caseykei的个人专页

係米線關注組勁多人講呢間好食，所以黎潮下聖先。叫左螺旋藻同腩肉小鍋米線，辣度揀左肉碎辣。米線會吸到湯底既味，而湯底有少少酸酸甜甜好好味，肉碎辣原來都幾辣。平時係出面食米線會叫小辣，但係呢到肉碎辣都好夠味，而腩肉都好入味，唔算好肥。如果呢間米線開係公司或者屋企附近就好喇…查看更多

見佢做緊買一送一所以約埋朋友黎試試。午市套餐有好多款式既選擇，我揀左極上壽司定食，有碗細烏東。而前菜有沙律同埋茶碗蒸，個蒸蛋都幾滑溜溜。有10件壽司再加2件玉子，食曬成個Set超滿足。…查看更多

本身諗住係Donki買外賣點知行左個圈覺得唔係咁岩食，就行左出黎Food Court果邊睇下有咩食。呢間餐廳偏向和風style同埋都幾多款選擇，有意粉同焗飯，仲可以加錢轉唔同組合既套餐。我揀左牛油明太子魷魚意粉$55，跟住加$7轉套餐，有湯、沙律同埋汽水。因為太肚餓既關係食左2啖同飲左一大半湯先記得影相意粉軟硬適中，份量都算多，而味道都幾唔錯。加$7蚊轉套餐有粟米湯、沙律同埋汽水真係幾抵食。下次諗住試下焗飯同埋蛋糕…查看更多

上次試過十三么車仔麵，今次試下米線先。朋友推介我試Ben哥既麻辣米線，個湯底我都幾鍾意麻香味幾重，唔係純粹得個辣，食完嘴唇真係有少少麻左既感覺。我揀左豬紅同豬腸，豬腸洗得好乾淨同埋無肥膏。不過麻辣米線比較油真係無可避免，間唔中食一次頂下癮…查看更多

脆炸軟殼蟹黑松露箘忌廉汁意粉 $91平時行就行過好多次，但就未幫襯過。橫掂今日諗唔到lunch食咩好就一於試下喇。今日餐湯係粒粒粟米湯，而餐飲我揀左蜂蜜薑（+$5）。雖然隻軟殼蟹有啲細隻，但炸得幾脆同埋會唔油淋淋。而意粉既份量都幾多，配埋黑松露忌廉汁都幾飽肚。不過價錢方面就貴左少少喇！…查看更多

新北江都幾多小店揀，今次試下餃子先。我叫左香菇木耳雞肉餃$38有6隻，同埋揀左魚骨翅膠紅蘿蔔豬骨湯。餃子粒粒都脹卜卜好足料，菜脯醃幾爽脆，而個湯飲落有啲咸我覺得有落味精，所以飲左少少就算。…查看更多

間鋪正正係億景廣場地下，因為平時通常行到D2就會入左商場，如果唔係繼續直行真係唔知呢個位有間餐廳。餐廳鋪面較細，大概有10幾個座位，不過好好彩岩岩去到等左一等就可以入座。Flat white $40Smoked salmon avocado toast $88好多牛油果蓉係煙三文魚底下，食落有少少檸檬既酸味原來係青檸既cream cheese佢同牛油果好夾，食落唔會覺得膩。唔好睇件多士細細咁，食落其實都幾飽肚。…查看更多

今次係第2次食JW既Tea Set，對上一次食已經係大年半前，食完覺得好高質素所以一直都想帶媽咪黎試下，今日終於有機會喇！一坐落會有杯桂花烏龍冰茶，好岩熱辣辣既天氣，係食Tea Set前飲杯淡淡既冰茶都幾唔錯。Tea Set黎喇！鹹點既種類同我年半前食既差唔多，而甜食就比較多轉左款！虎蝦春卷脆卜卜，食落個味好似炸雲吞咁。媽咪話個芒果龍蝦沙律配魚子醬好好食😋而甜點我覺得今次比上次再好食左，三層架上面既食物無一件係伏，真係件件都好唔錯。甜點同鹹點都做得好食，真心推介比想試既朋友！Scone黎到暖暖地，脆脆既外層入面夾啲clotted cream好正…查看更多

台灣過江龍，好耐之前已經想試喇！今次早黎到大概6點鬆啲唔使點排隊。我地叫左滷肉飯，shake shake海苔鹽酥雞同埋叫左碗滷味Share食。我地揀左冬粉，佢吸盡滷水汁既精華，非常濃郁。而滷水汁唔會過鹹，滷味既份量都算正常同埋味道唔錯既。但滷肉飯我覺得唔好食，除左好多肥肉之外味道都好一般。而鹽酥雞啲炸粉都幾厚同唔酥脆。我覺得有啲名過於實，一心諗住過江龍應該會好有台灣夜市既感覺，可能太有期望所以有啲失望，所以試過一次就夠了！…查看更多

去親元朗想食壽司就會揀魚一，因為又抵食又好食。2個人唔覺唔覺叫到成檯都係野食，叫左勁多壽司同埋小食。啲軍艦足料到好似就跌出黎咁，而魚生都幾厚。食物質素都好平均，樣樣都幾唔錯，但唔知係咪擴大左間鋪之後忙左，職員既態度好似差左少少。…查看更多

之前買過外賣沙津角切魚生飯覺得幾好食同抵食，所以今次再幫襯。今次揀左個貴少少既魚生飯天龍丼 $108魚生種類都有好多款，三文魚、油甘魚、鱆紅魚、吞拿魚、赤蝦同埋海葡萄。海葡萄應該少見啲，我第一次食海葡萄係日本沖繩。海葡萄係有少少鹹鹹地，咬落脆卜卜咁都幾得意。而魚生都好新鮮，滿滿魚生既丼飯其實都算抵食。我覺得呢間算係荃灣抵食既日本餐廳，如果大家係荃灣想食日本野可以試下呢間。不過鋪頭既座位比較細，如果繁忙時間就可能要等陣喇。…查看更多

今日突然想食炸雞，之前聽朋友講過話好正，就等我試下先。平時係連鎖快餐店食親都係塊皮好油好淋又或者啲肉比較乾。Jollibee既炸雞真係好驚喜，塊雞皮仲係痴住舊雞肉同埋炸到脆卜卜，雞肉好juicy，連平時少食炸雞既我都大讚…查看更多

行過見到新開左間野，就吸引左最鍾意試新野既我入去試下喇。坐落先知原來係長洲既人氣小店開到出黎太子。餐廳以淺藍色既牆身為主，配襯木色系既檯。牛油果豆腐沙律 $68角落蛋卷 $45比藍色既海棉蛋糕吸引左，原來係用蝶豆花整成既，而個cream就係士多啤梨乳酪味，個cream因為有乳酪既關係所以唔會過甜幾好食。莓莓角酪 $42士多啤梨牛奶乳酪，入面仲有少少煙韌既黑糯米可以咬下，都幾好飲。但杯野飲出餐比較耐，食完野隔左一陣都仲未出到。店舖坐位較少，如果想去既朋友要預先book定，如果唔係未必咁好彩walk-in有位。…查看更多

通常一食開米線果排就會好掛住，食完一碗之後隔日又會想再食。我叫左酸辣炸醬米線少辣，湯底唔會過咸同唔油膩，而配菜方面我揀左豬紅，海帶結同腩肉。腩肉都幾瘦同埋有少少辣辣都幾惹味，配菜份量都唔少所以5蚊一款都真係幾抵食。…查看更多

好掛住日本，唯有食下日本野頂下癮喇。沾麵係其中一樣我鍾意食既日本野黎，熱騰騰既湯汁掛住係麵條到真係好正。見周月都幾高評價所以一心黎試下。我叫左周月沾麵，因為唔想個湯咁油膩所以叫左走油。唔知係咪坐正冷氣風口位，我覺得個湯唔夠熱，食到一半個湯仲開始有少少凍，而麵條既麵質我覺得一般，可能太有期望所以有少少失望。…查看更多