Elsie Noo的个人专页

好耐無嚟旺角，同friend去旺角食嘢，friend推介去部屋咖啡室食dinner，位於登打士廣場12樓，樓上cafe，油麻地站A2出口行大概五分鐘就到，好容易搵到，非常方便😆上到餐廳一出lift就見到餐廳門口，環境安靜，座位到好寬落，坐落舒服👍🏻非常適合約埋三五知己一邊食嘢一邊傾計，仲有board game可以一齊玩😝餐牌有唔少款式可以選擇，特飲每款都顏值高好吸引，而且菜式每款都想試吓😋香辣虎蝦海鮮意粉🦐每條意粉都包裹著香辣醬汁同茄汁，意粉煮到啱啱好😄大大隻虎蝦喺意粉上面，仲有兩隻大青口，每啖意粉都食到青椒、洋蔥、海鮮同醬汁，真係好享受😆BBQ烤雞蘑菇PIZZA🍕份量好足嘅pizza，秘製BBQ醬汁芳香四溢，外脆內嫩嘅烤雞肉好juice，搭配清爽洋蔥同蘑菇，令味道層次更加豐富，咬落一啖非常滿足😋越式炸蟹餅🦀外層黃金香脆，外脆內軟，材料好豐富，十分厚身，仲可以食到絲絲蟹肉，搭配越式甜辣醬汁，增添另一種風味😄MOCHA☕拉花好靚呀！顏值好高，咖啡味同朱古力味十分香醇濃郁，同絲滑鮮奶完美融合楊枝甘露🍹好濃厚芒果沙冰，仲有唔少紅柚肉，食落好fresh，又冰又爽，除咗芒果沙冰同紅柚肉，仲有Q彈寒天，增添QQ嘅口感…查看更多

好耐無晚市堂食，開返之後即刻約friend去食餐勁嘅🤤想食麻辣惹味嘅川菜好耐啦！同事同我推介十二味，正宗麻辣川菜，一於決定同friend去食！😍餐廳唔算難搵，出地鐵站大約八分鐘就到，餐廳環境唔錯，門口係好中式嘅紅色窗，入面好寬落，坐落都好舒服👍🏻侍應姐姐服務好好，好熱情同我哋介紹招牌菜式😁人見人愛酸菜魚🐟酸菜魚份量好足呀😍酸菜魚湯頭濃厚，而且酸度同鹹度啱啱好☺️大大塊魚肉嫩滑鮮甜，啖啖都係厚身無骨嘅魚肉😝仲有酸菜份量都好足，一啖魚肉一啖酸菜，真係十分享受😆燒椒皮蛋🥚醬汁真係好惹味，又麻又辣又香，醬汁有d似口水雞嘅汁，皮蛋結實有彈性，食完皮蛋都仲感受到皮蛋嘅清香😋熱情果蘇打🍹柚子茶🍋兩杯飲品都好清爽🍃食麻辣嘅川菜，飲杯fresh嘅飲品，解膩又解渴😄…查看更多

「是但求其食」呢個名真係好有趣呀！同friend講咗之後，我哋一拍即合決定收工一齊去「是但求其食」😌入去見到餐廳環境不錯，裝修好花心思，墻上有好多黑膠碟，天花仲有投影嘅海底動畫🤩Staff同我哋推介菜式，另外嚟緊仲有free flow 任飲紅酒白酒sake生啤嘅活動😍😍餐湯餐包🎃🍞餐湯係南瓜湯，湯好濃郁呀！仲食到少少南瓜肉，帶有清香嘅南瓜味。餐包係烤多士，烤得好脆，浸喺南瓜湯度食，正呀！😍法國白酒煮蜆🍾味道好濃郁，湯汁非常入味，蜆肉大隻又飽滿，蜆肉同濃郁嘅湯汁一齊食，真係好滿足呀😆黑松露野菌pizza🍕pizza餅底係脆薄嘅餅底，好似餅乾咁，每一啖都食到黑松露嘅香味，野菌同芝士份量都唔少，香脆嘅餅底同黑鬆露野菌芝士搭配，完美！😝香煎帶子墨魚汁意粉🍝有兩粒非常大嘅帶子！！😆帶子煎得好香，好似燒烤嘅味道，墨魚汁意粉煮得啱啱好，煙韌有咬口😊白桃蘇打 🍑Cappuccino☕白桃蘇打好fresh！飲落啖啖白桃清香，仲有新鮮白桃肉！Cappuccino有濃郁嘅咖啡香味，綿密嘅奶泡，口感好豐富…查看更多

湯：忌廉龍蝦湯 （是日餐湯）番茄湯龍蝦味未飲已經聞到。蕃茄湯飲完有番茄嘅酸甜，刺激味蕾，好開胃。香煎豚西冷扒拼北海道檸檬鹽烤雞配薯菜豚西冷扒煎得好香，肉味濃郁，同醬汁好夾。烤雞都係一流，外皮好香脆，雞肉肉質鮮嫩，配上少少檸檬、鹽味，成個口感唔會膩，令人食到停唔到口。美式BBQ烤手撕豬菠蘿芝士漢堡配薯條手撕豬好特別，有燒烤香味。中間係美式漢堡靈魂芝士，再配上菠蘿，多汁又有清爽。係一個新奇又好食個漢堡！蘋果吉士醬酥皮蘋果黃金脆脆雪糕先係一層層酥脆外皮，包住暖暖地嘅清甜蘋果，點啲凍凍地嘅雪糕，可以話甜同清平衡，暖同凍嘅雙重享受。係一道要狂比like嘅甜品！飲品：芝士奶蓋牛油果沙冰 香橙特飲牛油果愛好者必選，牛油果味特別濃郁。有橙肉係底，口感好清爽解膩。…查看更多

最近發覺長沙灣有好多又靚又美味嘅cafe☕想同friend悠閒咁嘆翻個靚靚lunch，經過長沙灣呢間瘋鳥cafe，覺得幾吸引呀，咁就喺瘋鳥嘆lunch啦😍一入店鋪，好多鳥嘅裝飾🐦木紋嘅裝飾，非常小清新😆店員好熱情招呼我哋，仲有介紹菜式，啱好有lunch menu，好多款式選擇，而且價錢親民，CP值好高呀‼️🍔焦糖洋蔥豬扒漢堡配美國薯條豬扒好好好大塊！！😱炸得香脆又juicy！成個漢堡都好大個！😍裡面有焦糖洋蔥同新鮮洋蔥，第一次食咁特別嘅焦糖洋蔥豬扒漢堡，洋蔥同豬扒非常夾，🧅洋蔥讓到漢堡嘅味道提升到另一個層次😁薯條🍟炸得啱啱好🥗煙三文魚沙律（紅酒醋汁）有時候清清啲食下健康沙律都係唔錯嘅選擇，煙三文魚好大塊呀😆搭配紅酒醋汁，唔怕沙律醬會好高卡路里，紅酒醋汁酸酸哋，仲可以食到紅酒嘅味道🍷🐔日式南蠻炸雞翼炸得好香脆，肉質嫩滑，好入味，裡面仲有肉汁，配他他醬酸甜好開胃，係一份十分美味嘅小食😋🍵英式紅茶🍵薄荷茶午餐可以免費搭配一壺熱茶，非常抵呀👍🏻而且一壺熱茶一個人飲唔嗮，份量好多，非常香茶味，食完嘢飲啖茶可以解膩之餘，仲可以品嘗到茶嘅美味☺️呢餐非常豐富，真係嘆到靚靚lunch呀😁…查看更多

同同事出旺角做嘢，午餐食飯唔知食咩好，經過砵蘭街見到呢間長阪燒日本餐廳，好似幾唔錯，兩個人都鐘意食日本料理，就決定食呢間啦😄入到門口見到店鋪嘅裝修都非常日式，仲有自釀梅酒🍶環境都非常唔錯，坐落舒服，墻上有好大幅畫作，可以見到老闆對店鋪嘅裝修非常有心😍menu嘅嘢食有好多選擇，午市時間有lunch set，我哋決定嗌兩個set，壽司同茶碗蒸☺️🥗兩個set都有麵豉湯，小食，和風沙律。餐前配菜非常豐富呀😉🐷🍜阪膳吉列豚稻庭烏冬吉列豬扒炸的非常香脆，外脆裡嫩，裡面好多肉汁😆即炸新鮮熱辣出爐，搭配稻庭烏冬真係絕配，烏冬煙韌有咬口，煮得啱啱好😁🐟🍚蒲燒油甘魚扒定食蒲燒鰻魚食得多，蒲燒油甘魚扒真係第一次食呀🧐好想試下究竟係咩味。食咗先知，原來蒲燒嘅油甘魚扒都非常好味😆魚肉鮮嫩，醬汁香甜，搭配白飯真係忍唔住食多幾啖飯呀，非常餸飯😝🍣火炙京蔥三文魚🍣醬燒熟蝦🍣蔥粒吞拿魚蓉小卷🍣飛魚子軍艦四款壽司每一款都好好味，而且好抵食，仲好新鮮😍茶碗蒸茶碗蒸好足料，裡面有好多料，蒸蛋好嫩滑，作為呢餐嘅完美ending😋抵食又美味，而且非常飽肚😁兩個人幾乎食唔嗮，下次仲會嚟食！😋…查看更多

冬天最啱打邊爐啦🥘約埋friend一齊嚟悅來坊呢間牛の鍋火鍋放題打邊爐，好正！😍價錢唔會好貴，全場任食任飲，配料選擇種類好多，而且好新鮮，飲品種類都唔少，想飲咩就飲咩😁火鍋最緊要係湯底啦，原來湯底嘅選擇都好多呀，有八款可以選擇，仲可以鴛鴦，我哋樣樣都想試，最終揀咗麻辣燙同蟲草花松茸湯，有辣有唔辣😆牛肉同豬肉都好新鮮，食落非常美食，肉質唔錯👍🏻除咗肉類仲有海鮮，海鮮好鮮甜，而且都好大隻呀😆各式火鍋配料任我哋選擇，美味爆燈！😉仲有好多款熟食，打邊爐之餘仲可以食到小食串燒壽司等等😋最後嘅重頭戲梗係甜品啦！咁多款甜品真係每一款都想試呀，而且每一款都咁好味😍呢餐非常豐富😋…查看更多

有朋友話The captain house嘅海鮮shake shake袋非常特別，而且海鮮好好味，今日就去試下啦😁海鮮shake shake袋🦐海鮮我哋揀咗海蝦，活青口，活蜆，海鮮好清甜新鮮，我哋揀咗蒜蓉汁，醬汁非常惹味，同海鮮非常夾😍除咗海鮮之外，仲有甜粟米、薯仔同埋豬肉腸😋白酒煮活青口🍶青口肉質厚實，食落非常新鮮，有香濃酒味，仲有粟米墊底，粟米鮮甜😄黑松露野菌蝴蝶粉🍝蝴蝶粉好彈牙，有滿滿嘅黑松露醬，每一啖都可以食到蝴蝶粉以及黑松露醬，味道好濃郁🤗Blue Ocean🌊飲品係藍色，顏值非常高，飲落有荔枝味好freshPeach on the Beach🍑以新鮮青檸、桃、薄荷葉和薑汁汽水混和而成，非常清新，清甜水果味New York cheesecake🍰甜品係 Cheese Cake，餅底同芝士混埋一齊，黏糯濃郁，口感同味道非常特別…查看更多

聽聞觀塘有間食火鍋放題嘅餐廳，入邊嘅酸菜魚超級好味😍鐘意食酸菜魚嘅我絕對要去一試，約埋同朋友一齊去食淥鼎記dinner🤗餐廳位置都幾好搵，出觀塘站唔洗行好耐就到啦，見到門口嘅裝飾都好特別呀😆我同朋友揀咗B餐惹味火鍋放題，非常豐富，有酸菜魚或麻辣雞煲可以揀，仲有3款海鮮盤，美國精選肥牛，黑豚豬肉片，紐西蘭羊肉片，雞件，墨魚滑，蝦滑可以嗌，仲有任食火鍋配料，正‼️😝我哋揀咗酸菜魚，超級超級大盤‼️‼️😱😱份量好多，好多魚肉呀‼️魚肉片勁大塊‼️而且魚肉超級嫩滑，可以食到係非常新鮮嘅魚肉😍酸菜嘅酸味同湯底嘅辣味麻味恰到好處👍好耐無食酸菜魚嘅我真係好味到感動到要喊咁濟😭😭食完酸菜魚我哋開始食火鍋，我哋揀咗花膠美人鍋，鍋底好清甜，仲有幾塊好大塊嘅花膠😝海鮮拼盤嘅海鮮非常新鮮，蝦肉同蜆肉鮮甜美味😄黑豚肉同肥牛都超級正‼️火鍋配料嘅選擇非常多，配料都好新鮮，飲品都非常多選擇🥰非常滿足嘅一餐呀👍價錢唔會好貴，下次會再同朋友過嚟食😜…查看更多

聽聞Gram cafe & pancakes係日本超人氣班戟店🔥鐘意食pancake嘅我梗係唔會錯過啦‼️😆依家唔洗飛日本都可以食到，同fd行過尖沙咀The One決定就去試下啦😋🍓清酒士多啤梨火山流漿班戟🥞我哋叫咗每日限量供應嘅清酒士多啤梨火山流漿班戟，除咗賣相精緻之外，仲非常好玩㗎‼️😆上碟嘅時候係用膠邊封住，除咗膠邊之後，流漿嘅士多啤梨醬就會流曬出嚟😱士多啤梨會啱啱好跌落pancake中間位，仲有好靚花紋，超級正😍粉紅色嘅士多啤梨班戟🍓少女心💕爆棚嘅我真係忍唔住影多幾張相呀😘食落有啖啖嘅清酒味，仲以為酒精味嘅pancake會唔夾。原來清酒同士多啤梨讓我哋有意外嘅驚喜🤩啖啖嘅清酒回味著清甜嘅士多啤梨，仲有濃郁嘅吉士醬，回味無窮！😋☕意大利芝士蛋糕班戟🥞有三層pancake，三層班戟上面都鋪滿提拉米蘇粉，好似蛋糕咁🥞賣相非常吸引！❤️每一啖pancake帶有咖啡嘅味道☕仲可以食到提拉米蘇嘅味道，pancake口感厚實，一層一層嘅口感好正😍裡面有超多吉士內餡，非常香濃綿滑🤗甜度啱啱好，口感非常豐富，有層次感😋🍑蜜桃沙冰🍧蜜桃沙冰入口瞬間立即感受到蜜桃嘅酸甜，仲有啖啖清香蜜桃味🥰☕特濃咖啡沙冰🍧咖啡味非常濃郁，唔會太甜，口感綿密👍…查看更多

今次我地叫左「招牌龍蝦海鮮鍋」🦞一上來，嚇親！勁大個龍蝦⋯⋯😱😱開火煮，個龍蝦仲識郁！？😆生猛到唔敢相信，慢慢一陣陣龍蝦香味飄出來，龍蝦肉質緊實，風味濃厚😋👍見到「新鮮美國桶蠔」🦪我地又「哇⋯⋯」出聲😆差唔多成個女仔拳頭咁大。咬落爽滑又鮮甜，強烈建議唔好點豉油，配合少少龍蝦湯底，個鮮味特別特出，咁先叫食海鮮！🤩「桂花蚌」鮮嫩爽口，少少脆脆地，又彈牙，食到好想再order一碟😍「本地新鮮吊籠伴」，肥瘦啱啱好，勁Q。先由龍蝦湯帶入味，再回番個牛肉個鮮，口感層次豐富😋「頂級安格斯肥牛」🐂筋紋靚，油脂均勻，油腴爽俐，真係食得出嘅「頂級」‼️😍「柚子沙冰」柚子味較濃郁🍧「波羅沙冰」清爽滑喉🍧…查看更多

行到蘭桂坊，見到間「梅蘭菊竹」嘅酒吧，食泰國菜，齋聽個名已經覺得好特別啦，入去試下先！😋入到酒吧入面，裝修非常特別，雖然喺暗黑嘅環境下，但係粉色嘅櫻花🌸同埋色彩繽紛嘅燈光🎆令到呢個環境顯得非常浪漫🥰🔸泰式生蝦刺身泰國必食名菜之一梗係唔少得泰式生蝦刺身啦！🦐生蝦肉質緊實富彈性，味道爽甜鮮美，再配上生蒜、辣椒以及秘製嘅醬汁，不但可以殺菌，仲可以帶出蝦肉嘅鮮味，將蝦嘅鮮甜提升到另一境界，呢道前菜，好正！🤩🔸泰式串燒泰式串燒有三款肉類，分別係牛肉、豬肉以及雞肉，心大心細唔知食邊款串燒，呢道泰式串燒就最啱我哋啦，每一份串燒都燒得十分香口，就咁食已經非常美味，搭配沙嗲醬簡直係回味無窮呀！🤗肉質好嫩滑又juicy，完全感覺唔到柴，食完一串接著一串，食唔停口呀！🤤🔸泰式黃咖喱泰式咖喱係泰國菜嘅經典菜式，嚟到泰國餐廳食嘢，肯定要食下佢地嘅咖喱啦！咖喱唔會好辣，而且咖喱味非常濃郁，配料好豐富，有肉同蔬菜，係好健康嘅搭配呀！😉我哋將泰式薄餅沾上咖喱汁，薄餅浸泡咖喱汁，令到薄餅充滿咖喱味，好美味呀😋🔸泰式炒金邊粉呢個金邊粉真係十分出色，大虎蝦炸得非常香脆，而且真係好好好大隻呀！😱蝦肉好結實，外皮酥脆，好驚喜！金邊粉炒得好有鑊氣夠乾身，食落甜甜啲，亦都鹹香可口😆🔸Clover Club🍸呢杯嘢好靚呀！😍粉紅色非常少女心，飲落口酸甜適中，果香豐裕，面層係蛋白泡沫，飲完回味，酒味濃烈卻不膩口😊🔸Sex on the beach🍸相當順口嘅一杯果汁酒，清清甜甜，飲落口可以回味到水果嘅芳香，最啱女仔飲🥰餐廳夜晚仲有live band 演出🎤🎼演出非常精彩 ，食客可以點歌，仲可以同上台同樂隊一齊唱，成個環境非常有氣氛☺️食住美味嘅泰國菜式，融入到咁歡樂嘅環境中，十分享受😍…查看更多

聽聞輕鐵景峰站附近開咗間台日式料理，鐘意搵嘢食嘅喲肯定唔會錯過啦！！依家仲有試業優惠，正！😄見到門口裝修非常小清新🍃木質裝飾風格簡潔，寫住木玥巷。入到餐廳，見到墻上掛住好多木棉同花花🌾💐餐廳整體以木為主調裝飾，好靚呀！😍店員好熱情招呼我哋，午餐時間好多人好熱鬧，我哋坐喺靠窗邊嘅卡位，好大嘅玻璃窗可以望到出邊，果日天氣非常好，陽光燦爛，睇住出邊個景色食飯，非常愜意，好舒服☺店員同我哋介紹咗招牌菜式，款式都唔少，而且款款都係經典菜式，雖然我哋得兩個人，但係真係每一款都好想試呀！最後我哋揀咗非常經典嘅台灣菜式！😄紅燒牛肉麵🍜賣相好靚呀！牛肉滷得好入味，夠曬腍！份量都唔少㗎！而且麵質粗身，食落好爽口。麵食最緊要係湯底，湯底飲落好美味，搭配牛肉同麵好正！仲有蘿蔔，好fresh，真係食過翻尋味！😋蒲燒鰻魚飯🐟鰻魚燒得啱啱好，而且醬汁搭配得好好味，唔會太甜或者太鹹，香甜可口，魚肉唔會腥。鰻魚骨係細骨，而且骨唔會太多，鰻魚肉質嫩滑，搭配飯簡直一流！芝士年糕🧀除咗主食之外我哋仲叫咗小食，芝士年糕入口軟滑煙韌，內裡係香濃嘅流心芝士，食落好滋味😆鹽酥雞🐔台灣小食一定唔少得鹽酥雞，外皮脆卜卜，鹹香惹味，啖啖香口雞肉，仲有秘製醬汁，中和咗油膩感😋木玥招牌水果茶（西柚）🍹好大杯！勁大杯！超級大杯！😱好驚訝水果茶咁大杯，出邊水果茶嘅兩倍！真水果！茶味好香濃，大片清新西柚，好足料，酸爽滋味，開胃又解渴！👍呢餐真係好美味嘅一餐呀！😍…查看更多

最近疫情好轉，終於可以同fd去旺角食下嘢啦😋路過雅蘭中心見到有間台式火鍋店，叫夫妻沸片。原來係台灣過江龍，主打麻辣火鍋，決定同朋友入去試下!!!😬入到餐廳，好有氣氛呀!! D餐具好精緻呀，位又闊落，最啱一家大細黎食！！點餐係掃QR Code落單，有好多套餐可以揀，亦都可以單點食物。我地人仔細細，揀左個二人套餐。天氣轉涼，叫左個暖男鍋補下佢先。☺️湯底有人參紅棗淮山，開動之前要飲啖湯先，享受下精華所在🤤二人套餐入面有美國肥牛，牛舌牛丸，黑毛豬，雲吞，仲有素菜拼盤，好豐盛呀😍牛肉好鮮嫩，入湯一陣就可以食得啦。雲吞係鮮蝦雲吞餡，蝦肉好彈牙，正🤤牛舌有咬口，加d醬料，真係一流呀。隔離仲有自助水果可以任摞，打邊爐驚食得滯，呢個時候最啱食D聖女果消下滯😏兩個人食到飽飽，滿足。😋😋…查看更多

今日嚟荔枝角嘅D2 Place 睇下手作市集，行行下覺得肚餓，聽聞D2有間高質西餐，美味扒房，朋友都有介紹覺得唔錯，決定去試下先😋Food Garden ETC喺D2 Place 一期三樓，行完市集上樓上就係啦，好方便‼️😄門口嘅裝修望落簡潔而高級！餐廳環境唔錯，有feel😍坐落好舒服！Staff好熱情招呼我哋💕由於啱啱好餐廳搞緊清潔，Staff會提醒我哋小心地下滑，仲會好貼心同我哋推介菜式🤗✨澳洲牛肩肉8安士🥩扒房梗係要食牛扒啦！我哋嗌咗澳洲牛肩肉，7成熟，牛肩肉脂肪分佈平均，肉質好嫩滑又juicy，唔會起根。少少海鹽就可以帶出牛肉原本嘅香濃肉味，搭配紅酒汁可以令到牛肉嘅味道提升到另一個層次，食嘅每一啖牛肉都係食緊一種享受👍✨冬陰功海蝦帶子意粉🍝冬陰功湯食得多，冬陰功意粉真係第一次食，食落係一種好特別又好驚喜嘅味道😍食咗第一啖又想食第二啖。有少少辣，但係可以接受，帶子同海蝦好大隻！而且好鮮甜。冬陰功海蝦帶子意粉嘅味道好match，係值得嘗試嘅味道😉✨薄荷泡沫咖啡🍃☕冰涼薄荷搭配香濃咖啡，令到咖啡充滿清新嘅味道，飲落口有全新嘅體驗，飲完味道清涼嘅薄荷泡沫冰咖啡，令到仲炎熱嘅天氣，都覺得舒服好多😆✨山楂洛神花茶🌸🍵山楂洛神花茶美容養顏，活血消脂，仲有抗衰老，清熱降火嘅功效。茶壺同茶杯好精緻，花茶飲落好清新，加入蜂蜜酸酸甜甜，食完牛扒飲啖花茶都唔洗驚油膩啦😝✨香蕉Pancake朱古力雪糕🍌飯後甜品一定唔少得！餅皮唔會太厚，清新香蕉搭配香濃嘅朱古力雪糕，超正‼️為呢餐咁美味嘅dinner作出完美ending😉…查看更多