amyblogblog的个人专页

見放假特登和家人黃昏到新商場逛街~商場內其實有很多餐廳~見這裏環境不錯，而且餐牌食物賣相吸引，所以決定食呢間泰國嘢!先送來雞肉撈檬(HK$82)，由於用碟上，感覺賣相很差，只見是一堆乾檬配三串雞肉!最好笑是只配來一小碟魚露(檬汁)，幸好叫店員都可即時送來一小瓶任撈!之後有馬沙文咖喱慢煮豬肋骨(HK$186)~這個頗有驚喜!豬肋骨肉質軟腍，而且咖喱香滑帶甜~配埋另外叫的油酥餅(HK$39)一齊食好好食!只嫌豬肋骨價錢有點貴!最後仲叫咗一碗大蝦番茄蟹肉海鮮湯米線($98)!最初以為至少有一隻大虎蝦，可惜原來是我地想多了...而蟹肉全部都是碎濕濕的...雖然配料真的一般，不過夏天食這碗充滿蟹肉味的海鮮湯算不錯!總括而言餐廳環境不錯~不過員工還需要再訓練!我哋沒有叫飲品，店員就沒有主動送上清水! 之後我們要求送上幾杯水，最後竟然只送上一杯!!!???另外，亦有員工過分主動~一見我們每食完一款食物，就會過嚟問可以收走嗎？一餐飯前前後後過來問超過五次，感覺非常騷擾而且有點趕客的感覺! …查看更多

難得週末有半日me time~ 即刻約好姊妹去tea下!☕最近留意到一間由法國藍帶主廚主理的西餐廳在中環重開~就不如去試下!三層架上的tea set賣相唔錯! 尤其係咸點!❤️我特別鍾意日本三文魚籽撻~滿滿的三文魚子配上薯仔蛋沙律~第一啖食感覺夠曬fresh兼口感豐富!仲有澳洲M8和牛他他~質感嫩口唔乾身~食一件有d唔夠喉!而香辣豬肉串真係幾辣~仲好惹味添!至於甜品~🍰有齊大眾摯愛的鮮果芝士撻、拿破崙、朱古力蛋糕同macaron!拿破崙夠酥脆幾好食~而macaron亦唔算好甜!食齊四款剛好滿足嗜甜的胃~ 哈!😆最後埋單兩位只係HK$298+10%~仲包兩杯野飲真係好抵食呀!…查看更多

是日慶祝好姊妹生日~🎂原定計劃想去嘅餐廳~去到竟然需要50分鐘交枱~當堂呆左即閃!!!跟住亂打亂撞去咗呢有驚喜的cafe~❤️我哋叫左松葉蟹膏甲羅燒飯定食($148)~🦀賣相除左超級打卡able之外~味道好唔錯!滿滿的蟹膏撈飯夠晒惹味~至於另外的溫泉蛋三色冷稻庭烏冬🥢($118)配有唔少蟹肉同三文魚籽~夏天冷食絕對係好選擇!野飲我地叫左matcha latte同flat white~拉花真係勁靚!🍵☕而且要讚我哋不斷影相兼食完主菜後，杯咖啡的拉花仍然係好平滑和冇起細泡架!最後我哋仲試咗一個好特別的紅豆年糕~年糕外脆內軟唔膩口~配埋紅豆同黑糖漿食好好味呀!雖然餐廳細細~但都坐得幾舒服~原本話入座起計90分鐘交枱~幸好最後都無限時~可以同好友慢慢傾偈!…查看更多

呢日朋友放假~ 佢提議約去中環附近食飯!為咗避開繁忙的人流，我哋特登去咗大館Between食!由於我哋中午前就到所以餐廳冇乜人~店員亦好快俾咗張單我哋可以自助落單，而且友善地提醒限時兩小時!估唔到午市套餐都有幾多選擇!有飯有意粉或者沙律set...由於我哋都唔算好肚餓，所以各人都點咗一份香煎雞扒芝麻沙律!而套餐亦會包一碗湯~如果點飯或意粉的套餐就會送一個細沙律!雞扒的皮做得超級香脆，而肉質亦好juicy!我同朋友都不斷讚好食! 而雞扒下面亦配有一大份新鮮沙律~以HK$88來說真係好抵食!朋友加配了一般Ice Latte，味道不過不失!我就另配多一件芝士蛋糕做甜品!口感鬆軟不過味道就比較普通!總括黎講這裏坐得好舒服~午餐價錢唔貴而且又冇加一!下次如果再嚟我想試下鰻魚拌飯呢!…查看更多

好耐無去新都會食飯! 朋友話想食日本嘢，見平日六點幾餐廳仍未坐滿，所以去試下丸十~ 但由於無訂位，所以未被安排坐卡位...餐牌有好多選擇, 不過由於有選擇困難症, 所以最後揀左"精選二人前"!落單後先上茶碗蒸! 蒸蛋唔算滑，味道一般! 幸好是熱辣辣的!接著是沒有特別的蟹子沙律!然後是刺身三品(各兩片): 包括三文魚、帶子、油甘魚上枱後朋友忍不住"嘩"了一聲，因為這幾片刺身除咗又細件又薄之外，亦吃不到一點鮮味，非常失望!🙈至於紫蘇大蝦天婦羅4件，反而炸得不錯! 因為炸粉較薄，入口少少脆和吃到紫蘇香和啖啖蝦肉!牛肉壽喜燒份量不過不失，也是一般的味道!最後最期待和顏色賣相不錯的香菇蒜蓉炒飯，廚師竟然忘記落鹽，味道變得非常淡口，唉!😫吃了幾款失望的餸菜後，以為甜品只是一人一粒糯米糍吧! 好彩都有一人一杯軟雪糕，仲可以揀鴛鴦或單款口味，fine!總括而言，所謂的精選二人前，食款種類都算多，不過味道真的非常一般，而且完全冇驚喜! 埋單後，朋友話下次要改去食回轉壽司...😅…查看更多

是日午餐想食得特別啲~ 特意上網揾下中西區有什麼好嘢食! 見到這間以牛油果主題的墨西哥小店，就即刻嚟試下!平日中午12點幾未有任何客人，我地揀咗窗邊位坐!午餐都有唔少套餐選擇，而且可以配搭飯、班豆蓉或沙律，而且仲可以包一杯嘢飲，又幾好喎!我叫左軟皮夾餅餐，有一件烤魚柳及一件烤豬肉的! 配料就揀咗斑豆蓉拼沙律菜!我覺得食物比較清新淡口，好啱我! 而夾餅可以加埋斑豆蓉一齊食，好味!第一眼看感覺細細份量，點知食完會勁飽肚!另配Ice Cappuccino加hk$18~ 味道就好一般!另一個芝士薄餅餐: 包一件雞髀肉及一件香汁豬柳芝士薄餅! 配料揀咗飯和斑豆蓉! 飯係軟身易入口的，不似印度比較硬個一種!由於餡料有芝士，所以這款食完比較滯!最後另加hk$38點了甜品牛油果雪糕!賣相真的好可愛! 完全是牛油果的造型!雪糕好香滑! 食完大滿足!餐廳環境不錯! 坐得幾舒服，而且不斷播放輕快的英文歌... …查看更多

一直bookmark左素年，今日終於有時間嚟試下! 平日未夠下午一點已經有唔少人等位，炎熱天氣下仲等左差不多30分鐘...睇餐牌嘅食物全都好吸引，完全睇唔出係素食!先叫咗一份泰式春卷，雜菜飲料，不過不失，要靠沾泰式醬帶出味道!黑松露帶子意大利飯: 帶子是厚厚的鮑魚菇做，賣相做得超級似! 黑松露飯煮得好香，而且份量勁多，吃了一半已經好飽!至於日式吉列豬扒咖喱意大利飯, 這個真的超級推介而且有驚喜! 重點係豬扒好juicy, 外皮炸得好脆, 但裡邊嘅肉一點都唔乾, 好好食! 配上兩片爽口的蘋果, 仲有充滿咖喱香的意大利飯, 大大碟好快食曬! 至於不可能肉醬意大利粉，酸甜味好突出，而且有不少"肉碎"，夏天食好開胃! 午餐仲包一杯斯里蘭卡伯爵凍茶，唔錯!過咗午飯時間後店鋪多了唔少座位! 如果唔肚餓下次可以兩點後再嚟食! 見到有人食burger賣相都好吸引呢!…查看更多

同家人食飽晚飯在附近行逛~跟住走去試呢間新開的西貢人氣乳酪!Toppings款式超多! 花多眼亂!最後揀咗芒果、朱古力麻薯和穀物脆粒配honey醬汁!乳酪分量好足而且好香滑!可惜店內環境好細，而且只有bar枱的企位，瘦啲可以企到3-4人吧! 不過最估唔到晚上有超多人來買，店仔細細塞滿好多人排隊~無奈要快快食走人!🙄🙈雖然店外有兩排座位，可惜大熱天時坐室外食乳酪真係唔好受!睇嚟要等秋冬季先可以再來幫襯!…查看更多

放暑假同媽媽們和小朋友去食超得意的溫泉小熊火鍋! 賣相不得不讚真係超得意! 店員見到小朋友是小學生，未落單前已提醒必須一人一鍋!不過坐低唔夠一分鐘，店員就不斷催趕要快脆落單，因為限時90分鐘(平日都係一樣)... 未食已經感到好大壓力!最後我哋好快揀咗一個壽喜燒湯底!而另一款是限定的蕃茄南瓜湯底!兩款都揀咗雜錦盛盒!包括雞肉、豚肉、牛、雜錦丸和蔬菜!有烏冬和飯選擇~ 而我哋兩個都揀咗烏冬!小熊正正就是雪硬了的湯底! 開爐遇熱就會慢慢溶掉超似在浸溫泉的小熊，賣相實在超級打卡! 大人細路見到都好開心!不過由於火鍋盤比較細和淺，食物唔可以一次過放太多，而且好容易會滾瀉! 加上湯底比較濃，食一陣已經變得好杰! 影響味道! 總括而言食物真的好普通，為咗隻溫泉熊來打卡一次就夠!食咗大約一個小時多，店鋪根本無坐滿客人! 而店員見我哋有意加配甜品，就改口話可以食完先埋單，不用趕著限時90分鐘... 而加配$48的迷你芭菲賣相好一般, 而且熊仔亦不是立體熊，只是一塊淋了的餅乾吧!鍾意熊仔其實係值得嚟食一次，不過就千祈唔好抱太大期望啦!…查看更多

好朋友生日! 特意請佢嚟呢度食午餐順道慶祝佢生日!好鍾意餐廳採用復古大宅的設計，好特別!而且枱與枱之間都好闊落，坐得幾舒服!我哋分別order了兩個lunch set!前菜可選沙律或者餐湯!其中一個主菜係"火炙吞拿魚忌廉菠菜飯"!賣相好吸引! 火炙吞拿魚好肥美，而忌廉菠菜飯都好香，唔會膩口! 不過如果份量可以再多啲就好啦!另一個午餐主菜係"鹹蛋黃烤雞半隻配香草炸薯角"! 烤雞炸得好香脆，不用點汁肉質都好嫩!幸好在朋友到餐廳前我已通知侍應在甜品寫上生日字眼字~ 想不到只用加HK$38的"Daily Cake"係咁靚咁好食的朱古力蛋糕! 感謝餐廳仲會配上一支蠟燭送來，生日主角見到這個小驚喜都好開心! 可以許願之餘仲可以狂打卡!平日午市建議也要預早訂位! 因為中午時餐廳係坐滿人的!…查看更多

好友約我去食早餐~好耐之前去過金鐘的分店食lunch, 早餐就反而未試過...平日朝早八點半左右到餐廳無乜人, 而且枱與枱之間都幾闊落,環境感覺都幾舒服!我地叫左一份British Breakfast Brice Lane Full English!包括雞蛋、煙三文魚、豬血腸、肉腸、火腿、煙肉、約克郡布丁、番茄和薯餅份量正常, 味道不過不失!之後我哋再叫了一份Housemade Scones!仲會配埋clotted cream、jam同牛油... 估唔到仲有一小份雜莓添!雖然鬆餅沒有太大驚喜,但都做得鬆化唔會太粘口!另加錢點了兩杯Cappuiccno, 就這樣和好友吃了兩個幾鐘的"早餐"!平日黎歎早餐唔算多人,店員服務不錯亦無催趕我地埋單,可以和好友慢慢食慢慢傾偈,食早餐又多個好選擇!…查看更多

好難得西營盤有間餐廳可以食台式做早餐! 而且都算好多選擇!今朝和好友試了一份寶島蛋餅，蛋餅餡可以任選一款! 我哋叫咗肉鬆餡，再另加十蚊配火腿!賣相真的不錯! 除咗四件蛋餅外更配有不少麻醬沙律!好食!另外再簡單叫了一份炒滑蛋、牛油果沙律和牛油丹麥吐司! 味道不過不失! 早餐吃完不會覺太heavy!早餐更可跟奶茶或加七蚊有杯拉花咖啡!環境細細但都算坐得舒服! 下次要再試下台式鐵板吐司!…查看更多

一直都bookmark左呢間新cafe! 星期六和家人經過ToyRus發現原來星期六都有假日套餐! 雖然啱啱大家先食飽第二間午餐，但我哋都忍唔住走入去再食過!我哋叫左一份套餐: ohayo芝士瀑布安格斯漢堡而套餐再加錢叫咗一杯凍鮮奶竹炭! 呢杯好香竹炭味! 不過不失!我哋發現好多人都叫左呢個漢堡套餐! 所以我哋都忍唔住試下~果然好有驚喜!除咗漢堡包之外仲有一大堆沙律和新鮮薯條!而重點漢堡係好juicy好冧身!雖然漢堡見到煮到全熟冇血色，但係一啲都鞋口仲好好味!另外叫咗一杯capuccino~ 普普通通!最後唔少得點多一份甜品!我哋叫了每日限量12份的"綠茶紅豆麻薯窩夫"!四大塊窩夫仲配埋雪糕我覺得好抵食!窩夫仲熱辣辣新鮮做，裡面係煙煙韌韌的麻薯口感不錯!…查看更多

呢日同幾位好耐無見啲朋友食午餐! 其中一位朋友建議去這間新開的寵物cafe! 環境開揚舒服，店內感覺都幾大! 而且有唔同款的坐位選擇，其中一款仲係要除鞋的日式榻榻米!這裏沒有set lunch! 我和其中一個好友就點了英式早餐配雞蛋仔! 賣相真係一流! 不過味道真是一般! 幸好雞蛋仔能做到外脆內軟，口感不過不失! 我還點了flat white, 可惜完全沒有拉花! 好失望! 反而朋友的cappuccino就印了狗仔掌印!沙爹雞肉串比想像中肥美不鞋口，好食!而索價188蚊的龍蝦汁意大利麵份量有點少，而且比較淡口! 有點覺得唔抵食!不過落單後餐廳忽然話order這個意大利粉會送生果杯，滿滿的生果，即時令人感覺"抵食"返!最後埋單三個人連加一服務費要$700幾! 在自助落單時看到like 社交平台都95折，最後埋單$698!…查看更多

打完疣的第八天~~~🌞塊面仍有唔少"芝麻"~🙈唔想嚇親朋友唯有自己食lunch~一直bookmark的小店今日終於試到~中午12點幾已經坐滿人~只能被安排坐面壁的座位~點了照燒雞串配明太子拌烏冬~🍜送上眼前的定食賣相好豐富~主食配有沙律、麵豉湯、枝豆和日本半熟蛋~明太子拌烏冬有驚喜~烏冬彈牙亦唔會太黏~伴辣辣地的明太子食好好味!而照燒雞串仲有三大串!每串之間仲夾有杏包菇和大蔥，正!加錢($18)飲咗杯咖啡~完全想像唔到杯latte一早上枱,擺到食完晒所有嘢先飲都可以仲熱同埋咁靚仔!!!真心要讚!!!!!💯😍👍☕下次有機會想試埋佢哋蛋捲喔~…查看更多