aressta的个人专页

家中長老之前喺電視節目睇到中央飯店嘅訪問，見到佢哋自己做嘅大包，好吸引，又有推車仔嘅舊情懷，佢心心念念咗好耐，想特登過海去中央飯店一試佢嘅大包。結果去到嘅時候大包早茶嗰轉賣晒，佢專登走去點心counter問左幾次出爐時間，結果師傅都好好專登蒸返一個畀佢，大包上枱嘅時候都有啲震撼，係我食過咁多間酒樓size最大嘅一個，佢嘅包係好食，鬆軟香口，可惜餡料未完全蒸熱，除咗加咗唐芹比較香口其餘餡料相對普通，其他點心都略為普通，真係冇任何驚喜，而且價錢亦都唔係特別吸引，如果食嗰種推車仔嘅舊式情懷，我諗呢間都冇必要係首選。…查看更多

一向對以卡通為主題嘅餐廳都有一份偏見，唔係話佢哋難食，而係會無驚喜。 今次。因為Donald, 破例一試。吉列豬扒外脆內嫩，蛋亦滑嫩，可惜飯。。。唔好食，已經涼左，膠感咬口，亦冇米香。好彩其他嘢，連塊曲奇都ok，如果唔係真係會嬲... …查看更多

The Hawk Salad 真心推👍🏻沙律材料新鮮係事必，合桃腰果藜麥&粒粒飽滿紅石榴，幾種唔同質地嘅食材放埋一齊相當融洽，各有特色又唔會互搶，健康美味嘅食物真係會令人心情舒暢🤭 沙律個dressing 係精要，就連我食素嘅細佬都覺得沙律非常值推.其他食品都非常不錯，唯獨燒春雞我哋覺得味道同份量唔係太對味，試一次就可以了。…查看更多

友人請飲生日茶，以下幾款點心熱點很不錯😋水晶鮮蝦餃 3/5金牌叉燒皇配秘製蜜餞豆 5/5燒雞肝拼蝦多士 4/5砂鍋乾炒西冷牛河 3/5甘筍鹹水角 4/5清心綠豆爽4/5喺油麻地搵間靜靜地坐得舒服嘅地方飲茶，選擇其實唔多，呢間係酒店內嘅中菜館可以話係其中一個好選擇。食物方面，除咗乾炒西冷牛河比較普通，其他都屬中上之選，咁啱朋友有優惠卡，打折後性價比相當高。…查看更多

平日都好喜歡到堅尼地城搵食，有好多小店可以慢慢發掘，今日同老弟聚聚，選左呢間串燒堂。店面唔算大，但位同位之間都唔會迫住坐。佢地款式選擇好多，當中亦有唔少係比較特別。我地點左20款串燒，手機落單後，嘢食唔使等好耐都逐樣送上。私心推介雞皮餃子、牛舌芯、卜卜魚豆腐、羊肉串、豬頸肉、墨魚咀，除左香料嘅味道，食材本身嘅味無被遮蓋，質地同味道都好唔錯，有驚喜，而其他的都屬正常水準。 下次呢幾款相信會係必點之選。「吃飯時間 不談減肥」…查看更多

Lunch set 好抵，唔使一百蚊有一個非常足料嘅拉麵，小食連飲品，我諗妹仔大過主人婆可以用黎形容呢碗麵嘅狀態，佢嘅配料好多味道亦好好味，豬骨湯亦算濃香，可惜拉麵...很普通，明白呢個價錢已經好唔錯，係我大想頭左🙈…查看更多

今日本來要去深水埗的cafe ,最後卻又來到牛舌專門店。主題式的餐廳只有一個人時能最自由地隨時想吃就去今天點了三重牛舌御重盒。他們把牛舌芯、牛舌尖及牛舌筋分別烹煮，看圖就知分量相當豐富，而且都厚切。該有的軟嫩，帶油香的爽脆，那嚼勁，再加上酸薑蛋絲蔥，是一個非常豐足的午餐，牛舌愛好者探店之選。…查看更多

荔枝角雖然多咗好多餐廳，不過幾次經過圍威喂都因為人多冇入到去，今日係星期日嘅tea time, 有半個場任我坐，諗都唔諗就選擇一試。炭燒豬扒流心蛋多士（丹麥包）豬扒有驚喜, 薄得嚟唔會乾身，都會食到好juicy入味，味道少少鹹香👍🏻👍🏻丹麥包烘脆外面，香脆鬆軟，正😋…查看更多

佢哋嘅lunch set套餐好豐富，有齊沙律湯甜品同飲品，店員好有禮貌，上菜亦快，性價比高👍🏻以前唔鍾意喺香港食咖哩，係因為覺得啲料太少，雖然肉唔係咖哩飯嘅靈魂，不過Curry Bee 食咁多次佢哋嘅肉料都分量不錯，而且咖喱都係我比較喜歡偏甜嘅味道，所以呢間已經成為咗其中一個銅鑼灣嘅飯堂。飯後甜品嘅奶凍奶味濃郁 而且味道都好好，每次都成個套餐全清～ …查看更多

喺黃竹坑附近做完嘢，想搵間舒服餐廳食個lunch選擇唔算多，呢間已經係二次探店。兩次都揀日式咖哩配流心芝士漢堡流心蛋，安全之選，因為都係配件拼湊上碟，再淋上咖哩汁，禮成🙈 兩次嘅流心蛋都做到流心效果，主角咖哩汁，有少少果甜，好開胃，所以快速清碟，我諗下次再嚟，都應該會食番佢😂…查看更多

有時諗唔到食咩，就會走黎馬祖。佢哋個湯底好甜，飲得出個湯底應該都幾足料去餚。冬天食好暖身，夏天口淡淡冇乜胃口，飲啖湯底好助開胃。而且有我勁鍾意嘅新竹米粉，感覺健康亦好味，不錯之選。…查看更多

六月新品很不錯香料牛油雞配蒜蓉包雞用彈口，味道如果再濃厚啲會更perfectD24 榴槤斑蘭蛋卷一打開保鮮紙，嗰陣榴槤香谷左好耐咁，直逼四散，而卷蛋蛋糕質地軟綿，好好食😋…查看更多

佢地個藥膳湯底好甜，配料如木耳紅棗芫茜冇吝嗇。飲完直冇覺口渴相信佢哋真係用竹材料去咗佢哋嘅湯底。最開心係有新竹米粉選擇，有時諗唔到食咩，就會走黎馬祖，感覺健康亦真係開胃，咁又一餐…查看更多

越式蕃茄海鮮湯檬，湯底微酸番茄味濃幾開胃😋，生蝦刺身亦鮮甜仲有一個細火山排骨，因為太大件，分左一半畀隔離枱嘅女仔，火山排骨嘅肉質唔係本尊喜歡的，所以。一次就好喇😅…查看更多

母親節和家人嘗試這間中環精緻素菜，- 純素椰子物鳳尾蝦 微酸帶甜嘅素蝦非常爽彈，好醒胃- 玫瑰叉燒 素叉燒嚟講比起齋舖食嗰種，佢相對冇咁硬實，味道正常。- 普羅旺斯燴素羊腩 成枱人一致票數選encode之冠，以南瓜蓉煮意大利黃青瓜&素羊，質地完全同真肉無異，加上淡淡孜然嘅香味，偽裝之冠- xo醬野菌炆新竹米粉 炆米冇想像中咁濕淋，唔會糊埋一堆堆，微辣惹味…查看更多