lifeshard的个人专页

分別黎過食午市同晚市，晚市打邊爐大約300蚊左右。d嘢食幾新鮮，無漏單，非酒精嘢飲任飲，好主動黎收碟，價錢合理，仲會問下我地有咩可以改善，幾有誠意。午市好抵食，lunch套餐價錢由48到68都有，我食呢個牛肉飯48，牛肉好多而且個麻辣啱啱好，唔會太辣又會有好想ge麻。免加一包野飲同一碟生菜同一小碟青瓜，真係超值。另一個無圖ge係辣ge吉烈豬扒烏冬，烏冬係用貴嘢，但我覺得個豬扒麻麻地，唔夠鬆脆.overall幾好，會想再去。…查看更多

食過幾正再買多6張$200團購券用鹽殼焗魚起左條大骨，好方便食，但個人認為味道不及微酸開胃又更平的紙包鱸魚，呢個焗魚只算普通～帶子南瓜意大利飯就成個飯都好淡冇乜味，就算加鹽都係淡，幾差而個菇意大利飯就唔同啦，好重cream味同菇味，好彩係6個人分黎食，因為食2啖已經好飽濟LOL但同時佢係好味geFish&chips好正，好熱辣，而且佢比薯角同炸蕃薯條（雖然都係炸，但比薯條健康兼較少見），薯角好脆好好味，炸蕃薯條就更正，淋身d但我中意佢甜甜地～個魚入面有d紫色，waiter好似有講點解但我冇留意～呢個西式煮法ge蜆幾好味幾香，但d菜比較un呢個牛扒係set黎，跟一個湯，個湯正常，夠味。個牛扒因為叫左7成所以有少少少少鞋口，都算唔錯架喇。而個底d薯蓉係好明顯有好大陣好香又好肥ge牛油味，所以係非常的好食ge個焗春雞都係有手套比我咁，都幾難得d肉焗得一d都唔鞋而今次個雪條係荔枝味，入面有果肉（龍眼？），都ok但甜左d呢個心太軟配雪糕好味呀，size係細細個，但朱古力流心好正，正價都只係$48，價錢好公道店員久唔久就黎收野針水，服務唔錯，男店員比女店員態度友善…查看更多

買團購($115買$200)一早book左台，兩個人去食，呢間d野食都係海鮮多，好似算係幾清淡健康～春雞($165)皮好脆好香，d肉都唔鞋，好入味下面有d薯仔，都係好香好好食，最重要係佢比埋膠手套同濕紙巾比我，非常體貼個紙包鱸魚($158)d汁酸酸地好開胃，浸住ge紅椒甜椒吸左汁好正我平時唔食橄欖，都食浸住d汁ge橄欖魚得幾條骨好易食，肉又滑原來團購ge手工雪條係冇得揀味，條雪條唔錯，有雲尼拿子tim ga而tiramisu($38)成個碗咁大，但麻麻地好食，冇乜層次侍應態度唔錯，幫我影相仲識得高炒LOL…查看更多

呢個係星期六ge menu～我地3個人叫左3個set先送上來ge麵包好脆好好食前菜我地叫左茄子、墨魚沙律、吞拿魚意豆茄子有4塊，賣相好靚又好食墨魚沙律都係好好食，不過有少少油吞拿魚意豆我都好喜歡，吞拿魚加埋豆一齊食好夾！主菜就係牛柳、蜆肉意粉、同雞胸牛柳啱啱好5成熟，唔會韌，好食蜆肉意粉係好正，意粉好有彈性但又唔會硬，啱啱好，又多蜆，不過有d油，但咁好食都係照食啦！雞胸唔ok，得三大薄片，好少，雞成本又唔係貴，可以比多d不過佢d雞胸一片片咁，食落係唔錯，唔會鞋口甜品我地將其中一個果醬餅加40hkd轉tiramisu，哇真係超好食好香酒味果醬餅just soso環境靚之餘，d 侍應都好好，好主動黎針水、收碟、有笑容！！叫好好service！…查看更多

因為係團購，一早打電話book，好有禮貌去到其實都有好多空台，都係ge，如果食正價個set要差唔多$300一人，lunch黎講可以好多選擇！首先我地兩個一個要starter一個要蜆+青口湯starter有菇啦，椒啦，ham啦，哈密瓜等，哈密瓜好甜，其他都幾油，我冇食而個湯就好多料ge，不過個湯就油，食完d青口同蜆就冇飲籃包就3款，白包麥包同脆條，點黑醋最好，食完starter等太耐未有pasta，所以食晒成籃！lolpasta叫左忌廉汁海鮮意粉同蕃茄雞肉長通粉忌廉汁海鮮意粉好好食，個汁好香，有好大隻帶子～而蕃茄雞肉長通粉d雞得2片咁大把，但都幾多cheese，唔夠前者好。兩者份量都係比較細gemain courses就叫左dry aged西冷同羊肉卷個牛扒就係唔ok，叫左5成，比左個7成熟我，個面仲好乾硬，不如我自己煎好過啦而羊肉卷反而係好過我預期，d肉都幾林，又香最後杯奶茶同咖啡都係咁啦冇咩特別，雖然呢餐ok有靚環境有靚ge野食賣相，但味道唔係令人覺得好驚嘆...even團購價我都覺得唔值呢個價錢我下次會食其他囉…查看更多

都3年冇黎homey了叫左幾樣野，包括菠菜蟹肉意粉、千島醬pizza、雞肉wrap、雞翼、煙肉芝士薯條菠菜蟹肉意粉都幾好食，係有d"漏"，d蟹肉係好碎融入左?d汁度，不過都幾多料ge。千島醬pizza好薄好脆好好味，推介！水牛城雞翼一客有5隻，??好，酸酸甜甜好開胃～好正，本身薯條已經好食，再加埋咁香ge芝士味，真係好想一個人食晒一碟！蕃茄鮮蝦意粉又係好好味，d蝦幾多！但個芒果smoothie就好唔得好差，其實我expect有奶／yogurt added in it，而且我feel到唔係真ge芒果整ge，係芒果味糖水咁，講真我都係廢事浪費先飲，都唔好飲…查看更多

買左$7鮮奶撻同$8芝士鮮奶撻都算幾大隻而且真係好好食呀！！當然唔能夠同$2x蚊隻果d tart比較ge鮮奶撻好滑，但唔夠芝士鮮奶撻咁濃味，我好中意cheese所以芝士鮮奶撻我覺得比較好食其實呢間我都唔係第一次買，以前都買過下佢d批呀etc，質素都唔錯，生日蛋糕係大約$150就有喇，雖然唔係話好好食但都可以接受，整體黎講呢個價錢比呢個質素我認為係好好啦！…查看更多

買左個煙三文魚薯仔沙律個蛋黃係流ge，都幾surprise，不過凍食怪怪的薯仔ge mustard冇乜味，真係算唔上好味d菜唔好食，我唔知點講，我喺第d餐廳食d菜唔會咁ge味，唔知係咪佢比ge菜唔啱我，如果冇mayo我應該唔會食之前買過佢地個火雞三文治，個包係乾，雖然全麥係會乾d硬d，但佢真係乾...…查看更多

黎到呢度食母親節飯，都好多野食，又生蠔呀三文魚呀之類，不過我唔係幾食生野，所以冇咩興趣一人送一隻鮑魚，好味啊，已經切好左架喇，食得好方便然後個risotto都唔錯，多料又好味其實我食得最多係甜品，呢個waffle我食左2次，係即製ge，好香好好味，牛油味是很邪惡的，配埋haagendaz雪糕真係食多多都ok呢個聲稱係有榴槤夾係入面ge野唔係幾好食，皮厚，冇咩榴槤味呢個係焦糖燉蛋，最好食一定係最面果層，脆又甜，入面又滑～個芒果糯米飯就普通啦葡tart唔熱係爭少少，但都好食另外2個唔記得左咩味喇，但我冇特別記住，應該都係不過不失la～綠茶心太軟正呀，我第一次食ja， 綠茶味好濃好好味，睇下係幾咁流心呢餐係好唔錯 價錢同食物質素match呀…查看更多

早前團購買左d coupon，就飲左好多唔同味ge野飲就咁去買要$26蚊支果d首先講下我最中意ge雪耳竹笙鮮椰露，聽到椰露就知係肥野，姐係正野！！飲落去唔會太甜，好香椰奶味，仲會飲到d雪耳一粒粒咁好好味，我覺得d雪耳係重點然後我屋企人就中意杏仁露，貪佢杰身，又好有杏仁味。不過我個人認為太大陣甜味，我就飲奶時溝少少杏仁露，咁就正喇！椰香紫米露，個椰字姐係好味LOL咁d紫米又係一粒粒咁係好正其實冬天d味正d，例如有個燕窩奶露，係好似甜d ge奶咁但又係有d雪耳碎好好味，我唔信佢有燕窩比我架喇（而且食燕窩的話覺得d燕子好慘），好味咪得囉，反正呢d都算係甜品，我都冇諗過會唔會養顏啦其他味我麻麻地，係以上呢幾隻好味，可能因為其他冇咁高糖啦，哈哈…查看更多

拿，其實都黎過好多次，板長呢間野我喺屯門同大埔就都算成日食，今日終於要黎數臭佢個軟殼蟹手卷首先我要講食壽司黎講板長都算平，起碼有特價壽司有時$5一件就ok，仲有一客三文魚漬係$8/2件非常之平，咁佢d蟹子呀，鰻魚呀之類ge壽司都係幾好唔錯ge，果d 卷物我都好中意下，靚靚地咁但令我好嬲ge係兩次食軟殼蟹手卷，兩次d蟹都係有淋又凍ge，想點？唔知仲可以點形容同寫咩野，或者你幻想下食落去會係有咩感覺丫，我expect係脆卜卜架囉！！！…查看更多

叫左好多野食，我冇樣樣都食，係咁e講下啦個黑木耳好好食酸酸地又爽口咁好開胃的，我食左勁多，好正個炸兩皮好薄，入面好脆好好食，好想食晒成碟仲叫左個炒飯，係啖啖都好多瑤柱ge，好足料的！餃類冇咩特別，同普通茶樓差唔多啦流沙包三個入面其中一個唔流ge！甜品桂花糕都係普通啦咪又係咁，或者係我唔識欣賞overall d 野食都係中上水準，冇樣野係難食，有d野就好好食咁，服務好好ge，有人黎分飯，我係咁跌筷子，次次都有waiter黎極速換比我我會再黎食的！…查看更多

上星期五同學生黎食放題，雖然d學生可能因為好興奮而係咁聊侍應哥哥講野，但侍應咁忙都態度友善反應快，會問我地有無漏單，我唔飲汽水要針茶ge, 問過一次侍應，之後佢都記得我係要茶黎幫我針，值得推介的餐廳！d魚生新鮮，送ge火炙壽司又暖暖地好正，炸野又脆，例如係芝士年糕同香芋丸，真係新鮮熱辣ge好好味！d雪米池硬到有攻擊性though，不過雪凍左正常ge…查看更多

前成日飲呢間d芒果飲品覺好好味，但怕濕熱，都係少食食芒果野，所以叫左2個冇芒果ge糖水，兩個糖水都有小丸子，煙煙un un咁好好口感熱紫米露（唔記得正確名稱）：唔會太甜，好杰，好食，好飽 LOL熱芋頭栗子糖水（唔記得正確名稱）：相比紫米露，呢個會稀d，都幾特別幾好食，我中意食d渣，不過d渣唔算多雖然唔記得幾錢，但價錢都合理…但d服務員做野手腳都幾慢，收錢收好耐，而且d位好逼……查看更多

一直都中意食yomama，有團購就梗係買！呢間係店員jit比我ge，size分regular/large，我咁大食一定係食large！我覺得咁幾好，d toppings唔係睇幾重黎定價，如果計幾多錢100grams，我一定唔會加生果咁重！呢間乜味都正，但呢個唔係成日有ge士多啤梨yogurt味就真係好正，酸酸甜甜（偏甜）！呢個比起綠茶味甜好多，食完再食綠茶味會覺得綠茶味淡，但士多啤梨yogurt味真係好正haha...另外叫個綠茶味就其實一直貪佢唔算太甜，配埋藍梅感覺感覺冇咁heavy～…查看更多