WingRooney的个人专页

窮民一個無咩錢食好野，所以最鍾意推薦d平民野廚房佬係屯門好似有4間，青海圍依間最近我辦公既地方，午餐首選食餃子，如果果日想食飯，就會諗起《廚房佬》，一來快同方便，二來價錢唔貴，雖則服務態度真係一般，之前試過午餐焗飯真心覺得唔好食，不過仍然會想食廚房佬原因得一個，就係佢既口水雞/海南雞飯！今日想食辣辣地既野，所以揀左口水雞！計埋之前，夾埋可能都食左8-10次口水/海南雞，過半數機會都係雞脾位黎架，好開心今次都係佢上面既辣醬好惹味，係辣味唔夠既，不過有點麻香同少少少少辣味，加上花生粒，淨係醬都已經好送飯到隻雞，今次比以往更好食既原因係..係雞肉同雞皮之間有層啫喱！唔係肥膏而聽聞係膠原質凝固左，想知係咩自己上網搵下啦認真食咁多次係今次先有，平心而論過往係有食過失手至雞肉un哂，全碟都係骨咁制既狀況，不過多數機會都係好食的！加上50幾蚊有雞有菜有仲有野飲/糖水..去邊搵呀？！唔驚中伏，不妨一試平民化🐥🐥…查看更多

今晚唔想食飯同麵，但又覺得要食d野如果唔係夜晚會肚餓，於是諗起柏麗有間三文治🥪幾好食，同朋友就決定食三文治喇！其實中學時期已常幫襯！不過畢業之後就無食過喇。印象中菠蘿雞係好食既，所以就叫左半份菠蘿雞肉三文治，同埋一份黑椒牛肉芝士焗治，一份半三文治夾埋都只係$39。先食個熱辣辣嘅牛肉芝士焗治，其實即係飛碟，一送到黎辣手的，個邊夠脆，入面啲牛肉餡係一片片簿片既牛肉，加埋一層簿簿既芝士，唔會太膩但又夠味到菠蘿雞肉，菠蘿唔酸但夠水份，雞肉無咩味，但份量足，仍舊好味！修去夾住果d生菜同埋蕃茄，就算已經係夜晚但仍然全部都好新鮮！用心之作，誠意推薦！！今次無試鮮果汁同埋焗薯，聽聞都係好正的，下次再試下先！…查看更多

無做過功課，純粹經過趕住食飯就入左依間餐廳，心諗係太子但係叫元朗餐廳，應該做得幾好先出黎太子開分店既?!入到去諗住開OPEN RICE睇下有咩推介，見佢話自己豬扒好得，但係係OPEN RICE睇既食評有D人又話唔得…於是唔試喇，反而想試下咖哩！於是叫左個咖哩魚柳飯。嗯，一黎到我係好好好後悔的…因為佢個樣Ｄ汁都好稀下…食落去係唔重咖哩的味道，係有Ｄ辣味既，可能我鍾意既咖哩有椰汁，但係依個無椰汁味所以我唔太鍾意。不過要讚下既係…本身以為咁大碟下面有Ｄ咩，一打開係有菜墊底！Ｄ菜幾好食…薯仔夠腍…嗯，全部配菜都唔差，係２大塊魚柳「林林」地…不過最想講的是！！！有個阿姐好好！全程走黎走去，但仍然面帶笑容，舉手落餐佢未得閒會笑住同你講「唔好意思阻一阻你時間」！一個燦爛既笑容讓我非常落意等！其實仲有個後生仔都係好好笑容的，服務值得一讚為左咁有心既服務，下次再黎試食豬扒！…查看更多

早一排食完炑八既早餐之後都係決定食佢既午餐/下午茶，估唔到咁快有機會黎食午餐！同幾個朋友晨運完，本身諗住搵all day breakfast食，可以食住慢慢傾；不過經過蝴蝶邨就諗起可以食炑八喎!!於是１行４人黎左炑八食Lunch，我地3個叫左芝士泡菜五花脾拌飯，有1個叫左牛肋骨煲配紫菜飯。飯未到之前，已送上湯同３碟泡菜，唔夠泡菜可以再加的！佢地泡菜唔只有辣味，仲有ｄ甜甜地！幾好味！個飯如果要同正宗韓國人開既比較的話，咁一定無得比，五花腩唔夠肉汁，乾乾地，不過加埋泡菜就無咁乾！芝士唔多唔濃郁，不過全部野mix埋一齊的話係幾好食的！加上個鐵盤可佞保溫！熱辣辣既感覺非常正！＋＄８可以有野飲，我標柚子蜜正正常常，唔會太甜，不過個杯加左Ｄ分顯得杯野好似好飲左！重點係…5十幾蚊有飯有湯有泡菜有野飲，仲要質素幾好…抵呀！推薦！！！…查看更多

約左個朋友食飯諗住傾下計，點幾過左食晏時間，唔駛等仲可以慢慢坐！注意：依度既分量係大架，我地每人叫左一個餐..飽到呢我叫左排骨擔擔麵，朋友叫左金牌菜肉炒飯，小食有雞絲粉皮。擔擔麵要左正常辣，不過都食唔到有太多辣味，個人覺得個擔擔都唔夠「麻」既味，不過麵質係有咬口，唔錯既，至於個排骨送到黎熱辣辣，外而好鬆脆，裏面嘅肉都唔un，個人覺得ok。朋友叫左依個金牌炒飯，有d鹹香味，幾惹味！加上佢啲菜唔會腍晒，係脆綠咬落去唔會梅哂咁，我覺得個飯好食過擔擔麵，可以試下！至於個小食雞絲粉皮，一黎到見到佢咁多漿心諗應該會好食，不過佢既麻醬唔係我期望中有種麻既感覺，而係有種又濃又「結」身既感覺..青瓜唔夠多，有點失望…查看更多

聽聞荃灣路德圍有間《韓閣》🇰🇷味道非常唔錯..有韓國🇰🇷風味，於是同朋友就去試下，睇下搵唔搵到韓國既回憶！😂作為超級無敵芝士控..見到依個芝士岩漿炒飯就一定要叫啦！一送到黎見到佢既芝士真係好足料！！芝士混合左雞蛋，加添左滑既感覺，食落真係好邪惡！！！唔單止d芝士，係夾埋個有泡菜同埋豬肉既炒飯，真係好好食！誠意推薦！我朋友唔太好芝士都話好食第二樣叫左蜂蜜牛油炸雞，啲雞肉好嫩滑！外面啲皮好脆，加上啲蜜糖同埋牛油，唔會太多，但又剛剛好掛得到係d雞度。本身好煎蜂蜜味太重，不過依度既蜂蜜味唔會太甜，同牛油加埋味道岩岩好！推薦！眼見隔離枱食手卷同埋石頭鍋飯，都好似好吸引咁，下一次經過嘅時候一定要再試多次！…查看更多

鐵板辣豬肉，正！上一次同朋友一齊食拌飯，見隔離張枱有２個人都叫左《鐵板辣豬肉》，已經心思思想試，今日突然出開佐敦就自己走入去試下啦！雖然午市時間，但因為１個人食，唔駛等～１個人依舊送上３碟泡菜，叫左個鐵板辣豬肉，一送上黎熱辣辣既感覺好正！我見隔離枱加$10有碗大碗紫菜飯，雖然好吸引，不過好大碗，我都係決定食返白飯。依度既白飯就咁食都好好食！粒粒都好飽滿！然後就咁望住個紅噹噹既辣豬肉，未食已經好吸睛！！本身睇佢個樣以為會乾身，但點知，唔乾呀！味道同肉質都一流…而且個份量係岩岩好送哂碗白飯…講真…佐敦區$50食到依個份量同依個質素…個人覺得好抵！而且依個味道…係當我回想既時候，會有衝動出佐敦再食一次架！！…查看更多

返學既時候，好鍾意診學校假期黎依間炑八，因為揀岩時間的話人流唔多，而且好寧靜，我試過係無咩人的時間食完野，一邊慢慢飲杯飲品一邊睇書，好嘆！依度係我其中一間在屯門碼頭區最愛的餐廳！不過今次係我第一次食早餐，認真講，無特別！$35唔包野飲，而且個麵真心一Ｄ韓味都無XD！麵質係唔差，不過味道一般；塊多士送到黎好新鮮，不過仲有Ｄ膿添XD！唔緊要，整走Ｄ膿都係食得既。唯獨隻蛋我覺得幾好！滑既，有蛋味既！不過試完今次早餐，我下次會等到午餐先入黎食XD！但想一提的是，依度既店員幾好，特別係我上次遇到個收銀員，好有禮物，笑容可家！感受到佢係有心架！！難得難得！P.S. 雖然話唔推薦早餐，不過可能只係我揀左個最無特色既早餐黎試姐，佢有幾他有特色Ｄ既，不過我食個日好凍…所以想食熱熱熱既麵。…查看更多

細細個係友愛返學，屋企人好鍾意帶我黎發發食煎蛋免治牛肉飯，不過大個畢左業就無再去，過左十幾年都有，以為已經執左，但同屋企人傾開先發現原來發發仲係度！！於是專登去重拾兒時的滋味。本身同自己講唔好抱太大期望喇，都過左十幾年，味道應該唔同架喇…不過食落口既第一啖，兒時既感覺出返哂黎…好感動呀…汁夠多！隻蛋仲係流流地心！最重要係味道…味道水準仍然如舊，呀…好懷舊既感覺，食完好有衝動返母校走一圈。依度叫快餐，所以落單買飛之後，好似大快活同大家樂咁要自己去比飛，跟住等…然後自拎餐具，嘻！好鍾意依種懷舊既感覺！三十幾蚊有飯有湯有餐像，重點係有懷舊氣息既餐廳…大家經過，又或者去開屯門去試下呀！誠意推薦兒時回憶：煎蛋免治牛肉飯！不過都見好多人食扒飯，下次試下先！…查看更多

利申唔係打手，不過再評原因係覺得要推薦個牛角包真心好食！同埋想分享個人覺得隻雞麻麻地🙈琴日補祝朋友生日，再去一次依間餐廳，同上一次去比多左好多人，應該因為琴日係星期五所以多人ｄ，不過仍然未到需要book位既狀態。同上次一樣仍然點左全日早餐，同上一次對比，牛角包無失水準，仍舊出色！咬落去唔油，又唔會太腍，有ｄ咬口，個皮唔係蘇，不過脆脆地，建議經過都可以幫一個試下！真心正！然後叫左半隻雞，嗯…賣相唔係太吸引，而香草味夠，不過係唔鍾意佢個肉身，唔係唔鍾意既，無咩特色囉，食到入面有ｄ似白烚雞胸，不過勝在唔un，但下次唔會再食雞。包湯包野餐，兩個人食每人$175，個人覺得依度食物ok正常，同勝在夠舒服同唔駛等位。同埋見到隔離枱兩個家庭帶住兩個bb一齊食，唔趕時間地方又闊落，有小朋友又想同朋友傾下計，依度係個不錯之選！…查看更多

海翠有好多間食店，想食平民化茶餐其實可以行多兩步去兆禧餐廳又或者去新新地開既文華，價錢都叫大眾化。但係如果你想你既晚餐食d水準正常但係坐得舒服既餐廳，我會推薦翠華。翠華勝在地方夠大位置夠多，而且勁愛咖哩既我認為翠華既咖哩係十分唔錯的！佢既咖哩係港式咖哩，唔好期望佢有咩異國風味，係無既！不過佢既咖哩係濃郁的，不是稀稀的感覺。加上三件大小適中又夠腍既牛脷..真係好好味。但海南雞飯就一般，係好一般，雞都叫正常，不過唔係滑！配既湯係蕃茄薯仔湯..有點特別！不過講到價錢，就真係唔抵！因為覺得佢偏貴..無野飲兩樣野夾埋$136，不過一早預左，想坐得舒服都ok啦！…查看更多

去完韓國旅行返黎，好想重尋旅行當中既味道😂就諗起醬缸！同朋友一人叫左一個拌飯，我食雞肉，佢食牛肉。其實肉既份量唔多，係得d肉碎，不過我地唔係志在d肉，而係佢韓國既風味😂一坐低店員就會送上三小碟泡菜！薯仔絲好好味！個飯一黎到，正！加左d韓式辣醬落去一齊撈！喜愛韓食偏辣既我..加左辣醬之後更得我心😂份量好大！好耐無食過咁多飯，不過因為太好味所以忍唔住食哂😂題外話係飯市時間要齊人先入得！不過又講真，店仔細細你唔齊人入去先等又真係阻人做生意！$50一大碗飯加泡菜，又抵又好食！誠意推薦❤️…查看更多

早兩日經過見到佢話有羊腩煲，見天氣凍凍地就去試下啦！叫左個羊腩煲同雞煲，兩個都唔跟飯既所以單叫左兩個飯。先講羊腩煲，羊肉係有羊味既，不過就食唔到五香味喇，至於羊肉份量大約左6小舊左右，個煲底稀左d，整體味道唔濃郁，唔推介。到雞煲喇，煲底唔稀喇，味道都可以的，但好多碎骨..根本上每啖都有d碎骨..口感很差勁、唔推介。然後食到尾聲，見佢餐牌推介「爆脆」既三件響鈴，講到咁吸引就試下佢啦..點知黎到，中伏..無論賣相、味道定口感..無樣得....仲要$12！？認真：唔好試呀！後尾見到有人叫雲吞皮好似好吸引，又試下佢啦！個樣真係幾吸引，不過一送到後佢既賣相..d沙律醬完全唔知佢想點..食既時候沙律醬都太多囉，有點阻住。加上一揸上手..唉..油到爆...食完係油到唔舒服架...唔推介..唔好比佢個樣呃左呀.....三個人食完離開餐廳，有種中伏的感覺..問心好少評咁低分，不過認真難食...真難食呀...抱歉😢但有點要讚的是，員工服務態度很好！…查看更多

今日約朋友係佐敦食晏，特登揀依間尼泊爾餐廳，其實黎過好多次食晏，因為覺得依間餐廳既午餐好食又抵食。一坐低叫左野食就自動送上湯！我地叫左個烤羊肉串烤餅同埋咖哩羊！其實次次黎都係食依兩樣，以前覺得好好食，但今日覺得係烤羊肉串烤餅味道唔同左，d汁稀左d，之前既醬汁係「結」d架！而咖哩羊既汁一送黎就覺得顏色唔同左，不過食落佢既香料仍然吸引！但係依種味道已經吸引唔到我有再想食既衝動..以上食完會想再返黎食，今次食完就再無依種感覺了，唔知係唔係轉左廚師？因為我見店長轉左，唔知係唔係廚師都轉埋所以味道唔同左。…查看更多

行經佐敦有d口渴，記得嗎喺九龍公買對面有間台式飲品店，於是專程行多兩步兜過黎買。入鋪頭既時候兩點幾，店裡面有兩個客人，不過店員都好快手，等左都無五分鐘就到我喇。天氣福凍凍地，決定叫杯熱飲..如果唔係天氣凍都想試下佢個芝士烏龍茶。最後叫左杯$17少甜既極品賞紅茶。一飲覺得佢既茶底幾好喎，望一望隻杯，寫住用新鮮茶湯！？其實我唔知係咩黎，不過幾好味！但係飲多幾啖覺得佢偏貼左少少，叫左少甜飲多幾啖就變成好甜😅可能下次要叫微糖！不過講真，唔係經過都唔會專登黎飲，經過的話應該都會飲返杯既！…查看更多