mini-me的个人专页

嚟左幾次都比條龍嚇走左，今次終於人少左，排一陣就有位雖然地方有d逼，不過食甜品都唔要求咁高啦鋪頭自己整左個人氣排行榜，咁就唔使點睇menu，直接喺個榜上面睇完就落單龍鳳冰，我之前都聽過推介，又係人氣榜no.1 就叫呢個啦，冰打得好碎，入口即溶，味道都濃嘅，亦都好冰，連粒龍眼肉都係冰椰汁燉雙皮奶，熱嘅，椰汁味清清地，比傳統嘅雙皮奶多左一點清新有大眾點評嘅話，做d任務，又多一杯仔沙冰，幾好喎始終都有名氣，去打卡都一流…查看更多

朋友食完話唔錯，就嚟試吓先午餐生牛肉河，牛肉夠冧，湯底夠清，跟嘅配料倒落去之後，就多左香料嘅清新，辣椒好辣蝦餅撈檬，真係即炸，雖然有跟醬，但係蝦餅本身都好好味，唔要醬都得，個酸汁唔太酸易入口，係落單之後要等5分鐘左右蕃茄牛坑腩，鍾意有𡁻口嘅，可以考慮叫呢個，紅蘿蔔好大舊好冧，但係我唔係我杯茶雖然叫午餐，但係其實無跟餐飲嘅，叫做有優惠價比你叫野飲囉坐位比較窄，好彩我地唔係繁忙時間去點餐姐姐都有禮貌同微笑嘅，成餐飯都算滿意…查看更多

本來對半島嘅食物，服務，都感覺唔錯嘅但係今日再去，侍應唔收點心紙不特止，走過去比埋點心紙佢入機，仲要怪我無比張卡佢打單，完全無諗過走嚟我張枱之餘，仲企喺度同其他茶客吹水，等我攞返張卡比佢先肯入單，好，算，我當行吓散步到埋單，個阿嬸態度亦都好有問題，我比支付寶，佢好似好有意見咁，然後我要返張單，好似要左佢條命咁，比說話我聽，一大早d人就咁樣，咁唔想做，點捱到收工呀！…查看更多

個“早D開飯”算係抵食嘅，二人餐份量都算係咁，絕對食得飽但係我地3個人，所以叫多左個孖寶味道都唔錯架，係個炒蜆有半碟都係殼者，介意嘅就要叫其他餐啦，仲有其他選擇…查看更多

見成日賣廣告，約埋朋友一齊試食星期五晚市，算係幾多人幫襯但係唔需要等位食物選擇超多，唔係齋韓式但係我地盡量點返韓式食物調味都唔錯叫左個套餐，話有甜品，點知比個果盤仔佢有個打卡推介，話送甜品，又係果盤仔我地一頭霧水嘅時，又再比果盤仔其實間鋪應該係無甜品嘅店員可能都係臨時拉夫嚟嘅十問九唔知，但係都會盡量幫你嘅😅真係充滿驚喜嘅餐廳…查看更多

星期四晚去食小菜，可能人唔多，服務好周全收碟換碟加水都好快叫左個優惠，就無得再叫1蚊野野食都唔差，係定價比較高咁啱佢推廣緊即煮鮑魚48蚊一隻，試吓無妨，熱辣辣有無鮮味見仁見智啦最後竟然送糖水，呢個係有少少驚喜嘅整體嚟講都好滿意…查看更多

見間野開左一段時間一早7點幾就同家人去食個早餐點知個人都未訓醒，佢就用個肉碎米搞醒我食食下，有d硬野吐返出嚟，竟然係條小鐵線d職員一直想收走碗野仲係咁話換碗新嘅比我我都差唔多食完啦，想我食幾多次鐵線先滿意呀？！真係唔使指意我地會再去幫襯想幫襯嘅就自己諗清楚先啦…查看更多

一早起身屋企人話半島d嘢好食咁就一齊去飲早茶早到即刻有卡位落單之後都好快有嘢食新鮮滾熱辣每一樣點心都好好味感覺食材都係新鮮嘅服務都好好，開茶，收嘢，都好快要醬，加水，都好快，又好笑容真係一日美好嘅開始呀早起嘅朋友可以考慮去嘆返一盅兩件仲要有早茶優惠星期一至六都適用…查看更多

路過無乜人，去試下原來要喺門口點好餐先可以入座坐底之後店員會攞過嚟嘅招牌燒仙草料多，但係偏淡，想清清地，係唔錯嘅杏仁布甸一號個布甸好香，唔清楚個冰係糖水做，定係普通冰加糖水，不過感覺清甜，觀感亦唔錯…查看更多

一間餐廳竟然無廁所用環境幾靚都無用手機落單雖然話叫套餐，但係價錢只有一份肉其他逐樣計，豐儉由人肉比較細片，味道都可以嘅跟餐有少少醬料雖然個飯係加錢嘅但係都唔算大碗甜品tiramisu都係加錢嘅但係可以唔食野飲ok，鳳梨冰茶，唔會太甜有椰果同果肉…查看更多

豬日魯肉飯便當，好軟滑，好好味紅燒牛肉麵，個湯都好好飲，凍左真係有層膏鹽酥竟然係雞翼但係都好食嘅成餐飯，係個冰比較失望如果個冰都係鐵觀音味冰咁刨出嚟，就更加正啦而家同食雪無乜分別個蛋糕不過不失，如果可以再鬆軟d就唔錯啦…查看更多

平時都有食開呢個品牌，呢間分店就第一次去環境雖小，但係服務唔錯我地兩個人，竟然將兩張雙人枱拍埋比我地坐雖然人唔多者，真係好驚喜野食唔使多講啦，唔好食都唔會成日食啦但係布甸擺落個雞度，又好似嘥左個布甸喎最驚喜係最後出場嘅甜品做咩搞到咁鬼可愛架好正呀，第一次有咁嘅視覺滿足❤️…查看更多

一直都幾鍾意呢個品牌無訂枱walk in，好彩都有位，位置也算不錯母親節當然就食母親節餐啦呢個價錢，竟然有咁嘅份量，絕對超值每一樣食物嘅賣相都好吸引味道當然都唔差啦服務亦都貼心，好滿意父親節都會考慮再回頭…查看更多

間間鋪都排一堆人我地就膽粗粗試下，為求有位坐，唔使等d相都吸引嘅就叫兩個拌麵試下自助落單原來麻辣係要落單嘅時候揀但係唔覺有呢個選項喎咁就食個原味囉，至少有鹵肉飲品名稱寫得好靚其實就係檸茶檸水，要檸同唔要檸嘅者其他飲品就加錢麵嘅份量都算多嘅餸都唔少有麻醬香，但係鹹左d者因為我地有兩個人所以自製雙餸點解淨係收現金呢？…查看更多

路過見到有新酒樓就走上去試下11點半前都仲係早茶叫左6個點心全部都好精緻不過都好好食，又新鮮蝦餃整左d金色邊，又夠大隻，蝦又爽馬拉糕又整d拉花，食落似朱古力味，唔太重腐皮卷都好脆酸奶兔好細隻，一啖就無啦，不過都好特色好好味格餅好香，唔知咩肉，個調味好有風味椰皇清甜，果肉都比我地食埋職員服務都好好個茶比錯左，二話不說就換過啦問問題都好耐心解答…查看更多