tllaw0525的個人專頁

炎炎夏日，係一個風和日麗既周末，同友人去長洲hea遊特別開心。由於筆者鐘意扮下文青，於是就揀左一間隱世餐廳，享受一下，嘆下世界。首先欣賞下餐廳既環境先，餐廳以白色為主調，配合溫暖柔和既燈光，充滿家的感覺。餐廳周圍放了些小盆栽，配合以大自然主題既掛畫作裝飾，增添一些小清新。餐廳個名都好特別，叫做“是蛋”，但食物質素一d都唔是但，幾高質。講明叫是蛋，大廚最自豪既就係以蛋為主題既美食。先介紹呢個卡邦尼意粉，雖然卡邦尼意粉十分普遍，但係呢度食到既絕對係出面唔易揾，因為係用左傳統既方法黎整。個汁係用新鮮生蛋混和而成，原汁原味，再配合老闆娘親手即磨靚芝士，煙肉亦十分香口，肥瘦適中，香滑幼嫩既意粉配合惹味既煙肉真係無得頂!此外，呢度既all day breakfast 真係好豐富，筆者見到都已經流哂口水。除左豐富之外，每一樣食材都係用心製作。d薯餅真係幾正，薄得黎又炸得好香脆。餐廳既主打係蛋，個炒蛋果然唔同d，好香滑。筆者好貪心，乜都想食，所以加左parma ham，d parma ham 甘甜芳香，味道細緻，而且肉質好柔軟，只係加十幾蚊，cp值超高。另外，值得一提係個麵包，個包好香麥味，又煙煙韌韌，好似加左糯米咁，好有口感又好味。最後緊係要整返個甜品啦，筆者好鐘意食西多。份西多砌得好靚，本身就係一件藝術品，睇得出廚師好有心思。唔單止睇得，仲食得。個西多炸得金黃香脆，係剛剛炸起既，又唔會太甜，不油膩，配合牛油一齊食好夾。除此之外，建議大家試下個咖啡，係老闆娘親手調製，味道甘香。…查看更多

如果熊小弟是個海鮮迷，熊媽媽必定是海鮮狂熱份子，愛吃海鮮愛到一個快要不能自控的程度!自從帶她到西貢和長洲吃過豐富的海鮮餐後，總是念念不忘，整天嚷著要再去一趙。可惜，天公總是不造美，每次都因壞天氣而擱置行程。熊小弟得知旺角朗豪坊附近，有間人氣餐廳主打 “蒸” 海鮮，便帶同熊媽媽試一試。從朗豪坊沿砵蘭街一直走，便來到 “蒸” 出名堂的正宗水上人蒸氣鍋專門店。在接待處報上預約姓名和時間，接待員便領我倆進去，並安排坐於下層的寬敞的二人卡座去。餐廳裝潢簡潔明亮，還有很多竹製的特色擺設，極具地道色彩。職員貼心的奉上熱茶和餐牌。餐牌上有海鮮餐﹑散點海鮮和小菜可選。我倆為海鮮而來，便點了較多海鮮款式的B餐 ($498/ 位)。熱心的職員還提醒我們，只要Like & Share Facebook，更可額外多送每位沙白5隻呢~!等待上菜的時候，熊小弟先到醬料自助吧 “混醬” ~ 自助吧醬料豐富，提供十多種香料醬汁讓客人自行 “混醬”，滿足不同口味~“混醬” 過後，職員便送來一碟碟生猛新鮮的海鮮。然後，先在蒸氣鍋的底層加入白米﹑南瓜和豬骨一同熬粥，再利用蒸氣的熱力，將上層的海鮮煮熟，讓食客既可品嚐到原汁原味的海鮮，粥底同時亦吸收了海鮮的精華，享受多重滋味。職員先蒸煮胭脂蚌﹑鑽石蚌﹑貴妃蚌和花蛤皇~ 大大隻的蚌，味道鮮甜，爽嫩彈牙，鮮味十足~!再來是黑松露蒸元貝。矜貴的黑松露醬，香氣撲鼻，為鮮甜肥厚肉的帶子更添鮮味。而巨型的蟶子皇，肉厚鮮嫩，清甜爽口，配合帶點椒味的黃金汁，惹味非常~!至於龍蝦和，新鮮生猛! 厚厚的雪白龍蝦肉，如蛋白般的鮮嫩彈牙，鮮味無比。花蟹仔亦蟹膏味濃郁，十分鮮甜~熊媽媽點選的冰菜，清甜爽脆，加入的肉末，味道香濃，更有層次。雪花和牛多汁軟腍，新鮮嫩滑， “牛” 味十足~!最後吃一碗熬煮多時，匯聚各種海鮮精華的南瓜豬骨粥。米味香濃的粥底軟綿幼滑，味道清甜~!吃完豐富的海鮮大餐後，還送上清甜的冰鎮西瓜作結，吃得熊媽媽津津有味，大感滿足呢~!…查看更多

筆者好鐘意食海鮮，係一個標準既海鮮控，一提到海鮮就會心心眼嫁啦。近日聽朋友講銅鑼灣開左間又平又抵食既小餐廳，筆者以經忍唔住，好想快d去食啦。Season Oyster & Wine Bar係位於珀麗酒店樓下既，位置都較僻，店鋪唔係好大間，位置不多。店鋪既燈光好光猛，光線充足，覺感好醒神。餐廳入面放左唔少街頭特色既畫作，令整間餐廳都充滿藝術氣色。一入面餐廳就見到成個酒櫃都放滿左各式各樣既酒，對於鐘意飲酒既朋友，呢度簡直係天堂。門口另一邊就係海鮮bar，放滿左各式各樣既海鮮，見到都已經心花怒放。店員都好nice，為我們推介名種食物，餐廳除左海鮮，仲有燒烤，冷盤等等。筆者同朋友叫左個海鮮拼盤，因為真係好抵食，原價要398蚊，而家做緊promotion, 198食到啦。海鮮拼盤好豐富，有好多野食，例如: 原隻波士頓龍蝦、磯煮鮑魚、翡翠螺、青口、凍蝦、生蠔等等，真係超值，而且賣相不錯。還有燒烤汁提供，不過筆者覺得d海鮮本身已經好鮮甜，所以唔dim汁都已經好好食。餐廳好貼心嫁，為左保持海鮮既冷溫度，海鮮下面放滿左冰塊墊底。旁邊放左個空盤，係放便我地食完果d殼放落個盤度既。而且選提供左較剪，用黎剪龍蝦殼既。波士頓龍蝦已經開左邊，食起上好方便，好易就可以成條肉起出黎，龍蝦好鮮味，而且肉質爽口彈牙，咬落去仲有濃濃柔滑既鮮味龍蝦膏流出來，簡直係正呀。生蠔好新鮮，蠔肉十分飽滿，呢種蠔味會較淡，唔食開蠔既朋友就可以食到，入口甜甜爽口，好味。凍蝦都好鮮甜，幾爽口，加d檸檬汁可以帶出蝦既鮮甜味。翡翠螺既味道都幾甜，好清新，肉質都好彈牙，而且十分爽口。青口好嫩口，幾鮮甜。磯煮鮑魚就真係無得頂啦，醬汁味度濃濃的，砲魚既肉質又爽口又嫩幼，而且十分鮮品，好味到好想一試再試呀。筆者一見到岩鹽焗長腳蟹直情心心眼呀，大大條長腳蟹肉，一見到就好想咬落去，長腳蟹焗得好香，未食已經聞到好香。筆者好鐘意佢用岩鹽黎燒，完全地帶出蟹肉嘅鮮味。蟹肉鮮嫩香甜，正呀~~!!芝士牛油焗元貝既外皮焗得黃金色，賣都不錯，十分吸睛，而且芝士既香氣十分香濃。元貝大大粒好肥美，又爽口又鮮甜，配合芝士既味道，十分夾，簡直係味覺既享受。芝士黑松露焗蟹蓋賣不錯，離遠已經聞到香味，芝士焗成金黃色，好好睇。蟹蓋十分豐滿，折開d肉，先發現，竟然全個蟹蓋滿滿都是蟹肉，好足料，多到唔信! 蟹肉十分鮮甜，配合了芝士和黑松露，味度層次極高! 火腿拼盤有3種唔同既ham，分別係Salami意大利香腸、pama ham和醃豬頸肉。Salami意大利香腸濃味d 多d油脂 、咸味唔多pama ham 咸d 肉質琳d醃豬頸肉就肉質煙靭，咸d大家可以按照唔同既口味去選揀，筆者就鐘意pama ham，食落去，會feel就有d果香味慢慢散分出黎，食得出係好靚既pama ham，正呀。…查看更多

筆者係一位浪漫情調既男士，所以經常搜索充滿浪漫情調既餐廳。聽朋友講有間叫做sky 726既餐廳，氣氛唔錯，於是同朋友黎試一試。初初聽到餐廳名，就覺得好好奇，點解會叫”726” 呢？本就餐廳就明白了，原來餐廳位於彌敦道726號25樓，旺角站行幾步就到，交通好方便，好適合放左工約朋友黎食。餐廳既侍應好nice好好人，我地一上到去，就為我們安排座位，仲熱烈地推介食品。朋友果然無介紹錯，呢度真係好有氣氛，柔和的燈光，望出窗外還有醉人的夜景，景觀好開揚，感覺好relax，好舒服，同朋友一路傾計，一路享用美食，一路欣賞咁靚既夜景，真係一流。餐廳既中間就bar table, 酒保會為客人調製各種酒，bar table上面吊住好多閃閃的酒杯，而且放滿了不同種類，不用同年份既酒，仲可以欣賞酒保表演，所賞酒保華麗的調酒動作，好有情調。筆者同朋友叫左2個dinner set，同野飲。筆者叫左杯cocktail 叫 sky high, 因為被sky high 呢個名吸引左，所以就叫左佢啦。Sky high 果然名附其實，就好似一個迷你版既天空放左係我面前一樣。底層既藍色酒係藍色既天空，而面頭由雲呢拿製成既泡泡就係雲朵，令筆者想起summer hoilday，好自由好愉快。甜甜地，易入口，幾好味。Rose tini頭盤係美麗的玖瑰花，靚到唔捨得食，由煙三文魚製成，下面係沙律醬配梳打餅，味道好夾，好好味。尼斯沙律選用左優質既橄欖油，上面有蛋片和雞肉片，雞肉長一啲都唔鞋，咸咸地，幾清新，好健康。香濃幼滑的餐湯，配合香麥味餐包，餐包dim湯一齊食，好好味。主菜叫左個三文魚伴水瓜柳牛油汁，魚皮炸得十分香脆，魚肉好滑好多汁，一d都唔腥，而且好鮮味，dim 水瓜柳牛油汁同雜菜一起吃，味道好夾，好食到停唔到口。另一個主菜叫左個帶子紅菜頭飯，帶子大大粒好肥美，而且十分鮮甜，紅菜頭好新鮮，感覺好清新，紅菜頭好健康好多功效，例如可以降血壓、減肥、補血等等，如果想食得健康，可以食呢味菜。愛爾蘭奶油酒牛奶凍好特別，特別之處就係有著濃濃的酒香，奶油落左d烈酒，味道有d似Irish coffee， 酒香配合幼滑的牛奶凍，好夾，好寫意。要細味品嚐。…查看更多

筆者好鐘意去塔門，除左欣賞塔門美麗既風景之外，仲好鐘意塔門既美食。但係去塔門真係好遠，所以唔係成日都有得去食。不過而家唔洗擔心啦，因為係市區開左間專食塔門美食既餐廳。平時返工都好忙，而家放左工都可以約埋朋友仔一齊去食，想幾時食都得，好方便呀。餐廳設計十分貼心，椅子係可以打個蓋，放手袋背包入個筒入面，非常方便，所以黎到呢度，唔洗擔隨身物品無位擺，又唔洗擔心整污糟個袋。老闆係塔門人黎既，餐廳入面放左唔小塔門既懷舊相片，置身餐廳入面就好係回到以前既塔門一樣，十分有情懷。餐廳有好多唔同種類既野食，除左主打既海鮮之外，仲有串燒，冷盤等等。終於有得食啦，講到塔門既signature，緊係唔少得海膽炒飯啦，筆者次次去塔門都會食嫁，超正。呢到既炒飯好正，鍋氣好夠，d飯炒得粒粒分明，程現亮麗既金黃色。加左d蔥，更加惹味，d海膽好鮮味，入口即溶，好食到停唔到口。金蚌勁鮮甜，大大隻，勁肥美。而且帶著濃濃的海水鮮味。咬落去，d汁流出黎，滲透了每個味蕾，簡直係味覺既享受。燒帶子好創新，個汁係用海膽汁和沙律醬混和而成既，甜甜地，酸酸地，可以帶出帶子既鮮甜味。好特別。流心海膽大啡姑味道好濃，好惹夠，個大啡姑好多汁，好甘甜，而且十分新鮮，值得一試。…查看更多

美味和食之旅筆者好鍾意食日本野，無論係刺身、壽司、拉麵或者丼飯，到都好鍾意食。喺雜誌見到喺尖沙咀嘅市中心開咗一間價廉物美嘅日式餐廳，嗰度嘅刺身十分好味，而且好抵，於是就決定同朋友去試一試。餐廳細細間，而且門面得非常之有富有時代感，餐廳環境非常好，很光猛，而且很有日式氣氛，好乾淨，感覺好舒服。好適合同朋友黎食。呢間日式餐廳有好多種唔同嘅日式食品，例如：有刺身、壽司、手捲、魚生飯、鰻魚飯、拉麵、沙律、炸物、燒物等等，各種日式食品都有。十分齊備。筆者坐喺吧枱，可以一路食飯，一路望住師傅表演切魚生，是一個難忘的體驗。餐廳既餐具十分有日本嘅特色好有feel。餐廳嘅服務員服務十分周到，時時會為你添茶。首先上場嘅就係牛油果沙律，呢個牛油果餐好豐富，除咗牛油果，仲有白魚魚生，三文魚魚生同埋加上乳洛芥末嘅醬汁，十分清新，十分好味，食落去辣辣地、酸酸地、十分刺激食慾。跟香脆嘅鍋巴一起吃，十分特色，如果個人覺得辣，可以食新鮮嘅沙律菜來中和一下，十分體貼十分細心。鵝肝鴨胸丼十分抵吃，有好多塊鴨胸，鵝肝好大塊，賣相不錯，好靚，飯上面灑上芝麻 和魚子及沙律，拼湊成一幅很美麗的圖畫。首先試下鴨胸，鴨胸非常之肥美，而且十分甘香，外皮煎得脆脆，咬落去有甘香嘅油流出來 ，十分美味可口，鵝肝簡直是極品十分肥美，煎得剛剛好，又不會太乾身，鵝肝嘅香油滲透了每一個味蕾。簡直是味覺的享受，丼飯落了不同香料及芝麻，十分美味可口，而且配合生菜和西蘭花，選用了新鮮的珍珠米 ，十分健康。最豐富就係呢個什錦盛丼，什錦盛丼十分豐富，有很多海膽、蟹柳、蟹肉、三文魚及魚子。十分抵食，每樣材料都是精挑細選，蟹腳、蟹柳、蟹肉十分甜美可口，三文魚既肥肉比例剛剛好，十分鮮甜。筆者最喜愛的就是海膽，海膽肥美甘香， 十分好吃。每樣海鮮都是筆者最愛的，一次過滿足曬咁多願望。呢個軟殼蟹沙律卷絕對充滿驚喜，薄薄嘅粉皮包住新鮮嘅生菜，生菜包住美味嘅鮮甜嘅軟殼蟹，再灑上新鮮嘅千島醬和魚子，食落去甜甜地酸酸味，又有生菜新鮮嘅味道，而且軟殼蟹非常之香脆，又有鮮甜嘅蟹肉味，味道層次十分豐富，食起嚟好夾，絕對係喜出望外，值得一試。餐廳有好多種唔同嘅串燒，筆者叫左幾串試下，例如：豚肉露筍卷、煙肉荔枝串、花枝明太子串及海膽芝士蘑菇串。新鮮嘅蘑菇上面加了芝士和鮮甜嘅海膽十分惹味。肥美嘅豚肉包住甘甜嘅蘆筍，甘筍嘅甜味完全中和了豚肉的鹹味，食起嚟非常之。鮮甜爽口嘅魷魚，包住美味嘅明太子，明太子十分香口，又不會太鹹，一啖一口非常好味，又開胃，惹味嘅明太子出口中爆出來，爽呀。 甘香多油嘅煙肉包住甜美嘅荔枝，煙肉煎得十分香脆，荔枝非常清甜，荔枝角清甜味道完全帶出煙肉嘅味道，估唔到食起黎都幾正，值得一試。…查看更多

韓牛韓式燒烤grad左之後，就好耐無見班同學仔，因為我地成班仔既關係，我地好大食，所以就搵左間放題既餐廳，一齊聚下，傾下計，食下野。上網搵搵下，就搵到呢間叫韓牛韓式燒烤既餐廳，有好多唔同種類既野食，有中日韓野食，好多唔同既選擇，所以就黎試下啦。餐廳既環境唔錯呀，好大空間，唔會座得迫。張台好大，唔洗擔心d食物唔夠位放。台中間有個鍋，我地可以自己烤肉，好好玩。而且周圍都有好多韓式既裝飾，好有韓國氣氛呀，仲有個電視開住kpop，一路聽kpop，一路食，好有feel。前菜都有好多唔同嘅選擇，例如，最具韓國特色嘅泡菜、菠菜、 泰式鳳爪、青瓜、韓式魚仔、牙菜等等。壽司方面有好多選擇，例如有:三文魚壽司、八爪魚壽司、蝦壽司、鰻魚壽司及各種飯卷。壽司吧隔離有一個沙律吧、有名種唔同嘅沙律選擇，例如:羅馬生菜、紅豆、雜果、粟米粒、菠蘿、蕃茄仔、青瓜等等。仲有唔同嘅醬料，例如:千島海鮮醬、蛋黃沙律醬同埋香甜嘅芝麻醬同埋和風醬等等。冷盤好有正呀: 有各種唔同嘅食物，例如:有青口,凍蝦,凍蟹,田螺,三文魚等等。十分豐富。仲有唔同嘅糖水飲添，仲有豆腐花添。飲品方面，餐廳提供新鮮嘅水蜜桃汁同埋豆漿。如果想試下韓國嘅特色飲料，可以選購買馬哥利酒，50元一支。雪櫃都有唔同既，飲品，有可樂、茶、椰汁等等除咗飲品之外，仲提供兩種湯，有蓮藕湯同埋人參雞湯，好足料，好補身。除咗韓燒同埋冷盤，仲有唔同既熟食既，例如:有薯條、炸蝦、煎餅、泡菜餅和韓式炒年糕等等、還有瀨尿蝦。至於主角韓燒燒肉，餐廳提供左好多種唔同嘅肉類，例如有：羊肉、牛肉、肥牛、雞肉、雞翼、鴨腎、五花腩、豬梅花肉、魚柳。仲有多春魚、魷魚、芝士腸、鮮蝦、墨魚仔、金菇肥牛卷 及各種蔬菜。例如：南瓜、冬菇、茄子、洋蔥。最正宗嘅食韓燒燒肉方法就係用生菜包住燒肉、豆瓣醬同埋蒜頭一齊食。好野，味味道層次十分豐富。最後食完野，可以食下甜品，有雪糕。雪櫃放咗好多唔同嘅甜品，例如:有啫喱、布丁、西米糕、桂花糕 同埋嗰種生果。例如西瓜、香橙。餐廳設有朱古力機，食客可以選擇唔同嘅生果或者棉花糖點朱古力食，好好玩。餐廳中有一部棉花糖機，你可以自己自製棉花糖，十分有童真，好好玩呀。…查看更多

聽朋友講，尖沙嘴有間做原居民既餐廳，聽到個名，初初以為呢間餐廳既環境會好wide，好簡約，上網search下之後先發覺，原來呢間餐廳既環境係相當之有style，好靚，環境幾靚，空間又好大，幾有氣氛。於是就決定同朋友黎試下啦。燈光暗暗地，放門左紅酒，餐台上用了白色桌布，餐具優美，十分典雅。如果想經濟d可以叫個dinner set, 包蕃茄濃湯和蒜蓉包，好抵食。等唔設啦，好肚餓，叫住個墨西哥脆片試下先。粟米片金黃開脆，十分惹味。點d蕃茄醬汁一齊食，好惹味，酸酸地甜甜地，好夾。蕃茄濃湯好濃味，好正，夠足料，酸酸地又甜甜地，蒜蓉包浸湯一齊食，perfect match~~~~!!!!!全晚最正既就係燴豬膝啦，肉味十分香濃，肉質都幾琳，而且好鮮嫩，灑上了珍貴既黑松露意大利鮮茄汁，又唔油唔肥，好食到停唔到口呀~!!!火箭菜配鮮芒果汁好fresh，好多火箭菜，甜甜既鮮芒果、爽口鮮味既虎蝦和甘香既火箭菜混和在一起，味道層次十分豐富。燒羊架大大隻，好抵食，又多肉汁，肉質跟琳，又唔覺[蘇] 。配上香草麵包糠，簡直係味覺既享受。梳乎里好可愛，好吸睛，外面金金地黃黃地好靚，還有白色的糖粉。味道甜甜地，香香地，仲有d薑味同焦甜味tim，入口即溶，仲有蛋既香味，正呀~!!…查看更多

筆者好鍾意食海鮮既，一想到海鮮鮮甜嘅味道，就會流曬口水。近日係尖沙咀開咗一間專食海鮮嘅蒸氣鍋餐廳，所以呢就急不及待你同朋友試一試，試下係咪真係咁好食先。一來到餐廳，就發現有樣物件十分吸睛。就係一件放咗喺每張枱上面既草帽，其實唔係草帽黎既，係用草織成既圓錐體嘅鍋蓋，十分有原始氣色。餐廳有好多種唔同嘅海鮮選擇，如果要逐樣揀，十分傷腦筋。所以呢餐廳有唔同嘅套餐，可以畀大家選擇，筆者就選擇咗一個498蚊嘅套餐。套餐有好多種唔同既海鮮食，包括有: 南非龍蝦、花蟹仔、胭脂蚌、黑松露蒸元貝、貴妃蚌、黃金汁聖子、雪花和牛等等。仲有南瓜豬筒骨竹墊底，十分豐富。如果肚餓等唔切，可以呢食住花生醫呀肚先。餐廳牆身有唔少掛畫，十分有文化氣息，就連燈罩都係由竹整成，十分有文化、原始氣息。氣個爐側邊一個鐘計時器，所以唔使擔心會煮過龍，一到夠鐘，服務員就會即刻幫你去處理食物，所以唔需要擔心，有人會夾食物比你。餐廳真係十分細心，每張枱嘅旁邊都有usb充電裝置，如果呢大家傾傾下計，個電話唔夠電，就可以叉電，唔洗擔心電話冇電。食海鮮點可以唔飲嘢，所以筆者叫左個椰青飲下，個耶青好大，好多汁，真係非常之鮮甜十分解渴。喺開始之前呢，服務員會把豬骨同埋南瓜放喺個鍋度，係煮既過程，啲海鮮嘅精華會慘透咗喺粥入面，所以去到最後，啲粥喺充滿海鮮嘅味道，十分期待。每張台旁邊都會放咗一個四層嘅櫃，係專門用來放咩食材嘅，所以你唔需要擔心，張台唔夠位置放食物。調味處放咗各種唔同嘅香料，包括有:沙嗲醬、麻醬、芫茜、泰式蝦醬、薑蓉、豆瓣醬等等。可以因認個人同嘅口味，去調配最適合你嘅醬油。筆者就選擇咗豉油、生薑同埋辣椒 ，辣辣地幾惹味。餐廳嘅門口側邊的一個小型嘅水族館，放左各種色彩繽紛唔同種類嘅海鮮，地哋好生猛，遊嚟遊去，見到佢哋就胃口大開呀。 一隻隻蟹，已經整齊咁樣排列，等待你慢慢享用他們。首先上場既就係胭脂蚌，胭脂蚌大大隻，十分之鮮甜而且好矜貴，食到舐舐脷。 生蠔肥大肉厚，而且咬落去濃濃海水味流出來，十分刺激食慾，大大隻，煮完都冇縮水，啖啖肉，足料!! 咬開生蠔，生蠔嘅膏慢慢滲出嚟，味道十分濃郁，令人胃口大開。美味嘅元貝上面加上了矜貴嘅黑松露，十分豪氣。聖子下面有粉絲墊底，而上面琳上了黃金汁，甜甜地好好味味道，值得一試。黃金汁係由燈籠椒和洋蔥整成，酸酸地可以刺激食慾。咁大隻龍蝦，事係大開眼界，而且呢龍蝦嘅隻真很鮮甜，肉質好幼嫩。而且蝦肉十分新鮮，一食就知係隻新鮮嘅龍蝦。濃濃嘅蟹膏配合鮮甜嘅蟹肉一起吃，簡直係味覺嘅享受，蟹汁正好鮮甜好清甜蟹膏十分豐富。冰菜十分矜貴，係出面好少有得食，好爽口，十分甜，很清新。除咗有海鮮食仲有牛肉食，牛肉嘅肉質呢就好細嫩，很有口感，很多汁十分惹味。期待已久嘅南瓜豬骨粥因為經過一場長時間嘅煮焗之後，所有海鮮嘅味道已經完全地滲透咗落粥嘅入面啦。所以每一啖都係海鮮精華，好味到停唔到口。總括黎講，呢間餐廳值得推介，海鮮係十分新鮮嘅，即時喺水箱拿出嚟，就直接煮，所以肉質好鮮甜，一個價錢就可以享用曬唔同種類嘅海鮮，十分多元化，同埋呢交通好方便，位於尖沙咀嘅中心，所以方便打工仔，放工同朋友過嚟一路食嘢一路傾計。…查看更多

作為一間別具風格既餐廳，一定有獨特既主題同埋招牌菜。而筆者今次食既呢間餐廳，就以Garlic 蒜頭作主題，餐廳既料理大多用蒜頭來調味，十分惹味。通常講起蒜頭，大家都會想像到一陣揮之不去既濃烈氣味，不是一般人能夠接受，但會過mad for garlic既料理後，對蒜頭既印象可能會改觀，其實只要適當調製蒜頭料理，食物可以很惹味，很享受。筆者從蒜頭料理中發現驚喜，來了這裡才發覺原來蒜頭料理可以千變萬化，並不局限於常見的烹調方，令筆者大開眼界。餐廳既內在環境十分吸引，令筆者陶醉在其中。Caesar Salad 凱撒沙律 ($88)首先出場既就係凱撒沙律，凱撒沙律水準唔錯，選用了羅馬生菜，很大顆，很fresh而且十分爽口。配料方面，加上芝士碎、煙肉碎、麵包粒及各種香料，配合凱撒沙律醬一起吃，味道層次十分豐富。新鮮建康既沙律，十分適合女仔吃。Steamed Mussels 蒜頭蕃茄白酒汁煮藍青口 ($108)之後上場既就係藍青口。青口滿滿的竟有一整盤，份量真係很多~~青口粒粒飽滿多汁。十分驚喜! 用了蒜頭、蕃茄、辣椒及白酒作煮汁，全完地帶出了藍青口的惹味。好多汁好好味。 Waiter十作體貼，他們會給我們濕紙巾及另一盤子，方便食客清潔及處理吃剩的青口殼，所以食客食果陣唔洗作無謂的矜持，捲起袖子直接去用雙手去享用青口就得啦。Garlic Steak ($188)選用左M9澳洲和牛，我最愛吃肉眼扒，份量好多，夠哂2個人食。吃來肉質香軟多汁，濃郁既牛味肉汁，加上乘黑曌蒜片，啖啖都回味無窮，好想一試再試。Olive Shrimp Cazuela 蒜味欖油蝦 ($148)混和了橄欖，橄欖油，洋蔥，蒜蓉和辣椒乾一起煮成。十分非常惹味，蝦肉煮得特別入味，肉質非常嫩滑。。加上檸檬汁來吃更覺清新，又香又潤的橄欖油滋潤了蝦身，好正。食落去有少少橄欖味，慢慢就會feel到洋蔥的香氣，辣辣地。蒜蓉的香味散發出來，把整道菜色所味道upgrade了。Tequila Sunrise ($55)呢款酒好適合女仔飲，主要成分是Tequila（龍舌蘭），混和了橙汁和紅石榴糖漿。受歡迎的原因是酸甜可口，顏色好看，酒味不濃。 酒量一般或不想太快上頭的女士。…查看更多

講到burger，通常都會想象burger入面既材料係用牛肉or 雞肉既，但唔知大家有冇想像過burger入面既材料可以係鵝肝、龍蝦或姐係軟殼蟹呢？係真係有嫁，係burgerroom就有。筆者係朋友口中聽到呢個消息，就忍唔住，要黎試下，睇下有幾巴閉~!係銅鑼灣有間burger room，相信唔少人已經知道。但原來尖沙嘴既美麗華廣場都開左間burger room，做福了九龍上班既人士。來到burger room既門前，筆者已被餐廳既裝修所吸引，由霓虹燈砌成既Burger room 招牌十分搶眼。水手船上既控制輪裝修帶出一種古典味。而車輪疊成既外牆素種出一種野性風格。部份外牆使用磚頭砌，保留一種原始風情。而餐廳旁邊既bar table 以紅色為主調，富有時代感。講到服務，waiter既表現唔錯，很積極，很熱心，很體貼。不錯主動過來加水。他們的儀容很整潔，他們穿著的黑色制服十分帥氣。令筆者賞心悅目。牛油果醬芝士薯條 62$係食主菜burger之前，筆者先試下d小食先。第一味筆者食既就係牛油果醬芝士薯條。筆食薯條就食得多，牛油果醬芝士薯條就真係第一次試。平時出面街食既薯條，多數會dim茄醬或姐他他醬，dim牛油果醬芝士醬就係少見，充滿驚喜。呢度既薯條真係唔簡單，粗粗的薯條炸得十分香脆，香濃的芝士配搭牛油果醬，味道十分夾。薯絲蝦 42$除左薯條，筆者見到有一味叫薯絲蝦既小食，很特別，於是試下，點知食過番尋味。鮮味既蝦肉被金黃香脆既炸薯絲包圍著，外脆內軟，口感層次非常之豐富。啖啖既鮮甜蝦肉令筆者流哂口水，值得一讚。龍蝦漢堡+香煎法國鵝肝 198+90$終於到餐廳既招牌菜啦，招牌菜當然係龍蝦漢堡及香煎法國鵝肝漢堡啦。筆者好貪心，想一次過食哂龍蝦和鵝肝，又唔想食2個burger咁飽，咁點算好啦？唔洗擔心，餐廳十分貼身，食客可以自由選擇配料，先叫一個basic既漢堡，然後再追加配料，追加既配料有好多種，有鵝肝、軟殼蟹、大烤茹及各種既配料。而筆者就叫左個龍蝦漢堡，追加香煎法國鵝肝。單看賣相，已經十分吸引，大大隻龍蝦出現眼前，砌得好靚，十分精致，非常吸睛，未食已經流哂口流。burger分左好多層，面層首先上場既係肥美既鵝肝，而下一層就係被香濃芝士包圍著既鮮甜龍蝦肉，再下一層就係惹味既牛油果茄醬以及大大塊既健康新鮮蕃茄和生菜。首先試下鵝肝先，鵝肝肉很鮮嫩，不會太熟，筆者一咬，香滑惹味既鵝肝味慢慢地滲透到口腔，鵝肝肉入口即溶，鵝肝香味散發到整個口腔，簡直係極品。然後食龍蝦肉，龍蝦肉大大塊，啖啖肉，咬落去鮮甜多汁，蝦肉很有質感，熟既程度剛剛好。好食到停唔到口呀。Ginger Beer 28$雖然叫beer，很其實呢種酒係無酒精成份既，如果想保持頭腦清晰，卻想喝酒，GingerBeer就十分適合。Ginger Beer甜甜地，薑味頗濃，有著清涼的薄荷葉，卻帶一點辣，辣起來卻很順喉，帶來刺激的感覺。…查看更多

筆者經常去唔同既cafe食野，對於cafe既環境、服務和食物質素都很有要求。聽朋友介紹，尖沙嘴開左間唔錯既café- candies foodies，於是黎試一試。餐廳很有特色，放滿了大大小小可愛得意既擺設，十分有創意，充滿驚喜。萬聖節就黎到到，所以餐廳配置左唔少萬聖節主題既飾物，例如有南瓜、蝙蝠、蜘蛛和蜘蛛絲等等，很有氣氛。餐廳角落還有各種小動物，有龜、魚魚還有青蛙，食食下野可以同佢地玩。Café 老闆好好，café 之所以叫candies foodies, café 既門口有個糖果櫃，食客可以免費夾下糖食下。十分貼心，很有心思。糖果有各類唔同種類，色彩豐富，睇到筆者心花怒放。Dinner set可以加10蚊加飲品or湯，筆者加左個大蒜薯溶湯，個湯好足料好濃又不會太鹹，濃濃既大蒜十分惹味，好好飲，大大刺激食慾。首先送上既係牛油波菜帶子，帶子既鮮味深深地吸引著我，勁鮮甜。牛油味唔騷，同帶子既鮮味非常之夾。夾雜著嫩滑既波菜一齊食，perfect match呀。對海膽控既筆者黎講，99蚊就可以食到原板海膽，仲包埋大大碗意大利飯，真係物超所值。海膽鮮味十足，意大利飯忌廉幼滑香甜，大大啖鮮甜濃濃既海膽連埋香噴噴既意大利飯一起吃，味道很夾，十分奢侈，夠哂豪氣。全晚最驚喜既就係鴨肝，鴨肝散發著濃濃的香氣，咬落去入口即溶，鴨肝油滲透了每一個味蕾，簡直是味覺的享受。配埋個紅酒煮梨一齊食，perfect match! 酸酸甜甜既梨完全帶出鴨肝鮮味，緊加開胃。再配上沙律和黑醋汁，感覺好fresh!!來到今晚既主角羊架，出面食羊架好貴，呢度百幾蚊就有3件，好抵食，而且份量十足。羊架厚厚的，幾琳，又唔會太騷，肉質幾嫩，好好食，值得一讚。成個主菜砌得好靚，賣相唔錯，配碟既薯菜好豐富，薯角很惹味，個芝士蕃薯鑲南瓜溶好好味。Menu:…查看更多

筆者早排去完泰國渡假番黎，對果度既純正泰菜念念不忘。雖然筆者唔算食得辣，但泰菜既辣，就好似有種魔力咁，令人上左癮咁想一食再食。得朋友既介紹同帶領下，話銅鑼灣有間以拳館做主題既泰國餐廳，味道同環境都好有特色，筆者就決定一試，睇下搵唔搵得番曾經既味道。黎到餐廳，未入門口，淨係見佢咁 “霸氣” 既名 – 拳王泰國餐廳，都已經感受到濃厚既泰國色彩。入到去，餐廳將卡座佈置成擂台一樣，並且用紅黑做主調，既有特色之餘，同昤突顯出泰拳的 “型” 格。未點菜，先送黎一碟蝦片。新鮮炸起既蝦片，入口鬆化，蝦味濃，同街外買到既包裝蝦片完全唔同，香脆好多~餐牌既菜式有好多唔同種類，而且樣樣都非常吸引。睇左一輪，最後點左個泰式生蝦刺身 ($138) 同香辣蟹肉夜明珠 ($88)，而為試羊架又黎既友人，就點左羊架 ($158) 再加多個金柚蝦沙律 ($138)。同時，我地每人都叫左杯青檸梳打 ($28)。坐係度，睇下電視播緊的拳賽片，杯青檸梳打話咁快就送到。杯梳打都幾大杯，入而有半個青檸。篤下個青檸，D檸汁混入梳打中，微酸得黎又有青檸既清香，感覺好Fresh，最啱一陣用黎解辣。餐廳上菜速度都算好快。等左一陣就送黎兩款小食前菜 - 泰式生蝦刺身同埋香辣蟹肉夜明珠。個生蝦刺身，一眼望落去，就知道非常新鮮。大大隻既玻璃蝦被切成兩邊，清楚見到D蝦肉透明得黎又有光澤。蝦肉肉質爽口結實，味道鮮甜無比。點埋佢個秘製辣汁，再加埋D配料一齊食，口感豐富之餘，極有風味，而且辣得過癮。至於香辣蟹肉夜明珠，用個金屬花紋碗裝住，賣相就相當精緻吸引。將蟹肉生拆，再釀入荔枝肉裡面，意念創新。清香爽口既荔枝，配搭蟹肉既鮮甜味，加入少許辣椒，味道竟然意想不到既咁夾，令筆者好驚喜!之後金柚蝦沙律同羊架同時送到。講到柚子沙律，筆者係泰國就成日食，因為中意佢泰國D柚子唔太酸，而且感覺清新，可以解解暑。而依度既柚子蝦沙律，味道都地道。柚子肉撕成大大塊，混入左多種配料，例如辣椒絲﹑炸蒜片﹑椰菜絲，增加口感，亦令帶出柚子既清新感覺。而沙律中既大蝦，味道質感一D都唔會比蝦刺身既遜色，厚肉彈牙，鮮甜爽口。而羊架，筆者向來對羊既食品都興趣麻麻，原因係怕佢羶。但見羊架係依度餐廳既招牌菜，友人又食得咁滋味，筆者就儘管一試。羊架燒得香口，燒汁入味，羊味突出，但完全唔羶，口感柔軟，嫩滑多汁，味道非常好，怪唔得能成為餐廳既招牌菜!…查看更多

筆者熱愛韓國文化，曾經到韓國當過交流生。係韓國生活既日子，放學既時候，好鐘意用朋友去居酒屋，很享受一邊飲著米酒，一邊食烤肉，一邊聊天。當時日子實在令人懷念，想不到，回到香港，在這間餐廳能夠尋回當年感覺。在這間居酒屋位於尖沙嘴既諾士佛臺，原來諾士佛臺除左有很多酒吧之外，樓上還有各式各樣既居酒屋和餐廳。走進居酒屋，有種好似去到韓國既感覺，居酒屋既服務員有韓國人，很熱情在待我們。裡面既裝修設計很有地道特式，使用了木桌、木椅，以木作主調。餐具使用韓國人常用的金屬器具，而居酒屋掛滿了古老的韓國畫，充滿文化氣息。店員很熱情地為我們推介食物，下單後，不久便我為我們送上前菜，前菜種類多，很多元化。有代表韓國特色的泡菜、芽菜、黑豆、波菜及魚乾等等，款色豐富，十分開胃。牛油烤鮑魚等左一陣，店員便為我們送上香噴噴的牛油烤鮑魚。筆者見到一隻隻肥美既鮑魚展現在眼前，已經流哂口水。鮑魚既上面散上芝麻和蔥碎，而下面就有惹味既洋蔥絲托底，釣出鮑魚既鮮味。鮑魚既肉質爽口，味道十分鮮甜，咬落去d肉汁流進口中，簡真係味覺既享受。花肉烤肉係韓國既傳統黎既，韓國人經常都會係家自己整烤肉。所以筆者來到，緊係要試下烤花肉。烤肉可以選擇自己燒或姐店員幫你燒，很體貼，而筆者鐘意親力親為，所以就自己烤啦。花肉既味道鹹鹹地，好惹味呀，很有韓國既味道，如果覺得太鹹，可以生菜包住再加點韓式辣醬一齊食，會好夾，味覺層次提升。生菜係無限任加既，所以唔洗怕食哂。鹽燒大蝦筆者見到2隻大蝦，第一時間o左嘴，估唔到隻蝦可以咁大隻。初頭以為咁大隻蝦，以為一定會好老啦，食落又唔係wo，口感竟然可以咁鮮嫩同爽口。大蝦加上海鹽一起燒，帶出了大蝦的鮮甜味，點少少鼓油一起吃，更加惹味，而且啖啖肉，好食到停唔到口，十分幸褔啊。海鮮湯食左咁多肉，試下個海鮮湯先，湯既味道辣辣地又有甜味，而且十分香濃。料材方面，有魷魚、青口、虎蝦及各種海鮮，份量又多，十分豐富，很足料。成個湯最吸引就係隻魷魚，有成個碗隻大，虎蝦大大隻，十分鮮甜而且很爽。海鮮既鮮甜味道已經入哂湯入面，鮮甜到極。桃味Makgeolli香港人一班friend 一起傾計好鐘意飲啤酒，而韓國人傾計除左鐘意飲啤酒之外，就係飲Makgeolli啦。Makgeolli係米酒黎既，酒味不濃，很香甜。而呢度既酒杯用了韓國傳統的銀兜，很地道，很有文化特色。餐廳十分有創意，提供了各種唔同口味既Makgeolli，有益力多及各種水果口味。而筆者就選左桃味，和香甜，濃濃的酒香配上桃香味道，好夾，又易入口。總括黎講，呢度既環壞唔錯，唔有韓國特色，靜靜地，好適合一班朋友或姐同事放左工黎食下野，傾下野，飲下酒。可以一路享用韓國美食一路談天說地，簡直係享受。…查看更多

正所謂偷得浮生半日閒，尋找生活真情趣，今日就同友人去左黃金海岸偷生，呢道人唔多，環境優美，可以稱得上係都市既清泉。黎到呢到，漫步下，睇下海，睇下日落，聽下海既聲音，可以忘掉工作既壓力同煩惱。行到攰攰地，去商場搵下野食，就搵到呢間中式餐廳。有各種中菜食，價錢唔貴，又做緊特價，環境又好。呢到waiter服務都好貼心，不時為我們添茶。首先我地叫左個雜菜煲，雜菜煲材料很豐富，有帶子、蟹柳、蝦等等，最就係個湯底，非常鮮甜，有濃濃既魚香味，又唔腥，筆者差唔多飲哂d湯。另外我趙叫左個煎虎蝦，蝦肉好爽好有口感，十分鮮甜，十分入味，值得一讚，好食到停唔到口。…查看更多