tmc.66的个人专页

第一次食呢間係冷氣商場内嘅茶餐廳，睇到有好多自家製嘅易攜凍飲樽裝絲襪奶茶，最貼心咩甜度都有，無論係無糖、少甜、少少甜、茶濃版同茶走都有哂。當然點會少得港式地道美食同糖水，見到賣相都十分之吸引。濃情糖心蛋豬軟骨飯肉質較嫩，軟骨部分軟中帶韌，充滿膠質，唔似坊間完全只得軟爛嘅質感。沙嗲牛肉軍艦餐在中間的牛肉餡堆得飽滿，滑牛餡料好多，沙嗲醬濃郁，花生脆增加左口感，令口感更豐富。多芒爆珠楊枝金撈我至愛！食材新鮮度同口感創意上都好出色，用左爆珠增添左新意，芒果香甜、西柚又唔酸，爆珠又驚喜融合，清爽解膩，令人回味嘅甜品。芋圓芋泥大滿貫性价比很高，食材選擇同口感搭配上都好用心，芋圓Q彈、芋泥軟糯綿密，每一啖都食到芋頭嘅清香。惹味X醬煎腸粉餐有腸粉嘅嫩滑，又有煎過嘅焦香，加上惹味秘制X醬，風味更豐富。紅豆珍珠絲襪奶茶絲襪奶茶絲滑感做得很到位，紅豆煮得軟糯，珍珠Q彈。海鹽焦糖絲襪奶茶香濃，好中意佢甜中帶咸，但又唔會好甜，岩岩好。…查看更多

呢間黎巴嫩餐廳嘅環境真係好吸引，每個位置都係影相位，岩哂中意打卡嘅女仔～食物比我想像更易入口同埋好特別，融合了多種特色食材，製作出別具一格嘅風味，睇得出好有創意同好用心。Arabic Mint Tea（阿拉伯薄荷茶）呢個盛住薄荷茶嘅茶具真係好優雅，好似係皇宮被招待咁。薄荷茶好清新，解膩又透心涼，岩哂依家咁熱嘅天氣。CHICKEN SHISH TAWOOK（烤雞肉串）呢個係lunch set，有湯， 小食包括鷹嘴豆蓉、紅菜頭鷹嘴豆蓉、薄脆紅石榴醬沙律同炸鷹嘴豆餅，賣相同味道都好獨特。雞肉醃制入味，濃郁中東香料味完美滲透其中，孜然、肉桂等香料都營造出特別且層次豐富嘅味道。Shrimp Fatteh（金沙蝦乳酪拌飯）勁欣賞呢個，蝦肉飽滿彈牙，乳酪撈飯一齊食真係幾夾，酸酸甜甜，真心好味喎。配料有松子仁同脆片，口感層次豐富。Rice Pudding （米布甸）軟糯，入口即化，係獨特嘅口感，又唔會好甜，輕輕加左肉桂粉就令味道更昇華。…查看更多

上次食過2人餐又抵食，份量十足，今日同埋屋企人又黎，係食3人餐。泰式香茅豬扒煎蛋飯呢個醬汁唔係預期內既香茅豬扒味，係特別嘅風味，不過有啲咸。越式海鮮春卷包生菜米網外皮炸到香脆，生菜的清新爽脆，搭配各種餡料，層次豐富。冬蔭公豬扒湯河粉呢個湯底有啲辣，唔食得辣唔好叫啊，食得辣嘅就一定要叫，湯底勁濃郁，酸辣開胃，係我今餐最中意～香茅豬扒入晒味，濃郁香料味，香茅嘅獨特香氣，河粉吸飽咗冬蔭公湯底濃郁嘅滋味，好出色。泰式鮮蝦餅蝦肉鮮嫩Q彈，緊實彈牙，再蘸上搭配嘅泰式甜辣醬，酸酸甜甜，瞬間令蝦餅嘅味道昇華咗。青咖喱雞扒飯青辣椒替代了乾紅辣椒，口感酸辣甜清香，是咖喱界小清新。雞肉嫩滑同青咖喱濃郁嘅味道完美結合，每一啖都充滿了東南亞的風情～青咖喱醬汁撈飯食簡直得絕配。泰式火山排骨造型超吸睛，排骨堆成小山狀，似火山一樣，肉質鮮嫩多汁，輕輕一嗦，骨肉分離。靈魂在於獨特嘅青色泰式酸辣醬汁融合左檸檬嘅清新酸再加上魚露鮮味，味道過癮。…查看更多

出名食雞煲海鮮火鍋既家嫂，原來平時都有午市套餐，仲要有小菜、小食同米線㗎！我揀咗金銀蒜澳洲帶子蒸飯同酸菜魚米線套餐，份量都唔兒戲😱有被震撼到，餐牌仲話可以無限添加任飯同湯，但我成碟都食唔晒，食到好飽。金銀蒜澳洲帶子蒸飯呢個套餐好豐富，有燉湯、生果同青菜，金銀蒜澳洲帶子蒸飯好好味，入哂味，澳洲帶子份量多，飽滿又柔嫩～入面仲有啲粉絲，同飯一齊食，豐富咗口感，好煙靭彈牙🩷推介！酸菜魚米線起碼兩至三人份量，超大碗，都只係$55😱😱勁抵食！不過佢係用左龍脷柳魚肉，仲有幾塊鴨血，一人真係食唔哂。小食我地叫左松露蝦多士、家嫂陳醋小籠包、街邊醬炒蜆同紅糖糍粑，款款各有特色。松露蝦多士香脆鬆化，雖然係炸，但我食落又唔會覺得好油膩喎。家嫂陳醋小籠包呢個造型好可愛，唧完甜醋後自動流落小籠包內，味道ok，但如果有汁會更好味🤤街邊醬炒蜆呢個豉椒汁唔錯，炒蜆沾上濃郁既鹹香豉椒醬汁，令人食指大動。紅糖糍粑呢個係我最鍾意，係流心咖，紅糖唔會太甜，糍粑煙韌，外脆內軟，真心正！食咗咁多熱氣嘢，我點咗杯蘋果雪梨茶同話梅檸檬可樂，食飯前飲又開胃又解渴，食完飯飲又可消滯，兩杯都唔會太濃味，可樂味淡。…查看更多

尖沙咀內巷棉登徑有好多日餐，呢間令我覺得係同日本既水準不相伯仲💜職員好有禮貌，食物質素又高，精心烹調。我哋揀左二人餐👍🏻前菜前菜係蟹籽沙律同三款漬物，蟹籽沙律新鮮，開胃，漬物有醃白蘿蔔、原粒蒜頭同牛蒡。每款漬物睇落單調，但味道就好有驚喜，真心係衝擊味蕾個隻！開頭以為係普通醃酸白蘿蔔，點知係用左子薑醃，酸酸辣辣好特別。蒜頭又以係用普通辣椒醬，點知食落有木魚絲既味道，完成無違和感，又中和左蒜頭既重口味。牛蒡用左甜醬汁醃，但有小清新感覺。刺身四點拼盤分別有拖羅、三文魚、油甘魚同甜蝦。厚切刺身又點少得，刺身非常新鮮又肥美，我以往都唔係好鍾意食拖羅，呢個拖羅竟然令我一試愛上，脂肪分佈如雪花，入口即溶，大讚👍🏻壽司拼盤有赤身、深海池魚、真鯛、帆立貝、金目鯛、日本海膽同拖羅蓉小卷。有幾款係出面好少食到既高級魚種，又幾特別。廣島蠔味噌菜鍋廣島蠔肥美，火候啱啱好，連裙邊都肉質細嫩。鍋內仲有水晶粉，煙煙韌韌，同味噌湯底好夾。黑咖喱湯豬軟骨稻庭鳥冬一上菜已有陣陣香氣，黑咖喱湯非常濃郁，豬軟骨淆煮到肉質軟嫩入味，軟骨部位口感爽脆香嫩。小食即炸即燒，好惹味。輕盈小甜點係雪米糍，飽肚2人餐，真係好enjoy今餐啊🥰…查看更多

荃灣市中心角落都有高級西餐廳，仲要估唔到連前菜都咁出色。前菜揀左布拉塔沙拉同藜麥煙燻三文魚沙拉，用咗好多好豐富嘅新鮮食材混撘，主菜就揀咗咖喱羊肉配薄餅同澳洲黑安格斯牛排配薯條。布拉塔沙拉其實係水牛芝士，配菜有火箭菜同蕃茄配意大利黑醋汁，好清新，水牛芝士味道唔會好濃烈，外皮Q彈，內裏柔滑似奶凍。藜麥煙燻三文魚沙拉藜麥粒粒飽滿，嚼起來富有嚼勁，煙燻三文魚咸香適中，蔬菜同番茄都脆嫩多汁，夾埋一齊飲口感豐富，但層次分明。咖喱羊肉配薄餅羊肉燉煮得軟冧又無羶味，充滿濃郁嘅肉香。每一塊羊肉都充分吸收了咖喱香料味，咖喱味道正宗且濃郁。配薄餅食真須好正，薄餅非常出色，外皮酥脆，內部柔軟有韌性，同濃郁嘅咖喱羊肉搭配好好。澳洲黑安格斯牛排配薯條肉質紋理細膩，我點七成熟，表面呈現誘人嘅焦香，裏面粉紅色，口感軟硬適中。薯條炸得外脆內軟。甜品Tiramisu +$20入口即化，勁大塊，同出面西餅個size一樣，但平過人地！可以清晰感受到每一層，融合之後嘅味道真係好出色。…查看更多

今日食我最中意嘅韓餐，之前食過一次晚餐覺得幾好食，今次帶埋屋企人嚟食，原來都有午市套餐，包左小食前菜（有甜酸青瓜、醬油蓮藕、醬油鵪鶉蛋同泡菜）、清湯同特色飲品。午市套餐-芝士四重奏手卷伴飯賣相精緻，色澤誘人，加麻油同辣椒醬攪拌，就可以自己用紫菜包住食，米飯沾滿醬料、芝士同配菜，甜甜地，口感豐富。午市套餐-咖喱牛肋肉鐵板飯現場即炒表現，2分半鐘煎牛肉，再加入咖喱同芝士碎就完成。將咖喱牛肉淋係飯上面，每一粒米都沾滿醬汁，有牛肉嘅鮮嫩味，咖喱嘅椰香味。午市套餐-辣泡菜豬肉豆腐石鍋湯飯呢個媽媽好中意，唔係好辣，石鍋‘’咕嘟咕嘟’‘，辣泡菜係靈魂所在，酸辣開胃，爽脆可口，仲有軟嫩嘅豆腐，入口即化～同泡菜、豬肉搭配一齊食，好滋味。卡邦尼年糕濃郁芝士香氣撲鼻而來，年糕被卡邦尼醬均勻包裹，年糕軟糯的口感，芝士濃郁奶香，再加埋旁邊嘅米通一齊食脆卜卜，每一啖都有豐富嘅口感。魚介湯鍋睇住鍋內豐富食材就超有食慾。魚糕超多，各種形狀都有，每一塊咬落去都滿滿的魚鮮味。湯底味道係淡淡的甜味，無腥味，飲落非常舒服。裡面還有鮮嫩的蔬菜、菇類、年糕，吸飽左魚湯嘅鮮味，超滿足。黃金蒜香無骨雞色澤誘人，蒜香撲鼻，瞬間勾起左我嘅食慾。蒜香味道超級濃郁但唔會刺鼻，完美滲透到每一絲雞肉纖維裏面，咸香中帶點微微嘅甜，呢種獨特嘅風味會令人一塊接一塊。…查看更多

朗豪坊新開嘅90分鐘一人一鍋日式放題火鍋好吸引😻有一般牛牛、特選牛牛、嚴選牛牛同黑毛和牛套餐共四款，最平$128已經食到。第一次食唔想揀最平嗰個餐，但又唔想揀最貴試，就揀左個中高價嘅嚴選牛牛套餐試下先。基本湯底都有9款咁多，我哋揀左黑蒜豚骨湯底同胡椒和牛湯底，之後就去自助bar拎其他醬油同配料，自助吧有各式各樣嘅蔬菜麵食、甜品同飲品。黑蒜豚骨湯底x胡椒和牛湯底黑蒜豚骨湯底呈現乳白色澤，唔算好濃郁，但黑蒜就增添左一股獨特嘅香氣，同埋都唔會搶咗其他火鍋配料嘅味道。胡椒和牛湯底嘅胡椒味好出，味道濃郁，有啲辛辣，同火鍋配料幾夾。個人覺得如果想食下靚牛牛放題，嚴選牛牛套餐已經好正，個套餐已經有牛舌，嚴選牛，穀飼牛，豬肩肉同雞腿肉任食，嚴選牛牛肉質軟嫩，較滑，口感已經豐富👍🏻當然想食埋海鮮就揀和牛套餐啦。呢度甜品有藍莓雲呢拿雪糕同小糕點供應，仲有toppings 自己加添😋都好滿足㗎～走嗰陣見到都有炸物小吃新鮮出爐，有章魚小丸子、雞軟骨、芝士薯波同煎餃子等等。大家有機會都試吓啦😋…查看更多

之前食過呢間晚市小菜係唔錯，今次就打邊爐，都好唔錯，價錢仲好優惠，120分鐘$268 ，如果提早預訂，可升級無限時😋。套餐包左有龍蝦🦞（可揀蒜蓉粉絲或打邊爐灼），雞煲或烤魚，另有海鮮拼盤揀，仲可能揀另一湯底打邊爐，放題食材仲有燒味點心，勁豐富！其實真心幾抵，出面咁食起碼都三百尾四百蚊啦。龍蝦原汁原味食到鮮味，肉質彈牙。我地另揀左椰子雞同花膠美人鍋，兩種湯底都勁濃郁，椰子雞湯頭香甜滑溜，椰奶味濃，雞肉又嫩滑，好好味。花膠美人鍋底加入豐富嘅花膠，滿滿豐厚膠質感，滋潤養顏，深受女士喜愛💕愛養生嘅你一定要試吓❤️海鮮拼盤食材好新鮮，有活鮑魚 /台山蠔/龍𧄌片/元貝/活海蝦/蟶子活北寄貝/象拔蚌仔/沙白/白鰭片可揀六款，每人一份 每款都飽滿又啖啖肉，其中帶子，海蝦🦐沙白，蠔都可任食。火鍋配料入面我比較鍾意美國牛小排、黑毛豬、炸魚皮同海蝦。美國牛小排肉質柔軟滑嫩，油花分布均勻😍點完一輪又一輪。黑毛豬有肉汁豐富嘅口感，肉味濃郁到滿瀉，唔加任何調味，都已經好好食🤤係咁encore。炸魚皮又係好正，熱辣辣，酥脆且無腥味。 活海蝦勁新鮮!!啲腸係無黑色污糟野，肉質又彈牙，又係encore左好多。…查看更多

重慶雞煲（半隻）肉質緊實不柴，醬汁完全滲進入肉。今次揀左bb辣，辣中帶鮮，麻中帶香。鍋底洋蔥特別出色，洋蔥燉得好爽甜。日本扇貝保留左扇貝原本嘅鮮甜，加入雞煲嘅調味後，更加滋味，扇貝肉彈嫩又鮮甜。蒜蓉燒生蠔而家做緊優惠，$10一隻咋，仲要係處理得好乾淨，無沙。一咬落去，生蠔肉滑嫩到好似布丁咁，蒜蓉咸香完全無蓋過生蠔本身嘅鮮甜。黑毛豬腩片油脂香濃，腩片新鮮，肥瘦比例均勻，軟骨帶嚼勁，瘦肉部分鮮嫩多汁，淡淡肉香。椒鹽鴨血以前覺得鴨血只係可以用係火鍋，原來椒鹽做法咁正。炸到金黃，簡單椒鹽調味，滑嫩到似豆腐，又完全無怪味！…查看更多

炸甜不辣我平時中意嘅台灣小吃，Q彈有嚼勁，咸中帶甜。蚵仔酥外皮脆中帶糯，因為加左地瓜粉，所以帶韌勁！蚵仔滑溜，鮮汁係嘴裡爆開。紅燒牛肉牛筋麵湯底係靈魂，味道濃郁。牛肉軟滑，牛筋軟糯彈牙，膠質豐富。炸排骨便當排骨肉嫩多汁，蒜香撲鼻，外皮酥脆唔油腻，粉薄，食到排骨嘅肉香。分量足，性價比超高。金鑽鳳梨汁清甜果香又有果粒感，好清爽啊！金桔檸檬汁有金桔、檸檬同話梅，保留左水果本身嘅酸甜，仲飲到自然果香，又解膩。…查看更多

碟碟都好大份！最岩多人share，味道亦都有一人套餐，抵食。楊記養生鍋份量係可以3-4人食。味道濃郁香甜，食材有南瓜、蝦仁、紅蘿蔔、腰豆、小米，仲加左碎鍋巴同粟米，所以好有口感！特色水煮生魚片魚片分量超足，性價比好高。魚片滑嫩，配菜又吸飽了湯汁，豆芽脆爽入味，每口都大滿足！呢碟水煮生魚片絕對強烈推薦！小炒牛肉有鑊氣，牛肉品質好，大大塊又充滿肉汁，要叫多碗飯，好正。炸饅頭外皮金黃鬆脆，蘸煉乳一齊食，甜絲絲～桂花冰粉冰粉清爽解膩又解辣，Q彈滑溜，配葡萄乾增加左口感。…查看更多

叫左個2人餐有2個主菜，2個小食，2杯野飲。招牌星馬雞原來即係海南雞，皮滑肉嫩，處理乾淨，唯一美中不足係跟白飯，如果係配埋雞油飯會仲正。馬拉盞四季豆炒豬頸肉好餸飯，豬頸肉炒得焦香彈牙，帶點油脂香，四季豆脆嫩爽口，吸飽左馬拉盞嘅濃郁醬汁，仲有蝦米嘅咸香，層次超豐富。班蘭咖吔多士多士邊帶焦香，外脆內軟，中間咖吔醬綿密順滑，班蘭的味道特別清新，甜而不膩。避風塘雞軟骨雞軟骨金黃焦脆，調味超正！咸香中帶點微辣，香氣十足，雞軟骨有韌勁又脆又彈牙。…查看更多

牛肉小火鍋x壽壽鍋湯底除左厚實牛肉，仲有菇、娃娃菜，豆腐丸，吸飽哂壽喜湯嘅鮮甜精華勁正，湯底越煮越濃郁。雙色芝士燒牛肉牛肉表面鋪左兩種芝士，芝士量足，完全包住牛肉表面，融化後形成誘人拉絲，咸香中帶著淡淡甜味，一點都唔膩。芝士奶香、牛肉肉香濃郁。吉列炸芝士外皮炸得金黃酥脆，芝士爆漿，口感綿密～芝麻蝦多士金黃吐司煎得外脆內軟，邊緣微微焦脆，內裏鬆軟，表面芝麻分布均勻，香氣濃郁，口感層次豐富。鹽燒牛舌簡單調味已經好香，牛舌Q彈，肉香在嘴內慢慢散開，咸香適中，越嚼越香。…查看更多

今日係荃灣行街，掛住大陸啲串燒，點知行完千色見到呢間店，好地道咁，決定試下。每食一款串燒都覺得真係用心燒，但火候十足，唔會過火燶，我最鍾意係佢個五花腩串燒，真係外脆內軟，油香味衝擊味蕾，真係好正！厚切牛舌芯又係好欣賞嘅！雖然係厚切，但真係好軟嫩。免治雞肉棒話啖啖肉，甜甜地，覺得幾惹味。牛肉串燒肉質緊實，油脂甘香。花甲粉好大碗，湯底清甜，花甲嫩滑，米粉彈牙！好飽肚。鰻魚炒飯食到粒粒口感，鰻魚啖啖肉，好香。…查看更多