為 食 妹的个人专页

食過好多間午市一人火鍋套餐，各有各好嘅地方，但始終覺得方叔叔最好！首先環境座位寬闊舒適，人又唔多一個人去食都唔會尷尬！服務都唔錯，每位客人坐底就會送上雪耳糖水俾你墊墊胃，食辣就不會咁傷，又會幫你斟茶，加湯時，會用板遮擋住，細心。價錢大概百零蚊左右，免加一服務費及茶介，套餐包括自選兩款湯底，一款肉，時令食物盆，麵食，飲品。想另加其他食物又有得半份咁點。今次點了麻辣同喇沙湯底，麻辣湯又香又麻唔會死辣，配肉最夾，必點！喇沙湯底偏重奶味，入面有少量芽菜同豆卜。肉類點了我至愛的嫩牛肉，口感嫩滑，牛味無肥牛咁香，因為佢無脂肪，但啖啖肉加上麻辣湯好正！時令食物盆每次都會有少少唔同，款式多全部都好新鮮，有時會有蝦或聖子（但自從改價後食過兩次都無咗海鮮，有少少失望）！唯一覺得有點美中不足是，飲品只有汽水選擇，如想選擇其他飲品要加$25，太貴了。…查看更多

喜歡麻辣嘅朋友可以一試，午餐的客飯套餐多款式，一個人食份量啱啱好，多人食又可以share 幾個餸～有各式乾鍋，酸菜魚，水煮牛肉等...午餐包前菜同飲品，前菜通常係蒜香木耳，免費飲品只有紙包檸檬茶，比較遜色，有時覺得唔夠飲，汽水特飲要加錢，但特飲好大杯。我最鍾意佢坐得舒服，一個人食都唔洗搭枱～ 今日豪氣d點咗麻婆豆腐餐（$5x)和單點夫妻肺片($68)～呢款麻婆豆腐同茶記落豆瓣醬煮個d味道好唔同，川式做法麻麻辣辣咁，豆腐又滑，再加埋d牛肉碎，成件事好惹味送飯一流，但食得多會覺得有點油。夫妻肺片份量都多，有牛展，牛肚，牛利，底有少量青瓜，肉切得厚薄適中所以肉質唔會韌，味道都算正宗唔會太辣。不過今次配搭錯左，兩款餸都有辣油係面，食多左覺得太油膩，所以應該叫肉碎四季豆或者酸菜魚，咁會食得舒服d!…查看更多

舖頭細細，Bar枱大概有8個座位，景觀開揚，有d 小擺設裝飾。餐牌主要有幾款沙律，蕎麥麵餐，三文治同cakes，餐可以加錢跟湯或飲品等...價錢酒店唔貴，食物大概$40-70，咖啡大概$40-50幾蚊。點了香芒大蝦沙律，Half Portion Sandwich + 周打蜆湯，兩杯咖啡，Espresso Tonic & Honey Latte，仲有朱古力moss cake，大約$240。沙律係用紙兜承載，芒果味甜，大蝦新鮮實淨，沙律菜無醬汁，好靠芒果嘅汁，一齊食都係有點dry同味道單調。 最好味係周打蜆湯足料，味道鮮味！Sandwich半份偏細，烘到有點過龍，咬落雖然好脆但已經無咩水份好乾，加上ham本身都無汁亦唔夠香，芝士又唔夠流心，成件事好乾，味道一般，食完都唔飽🥲咖啡可以話唔入流...本身個base 唔係好掂，所以沖出嚟會飲到咖啡唔好嘅味道...配tonic 用fruity 會比較襯，咖啡係偏苦味但出到香味。 Honey Latte 係有點災難級，成件事奶水咁，咖啡香味好似困住左咁...最後件cake 有返d 安慰，賣相精緻，外表光滑，口質軟滑，朱古力味濃，唔錯👍🏻唯一係旁邊的粒粒，唔sure 係咩，但食落食脆但最後又咬唔難，影響口感。可能本身呢間店唔係酒店直接管理，但在酒店餐廳感覺食物質素應該會好d, 相比起小店cafe 好似仲好味。或者其實佢主要係for人外賣？要求唔好咁高？但JW喎⋯⋯有點失望！…查看更多

晚上7點去到唔洗等位，睇餐廳名就知主要係食餃子🥟，但我俾花膠雞煲翅吸引咗，$78仲要配雞髀有埋飯同菜！當然餃子點都要試下，點了10隻湯餃雙拼椰菜豬肉餃同粟米芝士餃。先講吓花膠雞煲翅，原窩上熱辣辣嘅，湯底質感黏稠，如雞味和火腿味可以再濃郁就更正啦！值得一讚隻雞髀超軟滑，煮得啱啱好！雞髀夠大隻但花膠同翅份量少左d😅湯餃size都算大隻，足料味道正正常常，芝士餃芝士味幾出。個人重口味，感覺湯底偏清淡，所以餃子可以加多少少調味。如果湯底改用老火湯，感覺可能就啱啱好。整體感覺職員同食物係家嘅味道，下次會去試下煎餃🥟，支持小店！…查看更多

睇左👀韓劇照明商店專程嚟潮聖，劇集同小店cafe crossover感覺新鮮！門口放了照明商店燈箱招牌，加上不同燈飾配上木門框，打卡able~下午四點去到都要等十張枱，不過等左廿分鐘就入到～店內牆身貼上劇照和海報，有唔同款式嘅枱燈裝飾，襯埋咖啡工具，佈置得幾有氣氛～言歸正傳，最重要咖啡同食物水準點先？點了all day breakfast、焦糖香蕉雪糕窩夫、latte、菠蘿熱情果咖啡梳打，價錢偏貴。All day breakfast ：配搭豐富有薯餅又有酸種包，顏色賣相靚，味道中規中矩，終於係現成食物嗎～讚係有生果可解一解膩！焦糖香蕉雪糕窩夫：焦糖香蕉可以再燒得焦脆點，焦糖面有點薄弱，雪糕味道唔錯，窩夫質感面脆鬆軟，味道正常發揮。Latte & 菠蘿熱情果咖啡梳打，咖啡底係偏苦同濃, 配奶感覺比較適合；菠蘿片造型吸引，但配熱情果配味同梳打令咖啡苦味更突出，好似用返帶酸味嘅咖啡會比較襯。整體環境唔錯，食物質素正常，賣相吸引，只係價錢偏貴，食物基本上都要百幾蚊，再加咖啡飲品四十至五十幾...…查看更多

差d錯過咗，因為門面菜單無咩吸引到我，但行咗一個圈都係想食車係面，就試試佢，好彩無老點我😆餐廳環境乾淨，坐位都舒適，老闆娘服務態度有禮！👍🏻點了五款淨餸，蘿白/豬皮/咖哩魷魚/麻辣雞尖/菜芯，蘿白入味帶甜，刨皮夠深無渣，夠淋仲保持到型狀👍🏻～豬皮淋滑入哂咖喱味；魷魚要讚，雖然切條分量少，但有咖喱味之餘仲有魷魚味，口感實淨；麻辣雞尖分開上所以係凍食，咁唔會俾湯沖淡辣味，皮滑帶肉保留到雞味，辣味亦剛好，分量足有8隻！👍🏻菜心唔會大大碌，但比較老身。飲品加$10有特飲，點了山楂檸檬茶，酸酸甜甜，正常發揮。我覺得一間好食嘅車仔麵係睇有無用心做好每款餸嘅味道，唔會單一化調味，咁先有車仔麵嘅精髓，食到變化，滿足都貪心嘅我！總結十幾數個餸唔算好平，但味道同分量是可以的，誠意製作，推介雞尖同蘿白！…查看更多

平時粉麵店通常都離唔開魚蛋河雲吞麵咁...呢間嘅選擇比較另類，有牛肉餅，珍珠蠔，墨魚頭，羊肉同豬什...湯底方面除左清湯有胡椒湯麻辣湯，最正有銀針粉揀！之前試過胡椒湯底真係堅嗆，唔係人人頂得順咁刺激～今次外賣點了清湯珍珠蠔，爆汁牛肉餅，鮮牛肉銀針粉！清湯湯底係奶白色嘅豬骨湯，濃郁帶有胡椒味配銀針粉食都足味唔會太咸；珍珠蠔粒粒脹卜卜，新鮮唔會有臭味；鮮牛肉即使浸係熱湯到都唔會靭，新鮮都有牛味；爆汁牛肉餅就誇咗，雖然無爆汁，但好彈牙，味道似食靚牛丸咁！整體配料係新鮮，粉麵都可有另類選擇！…查看更多

原來行緊去第間cafe，經過見新開張，環境幾靚放滿黑膠唱片，坐位都闊落，睇睇menu 價錢又幾合理，於是試吓！銅鑼灣cafe星期日仲有Brunch set真係唔多，set價約98-138左右，已經包湯/沙律，主食同飲品。其實好抵，通常得單點。主菜點了all day breakfast 同牛油汁煎深海魚柳伴小米沙律，是日餐湯係南瓜湯～忌廉南瓜湯係奶味無咁重，甜度適中，唔會咁膩，味道ok；主菜煎深海魚賣相唔錯，可惜係魚皮煎得唔夠香脆，但都有少少焦香同魚油香，魚肉係偏實，加埋小米同牛油汁味道都可以；All day breakfast 睇menu d items好吸引, 有壓縮魚子醬炒蛋，烤牛肉，法式奶油焗薯，烤蘋果...份量係無得輸，但味道少少失望，炒蛋肉眼係睇唔到有魚子醬嘅，但食落有微微嘅魚子味，烤牛肉同烤蘋果都無烤過嘅味道，牛肉無咩調味偏淡，最好味係法式奶油焗薯帶點蒜香味，英式焗豆酸酸甜甜嘅鷹嘴豆比用罐豆有心機！整體味道其實都可以。餐飲除了咖啡茶外仲有果汁，點了凍美式咖啡，值得讚係咖啡個base唔錯，味道偏酸，加了糖水後微酸帶甜，after taste嘅咖啡香味好正！ 如果餐飲可以加錢飲有奶嘅咖啡就多個選擇～整體職員服務有善，環境裝修舒適，食物味道正常發揮，價錢取勝，都推薦！…查看更多

星期日無book位同兩老去食都唔洗排隊，可能位置唔係商場個邊未有咁多人知！？老人家坐底見冷氣吹住換了兩次枱，店員都唔介意幫忙轉位置，態度友善👍🏻餐牌都多選擇，點了生菜包，炭燒豬頸肉，泰式明爐鱸魚，無骨海南雞，泰式雜菜煲。因老人家唔食得太辣，餸菜都點了少酸微辣。生菜包：生菜好新鮮，肉唔會太鹹，味道都惹味唔錯，生菜分量多過肉，包唔哂；炭燒豬頸肉：味道足，肉質唔乾，但炭燒味就欠奉泰式明爐鱸魚：有驚喜，鱸魚肉質嫩又結實，酸辣味無搶左魚本質，因熱住食要食得快d唔係魚背就會過熟；無骨海南雞：肉質保持到滑溜，味道都係唔錯；泰式雜菜煲：烹調得好，煲底無多餘水份，湯汁收哂入菜同粉絲，味道惹味。值得一提，臨走時老人家需去洗手間，店員主動陪同為佢地帶路，又叫小心呀睇住呀，好窩心！總結用餐體驗愉快，味道唔錯，分量正常，四人用餐好飽，價錢合理，環境衛生，店員服務態度好好，泰國菜嚟講我覺得算荃灣區頭五名。推介！…查看更多

臨近收工時間去幫襯，燒魚已經無咩款啱食，於是點了四色丼飯A包麵豉湯，有海膽牡丹蝦三文魚帶子，一上枱見到海膽就搞唔掂啦...已經溶哂睇落唔多新鮮......掙扎左一陣，心諗人地都差唔多收工，唔好叫人換，最後鼓起勇氣照食，食落未至於有臭味，都有d甜味，口感欠奉，但都係食左少少就放棄...其他刺身味道尚可，蝦肉都算結實，不過飯係暖暖地感覺怪怪，應該要注意番飯嘅溫度會影響刺身！總結都係燒魚優勝，西京燒比目魚同想燒三文魚頭真係性價比高…查看更多

新開幕要等位，等咗大約15分鐘入坐我哋被安排坐在近門口雙人位，旁邊放住一埋貨，聞到一陣奶up味，應該抹枱布用太耐有聞味，之後我用水再抹枱就無左陣味了。點了香茅豬扒湯檬，青咖喱無骨雞柳，飯要另收費$12，炭燒牛串燒，泰式奶茶。裝食物的器皿係幾靚嘅，不過食物味道一般，普普通通，係Food court水準。香矛豬扒唔算厚肉質好乾，口質硬硬的...近骨位置比較好少少，湯檬湯底偏清淡；青咖喱雞大舊約有5件，有火㷫住但黐底，味道正常；炭燒牛串燒無炭燒味，肉質偏硬唔Juicy，靠個沙嗲汁令佢濕潤啲......環境同座位係算舒服，打卡為主可惜食物味道普通，下次可以試吓甜品，希望改進食物味道！…查看更多

山長水遠走入大埔諗住食Cafe，點知撞正冇開門，肚餓唔離咁去咗隔離試吓呢間茶記。估唔到下午茶抵食夾大份，味道都唔錯！環境就平常茶記咁，好多人幫襯又未洗搭枱！下午茶有自選雙拼包飲品都係$41，單款$34。點左吉列豬扒拼雞翼同凍檸茶！朋友點咗西多士凍奶茶，點知發現餐牌下邊有一個set係西多士平紅豆冰都係$34，哎蝕咗杯凍奶茶仲要加$3。吉列豬扒唔算厚，算大件，跟千島醬；雞翼有三隻脆漿少少似越式雞翼，兩樣味道正常～…查看更多

從未去過大坑食嘢，上網搵到呢間cookie 好多人報道又講到好似係大坑名物，點都要trytry!店的裝修白色配深綠色瓷磚，打卡幾靚，店細細得幾個位。除咗唔同款的cookie仲有賣donut, 價錢約$30-50件，都唔平！因剛食完正餐，所以只點了一件chocolate chewy cookie $30試吓！ 有驚喜！！外脆內軟，味道香濃又唔會太甜，chocolate 有點溶溶的，令到食落去唔會好乾～ 都算係食過嘅軟心曲奇No.1! 下次去一定要試其他味，推！…查看更多

火鍋就好食，飲品好飲，午餐就搞唔掂先講環境係好闊落坐得舒服但地下痴笠笠...點了酸菜魚麵餐，餐包小食$88同半價加飲品。酸菜魚麵味道是可以唔太酸，但湯唔夠熱，魚肉約有5片肉質係又實又鞋，麵屬扁厚林身又唔吸湯唔多夾。小食滷蛋超級鹹😑；肉燥菠菜又老又無味；麻辣鴨血豆腐鴨血唔辣亦唔入味，唔係滑溜個款，豆腐就可以；脆魚皮係晚市免費的小食，係小食中比較好的。最好都係鮮橙綠茶，果味足！整體服務唔錯但午餐唔入流，其實可以減少小食，專注返個主食，咁可能會多返d人。不過佢地主力都係火鍋。…查看更多

一個人中午想食燒肉Chill下！呢間店上次食過一次午市定食都唔錯～今次就嚟試燒肉，點了牛舌燒肉家食！$128 有湯，前菜，沙律，飯，飲品，仲有甜兩款牛舌每款有五片，個餐幾抵食！深色點的牛舌芯口感比較硬，有點咬不開，唔知係咪燒得過咗火嘅關係，而粉紅色的牛舌肉質軟滑，重牛脂香，點少少燒肉汁超好食😋！一個人食會感覺有點膩，所以如果兩三人去每人叫唔同款share 比較好！甜品一啲都唔hea, 係杏仁奶凍同雪米糍，仲有擺盆～餐廳座位空間寬敞，抽氣都做得幾好無咩油煙味，店員有禮～推介推介！…查看更多