Foodtingting的个人专页

已經幫襯過呢間Cafe三次，地點位於海天晉嘅角落，唔算好容易見到，但係食完一次會想繼續食，最鍾意嗰度嘅意粉同飲品，店員好親切有禮貌。首推係三杯雞炒意粉，意粉嘅質感最難捉摸，食完呢個意粉之後個腦就諗起「Al dente！Al dente！」，結實得來不硬，帶嚼勁的質地。當然這是一個怎樣的口感係好主觀，但對於我來說質感完美。調味方面亦相當出色，甜中帶咸，都幾惹味，不過少啲油就會好啲。仲有冬陰功意粉，可能由於有啲醬汁，意粉嘅質感就冇咁結實，但係都好好食，充滿冬陰功風味。卡邦尼意粉好creamy, 口感柔滑, 充滿煙肉芝士咸香, 不過略嫌蛋香唔夠。飲品亦完全唔會失望，凍朱古力、綠茶Latte都好香濃😍😍…查看更多

幾日前去番茄師兄食飯，好耐冇去過深水埗，因為太多人排隊，諗住灣仔呢度行返工，又唔算多人，滿心歡喜坐低試吓，點知就出事。本身想叫米粉，但係冇晒，唯有轉通粉，通粉係超級林，好似比BB食咁，騸牯牛肉啲調味例如胡椒粉好重，食唔到牛肉本來嘅味道。食完之後返屋企好口渴，總括來講對於灣仔分店嘅食物係頗為失望，希望可以改善。…查看更多

晚上7:30 ，食完晚飯想食啲甜品，於是行入去，發現OpenRice食評勁高分，諗住有好嘢食。order香蕉朱古力Waffle了，賣相好靚，好大舊，似乎好好食，但一叉落去就知賴嘢，好淋，好似用微波爐叮左10秒嘅溫度，食面包咁，極度失望，完全唔合格！…查看更多

呢間餐廳有室外，不過樓下嘅bar有啲嘈，所以選擇咗室內，只有三台客，環境佈置簡單利落，好靜好有情調。點了tasting menu，$788一位，諗住咩都有得試下，唔駛諗食咩。整體嘅味道偏甜偏咸好Heavy，唔 impressive，但唔難食，我都只係影咗其中幾道菜，之後因為太辣的關係都冇心情影相。不過食物嘅賣相係精緻的，可能只係唔太啱我哋口味，我覺得平時食開的平價泰國菜好似好食d😂返去我哋兩人都屙左幾次，但唔係唔乾淨嗰種腸胃炎，應該係唔適應啲香料同味道。另外，係呢段肺炎高峰期期間，waitress都冇戴口罩，而且上每道菜時都會喺菜式上面介紹嗰道菜，雖然佢哋都好有心好有禮貌，但不免令人擔心，又唔好意思叫佢哋唔好咁近d食物講嘢。如果介意嘅話，大家可以選擇肺炎完咗先幫襯。值得一提的是，個雞湯雖然清，但係非常辣，不過點菜時侍應都有提我地的，問我地需唔需要轉做唔辣嘅湯，係我哋選擇照要😂 如果唔食得辣嘅朋友，就記得要轉喇！…查看更多

有朋友極力推介呢度的coffee同食物，今日星期六一於專登來試試，今日無意粉，就試下芝麻醬拉麵同三文治，再點兩杯coffee，來一個寫意的下午🍀🍀🍀環境方面，假日無咩人，地方好寛敞，坐得耐都唔會比人趕，仲有落地玻璃窗，靜靜地，好週合三五知己來飲下野傾下計🗣🗣🗣芝麻醬雞絲青瓜蛋絲拉麵：好足料，醬料啱啱好，唔會heavy，好fresh黑椒牛肉芝士三文治：個包烘得好鬆軟，食落口d芝士牛肉同埋生菜係好夾好新鮮👍👍All day breakfast: 黑松露炒滑蛋熱辣辣上枱，大大份，好抵食！Mocha: 有別於一般嘅mocha, 呢度嘅朱古力醬係咖啡師親自條配，朱古力醬甜度剛剛好，好有朱古力味，味道同咖啡融合，飲落好舒服。Cold brew: 好香醇，咖啡豆本身的香味完全被釋放出來，實在係心機之作，濃得來又唔覺得太酸，但聽人講咖啡因較濃所以都唔敢飲太多，下次叫一杯兩個人share好了😅 值得一提嘅係，老闆好nice! 佢哋喺芬蘭旅行嘅時候，專登帶咗啲薑餅返嚟請客人食，好warm 呀…查看更多

做完gym, 諗住去D2食啲簡單野, 好多鋪頭都閂左門，得呢個仲有開，一坐低發現唔對路，個個人食粉都係用膠兜，但又唔好意思離開。每人叫左一碗粉，一個係泰式船面，正常味，湯底都OK，配肥牛同泰式豬皮，但啲豬皮潮左，麻麻地；另一個係冬陰公粉，配魚片頭，冬陰公味道係正常，不過不失。整體食物味道係正常的，但飲品同埋粉面都係用膠兜，個人認為好唔環保，所以以後唔會再嚟，實在唔想再為地球增加負擔，希望鋪頭會捨棄即棄餐具，保護環境🙏🙏🙏…查看更多

早於幾個月前來過這小店食麵，當時一食完就立刻發出好評，今天再來幫襯，同樣地係一食完就急不及待要出好評，稱讚嘅唔止係食物質素，而是老闆的無私同勇氣。聽住與運動相關的歌曲，食起來特別滋味。我哋叫咗兩碗面，一碗係有唔同牛肉，令一碗係滑蛋牛肉，兩碗都是拉麵底，吸湯力強又不會令面質變林，湯底真是一流，新鮮香濃蕃茄加牛肉味，我平時出街食面絕對唔會飲湯，因為驚有味精，但係呢個湯我飲得出佢係冇味精，絕對會成碗清晒，一滴不漏，之後完全唔覺得口渴。叫咗三個小食，酸辣牛柏葉（好似泰式風味咁，好惹味）、墨魚丸（好好味呀，彈牙不二之選）、沙嗲豬腩肉（豬腩肉有煎香過，脆脆的，沙嗲汁又不會覺得很Heavy）。成餐飯另一個highlight係個檸檬雪梨露，好清新，小小酸，又不會很甜，我最怕嗰啲落好多糖漿嘅飲品，呢個完全唔會，仲有好多雪梨容，真係超級好飲。同埋我感覺呢間店舖有環保意識，我哋專登唔用佢個飲筒，店員見到都會識做收返。裝飲品的樽玻璃，應該會循環再用，讚！香港人同蕃茄師兄一齊加油✋✋✋…查看更多

今晚來試下omakase, 呢間鋪嘅風格係香港都算少有, 有別於一般omakase，佢可以算係一個集合日式同fine dine嘅一個fushion 混合體。有三個set可以選擇，價錢唔同，分別係菜式嘅數量，我哋選擇左較多的兩個（$17xx， $21xx）。總括來講好好味，好滿足，廚師同員工服務都好理想，而且超級飽( 朋友成日話香港嘅廚師發板好難食得飽, 呢度完全唔需要擔心)。以下依次序介紹，其實全部都好新鮮好鮮甜，恕我不能一一形容：1. 魚刺身（忘記咗係咩魚😅）、螺肉（用木魚湯泡過，好爽甜），配蘿蔔紫蘇葉係用來refresh2. 石垣螺、池魚加麻油、小肌黃魚3. 紫蘇葉包蘿蔔吞拿魚醬油漬、海膽鮮腐竹、bb黃魚、配梅酒浸番茄refresh：個海膽腐竹真係好鮮甜4. 紫蘇葉包秋刀魚（中間有薑同蔥）、橄欖油浸沙甸魚（上半係新鮮、下半係炸），配龍珠果(refresh)5. 魚子蝦拖羅蓉、9洲島蝦（配紫蘇葉花），配whisky密瓜(refresh)6. 八爪魚吸盤、象拔蚌、蝦、蠔、配熊本番茄冰蓉refresh，同sake (Gin set獨有)7. 魚刺身（再次唔記得係咩魚），螺肉8. 安康魚肝 (Gin set獨有)9. 蟹肉 (Gin set獨有)10. 松茸菇飯、青檸啫喱 (另一個set獨有）- 個菇係炸嘅，係超級好食，而且賣相好得意11. 鮑魚（黑松露忌廉汁）蘆筍 (Gin set獨有) - 鮮味之餘又有西式creamy feel, 男友大愛Sushi：九州沙榷魚秋刀魚拖羅（飛筋）海膽京都鯖魚 (Gin set獨有）拖羅筋-松茸雞湯： 飲完令我有衝動去買松茸煲湯-玉子-咖啡酒-靜岡密瓜-綠茶雪糕、春卷…查看更多

由佐敦的第一間店已經開始幫襯，記得當時仲有同小儀合照😂 後來冇經營總覺得很可惜，終於等到佢再開張，一定要來幫襯！現在是電子化，Scan左QR code就可以落單，但是店舖的上網reception不太好，好彩商場有Wi-Fi，落單還是很順利。揀完食物就要付款，可以揀visa, 八達通等付款方法, 我揀八達通，店員會攞個機黎，用八達通一doot 就完成付款和下單程序。服務員雖然很忙碌，但是服務態度很好👍有個抵食的餐，四餸$44仲送嘢飲，我揀咗粗麵、麻辣雞腎、酸齋、滷水蛋、和麻辣蓮藕。粗面冇鹼水味，但係嚟到嘅時候有啲一餅餅，但浸下熱湯就冇事；雞腎好入味，大大件；酸齋好似脆豆卜咁、酸味味夠醒胃；滷水蛋係薑醋蛋嗰種好實果隻蛋（我鍾意呢類型嘅蛋），雖然好入味，但有啲死咸；麻辣蓮藕好爽，超推介！我揀咗清湯加咖喱汁，但係可能我本身啲餸都係辣，結果成碗野真係太辣，搞到我食唔到個辣菜甫，大家要留意，如果唔太食得辣又揀咗辣嘅餸嘅話，就加腩汁好了😜附送嘅係一杯細嘅紫貝天葵，我下次一定會加錢叫大杯，因為真係好好飲又解渴又解辣。水準依舊，一定會經常幫襯😋…查看更多

之前喺荃灣幫襯過，嗰間好似好多人排隊，呢間就唔使點排隊同埋環境舒適啲。串燒d肉唔會好乾身，保留到肉汁， 熱辣辣上碟，好味道。雜菜炒粉絲，好惹味，粉絲唔太乾亦唔太濕。明爐蒸馬友（冬陰公湯底），條魚都新鮮，啲魚肉幾滑嫩，雖然啲冬陰公湯底冇令魚肉好入味，但係就咁點湯都唔錯，小小酸酸地辣辣地。泰式炸魚餅，新鮮炸出來，好彈牙，而且大大件，總共有八件，好食同抵食！芒果糯米飯，兩色糯米飯超級多，芒果好似有啲少，個比例好似怪怪地。我較喜歡食班蘭糯米飯，個紫糯米飯我覺得太濕。芒果就唔係好甜但又唔太酸，過得去。唔知點解呢個甜品係配膠叉，如果環保啲會好啲。…查看更多

我平時好鍾意食蕃茄湯底嘅食物，今次來到深水埗買電腦野，見到呢間蕃茄師兄咁多好評，當然要試吓。打開菜單，發現呢度啲菜名好得意，幾好意頭😆犇犇有禮：我揀咗配米線，有三款牛，我唔係好識分，淨係覺得好林有牛味，總之就好食，仲加咗菇同埋粟米，湯底清清地得來又有蕃茄味，有屋企嘅味道，我超級鍾意食！一貝子：揀咗配拉麵，加咗滑蛋，帶子煎香左好鮮甜，蜆肉都幾大粒，但有一兩舊有少少臭味，但我接受有時海鮮就係咁樣。另外仲加咗麻辣瑞士汁雞翼，好入味，又有小小麻辣，超正。仲有紫菜墨魚丸，超彈牙兼有咬口，又係好好味。 一定會再來幫襯…查看更多

由於屋企喺附近，通常都唔使排隊，食物質素有保證，所以經常來這間餐廳。我最鍾意食嘅係鎮江肴肉，次次來到必叫，比一般上海菜餐廳份量多，味道同質感都剛剛好。 鍋貼外皮脆，內有肉汁，都幾好食。小籠包四個之中有一個本身係穿的，我覺得手勢麻麻。野菌燒豆腐，家中老人家好喜歡，但我嫌醬汁太過杰身。擔擔面個湯底睇落好濃好杰，食落去又唔覺得Heavy，但係碗野就真係得湯同埋面，一啲花生碎或者蔥粒或者肉碎都冇，好似又有啲奇怪。餐廳新推出左酸菜魚，用嘅係桂花魚，我最鍾意食酸菜魚，所以一於叫咗三人份量試下（$430），加$30有粉條。上菜時好大碗，啲湯滿到就嚟瀉，本身碗野有豆粕、芽菜、桂花魚、酸菜、青瓜，我覺得湯底味道有啲淡，但係魚片好滑幾正，粉條有啲似透明版嘅米線，比較易斷，我覺得整體來講都幾好。 之後仲有侍應專登黎問我地覺得好唔好食，因為係新推出，佢哋想問下意見，我覺得幾有誠意。住戶證有九折優惠，要加前菜同埋茶錢， 但係服務費係12%，有得免費泊車兩小時喺東薈城。 …查看更多

平時好鍾意食麵，之前都有買過老媽拌麵係屋企煮，見到開咗實體舖，當然要來試試。打開菜單，原來一半以上嘅食物都未供應（紅點先有），有啲失望，話晒都排咗半個鐘頭😞。4個人叫咗一個雞清湯麵、兩個川味牛肉麵、一個成都擔擔伴麵、花枝丸、台灣香腸、黑糖珍珠奶茶。珍珠奶茶賣相非常唔錯，幾好飲，不過冇得叫少甜，有罪惡感。花枝丸非常彈牙，不太油膩，如果有一嚿嚿花枝就會咬口更好。香腸最好食，好似食豬肉乾咁，甜甜地，我覺得好食過其他台灣鋪頭嘅香腸。清雞湯面太淡、無咩味；牛肉面幾好，粗面好味過幼面，牛肉係厚切型，我鍾意，但家人嫌淡口；擔擔面最好食，但係其實同以前我買果包面返屋企煮冇咩分別，同埋隻蛋麻麻哋，冇乜味道。…查看更多

男友的生日飯，目標是日本菜，之前做咗功課，我見到呢間日本餐廳食物拎獎，又有靚景，於是一於來試試。我哋兩人叫咗一個tasting set, 一個omakase, +2杯飲品。每個set有大概七至八個菜，侍應喺上每一道菜的時候都會介紹菜式和食法，款式多到我已經唔記得咗菜名同埋分唔到係邊個set（🤦🏻‍♀️真係失敗）。基本上兩個set嘅食物大都係對應，例如大家都會有一樣數目嘅前菜、肉同魚，但係種類以及煮法唔同。整體來說，刺身方面和優質日本壽司店相比就不突出，熟食（天婦羅、鱈魚和牛肉）我最為滿意，下次來我會選擇散叫😬環境同服務方面係屬於一百分, 我訂位是有同佢講係朋友生日，希望甜品寫上名字, 我去到之後都冇再特別提醒，諗住有就有、無就由佢，點知最尾上甜品嘅時候，真係有寫名，而且靚女侍應好熱心咁幫我地影相留念，好開心🥳…查看更多

當日係補祝家人生日，4個人都好耐無去過雲來軒，一於睇吓過咗幾年後水準是否依舊。去到之後，加茶執枱的姐姐好殷勤，但覺得環境好似舊咗啲，講到底食物最緊要，我哋叫咗一個湯加五個餸。個例湯係烏雞冬瓜紅蘿蔔瑤柱螺頭，好好飲，幾濃，食唔出味精。金磚豆腐熱辣辣，外脆內軟，果然係招牌菜🙌🙌窩粑海斑球，米通好鬆脆，魚係炸的，外層有一啲酸酸甜甜嘅汁好屬於清新型，食到魚嘅鮮味🤩水芙蓉蒸明蝦球咁多年來水準依然，蛋白超級滑，蝦好爽，送飯一流👍新會陳皮香酥骨，我個人非常滿意呢道菜，唔油膩，好鬆化，炸粉又唔會太厚，有一少少陳皮伴住好香，可以多啲陳皮就好，就咁食啲肉已經好好食，我連醬都唔記得咗點🤟最後係話梅雞，用個鐵缽上，夠晒熱，味道不過不失，有啲失望，個汁食唔到梅味，好似冇乜特色。…查看更多