竹子的个人专页

見米線關注組推介, 就趁復活節假期專登搭車去幫襯買外賣， 可能希望越大失望越大，結果勁失望。首先講味道，就覺得一般。可能見大家都話好味好鮮甜，期望過高，結果並非講得咁鮮甜，花甲有十隻以上算足料， 但湯底鮮甜度不足，食完之後亦都口乾。加上以為有芫茜同菜脯做配料， 但因為用whatsapp落單，可能溝通上有錯誤，結果返到去打開見到冇芫茜同菜脯好失望。韭菜豬紅ge韭菜勁老有渣。另外，叫咗ge小食亦都畀漏咗，雖然whatsapp通知之後即時退返錢， 但之後再發現一碗唔要指天椒嘅竟然有指天椒喺入面， 於是再用whatsapp查詢， 結果店員留言通知話唔要嘅嘢應該唔需要寫落去， 所以對方誤以為係走芫茜，而要指天椒。以為告一段落，之後老闆娘打電話嚟了解，話我投訴俾少咗芫茜同菜甫，我指並非投訴，因為俾少配料都係好小事，但因為我媽媽唔食得辣，結果佢嗰碗加咗指天椒，所以用whatapps講聲。但老闆娘專登打黎原來係指我同店員雙方都有錯，指part-time員工理解錯，但我落單都打得唔清楚，如果想冇錯就下次親身黎填紙仔落單，態度勁差。喺土瓜灣，用五十幾蚊可以有更多好ge選擇，亦都有其他值得支持ge良心小店，呢間不了。…查看更多

今日初一，同屋企人一齊去食齋，今次係第二次幫襯，貪佢有海景同食物水準唔差，點知食物雖然冇變，不過態度就唔同了！兩點幾去到唔full，當然想坐近海嗰邊，但嗰侍應話要set枱，唔坐得，咁都算la, 反正地方咁大，周圍都望到海。嘢食水準唔錯，因為未齊人，侍應都有問駛唔駛遲少少上菜，不過就冇人提有discount !跟住仲見到有人坐我哋原本想坐ge枱，頭先又話要set枱ge!? （其實咩叫set枱，我真係唔知咩意思）到俾錢嗰陣， 都冇人提我哋原來身分証或旅行証有2/7就有27%discount, 搭lift 去到lobby, 先見到有，即刻上返去問la(心知冇ga la),嗰員工話我哋唔好意思check 人客身分証，所以唔會主動同人客講有優惠，聽完真係一肚氣，都唔知究竟係公司政策定員工問題，由落單到俾錢，冇員工提過，無la la俾多$180，真係勁唔抵，下次唔會再去lor, 一肚氣，激鬼死！！！…查看更多

間舖開業以來第二次打電話落單叫外賣, 同上次一樣,個收銀一路落單一路叫我等陣, 因為佢要收錢,都明白假期人多, 同一時間做唔到兩樣嘢, 但問題係問埋電話no.問埋姓咩之後, 去到竟然漏單, 話冇落過單wor!由於唔係我本人去拎, 知道後即刻打返去問佢乜事, 點知另一個收銀聽, 同佢講講吓冇哂聲(原來喺度收錢), 之後佢仲好抵死咁話, 原本個收銀二點半收咗工,之前佢落咩單佢唔知睇唔到! 然後仲話我隔咗成個鐘先打黎問(wah!咩收銀機咁神奇, 冇record ga, 同埋我係咪要知道你哋交更時間, 等你哋新舊交接咗先可以落單!仲有我都要d時間搞清楚咩事ga, 唔通問都唔問就打黎俾你窒a, 兼且唔係成個鐘~)俾佢咁窒法真係火都黎埋, 你好聲好氣say句sorry, 我都唔會嬲到親自落去問個究竟lor~去到之後, 就問原本嗰收銀收咗工a?點知就係俾人話收咗工嗰位同我講, 另一位窒我ge就話佢冇咁講過, 只係話佢自己兩點半接更je~原本個收銀就話因為當時好忙,佢搵張紙寫低咗,都唔知點解冇落到單, 兼且搵唔到張紙(我電話no+姓咩寫喺張紙度, 電視都話要保護個人資料,呢間好危險lor~)跟住仲扯開話題話有即時補鑊, 問要乜咩, 只係黎拎外賣嗰個人(我家姐)行開咗!家陣嗰問題係點解會漏單, 關拎外賣嗰個人咩事呢@_@我家姐超好人, 收銀話漏單, 落多一次當就算, 但唔該呢間野應付唔到就唔好叫人打電話落單, 一係就唔好叫收銀一腳踢, 又落單又收錢, 做有做唔黎. 以下就係拎到返黎ge外賣, 相信以後都唔會再食到lu, 因為唔會再幫襯!!!…查看更多

真係初三赤口lor!我家姐頭先去買2個deluxe早餐~因為拎得多o野~買o左就算la~冇check到~結果拎到返o黎先知乜都漏!!!一打開o個盒~2個餐都係要腸仔冇腸仔!要鬆餅冇鬆餅!結果要返去拎~拎到去可能因為過o左11:00la~(我諗家姐去到應該大約11:15)話冇哂腸仔~只可以俾份蛋佢~咁大間kfc 2條腸仔都冇~只係得返雞蛋~真係勁!!!不過我家姐真係超好人~人話乜就乜~仲冇剷佢tim~但唔該佢o地檢討o下la~上次我都試過買2份餐, 俾漏o左一份雞~好彩當時我即時check~先唔哂白行一趟去拎ja~…查看更多

之前幫襯過, 覺得無乜味精, o個魚湯又幾正, 加上價錢又抵, 於是今晚再幫襯, 點知就中伏了!落單時都無o野ge~侍應重覆張單o個陣都無錯, 但點知佢原來入錯單!我o地又抵死ge, 見佢重覆o個陣無錯, 就冇check張單~結果d o野送到o黎先知搞錯~退返又o徒~碗烏冬唯有照食, 點知d 鯪魚球d 骨多到死~跟住仲離譜! o個泡飯食到一半有牛肉!(因為我o地唔食牛ge) 初時以為廚房可能唔小心掉o左d 牛肉碎入去都算la~結果越食越多, 即刻停口望o下o個menu la~真係鬼掩眼lor~原來中文寫扎肉, 英文寫beef @_@ 又中伏了.我o地好聲好氣同o個侍應講la~點知佢好平淡講o左句「印錯」之後即刻閃人! 坦白講, 都食o左一半! 我o地都唔會叫你同我換過碗la~但佢一句唔好意思都冇! 勁火滾lor!!!於是同o個經理(疑似係la) 講, 佢話一直冇發現到呢個問題~不過佢d 態度就好過個侍應~識講返句唔好意思.以後真係請我食都唔會再去, o個menu 好似d 合約咁樣~一切以英文譯本為準, 我o地d 英文差唔識睇lor~…查看更多

之前無意中睇到某本本地的免費日文雜誌介詔何文田有一間食雲吞麵的店舖, 心諗介紹得俾本地住的日本人, 應該都有佢ge特色, 於是趁住媽咪o係附近學o野, 等佢放學之後就一齊去試o下, 果然唔錯, 就o係openrice同大家分享o下la^^店舖ge地方唔大, 只有六張枱, 但地方乾淨光亮, 入到去有種精精神神ge感覺. 可能因為我o地去到o個陣大概係七點二三la, 所以未坐滿, 唔需要等位. 店舖有一人餐, 二人餐又或者散叫. 一人餐ge叫法係一個麵食+$要小食或菜, 就會送一杯汽水或冷熱飲品(冬瓜薏米水或菊花茶), 二人餐就係$108有兩個麵食+兩個小食+菜+兩杯飲品. 我o地三個人所以叫o左個一人餐同埋二人餐.見到佢有d特別ge o野如秘撈, 花膠牛筋麵, 和牛明太子撈麵, 不過諗住第一次幫襯, 都係試o下d傳統ge穏陣~我o地叫o左冬菇麵, 水餃米, 菜肉餃米, 炸雲吞, 炸鯪魚球, 蝦醬雞中翼, 生菜, 冬瓜薏米水同埋菊花茶.冬菇麵的冬菇份量充足, 好濃的蠔油味但略為蓋過冬菇的香味, 但總算唔錯. 水餃ge餡料跟出面的差唔多, 不過勝在用料新鮮, d蝦仁很爽口, 好味. 菜肉餃都用料好足, 肥嘟嘟好飽滿, 唔會乾爭爭.另外麵上撒上少少蝦子, 增添香氣, 湯底亦很清, 唔似出面一般好重味精食完好口乾~炸雲吞ge蝦都係好新鮮, 不過就覺得雲吞皮有少少梘水味.至於炸鯪魚球, 熱辣辣上枱, 非常香口彈牙, 不過就咁食鮮味一般, 但點上蜆蚧醬能帶出鮮味.蝦醬雞中翼即叫即炸, 超香脆而且味道香濃, 但同行ge家姐就覺得有d鹹, 不過我就覺得超好味. 正a^^冬瓜薏米水冇乜甜味, 可能佢ge甜味只係靠用糖冬瓜o黎煲(個人認為) 但勝在有淡淡薑ge香味, 薏米煲得稔稔的, 有種似阿媽自家煲ge感覺, 唔錯~菊花茶有好香ge菊花味, 唔係咁甜, 都係唔錯a~另外, 員工ge服務態度好好, 幾nice~…查看更多

星期六食晏(當時都二點九lu-其實係下午茶至o岩XD) 去o左試o下正斗~完全唔哂等位~入到去唔係坐滿人~地方夠哂光猛~環境唔錯亦都非常乾淨~但略嫌我o地坐ge位置有少少凍je~d 侍應服務態度都好nice~好爽手咁斟茶~之後都好醒目自動加茶~唔駛出聲~我o地三個人~叫o左三個午市套餐($53.00/人) -由十二點供應到三點, 勁抵~另外加一杯紅糖薑茶~o個套餐有個湯, 兩頁菜單度任揀一個餸(選擇算多^^), 跟個飯/湯河/米/粥, 仲有一個甜品~先o黎一人一盅湯 - 陳皮荷葉冬瓜豬展湯~o個湯好正~好香陳皮味~味道唔係好鹹~但好有湯味~有種屋企阿媽煲ge feel~完全無味精~gd~上菜速度快~可能因為呢個時段唔係太多客o卦~夜晚就唔知道la~我o地叫o左海鮮滑豆腐, 真係好滑~同埋d 味道清淡得o黎又唔係無味o個種, 加上d 海鮮好嫩: 蝦, 魚, 帶子切到細細粒, 同埋豆腐一齊食~好正~雞絲扒西蘭花~呢個味道ok~不過d 雞絲就有雞皮痴住~如果無d 雞皮ge話會好好多~另一個係紫蘿豬豚肉~味道有d 似咕嚕肉~但無咁濃~清好多~唔油膩味道酸酸地又有少少紫薑ge辣~好醒胃~我o地跟o左一個飯, 一個粥同一個米粉~o個粥真係好綿同埋唔怕食到尾會水米分離, 堅有瑤柱味~正~不過杯紅糖薑茶就無乜甜味~有d 苦~同埋真係太過辣~好鬼多生薑~辣到喉嚨好鬼哽~如果食得好辣ge人應該頂到ge~終於甜品上場la~二揀一: 蕃薯糖水 vs 腐竹糖水每樣都揀o左一個~先講蕃薯糖水la~薑味好夠~辣o左d~蕃薯夠腍唔怕硬的的~我無試到腐竹糖水~問o左食o個個~佢話味道清甜~仲有薏米o係入面~煙煙un un~好正~叫我o地下次值得試呢款~總括o黎講~可能呢個時段人流唔多la~侍應招呼同上菜速度ok~環境乾淨~食物味道亦都清淡唔油膩~都幾抵食~…查看更多

幫襯過方太好多次~覺得D o野食都幾ok~媽咪話不如今次上網分享俾其他人聽la~結果今次真係有d失望>_<一入到去~成間舖都係客~平時星期六食lunch 都未試過係咁ge~我o地一心以為莫非有人o係openrice 讚過所以坐滿人?結果剔o野食~發現宜家轉o左用茶壺加水(可能係免茶芥ge關係la)以前係用杯的~雖然每人要俾三蚊茶錢~但起碼d 夥計會成日行埋o黎加水~抵俾la~反而宜家轉o左用茶壺方式~冇人行埋o黎加水lor~(夥計數目亦明顯少o左好多~之前見ge嬸嬸唔見哂)見有下午茶點心餐~叫o左兩個試o下~$15就可以o係A, B兩邊每樣揀一款食物~超抵~我o地點o左鳳爪+馬豆糕,叉燒包+炸雲吞(可能係下午茶ge關係la~原來馬豆糕跟炸雲吞都只有兩件, 我o地有三條友唔夠分>_<) 不過馬豆糕椰汁味夠, d豆都夠腍~同埋今次叉燒包ge 餡少過平時好多, 包ge皮都冇平時咁好食~有d 稔稔地~炸雲吞都係~d蝦都冇平時咁多~莫非因為最低工資ge關係...除o左叫兩個下午茶~我o地另外點o左蝦餃, 上湯浸野菌菜(我o地揀o左菜心), 韓式凍豆腐,同埋金針雲耳蒸雞飯~蝦餃保持一貫水準~皮薄餡靚~d 蝦夠多又夠爽good~o個菜見係新o野所以試o下~冇乜特色~勁普通~o個湯似淥菜水加豉油~如果想食菜ge話~我覺得食返普通淥菜會比較好~反而韓式凍豆腐有驚喜^^夏日炎炎~食凍ge豆腐非常舒服~豆腐淡淡地~加上酸酸may may又帶有少少辣味ge汁~好match~味道超得~加埋粟米青瓜絲蟹子~味道一流~不過今次環境麻麻~可能因為客人太多(太嘈)~夥計人手明顯唔足夠應付之餘~我o地坐ge位仲要滴冷氣機水~平時d 夥計都得閒抺ge~不過今次真係無人抺lor~我阿媽忍o左兩次, 到第三次佢終於忍唔住la~(因為三次都滴到佢)加上咁o岩有人走~我o地即刻搬枱~不過價錢咁平~又唔駛等位~做人都係唔好咁高要求la~希望下次d水準會好返d la~…查看更多

今日行完K11, 行到倦倦地~於是想搵o個地方坐o下當早D食晚飯~見到MISOCOOL 唔係咁多人(可能係六點半咁早ge關係la) 於是入去幫襯o下^^我o地三個人~叫o左兩樣o野share 食, 分別係田園炒野菜同大根餃子, 而我o地每個人分別叫o左海鮮拉麵(自家制蕃茄湯底), 芝麻汁海鮮冷麵, 吉列豬扒拉麵(九州豬骨湯底)~侍應態度幾好a^^落完單時同我o地講要預大概二十分鐘~我o地乖乖咁等~因為都唔太肚餓~結果都差唔多要二十分鐘~不過侍應一早講o左有哂準備~等都等得條氣順d~先o黎ge係大根餃子~用蘿蔔包住免治雞肉拎去炸~炸得好脆~配埋d汁一齊食~好味^^跟住就到田園炒野菜~入面有椰菜, 芽菜, 紅蘿蔔絲, 鮮冬菇絲同埋青椒炒~唔係好油~唔錯~不過某d位就有少少鹹~食o左少少~d麵就o黎la~首先係吉列豬扒拉麵~湯底好濃~隻糖沁好正^^塊吉列豬扒都好正~炸得好脆~但又唔油, 最好食ge地方係~塊皮脆得o黎好香麵粉~超好味a~同埋塊豬扒好瘦又冇骨~啖啖肉^^真係very good~至於芝麻汁海鮮冷麵~我夾o左少少麵o黎試~(因為d 餸太少, 我唔好意思夾o黎食) 不過d 麵凍食更加爽口~芝麻汁亦都好香芝麻味~不過 d 餸就真係削o左d~只有兩隻蝦~少少北寄貝, 青瓜絲同埋d露筍(4條勁幼的)d 餸少得可憐~女仔食ge就冇乜問題~男仔食ge話就肯定唔夠lu~至於海鮮拉麵則非常足料~有幾隻蝦~d 蝦好爽~又有蜆, 帶子, 魷魚同埋糖沁蛋(呢碗ge糖沁蛋比起吉列豬扒o個碗仲靚)~試o左啖蕃茄湯~酸酸地~幾好味~(我o地仲食到有少少胡椒味~覺得好好味a~下次o黎我都要試o下)值得一讚ge係~侍應都幾醒目~講o左話要杯熱水~佢話轉頭拎o黎~結果佢真係記得~好快就拎o黎lu~另外~唔駛主動出聲~侍應都會加水~就算出面開始有人等位~侍應都冇話趕人走~到我o地食完之後~侍應見到我o地隻水杯冇乜水~佢主動想加~不過我o地話唔駛lu~因為都諗住埋單~有d餐廳ge侍應未必會加ga~因為想你快d走做下輪生意ma~所以服務態度唔錯gd~不過唔知隔離枱係唔係出現漏單情況la~因為我聽到佢o地叫侍應check單~因為話d o野等o左好耐都未有~但對我o地o黎講~值得再幫襯ge~因為價錢ok~加廿蚊就有o野飲同埋小食四選二tim(有麵豉湯, 日式蒸蛋, 芝麻汁豆腐, 野菜沙律任揀兩款)所以下次想試試^^…查看更多

食過咁多次~呢次服務真係差到嘔等位無所謂~但無理由跳no. 嗌下一個ma~不過我o地即時同o個侍應講返~佢知道自己錯o左~立刻糾正返~咁都無o野ge~一埋位坐低~張枱唔知點解勁濕(我o地自己用紙巾抺乾)~到想落order o個陣~揚手揚o左好耐都無人應(可能客人太多處理唔切la)~終於有侍應行埋o黎la~點知佢句句都話「咩話、講多次、邊樣要兩件話」~自問講得已經好慢~仲指埋俾佢睇tim~以前o個批侍應勁醒目ga~講一次就ok~仲要覆你一次ok先落單~唔似宜家呢班侍應咁...終於有o野食la~關東煮o黎先(蘿白、黑薯糕各兩份)蘿白煮到入哂味又腍~黑薯糕夠哂煙un~保持一貫水準~正a^^但o個侍應拎o黎o個陣碗都唔拎隻~以前批侍應會俾d碟你盛住ga~可能以前ge服務太周到la~覺得宜家o個d好唔掂!之後等o左好耐好耐先至拎d麵o黎~紅虎湯烏冬都係咁好食~但如果叫呢個款~以前d侍應都會提醒o個鍋邊好熱~宜家唔講都算la~仲要俾我見到隔離枱一家大細問佢拎幾隻碗~佢好似想殺人全家咁~將o個幾隻碗飛o係佢枱面! 唔係咁ge態度ma!咁都不單止~仲要俾我見到o個侍應執枱時~竟然將地下o個大盆擺上枱面~然後將d碗碟攞入去~仲要唔抺返張枱~難怪我o地一入去坐張枱咁濕la...不過班侍應都有手腳快ge時候~就係你一食完o個陣~佢就即刻執枱~班友真係趕客到下次我一定唔會再o黎幫襯~就算佢d o野幾好食都好!!!但坦白講, o個紅虎湯烏冬d海鮮真係幾足料ge~o個湯底都好正~而盛岡冷麵ge麵都好煙un彈牙~味道都幾正, 但略嫌其他配料勁少~o野食好味~d服務態度都要好ga~唔係無人幫襯ga!!!…查看更多