acling123的个人专页

星座冰室一值人氣高企，隨着香檳大廈即將要拆，決定一黎試試點了芝士蕃茄撈蛋麵 （$44），撈完朋友話係嘔吐物麵。。賣相係唔吸引；味道驚喜係有麻油味同多蕃茄。撈左麵之後每條麵都有蛋汁。下次想食會返屋企自己煮。凍奶茶 （$18）我叫左少甜少冰。野飲完全唔得，雖然上枱係似茶味濃，飲落冇茶味；似飲緊糖漿水。要留意食物飲品係散叫，冇麵餐。 各位想黎食，我覺得要有心理準備會見到米奇老鼠先好黎食。（落得黎就拆嘅舊樓食嘢係預左會有）…查看更多

如果黎食扒 炸物 飲酒/mocktail 呢度係力推；食物質素，環境係一流。仲好記得上次一盤薯條🍟新鮮熱脆。都有點chicken pancake （見好多人都推介），不過唔太岩係我同朋友口果味，又咸又甜，下次會選擇食其他pancake.因為上次經驗良好，再encore 食all day breakfast 飲咖啡。Full English all day breakfast 偏向傳統，再有埋坊間cafe 少見嘅豬血腸及yorkshire pudding（要一上碟就食，我擺凍左就變得太硬唔脆），係特別同好味。女生食一定會飽。咖啡店點了cappuccino, um⋯⋯感覺一般，我會選擇去隔離街coffee shop 🤣🤣🤣呢度岩chill 多啲😝力推食扒，炸物，飲酒🤣🤣…查看更多

太子想搵壽司店都不太容易，今日終於搵到💛💛😍😍我點了壽司🍣set，有我喜愛嘅帶子😍😍午餐其實有其他平啲嘅丼飯，不過太耐冇食過壽司，今日食貴少少 （我記得呢set應該$80樓下）味道不過不失，不過有前菜，湯，沙律，係附近冇嘜壽司店，都會繼續黎，不過下次可能食平少少要丼飯😋 （朋友食魚生飯，都不錯）店員介紹炸雞皮，我從來未食過，今日一試，好好味！即炸入口香脆，而且食落唔油膩，大家可以食唒一串😋😋😋😋今次經驗係小食好味，壽司一般，但可以繼續再黎💛…查看更多

呢間💛餐廳都較為冷清，今日終於有機會與朋友一起光顧。三位點了一個小食，兩個主菜。法式田螺 油炸鬼 薯蓉點餐時唔知點解以為西班牙油炸鬼🙈（甜的長條形那款），一上碟原來係中式油炸鬼。呢個配搭幾特別，三款主食材中最愛薯蓉：夠香夠滑！個個都話食西班牙乳豬，我哋都一試。豬的羶味較其他餐廳重，未必個個岩食。不過皮沒有想像中那麼脆身及醬汁偏甜，有點失望。反而另一主菜值得推介🤩🤩🤩小羊扒羊架會因客人所選的熟度而烹調恰當，不會overcook 😍😍 外皮煎得香脆 肉汁juicy 總結黎講，呢間餐廳值得encore,好坐，服務好，會推介食羊，薯蓉配菜出色😋🥰🥰🥰…查看更多

為了全城熱話的藍芝士蘋果薄餅而來，可能有期望便有些少失望。我們覺得芝士味太重，遮蓋了蘋果的香。若蘋果味再特出，相信又咸又甜的味道會更出色。反而carbonara 及店員推介的墨西哥風情pizza有驚喜。先講carbonara ，夠creamy 但唔水，第一次食粗意粉好煙靭同掛到汁，下次要再點這個👍墨西哥風情pizza （忘記了全名）係店員推介，佢驚我地唔夠食，就推介呢個俾我地，驚喜嘅原因係呢度pizza 底係食到有淡淡麵粉短期內未必再光顧 （除非經過唔使等太耐）。但建議可以試藍芝士蘋果以外的食物🤗…查看更多

朋友選的💛餐廳並提前數天book枱，真的要提大家book枱，否則冇得食 🙈點了兩個set dinner：烤大啡菇海鮮意大利飯及牛扒，包餐湯，麵包，沙律及飲品。是日餐湯是南瓜湯，頗creamy 👍麵包不是一個餐包，而是有脆身的餅乾條，小麵包及迷你牛角酥，配上牛油及士多啤梨🍓醬。 （每人每款各一）對我黎講，食完都半飽。。。麵包要讚的是上碟仍熱及脆口👍主食要介紹這個烤大啡菇海鮮意大利飯，一上碟便覺得很窩心和驚喜🤩 我以為會是大啡菇切粒昆入意大利粉烹調，但原來是大啡菇上鋪意大利飯，若你是菇愛好者，一定吃得很滿足；窩心的是因為我很喜歡與朋友share 不同set dinner （不正宗西餐🙃），廚師分兩件很方便我們🤣牛扒點了五成熟，廚師沒有overcook 👍👍，若食開七成的朋友照點七成亦可。另外點了芒果芝士蛋糕🍰及朱古力心太軟。本身見侍應妹妹在水吧密密吱字及數張枱的甜品均寫上生日快樂，以為生日order 先會有字。點知原來唔係🥰🥰🥰💛💛💛甜品需要時間等待及忍耐，是值得的。食物質素 環境都很高分，不過係要耐心等候🤣 但值得再encore👍…查看更多

稀有地經過新會道，看到小小的solo 有兩間咖啡店滿了，直向隔離$10一杯咖啡店出發。不過飲完頂唔到咖啡癮，決定回頭睇下有冇位再飲過。朋友想光顧較入的咖人前，但冇位；而我想飲奶啡，見到如啡有位就有所決定。真小店，四個坐位，兩個望街景，兩個望老闆整咖啡。最喜歡坐bar枱，老闆健談又可以同老闆傾計；想靜靜地睇人沖咖啡，店主同其他人互動都得。店舖雖小，但總有一款岩你 （連dirty同tonic 都有）我點了white coffee, 豆偏nutty，好岩我。但老闆偏向喜歡fruity d 嘅豆，不過今次入豆唔同，所以同佢想像有出入。咖啡旁姫兜，並非獨角仙 （朋友？）。朋友發現先，係我地研究緊佢點解食啫喱果陣，老闆好熱心介紹佢俾我地識，第一次見人地會將心頭好（蟲）放餐廳 🤣 唔驚嚇走食客🙃🙃 老闆同我朋友越講越興起，我就隔離嘆咖啡同長知識🤗🤗上至咖啡，下至養蟲，老闆都可以傾得一餐。我好鍾意呢種有交流嘅對話同機會，而呢度設計好岩老闆沖完咖啡同兩枱食客傾計。老闆年紀輕輕就自己創業，嘜都親力親為同好健談，都好樂意分享佢入行經歷👏🏻👏🏻望住佢啲黑膠碟同唱碟機，都感受到佢有品味👍如果擔心姫兜，可以選擇坐窗口位 （落地玻璃打卡一流）；想近距離見識老闆沖咖啡手勢及其心頭好，坐bar 枱就至岩。唔好期望黎呢度飲咖啡睇書，因為好容易會俾人同人之間嘅交流同對話side track 左🤩…查看更多

大麻成分有分CBD 同 THC。前者中文叫大麻二酚唔屬危險藥物，近幾年都多人講有醫學作用，令人放鬆等。FOUND每一款飲品及食物都含有少量CBD ，落單可向店員指唔要CBD 或加$20加大一倍CBD 劑量。難得到此一遊，我點了flat white ，朋友點了latte，兩杯都有加錢，及買左一塊含有20mg CBD 嘅朱古力曲奇。咖啡味道中規中矩，亦唔好期望會有CBD 味。論味道，就普通一杯咖啡；但朱古力曲奇則不太好味，（可能我預計脆身曲奇）軟身曲奇口感似食緊壓扁左嘅朱古力蛋糕。。。我不識欣賞。一邊飲一邊坐户外地方同朋友傾計，半小時過後大家覺得又不太特別有反應。（某些kol講到好放鬆好舒服）。CBD係咪真令人放鬆？自身經驗又不太覺得係，但星期日放假天+户外環境+店員不趕客的態度則能我感受到真的放假中～…查看更多

某日同同事到附近返工，想食好少少但又趕時間，決定快食拉麵。一上枱吸引我係隻碗🤣 （復古路線？）豚肉兩小塊，紫菜碎一大堆，拉麵 荀 & 蔥 ，拉麵店基本配搭。濃湯較”傑”身及濃味 （我會用偏咸形容；同事加左辣就覺得尚可）；麵硬度我揀普通，但現實偏硬🤦🏻‍♀️，扣分位；豚肉味不太重，吸收到濃湯便很入味。 如標題指: 不過不失，想食特別啲而又趕時間，可以一試。加分位係店員日文好好聽同就算出面有食客排隊都唔趕客😅…查看更多

朋友介紹到此食壽司見天氣凍決定要叫熱食，故選了明太子玉子燒， 必食之選第一啖食落有焦糖香甜美， 亦感受到玉子的嫩滑， 其後則是明太子的鹹香，配搭不錯🤤🤤壽司件件都好食，特別要encore 海膽軍艦，鮮甜及紫菜仲脆🤣 其他都見到係厚切刺身，正👍👍不過小店坐位唔多，靠撞彩先有位食到🙈🙈🙈…查看更多

平時食開腸粉魚蛋燒賣，正常質素。眼見不時有人力推和牛牛丸，今日決定一試。6粒/$30有生菜底，眼見應該同乒乓波差唔多size，一咬爆汁彈牙，重牛味及油香。👍下次打邊爐都可以買一包返去煮推😋😋😋…查看更多

新開餃子店💛 要光顧下新嘗椰菜冬菇雲耳豬肉餃併粟米芝士雞肉餃 (煎餃單併雙併都同樣價錢，8粒/$46) 外賣拎返屋企食雖然凍左少少，但仲脆卜卜，配上辣菜甫都幾夾 (雖然平時菜甫配湯餃😂)，每粒餃子都好多餡，我比較喜歡佢菜餡多過肉，冬菇粒都打孖上，感覺健康好多😂😂😂會繼續encore 😋…查看更多

朋友曾指這間很受歡迎，Openrice 食評也很正面，便抽一個周末到此一遊。點了兩個主菜: 西班牙海鮮焗飯及羊(正名已忘記了）焗飯中規中矩，海鮮頗多，飯粒分明及沾滿醬汁。本身我想點西班牙乳豬，但朋友想吃羊，所以點了羊。 但不堪入目的是完全沒羊味。。。也沒什麼評價。坦白說頗令大家失望😫😫曾掙扎是否再給機會吃西班牙油炸鬼，因為怕更加失望。不過眼見現時坊間難找到出售churros 的小店，決定再搏一次。幸而churros 新鮮熱辣酥脆，配上冰凍雪糕一流，彌補主食的失望😤😤我未必再主動提出光顧此餐廳；但若其他朋友指明要試，就建議不要點羊。…查看更多

街坊酒家賣點: 平 靚 正 加上良心酒家，最近有人跨區團購其片皮鴨，好似好好食。故拉朋友遠赴瀝源吃片皮鴨，亦擔心太搶手故致電留位留鴨。事實讓我們知道:walk-in 也可，不用太擔心。片皮鴨最欣賞是餅皮夠厚實。食片皮鴨最麻煩係餅皮太薄，一包即爛，弄到成手醬，狼狽不堪。這裡不用擔心呢個問題；再加上它不是油膩膩的鴨肉，更不用擔心手變油/唔健康。另外點了小菜；最近有四送一套餐 (點五個指定小菜，有一款免費，每款$80）。吃蠔的可以點薑蔥蠔，一煲有至少8隻蠔；沒有沾上太多炸粉，仍可吃得出蠔味；$80抵食。其他小菜亦不過不失，大份夾底食，有良心的街坊酒樓是可以支持😁😁😁(但未必會再故意前來吃片皮鴨，若經過過黎食飯就得）…查看更多

這裡的手工闊條麵很出色，那種彈牙的感覺令人一吃難忘。曾經有晚想再食，不過要排隊就放棄😅 趁今天放假一天便下午過來碰碰運氣。上次吃了闊條麵，今次嚐嚐菠菜醃肉薄餅。 醃肉醃得好香，配pizza 都很不錯。最出色是被配料遮蓋的芝士， (不但份量多，而且很重芝士香😍😍)，略嚴pizza 不是脆口的那款，有啲似食麵包，但仍可一試😅朋友點了豚肉飯，我覺得不太特別。結論: 先推薦麵食>>薄餅>>飯🤣午餐有飲品贈送，千萬別加錢轉奶茶咖啡檸水，因為水果茶及玄米茶是不能錯過的😍😍本人喜歡水果茶多一些。是沒冰塊的冰凉，不會因冰塊溶掉而沖淡飲品味道；一喝是啖啖蘋果的清新，很合適炎炎夏日的飲料；值得一讚是甜度不太甜，很健康看到旁邊的食客吃得津津有味，我地也點了焦糖脆脆為甜品。 沒錯，跟大集團*心的天使蛋糕相似，但味道更為豐富。看到粒粒焦糖脆禁大粒，都好開心 配上有淡淡的芝士cream 咸口， …查看更多