左鴛鴦：芫茜同豬骨。個火鍋煲好有霸氣😂但小心辣手主角來囉！我好開心有牛舌食！當然有和牛係重點啦！食得好滿足呀！佢地啲料都好充足！連麵都好多選擇，係我個人見過嘅火鍋放題算係好多！另外一點就係佢野飲好多！佢無糖嘅都有幾款：碧螺春、烏龍茶（無影到無糖）、龍井。食得多牛肉飲一飲都好啱！最後要講都好重要嘅就係：雪糕部分！佢地係用香港製的品牌，佢有四款：港式奶茶，海鹽、菠蘿椰子仲有焦糖脆餅。個人覺得港式奶茶同菠蘿椰子最好味！我個朋友一個人食左4杯😂😂😂…查看更多

火鍋從來唔嫌多！但唔係間間有雞煲都好食同啱口味。呢間二鍋頭就啱我同朋友！我地叫左個小小小辣（因為佢唔太食得辣）嘅雞煲。有位叔叔侍應幫我地炒埋。食落啲雞好嫩滑，一啲都唔鞋，入味得來唔會濃到你喉嚨唔舒服，我地兩個成煲雞食曬！ 食完個雞煲仲可以揀湯底，我地叫左個豬骨湯底，用料都好足，食完雞煲之後配番個清少少嘅湯底打邊爐，非常好👍🏻我哋叫和牛來食，好新鮮嘅樣！食落都好有牛味！😊至於其他基本任食，我地當然叫埋啲海鮮類試試啦！都唔錯！佢出面嘅自助bar枱係我非常欣賞，因為每樣野都好整齊又好乾淨！啲杯碟都好新淨！座位都好舒適任食來講都算好多款式！仲有係職員們都非常殷勤，又幫我地換碟又幫我地倒左啲骨再清垃圾，之後又問好唔好食。等我地成程都食得好滿足呀！…查看更多

同朋友去開佐敦，我搭開巴士。呢間餐廳超方便。因為正正係我落個站到。就係恒豐中心，而我朋友就搭地鐵直出上電梯就到。因為係express所以佢以快餐店型式，睇好餐牌到前面落單埋單先再等食。我地叫左都幾多款食，野飲只要叫左主食就可以有半價。我哋主要係為左個龍蝦🦞意粉來（佢有意大利飯、粗幼同闊條意粉揀）我揀左闊條麵。醬汁有茄汁同白松露汁。我硬係揀白汁啦！隻龍蝦睇相就知正，見到啲意粉充滿成啖龍蝦膏同子就知正！配埋個白松露汁真係好香濃！加埋個價錢真係超值。另一個推介鹹蛋黃雞翼！必試！外皮夠曬香脆，咬開又多汁，食完都唔覺似平時啲黃金系列咁油膩。我建議配番杯鮮果茶，佢真心用水果整，唔太甜，平衡番啲濃味食物有凍同熱揀添！我地都試埋個牛肉漢堡，還不錯👌🏻仲有個彩蛋！就係有龍蝦湯任飲！職員態度亦值得一讚！雖然係快餐廳，但其實坐得好舒服，完全唔似快餐店咁趕住你食俾下枱咁。GOOD 呀！…查看更多

今日同屋企人一齊無飯～！有大人細路仔一齊食，我想食辣時屋企人啲仔女要無辣！結果黎呢間食下米線啦！點知都幾好味喎！❤️❤️❤️真係有辣有唔辣，任君選擇！仲叫左幾個小食添！啲細路仔真係搞到想影張靚相都唔得！我叫左個麻辣米線小辣，要鴨血同肥牛。涼皮呢個墨魚頭係我覺得最出色嘅一味！屋企人個仔話超好味嘅滷水雞翼，我未有得試，因為好到佢一個人食曬！仲有口水雞翼，都唔錯架！呢到兩碗米線🍜，一碗涼皮、同三個小食。就咁就餵飽我們這一家6口！食完麻辣飲番佢自家製嘅花茶！感覺好清新同舒服！阿媽這要番個茶包來沖多次喎！洛神花都啱小朋友飲！兩杯都好天然咁，似係無咩加太多糖！我個人好欣賞！順帶一提：服務態度非常好！😊😊買得開心，食得放心！…查看更多

聖誕節個排想即興想買蛋糕。其實我地都知好多人係要訂蛋糕，我哋就無做到呢個動作。所以慶祝個日就黎到直接見到有咩蛋糕就買啦！大家揀左綠茶蛋糕來試。本身都幾鐘意綠茶嘅。但呢今次呢隻真係嘛嘛地啦！因為個綠茶味唔太天然咁。不過我食過其他款都ok嘅！朱古力味會好食好多！…查看更多