wowstar的个人专页

見到lunch咁平同咁多好評黎食酸菜，點知浪費左我食酸菜魚個quota。我叫bb辣，隔離枱點唔辣，佢調轉左上比我地，我地食左先發現，算啦，照食唔好浪費諗住。但真係個湯淡到不得了，無乜酸菜魚湯既味，啲魚係滑既，但完全唔入味之餘仲要腥，就好似食緊好滑既腥蒸魚咁。係晚市廚師煮得好過午市？定係質素一直都係咁？我真係諗極都諗唔通啲酸菜魚好評邊度黎，連十二味都做得好過佢…唔建議食酸菜魚，好處就係平ONLY酸菜魚 ⭐️⭐️…查看更多

之前食過灣仔個 lunch Menu質素都幾好中環呢間既 3 courses好似係 $18x，appetizer+main+dessert，menu同灣仔唔同，同埋貴少少。但質素一樣高！Main course 簡牛扒+$20定$30牛味重 Medium rare 好正⭐️⭐️⭐️⭐️⭐️同行朋友lamb rack拆左骨 無乜騷味 我幾鐘意⭐️⭐️⭐️⭐️甜品同湯一樣有每日Daily Special Regular 有chocolate Fondant，如果能夠熱啲 入面熔啲就更奶⭐️⭐️⭐️當日Special係Creme burlee, 好重蛋味奶味😍但都幾甜⭐️⭐️⭐️⭐️中環方便位置 呢個價錢都ok! …查看更多

新店開 用外賣App試下delivery同事叫左豬頸肉滑蛋飯$72我叫左慢煮白汁三文魚菜飯$79中午好肚餓好期待一黎到 我個餐 打開 講粗口 中伏成班同事走黎睇、笑、影我個lunch 慢煮白汁三文魚菜飯 $79 連奶茶/蘋果醋一粒星都唔值 認真係負分個舊三文魚 係我2隻手指加埋咁大 呢個飯盒係扁同細 佢舊魚真係細到，笑到我班同事癲左😒佢地影相當笑料send比朋友睇 $79啊！勁失望 細係其一，味道係其二，我除左食到黑椒味 係完！全！無！三！文！魚！味！仲有菜飯個個位係咪指加左個啲青瓜 食完呢餐我真係懷疑自己唔知咩叫菜飯 啲汁就更加唔洗講 粉味白汁蜜汁豬頸肉配滑蛋飯 $72⭐️⭐️⭐️連奶茶/蘋果醋同事叫呢個就正常好多囉…最後…好彩有好好既同事分享啲餸比我先食到少少飯…個三文魚 仲少份量過2舊豬頸肉呀食唔飽又難食搞到心情好低落…查看更多

呢間餐廳好多打卡位！粉紅襯藍有D似Katy Perry Carlifornia girl MTV feel，好多打卡位🙂野食仲要好唔錯！龍蝦湯 ⭐️⭐️⭐️⭐️⭐️好濃湯味，龍蝦食落新鮮🦞帶子沙律⭐️⭐️⭐️⭐️⭐️沙律最重要係新鮮，呢度做到！咖哩牛⭐️⭐️⭐️⭐️⭐️呢個係我最鐘意既主菜，個包係一路食一路keep住咁脆，個汁好好好好好好食，平時d包一定食唔哂，我地2個女仔啪哂成碟咖喱連包！🍞呢個係必食！！！！！燒雞⭐️⭐️⭐️⭐️⭐️好難go wrong既燒雞，嫩滑！甜酸魚柳⭐️⭐️⭐️呢樣係咁多道最平平無奇既，首先上菜既時候已經唔熱，加上食到脆粉多過魚🐟建議唔需要試黃芽白⭐️⭐️⭐️⭐️⭐️5粒星係比個雕工，整到成朵花咁靚，好好睇！食落就同平時食既黃芽白一樣😂cocktails 唔錯食完飯坐出去enjoy下Cocktails同埋shisha, 爽.！…查看更多

本身係好鐘意食梳乎里pancake，今次渣車出開旺角，就試下呢間I love you。首先等候時間都幾耐，成十幾20分鐘，好彩有車可以坐緊車入面等，叫左一個原味同一個芝士。先講個pancake，鬆軟彈彈度都ok既，聞落都okay，但係味道真係無蛋香味無奶香味，忌廉唔香滑，糖漿甜而唔好食，一食就知d原材料係平價野無要求。芝士個個，睇落好正，食落除左無乜芝士味，係乜味都無乜，呢個價錢只有外賣，仲要等咁耐，真係未必會再幫襯又要用銅鑼灣flixxpers黎比較，原味黎講如果flippers係10分，呢間係2分，呢2分係比個鬆軟彈彈度。想食好食梳乎里pancake，請去銅鑼灣。…查看更多

第一次幫襯，亦都係最後一次。人生第2次比劣評就係你！好少連間餐廳都未離開就要開始打食評。因為好嬲!一坐低，比佢個櫃刮到個皮都爛，我隻腳流血，行去佢櫃臺話比佢個櫃整到流血，問有無膠布，自問好有禮貌咁問，個待應話搵下，然後10分鐘都無再理過我好似從來無發生過我問佢拎膠布，連一句「無膠布呀唔好意思」都無👎🏻好！跟住我朋友出去藥房幫我買膠布，佢番到黎我隻腳既血多左，想拎張紙巾印印佢，Again!!! 問個staff拎紙巾，佢話自己周圍睇下有無，然後又係無左件事👎🏻最後我朋友再出去買紙巾。先唔講食物質素，呢個係咩服務態度👎🏻👎🏻👎🏻我唔係要求5星級服務，只係想拎膠布同紙巾，一句回應都無。一坐低整親個陣廚房吧有4個staff，樓面得1個。樓面就係無理過膠布request，間條衫就係叫我地自己搵紙巾個個。最後膠布同紙巾要分開2次出去買。服務講完，講食物。日式明太子蟹肉意粉 $78 ⭐️⭐️⭐️服務同食物分開評論，意粉既煙un度係做得唔錯，但係真係完全食唔到有明太子味，汁亦都唔濃味，唔推薦。all day breakfast $108⭐️⭐️⭐️呢個all day breakfast最好味係個大啡菇同個包，個包有香草味，香而脆，菇都好香。腸同煙肉正路野無評價，反而炒蛋真係麻麻，無蛋味。 all day breakfast黎講$108係出面正常價，但佢既份量真係比出面少，質素唔係特別高。隔離熟食中心，all day breakfast 包會有butter and jam，份量大d，有煙三文魚，價錢只係 $70蚊左右。ice cappuccino 散叫$45 跟餐加$32⭐️⭐️⭐️⭐️ 咖啡係ok既，但跟餐都要加$32真係貴，另外一個跟set送既earl grey 都係正常野。總括黎講咁既價錢，食物質素正常，但係服務係史上差無可差既一間cafe，我發誓，今生今世不會再踏入呢間cafe！👎🏻…查看更多

搵食既時間見到呢間沒有差評既餐廳，決定同朋友黎試，心諗點都無死，但係希望愈大......壽司係最失望既一部分。其實餐廳空間感好足夠，環境幾好，有卡位，都有得坐師父前面。待應服務好好，會介紹今日有咩新鮮推介，例如整條刺身，新鮮海鮮燒等等。燒鵝肝大黑菇 $168 ⭐️⭐️⭐️⭐️⭐️頭盤第一碟黎既，燒肝燒得好香好香，鵝肝既油入埋壽大啡菇入面令個菇都有陣鵝肝香味。但係，$168有小小overprice，鵝肝fans值得試試。燒吞拿魚下巴 $480 ⭐️⭐️⭐️⭐️⭐️呢個係待應推介，雖然覺得貴，都想試試佢。佢燒到外皮好似薯片咁脆，入面既吞拿魚好香好好味，好滑，同時油份多，魚肉份量都唔小，2個人食得都會有少少滯。但係燒得真係好正明太子雞翼 $32 ⭐️⭐️呢個真係唔推薦比大家，咬入去真係唔知食緊乜，淨係得辣味同咸味。 2粒星係比佢既脆脆外皮。甲羅燒 $68⭐️⭐️⭐️⭐️⭐️呢個價錢合理，一貫甲羅燒既好味🦀壽司⭐️⭐️⭐️價錢可以參加下面既壽司餐牌，3星唔係全部唔好食，只係呢個價錢我會expect 好d既quality。最憤怒既係中拖羅$65一件，餐牌入面張相既係平時食粉粉地，係吞拿魚腩黎架。點知黎到係張相右上角個2件，係赤身咁既款，我問待應佢仲話今日既中拖羅係咁好我就食下睇下係咪咁勁外裹不一，點知食落都係赤身，咁就收左$130仲要加一，真係圖片與實物不符，100%失望，中拖羅壽司真係一粒星都無唔好意思。海膽$98 2件比較合理，新鮮，但紫菜黎到已經淋哂。燒三文魚$30 2件同燒平目魚背$68 2件都係一般。飛驒牛係比較好食既一件$39。總之食完件「中拖羅」成個心情都低落哂。再有機會黎都好，壽司？不了 2個人$1700旺角，真的有好多更好既選擇🙈…查看更多

食左不下十次，比較建議食熟既魚，刺身唔太特別。環境方面係唔似餐廳，似坐吧台咁樣。去收銀落完order，番位等佢喺入面遞出嚟比你食，如果要坐得舒適慢慢嘆就唔好食呢間啦，始終都係超級市場入面，基本上無乜服務可言，員工都係有口音既，但食物質素唔錯，食快飯又想健康好食呢度就岩你啦！西京燒比目魚 ⭐️⭐️⭐️⭐️⭐️ $58定食係有魚，湯，飯。個魚西京燒甜甜地好好味，比目魚又香又滑，個飯可以加$10轉吞拿魚蓉/蟹醬，我覺得蟹醬會好食d。個味噌湯幾出色，好香魚味，平時我係唔飲味噌湯，呢個我可以飲哂留意番我個人覺得唔夠餸通常會加個小食。今次試呢個十幾蚊炸魷魚就麻麻地啦，凍左唔香脆。P.S. 油甘魚頭/鮫都燒得好香好好味架！…查看更多

其實呢間食左好多好多好多次，番工既關係，年幾前開始食，一個月食幾次lunch架喺呢度😋午飯時間好多時要等位，食完又會好快走因為出面排既人會用憂怨既眼神望入黎，tips: 最好12點正黎到/2點先黎慢慢嘆！佢係$80簡3小碟餸+飯/沙律（任加）+凍/熱茶（如果唔夠食可以加$15多一餸）以前黎食既時候個menu好耐先轉，依家每次黎都有小小唔同。講下我最鐘意既餸，有d見到我一定簡既！豬軟骨⭐️⭐️⭐️⭐️ ⭐️甜甜地，好入味，煮到淋，正大根⭐️⭐️⭐️⭐️⭐️上面有d豆鼓味既味噌，蘿蔔好甜，我喜歡櫻花蝦豆腐⭐️⭐️⭐️⭐️⭐️呢個算新菜式，超超超超好送飯，豆腐滑，上面既醬有蒜香送飯好好味，雖然無乜櫻花蝦味，但我會必叫三文魚⭐️⭐️⭐️⭐️⭐️凍盤，酸酸地，勁開胃又係我好鐘意既凍南瓜湯⭐️⭐️⭐️⭐️⭐️試左一次愛上，南瓜味凍湯毫無違和感，勁香滑！茄子⭐️⭐️⭐️⭐️⭐️味道好正，適合喜歡偏咸既人柚子牛筋⭐️⭐️⭐️⭐️⭐️牛筋食多會滯，佢用柚子既清新去除左個種滯，而且煮得入味，彈下彈下，食完心理上皮膚都好左😂雞軟骨丸子⭐️⭐️⭐️⭐️呢個反而唔太特別 通常簡無可簡既時候我先會叫薑燒豚肉⭐️⭐️⭐️⭐️呢個送飯都唔錯，豚肉好香豬味，但對比其他，我比4星呢個推薦住呢d先，食唔食到就要撞下睇下個日menu有無得簡嚕…查看更多

本身唔係住呢區，朋友約呢度就黎試下。中午去整牙，無食早餐午餐諗住黎食飽飽。星期六晚去到客人好多好爆，首先安排坐外面，入面有位再入去坐。入到去其實環境幾好，輕輕鬆鬆飲酒食串燒係唔錯！可惜我好肚餓😢而出菜時間用左1個鐘15分鐘，同埋串燒真係送酒為主，唔夠飽。如果係行坊、朋友黎飲酒吹水食為主，食下小食，係非常正👍🏻好多好多客都飲啤酒，但除左啤酒都有紅酒 白酒 清酒選擇！桃汁酒同埋巨峰提子酒 $49⭐️⭐️⭐️⭐️⭐️巨峰提子🍇甜少少，好味過桃！如果能夠雪凍d /比冰杯就perfect!蒲燒鰻魚 $68 ⭐️⭐️⭐️⭐️⭐️燒得好香一口蕃薯 $18 ⭐️⭐️⭐️⭐️扣左粒星，唔夠熱韭菜燒$14 ⭐️⭐️⭐️⭐️⭐️我無食，但同行朋友話比滿分佢！蘆筍燒$28 ⭐️⭐️⭐️味道唔錯，但係比起menu既圖幼好多好似4支牙簽咁粗燒雞翅包飯 $18 ⭐️⭐️⭐️⭐️⭐️呢個真心推薦！雞翼醃得入味，入面糯米飯好隻，岩哂懶人唔想吐骨🤤炭燒豬頸肉 $19 ⭐️⭐️⭐️⭐️⭐️質感正，爽口，有小小炭燒味！！燒牛油帆立貝 $33 ⭐️⭐️牛油味唔出，食落唔係好新鮮，可以唔試芝士雞脾肉串 $20 ⭐️⭐️⭐️雞肉ok，但係芝士味唔出，我覺得都可以唔試。金菇牛肉卷 $28 ⭐️⭐️⭐️⭐️好香口，如果再去都可以安哥！ 招牌茄子燒 $30 ⭐️⭐️⭐️⭐️⭐️呢個推薦！！！好有蒜香味，無出面咁大孜然味。因為外面有d係好多孜然味，濃到食唔到茄子味，但呢個就唔會！！一定叫玉子燒 $31 ⭐️⭐️⭐️⭐️⭐️外面燒到好香，入面香甜，呢個我地叫完再叫！自製和牛棒$42 ⭐️⭐️樣子吸引，但係無和牛味，比較鞋，有d似食緊鞋既蒸肉餅，可以唔試！總結：如果抱住食飽既心情黎會失望，出餐時間慢，但如果同朋友黎chill，飲野食下小食，係正既！…查看更多

成日經過見到排長龍，放工唔知食乜好就去試下佢啦！因為佢要齊人先入得，前面十幾個排隊既都未齊人，所以等左5分鐘就入左去食，好好彩Menu櫻花蝦赤魚天丼 $98 ⭐️⭐️⭐️⭐️⭐️呢個期間限定，個人勁鐘意食櫻花蝦，所以唔洗諗就簡左呢個！！入面其實有2隻天婦羅蝦，魚，櫻花蝦餅，蟹柳樣樣都好食，即炸即食，最好味係櫻花蝦餅，入面仲有d甜甜地既洋蔥，送飯一流！如果第日無得食番點算呀呀呀呀呀！其中一樣可點既野係佢送到黎已經落左汁，個蝦有小小淋左！但味道一樣好天婦羅蕎麥麵 $78⭐️⭐️⭐️⭐️⭐️好多人都叫呢個，就試下佢！冷麵夠凍，好味，但係麵好多度都差唔多。因為係跟麵，天婦羅無落汁，好脆好香口，好正好正！蓮藕，豆都好好食華味鳥雞肉$18 ⭐️⭐️⭐️⭐️⭐️呢個追加雞肉好正，雖然好細舊，但一咬落去，唔會後悔叫左，d汁係必出黎，好juicy好滑🤤🤤🤤值得一試呀！日本品質！我地食完仲多左一倍人排隊！！！…查看更多

之前見到朋友黎po上網好似好好味，就喺無睇過價錢下預訂。上到去得2個餐簡，所以一人簡一個，貴d個個有海膽飯🤤佢每日都會選擇當造食材，所以未必每次都食到同一樣野。鮟鱇魚肝 ⭐️⭐️⭐️⭐️⭐️我喺連鎖壽司店食過軍鑑，真係唔鐘意！但係呢個暖暖，勁香魚香味，係想成條搶左黎食！🤤油甘魚⭐️⭐️⭐️⭐️⭐️真係超新鮮，超好味！燒一下係勁香魚油，如果份量加多倍就爽啦！前菜⭐️⭐️⭐️⭐️⭐️真係好甜好甜，again，好想食多d炙燒吞拿魚辭+海膽⭐️⭐️⭐️⭐️⭐️呢個就2個餐都有既，個吞拿魚腩好香好香好香，見到都想再食牡丹蝦海膽⭐️⭐️⭐️⭐️⭐️照顧埋視覺享受海膽飯⭐️⭐️⭐️⭐️⭐️除左鮮甜，無其他！ 呢個係貴個個餐先有蠔壽司⭐️⭐️⭐️⭐️⭐️師父問左食唔食蠔，即整呢個要用手食滋味d😂蜜瓜⭐️⭐️⭐️⭐️其實味道無問題不過唔特別😂整體都好好味，但份量唔夠多呀。…查看更多

本身諗住去蛇竇食滑蛋叉，點知撞正佢就結業好多人排隊，同事就介紹呢間蘇杭冰室，喺蛇竇行去都係2分鐘。喺中上環黎講，$50-$60既lunch整體佢都算係唔錯。加幾蚊可以飲支裝鮮奶🥛岩哂我咖哩吉列豬扒飯⭐️⭐️⭐️⭐️⭐️$54呢個係同事叫，試食左，好味過滑蛋叉燒飯！！咖哩唔辣，適合所有人，仲會分開上唔會整淋豬扒。味道正，咖哩薯仔都淋，吉列豬扒岩岩炸起鬆脆，呢個絕對會encore，一個人食哂都好飽。一黎列忍唔住試食，食到一半先記得影😂滑蛋叉燒飯⭐️⭐️⭐️⭐️ $54如果無比較，其實都幾好味既。不過有比較下，佢既叉燒相對硬d，蜜汁味又少d，豉油汁既水準都唔高。瑞士汁雞批滑蛋飯⭐️⭐️⭐️ $5x呢個都係同事叫，我都係試食左一啖，呢個價錢食雞批飯性價比唔高，好似可以簡麵。雞批都唔係非常入味，下次可以skip呢個。可以挑剔下既係餐廳面積細，喺lunch hour同其他茶餐廳一樣會做到好想你快d走咁。黎食lunch都唔錯，最好11點半到，記唔洗逼，下次我會叫番咖哩系列…查看更多

上網見到喺公司附近就同朋友黎試試佢！ 原味蝦湯幼拉麵⭐️⭐️⭐️⭐️ $88成碗麵4星，淨比個湯底會係5星星，真係好濃郁既蝦味，本人好鐘意食蝦蟹。又有蒜蓉可以加，但我鐘意原汁原味多d。佢d紅色唔知係咪蝦乾仔，加埋入去成件事再蝦d 🤤 D拉麵就正正常常，唯一可圈就係真係太少配料啦得半隻蛋同埋一片叉燒，會唔會日本都係咁樣想d客focus番喺d湯同面度呢？總括黎講我同朋友都好鐘意個湯底，會再食！但係冬天食比較好，室內冷氣唔夠，度自動門不停開關，食緊熱既拉麵既時候係咁出汗好似熱過條街咁。餃子 ⭐️⭐️⭐️ $35皮煎得唔夠香脆，餡都唔係特別出色，可以唔試。…查看更多

好似唔係食緊梳乎厘pancake，真係食緊份幸福同埋奇蹟比起喺日本食仲好味🤤睇相已經想再去食。已經喺希慎食左3次，每次都即叫即整，所以都要排隊，但係值得等待。原味Soufflé Pancake ⭐️⭐️⭐️⭐️⭐️$99鬆軟既pancake，好有蛋香味，D cream好有奶味，原味唔跟糖漿都好好好好食。我試過其他味同佢既期間限定，最愛始終係原味❤️期間限定 日本夕張蜜瓜梳乎厘pancake⭐️⭐️⭐️⭐️⭐️ $1xx價錢好似係$138，唔係好記得。限間限定係會成日轉架，今次個蜜瓜味好好味，食落去蜜瓜好香好甜，連d cream都有陣香甜蜜瓜。但我同朋都係覺得原味更加突出個種奶同蛋香！ 不過蜜瓜味都係5星星有左flippers唔洗再朝思暮想去日本食soufflé pancake ❤️❤️❤️…查看更多