三眼四胃的个人专页

之前叫外賣試過一次呢間泰國野，幾低食同埋都好好味，今次就直頭落鋪食，味道都係吾錯，而且幾有特色。平日夜晚去，都幾多人，但好好彩吾洗等位，但預左要搭枱，因為2人座位吾多。點解我會再食呢間野呢，因為真係好低食，個價錢無得輸，一份烤魚都係幾十蚊，小食，蝦餅，生蝦個d都係幾十蚊，咁當然，份量就吾會咁多，但都吾差既。今次就叫左黑松露海南雞飯，蝦餅，牛肉船面，海南雞飯有黑松露，幾特別，d雞就吾夠滑，個飯雖然黑松露炒但就吾夠香，而蝦餅都ok既，即炸，夠熱，足料，吾會好厚粉，船面多料，夠濃，味道吾錯。最後，最大既問題係個環境。一入去既時候已經好大聲咁播緊歌，仲好大個mon播緊mv，十足十入左k房咁，都算啦。有一枱客生日，全部都幾十歲姐姐，大大聲講野，好似全場都要幫你慶祝咁，想靜靜地食餐飯都吾得，講野都聽吾到，愈食愈燥，而且杯飲品係有果肉個d，比支普通飲管，仲要紙造既，啜到爛晒，叫換支飲管，話啜吾到，佢換支一模一樣既，吹到啤一聲，飲淨一半，拿拿聲走。一出門口，靜到~夜晚都有雀仔叫………查看更多

三眼自問對海鮮真係非常鍾情，有一定要求，對蝦蟹愛不惜手，海鮮既煮法有好多好多，但一d好濃味既煮法就會破壞海鮮既鮮味，但蒸就吾同，"蟹仙"就係用蒸氣鍋既煮法黎煮海鮮，保留海鮮既鮮味，而且仲原汁原味，蒸完既精華仲會滴落下面個粥底到，真係好正架。平日夜晚去都好多人，建議先訂位，因為座位吾多，而且都幾迫，好多吾同既餐，每個餐既海鮮都吾同，份量都吾同，我地食左個中中間間既餐，有頂角膏蟹，海蝦，賴尿蝦，龍蝦等等，但份量都係每人半隻，吾多夠喉。頂角膏蟹真係超多膏，實既，鮮味，必食賴尿蝦好大隻，鮮甜，十幾吋長龍蝦都好多膏多肉，都係非常新鮮最後有甜品送。價錢就當然貴喇，始終都係海鮮，而且有質素既，但就份量吾多，店員服務好，有招呼，有禮貌，係值得一去再去…查看更多

燒烤其實近年都好流行，成行成市，但要特別既真係無幾多間，最近就試左間係新蒲崗既燒烤堂，因為網上評論非常好，所以就去試下。去到鋪仔細細，坐位好少，勁迫，有得坐出面，但得一兩張枱，好彩我吾係早去，都有位坐。食物款式都好多，而且好特別，老闆對食應該都好有要求，同埋係日式既款式做主打，我地叫左雞皮，牛舌，海蝦，燒蠔，多春魚，金菇等等，全部即叫即燒，我明白要時間，但真係等好耐，9個字先黎第一樣食物，啤酒都飲左3支，自問趕時間，吾洗諗，食物質素高，全部食材都好新鮮 。最後差吾多食左2個鐘，賣單2個人食左400幾，吾算太貴，但食物份量真係好少，好少，好少，會再去食，但等第2日放假先。最後一樣野，店員好無禮貌，我第紙落單，佢叫我等一等之後縮手。…查看更多

茶記比人感覺都係食下快餐嘆下奶茶，但最近就食左間幾特別既茶記，味道都吾錯tim。就係旺角既洗衣街既茶王冰室喇，平日既夜晚去，吾多人，吾洗等位，坐位算闊落，吾迫。佢最特別係個旦包包，係炒旦入面包住吾同既野，我就食沙嗲牛肉旦包包，味道吾錯，旦既份量都有3，4隻，2人份量，吾建議一人食，因為都幾飽，仲有叉燒炒旦飯。最正係佢個樽仔奶茶，食野加20蚊就飲到，係就貴d，不過真係幾好飲，吾係太甜，茶味香濃，夠滑。但最吾中意係佢鋪頭入面都播歌播到好大聲，d員工仲跟住唱，好難可以靜靜地食餐飯。價錢都吾係平，但可接受，始終旺區，明白。…查看更多

荷里活既小王，除左m記外我諗都吾算貴既餐廳，不嬲都ok，低食既……上次同公主去左食套餐，今次吾食牛肉面，轉叫餐食餸白飯。都係夜晚啦，吾多人，即入。d位其實真係幾迫，坐低就叫餐，一個小黃魚，一個三杯雞，另外叫左個柯仔煎，送2個湯，前菜。小黃魚多骨，但味道幾香，幾脆，係細條左d三杯雞超級硬，好難咬，吾入味，失敗柯仔煎仲垃圾，全部都係粉漿，好小柯仔，右吾脆，林既，無味既2個湯都正常啦，不過不失，清清地。總括，個評分係食咁多次比既，如果計今次一定係0分，下次都係食牛肉面啦…查看更多

三眼既小公主某一天帶左三眼去打冷，去左旺角既明記，聽聞就話平日晚飯時間係好多人，所以小公主就一早卜定位，去到原來都無半個場人，可能因為最近既事啦，坐卡位，都舒服，裝修都有feel既。坐低叫左啤酒解解喝，有多款，之後就一個餐，雙拼，羊腩煲拼馬友，首先馬友先，夠大條，夠入味，真係吾錯既，好喇…到羊腩煲……，如果呢閣下係無咩牙力既話就吾好諗，因為d肉係真係咬吾開，吾入味，食到好無癮。之後黎左個三杯雞……，右係咬吾開，雞勁“鞋”，吾入味……。不過值得讚既就係叫滿300蚊就送滷水拼盤，都大蝶架，不過味道就……無特別，免費就算啦……最後最低讚既就係個甜品……“反沙芋”好難食到……佢右整得好好味喎……芋頭夠粉，砂糖痴得滿。必食總括，其實都幾失望，都吾知搞咩，可能吹噓得太勁，係個甜品真係值得食，而且個價錢……2個人食左700蚊，下次我都係去打邊爐………查看更多

大排檔最岩就係一大班朋友聚腳既地方。星期四一行5人，去左石門既陳根記，呢間老牌既陳根記。晚上8點左右，人吾多，等左十分鐘左右入得場，個場吾算好大，但成日都爆場，環境保留左大排檔既格局，但非常舒服同衛生，可能仲好新。坐底之後叫啤酒，得兩種啤酒排檔得咁少款真係……之後黎左個冰震鵝掌，例牌燒鵝，鵝掌平平，勝在送酒，而燒鵝呢就可接受，肉味吾夠濃，岩岩出爐，之後有羊腩煲，叫左煲大，但都好細煲，味道吾錯，有肥有瘦，平均。一個菜，有獲氣，但太細蝶。一個胡椒蝦，好好味好香，但d蝦細到太離譜而且得幾隻，吾低食。最後值得一讚既係個甜品，一層熱辣辣既脆脆包住個芒果，真心好食，經過都會買返個打包總括食物既味道係吾錯既，80分，環境都好好，但吾夠人手，叫支啤酒都要3催4請，價錢就可以接受啦，每人250~300蚊左右，飲埋啤酒。…查看更多

三眼四胃最愛打邊爐，土瓜灣就有一間評價好高既火鍋店。首先，平日去，都通常要等位，因為店舖細，座位吾多。衛生，可接受，店員服務都ok，但座位有d迫，同隔離枱太近。食材，真心讚，每次都會有吾同推介既海鮮，個聖子皇真心好味，好新鮮，爽，大隻，其他例如海蝦，甲殼類都好鮮同大隻。肥牛都幾靚，脂肪比例都吾錯，另外一個魚片頭都係低讚，熟食，剛整起，熱辣辣，而個湯底呢就係花甲鍋，好多花甲，湯底都非常新鮮，其他食材都吾錯，有鴨舌，非常入味。至於價錢……當然一分錢一分貨，問心吾係平，但係用心食材，老闆係有簡過既，都吾好同任食既比較，因為任食邊有咁大隻聖子呀…查看更多

星期日，三眼放假，去左荷里活搵野食，經過見到一間好生面口既泰國野以我所知，荷里活有另一間，呢間就係新開既，新屎坑就入去試下。12點左右，星期日，吾洗等位直入，有lunch set，價錢都算好平，始終商場有咁既價錢既餐廳，其實好低食三眼叫左2個set，一個係豬手飯，一個係牛肉丸清湯粉。先講清湯粉，清湯，真係好似水咁，淡到一個點，三眼鍾意濃味野，所以接受吾到，配料少，河粉多，無特別，吾推薦再黎豬手飯，豬手入味，但吾夠林，份量都ok，有湯有飯，個湯味精味重，都ok，可以一試，但不要抱太大期望。總括，服務可以，衛生好，座位闊落，價錢低，味道好一般，有汽水送，如果荷包夠脹，吾洗食呢間，因為同一商場仲有其他好野食既。…查看更多

呢排香港個時勢咁樣，好多食店其實都無開，而且吾會煮飯既三眼四胃，自然要四圍搵野食。食得多魚翅龍蝦，都會想食下住家飯，而黃大仙呢間"喜記"，會係大家吾錯既選擇。晚市時段入座，吾需要等位，都係一般嗌餸食飯，當然都有粉麵食，一行兩人，簡左個晚市既2人套餐，2個餸有飲品or湯同2個飯，選擇都吾算太多，但都有吸引人既菜色，三眼四胃就點左個"豉汁蒸黃立倉"同"蜜椒薯仔雞"。豉汁蒸黃立倉-魚大條，蒸既時間岩岩好，魚好滑，吾會一夾就散，魚汁夠多，夠撈飯。三眼推薦蜜椒薯仔雞-份量一般，雞好入味，但有點硬，吾夠林，蜜汁好香好野味，薯仔就人人吾同食法，三眼略嚴硬，吾夠林，但都好入味。值得一試例湯-濃味，足料，大碗總括-兩公婆食個飯其實都係岩岩夠飽，因為份量吾算多，但味道係吾錯既，兩個男人就要再叫其他野食，而衛生都吾錯，餐具夠乾淨，有紙巾供應，座位尚算闊落，最後係價錢，呢餐食左150蚊左右，兩餸有飯有飲品or湯，其實吾算話好低食，但味道可補救。黃大仙"喜記"，值得一試…查看更多