湯丸媽的个人专页

呢間賣梳乎厘pancakes已經好一段時間，無論我中午定夜晚行過都實好多人排隊，諗住佢新開先多人，點知佢一直keep住出新款，所以一直都勁多人係旺角可以開咁耐，証明佢實係唔錯，今日行過，竟然得4-5人等緊，就算岩飲完茶好飽，都要叫一個試下！一件梳乎厘pancakes都搞到好多花款，揀左陣，都係試原味，因為...我從未食過😅，每次同朋友去街都見d餐廳勁多人，一係cut左龍，係日本又見多人排隊又無試過，一百個理由令我未食過😂！等左都無10分鐘，就有得食，藍色雪糕好特別，而3.7牛奶同平時食開3.6好似有少少唔同。食落同我朋友講既一樣，食左陣風落肚，不過都好，唔會太飽，口感同個名一樣，pancakes既皮，梳乎厘既中間，都幾好食既，有機會要試下舖頭食貴咁多，係咪好唔同！…查看更多

呢間係銅鑼灣排到死，真係無人唔識，但企係銅鑼灣馬路邊排隊真係咪搞我。早前見到旺中隔離新商場T.O.P.地下圍左版，將會開老虎堂，太開心，終於多一個機會買到。當日咁岩無珍珠，只得波霸，咁唔洗諗，一杯招牌！呢類黑糖鮮奶，全部舖頭都係唔可以少甜少凍之類，呢間都一樣。等左十幾分鐘，就有得拎，不過快都正常，一黎MK有太多呢類野飲，而大部分人都係飲招牌，店員keep住不停沖就得。飲一啖，比例岩岩好，唔會覺得黑糖搶哂d鮮奶味，波霸好大粒，好有咬口，每一啖都好豐富，真心好飲，難怪咁多人排隊！！真係值得！…查看更多

中環多左新境點-大館，我唔係遊客，當然無第一時間去行過。多得朋友帶我呢的鄉下妹去試下先第一黎，一入到大館，感覺好似去到1881咁，原來大家前身都係差館。呢度都幾多餐廳，今晚就book左呢間試下，叫做中文圖書館，但門外就係全部係外國人，餐廳入面好有電影場景咁，勁靚！餐牌內的選擇唔算太多，放心，食中菜有中文字餐牌😆，價錢都算中上。落完單，就會上呢2碟涼菜，一個似係芥末菜頭，呢一個似係酸梅車厘茄，2碟都覺得好有心，唔hea！呢個夠晒鑊氣，有4件，煮到岩岩好，唔會係全熟，而風沙食落有少少似避風唐風味咁！係呢3d餐廳食碟實勁唔抵架啦，但呢個芥蘭佢幫去左個皮，得番最幼既芯，又無葉，仲用石鍋熱住上，我就覺得好好食啦！呢個飯上菜時會問你洗唔洗分，懶人就當然最好食殘廢餐😆，請佢放底俾我影張相，就麻煩幫我地分2碗，你無聽錯，真係分得2碗😅，分量係少d，但有時細碟有細碟好。味道當然唔錯啦，濃味少少，可能只係我自己近來食得清淡。可以睇到靚仔侍應好優美咁幫我地分，幻想下換轉同樣事情，係普通酒樓...都係呢度好睇好多😂！咁靚既環境，食一次就夠，成間餐廳感覺去左外國既中餐廳，少少呃鬼佬咁，但野食同服務唔錯，我只飲熱水，食飯中途都不停有幫我加水。餐廳裝修都幾浪漫，我承認我老土，如果係食西餐，更有feel，可能係習慣食中餐既地方都係好光猛。…查看更多

銅鑼灣真係超多野食，成日都有新餐廳新商場！今晚同朋友想搵間cafe傾下計，就黎到試下！地點係銅鑼灣一期附近，好易搵！餐廳裝修有好多韓國元素，有d韓國小公仔。餐廳除左室內坐位，原來有户外位置，如果天氣涼d既時候，坐係外面都幾正！呢個賣相幾吸引，但入面豆腐湯咁，唔會太重味/咸，感覺幾健康。去餐廳食飯，最鍾意叫併盤，每款小食都有，份糧又岩2個人食！呢個併盤有餃子，蝦球，燒豬腩肉，炸雞，炸甜蕃薯條同沙律，好豐富我最鍾意個炸雞，無骨，仲要我咁喜歡既甜辣醬，而炸甜蕃薯條都好食，脆又香！人氣之選，見人人黎到都必食，我地都要試下！😏上菜時，店員會細心提醒碟都係熱既，小心掂到！當相機食完，就係邊邊切開佢，就會見到蛋液留落黎 做到溶岩流漿效果，好有趣！賣相又係好吸睛，白色個層係棉花糖，味道似bbp食既棉花糖，我自己唔建議攪勻飲，因為攪唔勻的。呢款特別用韓國米酒做成，酒味唔濃，又唔會太甜！…查看更多

上次朋友帶完我去長沙灣搵食，整個大改觀，今晚搵左呢間幾靚仔既打邊爐試下先。地點都係ＭＴＲ行去附近，方便易搵。坐底就睇下點食法先🧐以前有試過蒸既粥底食法，今次就直接試下粥底邊爐，包咁多款海鮮，都好期待個粥底😍！火鍋配料有人會拎黎你位，唔洗行黎行去。揀好哂食乜同落完配料，就上左鍋粥水。望下d海鮮😍😍，肉蟹雖俾人切開左，但仲識郁🙈，唔洗我形容，你都明白到幾新鮮！鮑魚洗刷得勁乾淨，連殼放入去打邊爐都唔怕！煮海鮮唔同煮肥牛，識睇既人，就知幾耐食得，但如你我唔識煮飯既人，係度食海鮮，唔洗怕監介要問職員，因為...人地每張枱，放隻雞同餐牌，寫明哂每款需要時間同次序😆，好細心！除左頭先未死既肉蟹同沖到勁乾淨涼既鮑魚外，所有貝殼類都無食到沙，仲食到鮮味！不過記得開口就食，煮得太耐，變得勁細粒會搵唔番😂！隻肉蟹睇得又食得，個身同對手，勁多肉，係勁多肉，煮左咁耐，仲係有甜好好食🤤！其他配料揀左呢d，魚皮夠脆👍🏻我揀左飲椰青，唔知大家有無發現，有時飲椰青，食唔到入面d肉，我曾經問過一間泰國餐廳職員，佢話椰青老，就食唔入面d肉，如果真係咁，呢個椰青係少女，入面d肉好容易食到，仲好嫩滑🤤🤤！呢碟係湯底配料，等你食哂海鮮後，就倒哂落去，再食件粟米先...記唔到點食唔緊要，因為店員會細心提醒你同幫你落！d南瓜甜到，我朋友以為自己食緊蕃薯🤣！當你食哂d海鮮，自選既6款配菜又食埋，記得個肚留番d位食個戲肉呀！粥又另外上呢幾樣配菜，豬油渣，菜甫同冬菜粒。由店員熟手技工，幫你整碎哂d南瓜同芋頭，加粥，最後落埋豬油渣同我最愛既菜甫冬菜，滋味十足既海鮮粥底就完成！我地2個女仔，每人食左2碗半至3碗粥，真係唔好睇少d個粥，好食到停唔到口🙈，有蜆味蟹味，食完呢餐，又要努力減肥！不得不提，每次係街食飯，我都好在意店員態度。呢度店員中途會過黎問下你d野食點丫？ok嗎？仲會見到你鼓油就黎用完，過黎幫你加(👈🏻係佢主動)，有問必答，態度好好，有時幫襯小店，就係為左呢d人情味😁！…查看更多

我都算係”塑化劑”既愛好者，即係好鍾意飲😆新開既舖頭，如果唔太多人排隊又就腳既，都會去試下！上網見納豆係荃灣開左新舖，今日做完野行過，見到6-7個人排隊，就排下啦~本想試下招牌黑糖厚鮮奶，但落單時，店員禮貌地話糖同冰唔可以更改😨，晴天pig pig，因為我想走冰半糖(要飲又要懶健康😝)，好彩排隊時諗定後備😏。👆🏻漸層做得幾靚，影相一流，火龍果珍珠都食到少少火龍果味，我叫左半糖走冰，顯得珍珠都幾甜，加埋奶茶飲，中和番，甜度岩岩好。要提下，呢間全部用鮮奶沖，重本好多，但又健康好多Btw 如果下次又要大排出龍，我唔會再買😜，因為無話好特別到非飲不可。…查看更多

今晚朋友推介長沙灣搵食，話有間cafe，裝修靚又舒服，最緊要仲話唔貴，所以黎試下。由長沙灣站行過黎，大約一條街距離，易搵，我未黎過長沙灣都搵到！入到黎，感覺好似銅鑼灣/尖沙咀既餐廳，同係街既街坊餐廳感覺好唔同！👆🏻想食香口野，當然要試下呢個薯條，即叫即炸，薯條粗身有咬口，個黑松露醬甜甜地，中和番薯條既油膩感，我個人重口味，食薯條仲鍾意加d鹽😝！👆🏻哈密瓜超甜，連我平時唔鍾意食密瓜/哈密瓜既人，都食左好多舊😆，火腿唔算好乾身，感覺應該唔係風乾左好多年。👆🏻翡翠螺好大隻下，用牛油焗好香，岩岩好熟，不過入面既肉無乜味。👆🏻又係黑松露😆，無計，我太愛黑松露，呢個意粉都幾多蘆筍同雜菌，又唔會太多汁，整體感覺唔錯！👆🏻跟餐甜品，估唔到焦糖醬同cheese cake咁夾，不過就會有少少搶哂d藍莓味。👆🏻 夜晚都係唔敢飲咖啡，怕眼光光到天光，所以飲呢個，綠茶襯埋個杯，成件事好綠😂，面既綠茶泡沫對我黎講有d苦，整走左後就無咁苦。2個人食飯，因為想邊食小食邊傾計，所以只叫左一個set dinner，但份量好足夠，食到我地好滿足☺️☺️☺️…查看更多

一段時間無黎青衣城行街，發現有間日本屋酒屋新開，就入去試下先😁青衣城每間餐廳都幾大下，所以坐得幾舒服😌。有吧台可以睇到師傅即場切刺身壽司！好多松葉蟹肉呀！最愛芝麻醬沙律，夠多醬，又好多蟹肉，好好食！呢個燒到岩岩好，正到不得了，牛舌上既鹽灑得好平均，明顯係落足心機去燒！店員仲好好，提醒我地串燒要襯熱食，估唔到店員個樣好cool，無乜笑容咁，但好細心！☺️呢個鰻魚好厚身，燒到熱辣辣，完全無骨，勁好食！😍以為呢個會好hea，點知無期望，反而越有驚喜，雞肉好嫩滑，大葱好爽口！我發現”炸。雞。軟。骨。粒”呢5個字都幾難讀🤣🤣🤣！呢個我又唔覺太多炸粉，雞軟骨都幾大粒，沾沙律醬食唔油膩！試左當日由日本坐✈️黎既魚，葉上個款叫”鐵𩶘”，我就未聽過未見過未食過，聽店員講，每日飛機到港既魚都唔同，所以餐版不能盡錄。鐵𩶘口感唔同三文魚油甘魚，佢係爽口既口感，都幾好食，我本身一般吞拿魚油甘魚既口感，但我鍾意呢款魚！海膽都好鮮甜，無怪味！睇個樣覺到好普通，但食落知道佢唔係用cheap cheap肥牛，唔太多肥膏，好濃牛肉味！呢個燒魷魚不過不知，無乜特別。我地仲叫左幾件壽司，感覺都係普普通通，黎到居酒屋，我都係喜歡叫串燒剌身個d！我地傾左成晚計，店員都不停幫我地加水，服務態度幾好😁！…查看更多

好耐都無黎九龍城，事關無地鐵站係吊腳d😅！難得朋友帶我黎食泰國野，就幾遠都黎食。呢間餐廳係馬路邊，又勁大個門口，好易搵！睇到呢幾頁，就見到超多野食！😍😍😍可惜得2個人食飯叫唔到好多野食...😢基本上我5次去食泰國野，有3次都會叫生蝦刺身，同行朋友話唔明點解會係泰國餐廳叫刺身，等同我都唔明火鍋店有刺身食一樣🤷‍♀️，不過泰式生蝦刺身係食個醬汁加片生蒜，完全唔係蝦本人個鮮味啦😆！講番呢個蝦，好爽脆，一d都唔會淋同”梅”，收你$108係有d貴，但都幾大，算值得食！👍🏻我地無叫到咖哩又學人叫薄餅😂，無所謂啦，想食就得😁，即叫即烤，新鮮熱辣上枱，烤得脆又勁香，就咁食都好好食！每碟分量都幾大碟，d通菜幾幼，食落無渣！我好鍾意食泰國餐廳既炸蝦丸，通常都好大粒又好好食！呢度既蝦丸特別d，入面包芝士，切開仲流心添，炸得唔油膩，好香口，芝士同蝦丸好夾，好好食！呢個有驚喜，估唔到d河粉好彈牙，煙煙韌韌，最抵食係，d雞肉同河粉一樣多🤣！味道偏辣少少。汽水一杯都幾十蚊，呢個新鮮椰青清甜又夠大個👍🏻2個人食5百蚊有找，都算唔錯，好食抵食過係尖沙咀食泰國野！…查看更多

烤魚其實有的似食雞煲，食左部分魚後，就可以係2邊淺水位置燙野食！呢間係金百利，銅鑼灣最熱鬧既美食地方，無人唔知。呢度除左有烤魚，仲有其實熟食粉面同小炒，比其他食烤魚餐廳多好多選擇！落單後，會送上小食，食住等，岩哂我呢啲收工就好肚餓而又未有野食既人！🤣蜂蜜柚子梳打:甜甜地，普通野。睇餐牌完全唔知佢咩味，其實飲落都唔知咩味😂，但個樣好得意，入面有條鯊魚軟糖，游下游下咁，仲有發光冰塊，好過癮！但呢杯野有少少蠢，飲左半杯後，都唔識自己向下流，要人手整😅麻辣豬手送架！送架！送架！即炸完，成盆拎出黎，每個人都分一舊，食落有麻辣味，唔油膩，好香口！主角終於黎啦👏🏻，原條魚開一半，都幾多肉，唔太多骨，怕有魚骨人，可揀呢款魚！味道係麻辣味，略嫌唔夠辣，我諗大約譚仔既10少辣再辣少少。呢個爐唔錯，都幾深水，我之前係荃灣食既烤魚個爐好淺水，只係夠燙到片肥牛深dd，呢個起碼燙到豬紅豆腐個d！配料叫左豬紅，黑毛牛，炸嚮鈴同寬粉。豬紅好夾味，黑毛牛同炸嚮鈴都可以，寬粉我好喜歡，似酸辣粉d fd，煮得耐會入味後，所以好好食！糖水同西瓜都係送架！呢間餐廳真係超大方！價錢唔算太貴，但我覺得抵食，2個人食，都食到超飽咁走！…查看更多

係開飯呢度發現呢間烤肉，無論環境同食物，都好吸引，襯今晚就book定枱黎，試一試！地點好易搵，銅鑼灣F出口行5分鐘就到！餐廳環境唔算太大，所以book好枱先上黎就實有位食。餐牌有仔細介紹和牛各部位，我地揀左幾款肉試下！左上:特上日本產和牛西冷右上:日本產豚肉眼左下:日本產上肉眼右下:特選日本產和牛牛排肉一上枱，店會會介紹每款肉，擺碟真好靚，未食都已經覺得啲牛肉每件都好靚！豚肉眼:好薄，所以唔洗燒太耐，唔係會變肉乾架🙈和牛西冷:好香肉味，油脂分佈平均，食落唔會覺油膩！上肉眼:油脂分佈多少少，所以入口都有少少入口即溶既感覺！牛排肉:呢個不得了，簡直入口即溶，油脂最多，油香到不得了，但怕油膩人士食2件已經頂盡😆！厚切牛舌:燒呢個有d難度，燒唔夠，又會無乜牛舌味，燒得太耐就會太韌，咬唔到，如果燒到岩岩好就勁好味！牛內臟盛合:左起牛腸，牛肝，牛胃牛腸燒時會幾大火，所以要小心！牛腸有少少咬唔斷咁，但𡁻個味好香好食！牛肝同牛胃我都麻麻個口感，食唔慣🙈冷面: 食緊燒肉，諗住叫個冷面降下溫咁，點知？！勁好食，首先碗面好夠凍，碗內無冰塊，有d人應該明，有d餐廳真係會放冰落面當冷面🤦🏻‍♀️！面好彈牙，上面有d蘋果，2片牛肉，泡菜同半隻蛋。真係唔係講笑，邊食燒肉邊食冷面好夾😂！呢度除左職員服務好好，每款肉類上枱會作簡單介紹，又會經常加茶同換網，我仲好喜歡佢地支夾，支夾夠長，就算燒時都唔會辣親手，又唔會彈到油呀！食飽後，去到門口仲有薄荷糖同香口膠可以除除烤肉味，好細心☺️總括價錢係貴少少，但真係食到日本級數既靚牛，好值得！…查看更多

拉麵店真係好多，好多舖頭，都會不停有新款拉麵推出，唯獨呢間-別天神，食左幾年，都仲係得2味拉麵😂！雖然只得2款揀，但間中都會刻意去食個蝦味噌豚骨湯面同小龍蝦沙律！真係得2款拉麵選擇！落單後先付款，等一陣就有得食！碗內有2片豚肉，一隻半熟蛋，仲有啲櫻花蝦。湯底無得揀濃淡，但呢度我覺得岩好，偏淡少少，因為我係其他餐廳食都係會叫淡的！味道唔會覺得咸，係覺得個湯底少少唔夠熱！小龍蝦蟹子沙律: 本身我唔食小龍蝦既，但呢個幫你起哂肉，撈好哂，搵紫菜包住食，真係好食，有時我都係為左食呢個沙律，去食碗拉麵😆！…查看更多

今晚又係銅鑼灣搵食，一早上定OpenRice睇有咩食，揀左呢間樓上舖，貪佢可以坐得耐啲同舒服啲！出電梯後，全層都係餐廳。環境唔算大，但裝修感覺幾舒服😌。餐牌上，見到佢有好多唔多款既意粉選擇，好多元化！炸芝士配士多啤梨醬:炸芝士食落感覺普通，唔太濃芝士味，配士多啤梨醬有啲奇怪，而沙律上淋上士多啤梨醬，呢個係咩玩法🤨！黑松露醬鮮帶子意粉:好淡既黑松露味，食落有啲油，感覺濕炒咁！味道ok，有少少咸。雙子墨魚汁意粉:成個都乾爭爭咁，墨魚汁無味，但越食越咸。巴馬火腿:火箭菜同火腿，都似係焗完個pizza後放上去，所以同個pizza分開的，餅底厚薄適中，味道ok。…查看更多

做做下野，突然好想打邊爐，就上OpenRice搵下銅鑼灣有咩好介紹。見呢間既風格sell重慶，令我諗起之前去重慶食麻辣火鍋，真係好正，一於打電話去book定枱！位置係mtr出口對面，好易搵！坐電梯上到3樓，裝修帶點中國風，都幾精緻！坐底即睇下有咩野食！湯底有4款，本打算食麻辣，但見青椒魚頭鍋(椒麻味)，未食過，都係叫呢個！醬料係自助形式，多款又放得乾淨整齊，仲有啲我都未見過，例如味粉同榨菜末！呢度每個位都會有件圍裙，超級細心！打邊爐，真係好易彈到件衫，呢度打邊爐就唔怕。設計簡單，戴上身都唔肉酸！我太口渴，先叫杯洛神花茶，酸酸甜甜咁，好開胃又好飲喎！英雄八盞：8個前菜，我地2個人除左碟青瓜(因為我唔食青瓜)，每款既醬汁都係麻辣/花椒油，每碟都係唔同既辣度，可以放心，連我唔太食得辣既人，都食到！入面豬耳(左二)，蓮藕(右四)同木耳(右一)我最鍾意！青椒魚頭鍋(椒麻味):好大個鍋😮，成鍋滿滿既青花椒，仲有成個魚頭，好足料！！食落先有一陣花椒味，有少少辣，之後會食到咸鮮味，最後會麻，真係幾特別！凍豆腐: 呢樣簡直係天生打邊爐配料，吸滿哂湯汁，超好味！皇帝菜:打邊爐好食，但會卡住好多青花椒😅新鮮鵝腸:必食！新鮮好味！真係好好食四川紹粉:都係必食！！個樣同酸辣粉好似，但比酸辣粉好食幾倍，食落好煙韌，粗身又耐煮！西班牙黑豚肉:食落唔會有陣臭豬味！蒙古羊肉片:我自己未試過打邊爐食羊肉，估唔到幾好食，用呢個青椒湯恰完直接食，唔覺有羊酥味，如果恰完沾醬油，就會食到少少酥，我就覺得好香！手打墨魚滑:略嫌份量有啲少😩，因為真係好彈牙，一人分幾舊就無哂啦！冰凍桂花醪糟丸子:見佢有糖水，食到好飽都想試下，夠凍，丸子煙韌！…查看更多

今晚又係做完野，約朋友食飯。行過THE ONE，朋友話想打邊爐，見到呢間有一人鍋物，就入去試下！呢間餐廳地面舖位好細，原來要落一層，落到去坐卡位，枱唔迫，都坐很幾舒服！呢度既鍋幫你配好野，每款鍋都係一人份量，仲配一個白飯，份量好多！貪心的我地，每人都追加小食同野飲！珍珠奶茶:不過不知，無特別，唔難飲。小食揀左鹽酥雞同炸花枝丸，2樣都炸得唔太油，食落好熱，味道都好食！份量以加配小食黎講，都大碟。當鍋上枱，職員會幫你點火，等一陣湯就會滾，唔夠湯時，可以叫職員加湯，但我地怕公仔面會煮到爆哂，所以滾左後，就整熄左火。麻辣肥牛鍋: 入面超多野食，(入面有咩，上面餐牌寫哂)，湯底好夠麻辣！朋友話好食，湯又好味！我自己叫左個冬陰功海鮮窩，入面所有野食，都已經煮熟左，除左隻蛋，所以我都係滾一陣就關火，冬陰功湯底煮滾後，揮發得好快，轉下眼就乾水咁濟😯。入面雖然每樣一件咁，但每樣材料都唔覺得係下欄野，有啲都幾好食！每窩都會配一個白飯，我地會食唔哂，所以只要一個白飯2份分，唔浪費！…查看更多