食家燕的个人专页

9月12日和朋友行過豉油街，見到呢間甜品店，咁啱想食返個甜品，於是入去試吓，店舖好細間，沒有其他客人，見到餐牌有個招牌人氣必食推薦，招牌杏仁茶燉蛋白，價錢都唔平要$55，我叫咗個試吓，朋友叫咗個椰皇雪燕燉雙皮奶，好快，我的杏仁茶燉蛋白先送上枱，聞落唔香，唔夠熱，食落淡而無味，再上枱係朋友的椰皇雪燕雙皮奶，朋友話椰皇肉好乾，味道淡，真係伏、伏、伏！！要食好味杏仁茶燉蛋白真係好難搵到，食開好味的一間間結業！！…查看更多

同朋友行旺角，行到有啲肚餓，就去左銀行中心既花園餐廳食下午茶我叫左一份香茅雞翼配薯條，一杯雪糕紅豆冰當份香茅雞翼配薯條上枱時，我同朋友都O哂咀，以為嚟錯左，因為果4隻「雞翼」完全唔似雞翼，似4隻炸蠔多啲。咁大個人，未見過雞翼要點炸漿去炸，完全顛覆左我地對炸雞翼既認知！外皮極度油冧冧，好難食！唔好話有無香茅味啦，啲雞翼完全無味，係一啲雞味同咸味都無！好似白烚雞翼咁，難食到一個點！我都唔係第一次食花園餐廳，以我所知佢地既薯條係波浪薯條，但今次食既係麥當勞果種薯條，仲要淋哂，麥當勞啲薯條都好食過佢。杯雪糕紅豆冰勁甜，甜到我食完呢餐仲要去便利店買野飲先解到少少渴。枉佢係一間西餐廳，啲師傅都唔知邊度嚟既，連炸雞翼咁簡單都整得咁差，其他野都唔會好得去邊！出面茶餐廳既雞翼薯條比佢更好食！呢間野真係無下次，完全中伏！…查看更多

5月28日夜晚接朋友收工，唔知食咩好，隨意就到太興食晚飯，叫咗兩個晚餐，打開餐具櫃桶發現筷子油冧冧還有條屍蟲，真係懷疑佢啲筷子係冇洗過，真後悔入嚟食，從來未見過咁污糟嘅食店😤佢啲食物只係一般，價錢又貴，喺度食飯輕則肚痛，重則真係會有肝炎！…查看更多

4年沒有來過澳門，到達第一時間嚟品嘗祥記，叫了薑蔥魚皮原全不是味兒，唔爽，無香味還暖暖哋，水餃好細粒，湯底無大地魚味又鹹，味精湯底超口渴，咖喱牛腩麵色香味不全又細碟，麵質差，祥記可以不來了！…查看更多

今日終於有機會食到潘記飯檔的龍蝦餐，由油塘地鐵站行到去東源街熟食市場，我覺得自己真係好有誠意，今日氣溫33度🥵我行到一身汗，因為知道多人叫這個餐，我11:30已到達，叫咗龍蝦餐加一杯凍檸蜜，飯湯可以自己隨意添食，這裏是半自助式，除了龍蝦餐還有鑊氣炒粉麵，等了10分鐘，龍蝦餐送到，龍蝦很新鮮，蝦頭位置還有少少蝦膏😋還有白切雞配椰菜，不過店內沒有冷氣只有風扇，一路食一路出汗，飲凍檸蜜真是夏天最佳選擇，因為太熱食完都唔坐得太耐，龍蝦餐$108凍飲要加$6，遲啲冇咁熱我會再嚟食嘢👍🏻…查看更多

新一年的第二日放假行街街搵好嘢食，行完K11商場有啲肚餓就喺附近睇吓有乜好嘢食，發現一間叫「雞記」潮州麵店，見門口餐牌有個炸紫菜墨魚丸撈粗賣相吸引一於入去試食，店舖不大，店員招呼我坐近門口單邊位，送上熱茶👍🏻及落單，等咗一陣一碗熱辣辣嘅炸紫菜墨魚丸撈粗送到年前，先咬一口墨魚丸是剛剛炸起的熱辣辣，充滿墨魚鮮味，係我暫時來講食到最好味嘅墨魚丸，再試一啖粗麵唔會有鹼水味，粗麵爽口醬油味香濃，雞記係可以返轉頭再食嘅店舖😋…查看更多

Pizza Express 12月8日和另一半慶祝生日，我揀咗康怡廣場嘅PizzaExpress慶祝生日，以前食過下午茶覺得好好味，今次想試吓佢哋嘅晚餐，訂咗6:30，我們6:00已到達，我們揀咗一張靠窗圓枱坐，叫咗二人餐：有蒜蓉飽、香烤雞肉薄餅、意式牛肝菌蝴蝶粉、蘋果汁；還有另一半係會員生日送嘅甜品。在等候期間我們環顧食店環境，樓底高感覺寬敞，還有落地玻璃可以睇到街景，室內墙壁，有色彩繽紛插圖，感覺輕鬆🍹待應送上頭盤蒜蓉包，一啖咬落去已經有好香嘅麵粉味，蒜蓉分量啱啱好唔會蓋過包本身嘅香味，蘋果汁好飲唔會太甜，主菜香烤雞肉薄餅一樣好味，我最鍾意係細細粒醃辣甜椒，睇見都開胃；意式牛肝菌蝴蝶粉香濃嘅牛肝菌味，加埋個蘑菇醬汁都係非常好味；最後一道甜品拼盤，係有雲呢拿雪糕、中間三角形係一件檸檬餅，上面灑上椰絲非常好味，仲有一杯係Tiramisu 味道幼滑香濃，今晚真係大飽口福；美中不足就是他們的清水，沒有過濾！強烈鐵銹味，管理層真的需要注意下。…查看更多

喺OpenRice首頁好味滋訊發現一間「正宗山西刀削麵皇」，收工一於和伴侶去試試，去到見小店裝修以綠色為主，地方乾淨，簡單舒適，廚房係開放式可以見到一個高大年青人有技巧地削麵，另外還有2位年青人係廚房幫手💪🏻我叫咗麻辣豬軟骨刀削麵（小辣），伴侶叫咗餃子雞翼刀削麵，2個套餐都係配豆漿。一碗熱辣辣刀削麵由一位青春無敵😚女侍應送來，見湯色清澈，喝一啖…湯味香濃但唔鹹，麵條有麵粉香味，條條刀削麵都係薄薄的，麻辣豬軟骨係小碟另上，入口香濃軟滑…Juices 😋色香味俱全，辣得有層次…係香辣，唔係辣到麻木；伴侶叫的餃子🥟雞翼刀削麵同樣入味好食，佢哋豆漿夠凍唔太甜😋兩個套餐加埋$100，另外見餐牌有飯及其他小食很多選擇，我哋已經諗住下次食煎小籠包及小食還有主食刀削麵啦🤣…查看更多

放假唔想去咁遠就和伴侶到樓下亞金試一試佢哋嘅招牌喇沙，我哋仲叫咗奶茶，如果佢個餐牌冇寫南洋奶茶都算數，沒有南洋茶香、飲咗兩啖已經好「鞋」口，茶味似香港一般茶餐廳味道，但餐牌寫「南洋奶茶」吓！假㗎！佢哋嘅招牌叻沙，有魷魚圈、蝦亦新鮮大隻，不過魚片頭偏硬冇味，伴侶食的無骨海南雞叻沙，成碗油！但個人意見就是唔太鍾意叻沙加入粉絲和麵糾纏在一起，知道有些南洋食店會同樣做法，賣相感覺好差！臨走時隔離枱客人正投訴吉烈炸蝦未熟，隻蝦係透明嘅，咁都可以俾客人食！…查看更多

今日入元朗剪頭髮，剪完啱啱好係中午時間就順便喺元朗食埋午飯先返出九龍，又再次食我最鍾意元朗食店之一嘅「時時食」之前食過兩次花膠鹹雞配米粉，今次想試吓口水雞配米粉，老闆娘出來招呼我及落單態度親切，等咗一陣送上一碗熱辣辣嘅湯米另外配上一見到都流口水嘅口水雞，上面仲配有幾粒脆卜卜嘅花生，先來飲一啖湯，有香濃嘅鮮雞味，啲雞嘅份量都算多，最特別係佢嘅醬汁唔似其他食店，佢哋辣味好有層次，加埋啲蒜頭同埋芫荽係好特別嘅香辣，如果下次再嚟，我想試吓其他食物。…查看更多

10月2日星期六長週要返工，到收工已經係下午2:30，肚仔有啲餓，想食返個下午茶，近近地去附近燧記試吓佢哋嘅下午茶，叫咗一個麻辣醬雞炒腸粉飲可樂價錢唔係太貴$38，侍應送到上枱睇落賣相唔錯，熱氣騰騰都幾香，但係食落發覺有啲唔多妥，就係鹹咗啲，好彩叫咗罐可樂又夠凍，食咗三份之二，最後頂唔順太鹹唯有放棄，我向個侍應反映問題，佢話雞肉係師傅預先醃好，煮好之後再加花椒粉，唯有提提廚房留意吓。 其實之前都喺度食過晚飯幾次，環境舒服乾淨清靜，食物有質素，侍應服務有禮貌，但今次真係令我有啲失望，不過侍應態度都唔錯很接受客人意見，真心希望佢哋真係會改善問題。…查看更多

同朋友行完駱駝漆大廈樓上舖，又到晚餐時間，見有間食花膠雞湯米線，就入去試食。坐低咗朋友叫花膠雞湯米線，我叫花膠雞湯配上海麵，不到10分鐘侍應好快送到上枱，見到啲上海麵好幼，唔似喺上海麵舖食嘅上海麵，於是問問待應是否搞錯呢？侍應話冇錯，我就開餐喇，首先覺得碗麵不太熱，再飲啖花膠雞湯，中伏！發覺有味精，食啖上海麵，感覺一口粉漿，俾朋友食一啖，佢話類似壽桃牌上海麵，重要係煮過龍，另外啲雞淡而無味！二撇雞唔會再幫襯！！無下次！！如果下次想食花膠雞湯米線，就算路程遠我都係會入元朗食「時時食」呢間小店，一樣係食花膠雞湯米線，人哋收$106真材實料真心做出美食👍🏻…查看更多

今日經過將軍澳厚德街市見有間新樂園魚蛋粉，因為好耐無食，就入去坐低叫咗碗魚蛋粉，阿姐一遞埋嚟就心知不妙，啲魚蛋無魚味只有添加化學味道，魚片頭係白色三角形，同將餐牌寫炸魚片頭，炸到金黃色相片相差好遠，真係中伏，一句到尾…唔好食…從來未食過咁差😓…查看更多

2020年6月6日7:30和朋友仔係元朗行完街街要搵啲好野食吓，行到落雞地見有間潮州菜館叫「飛陽砂窩粥潮洲打冷小廚」有個靚仔招呼我們，入到去見環境都算乾淨，坐低叫左鵝片拼墨魚🦑、豆卜大荳芽，先來個大荳芽，食落唔會太鹹太油膩，用咗麻油吊味，味道啱啱好，嚟埋個鵝片，未食過咁嫩滑嘅鵝片，墨魚🦑份量都唔小配上潮洲辣椒油真係巧巧味，下次入去元朗再食過。…查看更多

2020年6月6日下午2點和朋友試吓係淘大商場喱間神石燒，係門口有售賣機，㨂完食物入現金就可以入坐，一入到去已見到啲坐位唔太好坐，有啲迫，諗住食物好食就得啦！朋友叫咗個神石牛扒，我叫美國黑毛豬，原來食物還要自己去攞，揭開張紙見到嚿黑毛豬有啲血唔太熟，問問侍應佢話半生熟都食得，我只好切開細細件再用塊黑石加熱，食落口好難咬開，全件黑毛豬只能食落肚得3份1，我朋友話啲牛扒都係一般，唯獨係追加的燒蝦可接受，要我再去食？不了！…查看更多