HazelChan1328的个人专页

見佢評價唔差，價錢又相對實惠，所以即管外賣試吓，但應該冇下次。沙律價錢比意粉貴少少，以為質素應該好少少，點知勁唔新鮮，啲牛油果有黑點又硬（未熟），啲沙律菜又霉霉地，有少少失望😮‍💨…查看更多

我唔係慕名而來，我唔識咩Lost Stars, 亦唔知佢有live show，我係純粹因為個商場搞promo而買咗佢間餐廳嘅餐飲券。而啲卷就快到期，所以先book佢。唔book猶自可，一book就有WhatsApp message，有SMS，有email提醒你交訂金同佢餐廳規矩，為咗唔想嘥咗餐飲卷，所以照做。講返食飯當晚，去到個商場簡直一個空城咁，好不容易先搵到個保安問間餐廳喺邊。間餐廳環境唔錯，但一坐低個侍應就講佢公司嘅規矩，話一定要每人至少order一個main同一杯野飲。咁就睇吓食乜，餐廳燈光有啲暗，要用電話電筒照住先睇到個menu。想落單，個侍應又重複佢公司嘅規矩話每一個人一定要order至少個主菜同一杯嘢飲。到落單時，我唔記得個菜名就話要嗰個waterfall cheese乜乜，侍應一聽，大為緊張，就即刻話尼個係小食，又重複每個人至少要有一個main同一杯嘢飲，我話嗰個係pasta黎架喎，佢先話咁ok。或者我EQ低，當被佢哋再三提醒我地每人一定要至少order一個main同一杯野飲，我真係有啲不耐煩。好彩食物ok，而當晚嘅表演者水準唔錯，否則一定負評佢。…查看更多

唔係衞詩雅介紹，都一直唔知自己走寶，我成日去柴灣康民街健康院復診，都會經過呢度，因為工廠區，所以平時只會急急腳離開，唔會專登入巷仔望下有咩食。呢間舖頭一定唔係講裝修，亦都唔係講環境，主要食味道，唔會好驚艷，但係我細個食嘅車仔麵嘅味道，好正！我叫咗一碗公司麵拎走，即係乜都有，加咗少少辣又見佢落咗好多豉油，但絕對唔會鹹，味道啱啱好。即使拎咗好遠路程，返屋企翻叮嚟食，依然覺得好好味，尼種味道已經唔係好多地方都可以食得到，好值得保留！…查看更多

呢排食好多火鍋，呢一間係唯一值得讚嘅一間。首先佢哋服務好好，啲阿姐服務態度一流，而且本身佢哋話明7:00食到9:00，但最後我同朋友吹水吹到11:30佢哋都冇叫我哋離開👍🏻！另外，可能台式火鍋比較適合我個人口味，感覺滋補，好味，食材又新鮮，今次體驗唔錯⋯⋯…查看更多

可能我對尼間嘢期望比較大，所以亦失望越大。老實講甜品質素好一般，個什麼芋圓甜湯底有啲苦澀味，雖然未至於食唔落但唔係咁好味囉。而杯什麼楊枝甘露滑嘟嘟，許xx好過佢，有啲唔知想點嘅感覺，係個綠野仙蹤叫食得下但絕對唔出色，平平無奇…查看更多

裏面係一啲古舊嘅裝修，有啲枱背面只係用板隔住，每次有些少郁動，就撞到塊板，極為不便。疑似餐廳經理，黑口黑面，態度唔太友善，但其他員工的態度還可以。食材方面唔算新鮮，尤其個千層肚唔係爽嘅，勁林，口感麻麻。總括而言，一次夠啦，唔會回頭！…查看更多

外觀十分殘舊，但裏面係一貫成都風格嘅懷舊裝修，算係寬躺！除咗魚泡，十分之腥之外，其他食物亦算唔錯！不過冷氣勁行，一入去已經感覺寒意，唔知以為自己去左冰雪樂園，亦以為開咗爐就唔會凍，點知啲冷氣真係凍到震，係碗嘅牛油湯底凍到凝固，仲開埋風扇，真係吹到有啲暈，有趕客之嫌，之後經理仲不下幾次提醒7:30離開有折，又漏單，服務態度麻麻，如果正價真係唔值，試一次夠晒，冇回頭！…查看更多

同樓主一樣失望，食物選擇勁少，任飲要額外加$30都算，刺身沙律平價貨又唔新鮮，肉類質素又一般，重點係燒菠蘿都酸，又冇雪糕🍦食，尼個簡直係敗筆，尼餐生日飯好失望😞…查看更多

我們凖時早上11:30到店，可惜店還沒有開，唯有轉別家餐廳！隔壁花園餐廳已經開店，為什麼麻辣派對反而未開，還説可供人家預約早上11:30，可是店門也沒開，很沒意思啊！…查看更多

為了慶祝老爺生日，特地到杏花邨聖安娜餅屋買了一個小巧的芒果花語半磅蛋糕。原以為氹老人家歡喜，怎知吹了爉燭，切開及享用蛋糕時才發現芒果涵變味，味道還有點嘔心感覺，真的令人大失所望及掃興，對老人家來說簡直是大吉利是，生日流流吃一個變壞了的蛋糕，感覺有點不吉利及對不起他。所以希望寫下食評給聖安娜餅店讓他們檢討產品質量及注意食用期限。售買過期食物會有機會使人食物中毒，幸好今次我們及早發現，否則應該全部肚痛要看醫生啊！…查看更多

我們剛剛光顧了太古地鐡站附近的銀杏館（預約了陳小姐十四位晚上六時），餐廳環境及食物尚可，但有一位服務員態度非常之惡劣，我們下單時表現極之不耐煩，自以為是，還大聲說你們只下了十個主菜，之後我們追加兩個主菜，可惜漏單不特止，問他要多一本菜牌又話供應不足，但隔離枱人數少過我們都給四本，分明看不起我們。之後發現漏又一走了之，要我們找另一老人家幫忙追單，此人實在太可悪。因為此人，一定無下次，總之一句「極之差差差」.…查看更多

我們剛剛去了太古地鐡站附近的銀杏館（預約了十四位姓陳晚上六點)。餐廳環境及食物尚可，但有一服務員態度非常惡劣，我們下單時極之不耐煩，自以為是，可惜漏單不特止，問他要多一本菜牌又説供應不足，但隔離枱人數少過我們都給四本，分明看不起我們，實在太可悪了。另外，當我們發現漏單，他便一走了之，要我們勞煩另一老太太員工幫忙追加。因為這個人，我們一定不會再光顧銀杏館��他實在極之差差差..............…查看更多