KwanHoFung的个人专页

是但揾間居酒屋, 同朋友吹下水試下新野, 見到呢間都好似幾多人讚, 就一於試試佢鋪頭距離mtr 有少少遠, 唔係好就腳, 不過都易揾隨心叫左一堆食物, 有伏有唔伏, 價錢就少少貴, 比較好食既有厚燒牛舌, 炸池魚, 炒雜菌, 梅酒, 左口魚, 其他就拉低左成個水準, 食完無覺得要encore 既感覺總結一下, 佢既選擇都幾齊, 不過唔算抵食, 亦唔覺有非常出色既野食(或者因為無叫最貴既野), 如果對budget 有限既人黎講, 呢間唔算一個好選擇, 或者要好著量咁落單…查看更多

見到上網有人推薦呢間既套餐, 平時行開沙田都唔覺佢既存在, 原來係屈左入去先揾到星期五晚去到等左一陣都有位, 唔算好耐. 等位期間都決定好揀d 咩488蚊既套餐夠豐富, 可以試到好多野, 感覺良好. 由佢開始既沙律, 到結尾既疏乎利, 落食既感覺都好好, 成餐整體高分, 以套餐黎計都幾難得不過2人台空間唔算大, 上菜都有少少逼, 尚可接受總結一下, 佢既湯係好有驚喜, 超越平時飲開既味道, 前菜豐富, 比到開胃既feel, 主菜都算有水準, pizza 就見人見致, 飲品都贏於一般只有凍檸茶既地方. 呢間值得再encore…查看更多

想打邊爐又唔想去無咩質素開任食邊爐, 所以就黎左呢間專食牛既616見佢每間裝潢都好特別, 值得一讚為左用佢個早食時段優惠, 突登book 左5點半早d 食, 入到去得我地一枱揀左青花椒+牛骨清湯, 呢個配搭都幾好, 青花椒辣得黎夠清, 牛骨湯就有粟米蘿蔔牛骨可以食3個人淨係叫左一支野飲試下, 洛神玫瑰茶都唔錯佢首輪上菜有漏斗計時, 過左未到既就果碟唔收錢, 係對自己上菜速度既信心好多款牛, 由於唔係款款都記得哂, 唯有總括咁講下所有牛肉都好薄片, 有薄得濟既感覺, 特別係對於牛舌黎講就唔得了. 最出色既係橫隔肌(當日試唔到封門柳), 內裙肉, 牛坑爪, 雖然款款都好有牛味有驚喜, 但其他試過既都唔算係必食推介啦如果有厚切版可以叫,我諗我會試下, 因為所有牛都有d 太薄唔到肉既感覺, 但都值得黎試下羽衣甘藍都幾特別, 份量亦唔算好細紫菜響鈴就麻麻地, 有樣無料到烏冬質感唔錯,一般打邊爐唔會食到呢隻, 用黎填肚亦都好岩總結一下, 想食打邊爐又唔想d 肉咁普通既, 黎呢間就岩哂, 不過要食到好飽就當然會貴一截了…查看更多

揾左幾間拉麵鋪, 最後決定黎武士試一試兩個人夜晚黎左呢間拉麵鋪, 鋪頭細間, 全部bar 台位叫左德川將軍拉麵 同埋 唯一既武士沾麵, 加多溏心蛋, 餃子寫紙有麵粗幼度, 湯底濃度. 諗唔到既建議圈店長推薦, 由佢幫你諗點配德川將軍拉麵 - 配左幼麵比我, 湯底唔太特別, 屬一般水平, 幼身麵質感覺上都無驚喜, 武士沾麵 - 本身想食沾麵, 佢只有呢款. 個湯底都幾特別, 有柚子味, 但同魚介有d 互蓋既感覺, wasabi 就唔覺, 沾麵湯底偏濃, 試落都幾得意. 麵質無過硬都還好, 掛湯中等溏心蛋 - 太熟, 無咩蛋味, 唔需要特別叫餃子 - 都算皮薄, 煎底唔會太窿, 食落質感都ok總結一下, 沾麵可以一試, 拉麵比較普通, 唔順路既都唔洗突登黎食…查看更多

行開尖沙咀, 揾下食d 咩好, 見到呢間食米線既好似講到好勁咁, 就入左去試佢既野食價位以米線黎講偏高, 不過佢主打唔同湯底, 就食下佢究竟伏唔伏黎完餐牌都有幾款想試, 最後叫左個喇沙雞湯米線$49, 好耐無食過喇沙今次就順便試下等左一陣就有得食, 佢份量都唔算少, 一個人食一定夠飽, 加埋飲佢個湯底 喇沙味唔錯, 不過無配合到喇沙應有既配料, 略略可惜雞件正常份量, 質感無大驚喜, 不過不失, 其他配料就係正常水準總結咁講, 如果想試唔同口味既湯底, 呢間可以比到你好多選擇, 可以一試!…查看更多

中秋節10點幾落樓, 諗住飲個bubble tea 歎下, 但太夜好多間都收左, 突然發現呢間茗作仲未收, 就開始左中伏經歷啦叫左個奶蓋烏龍茶, 少甜少冰, 等左唔係好耐就拎得試左個茶底啦, 無烏龍茶味, 仲夾雜左好甜既味覺, 唔掂!試埋個芝士奶蓋, 無味, 唔厚, 完全唔掂! 同埋佢個杯蓋係無開口, 要用筒, 近日飲開奶蓋茶都有開口方便飲到芝士+茶, 呢間既做法就無呢種新式既飲用方法總結就係, 唔好見佢開得夜無得揀試下, 真係飲到唔想再飲落去…查看更多

初時想揾間居酒屋食下, 又唔想出到港島咁遠, 見呢間都有人讚就去左試門口係小巷位置, 唔睇清楚可能會揾唔到, book 左位安排左坐1/f, 如果人唔多可以安排2/f 或無其他食客既間格會更好坐低飲左啖茶, 味道幾好研究完餐牌, 3人行最後決定叫以下食物:廚師發辦既 菊 , 厚燒牛舌, 焦糖菠蘿, 汁燒魷魚, 明太子玉子燒總結一下, 3人黎講食上面既野唔會好飽, 但有驚喜, 整體感覺都幾好, 後期上菜速度都偏慢, 但初期就上到成枱食物, 建議分開點餐會更好, 另外以3人一齊食一份菊, 食到既份量就預左少, 但600蚊一份分, 對於唔想食咁貴既人黎講都可以一試如果魚生有介紹比我呢d 唔專業既人就會更好, 刺身亦都可以多d 濃味既魚(eg 赤貝, 北寄貝), 或者下次廚師發辦會有我就唔知啦…查看更多

當初見到有1++韓牛任食, ard 300 試下有無驚喜, 點知非常失望.6點半,3個人入去坐低,第1round 食客既枱都竟然油淋淋.一開始黎左d 送既菜式, 要左刺身, 三文魚位置同切法都好唔得, 帶子鮮甜好食既. 送既湯就好普通咁唔理咁多,即刻叫1++韓牛黎試下, 第一轉諗住寫多d 慢慢食, 其他單黎齊, 但韓牛都未出現, 咁再追單隔幾分鐘先拎1碟韓牛比我地. 個份量係每人2-3片, 完全唔足數量, 唯有問職員有無比錯. 個職員竟然講寫幾多都唔會理, 咁張單比人寫數量有咩用呢另外, 黎左碟唔知咩肉, 基於對牛部位唔太熟悉, 就問職員係咩黎啦. 佢竟然答我唔知咩黎喎, 大佬你拎d 比我都唔知係咪有d 過份呢碟野鞋到瘦肉咁, 完全食唔到.咁算數,唯有入多幾張單,等佢黎多d. 講下個韓牛質素先, 拎到黎個樣都幾靚, 不過偏薄切, 咁唔知係1++韓牛品質參差,定係呢間野品質參差, 燒完既牛肉無牛味無油香, 無燒得過熟情況之下都可以鞋口, 反而食美國安格斯牛扒仲好味. 要加錢既韓牛無一款係合格海鮮叫左蝦,帶子, 兩樣都夠鮮,唔錯.之後轉火鍋試埋佢啦, 有兩款火鍋既韓牛可以點, 唔轉都好d, 轉左完全食唔到, 比起燒既韓牛更加鞋. 好過份叫左個雪濃湯, 英文睇即係牛骨湯, 成碗水無乜味.野飲唔凍, 咁多支烏龍茶無一支係凍既.總體真係好伏, 唯一可以食既就係刺身帶子, 燒既海蝦,帶子, 安格斯牛扒. 其他都唔掂.…查看更多

星期五去試, 晚餐由6點半開始排隊, 排左半個鐘, reception 通知7點半可以拎機仔, 再等多半個鐘終於入得. 總共等左1.5hr入到去坐高枱, 環境氣氛幾好, 兩個人先叫左everything pizza, buffalo wings 同埋 Mai Tai, 最後仲追加多個原味cheese cake.整體都滿意好味, 不過份量真係多, 無辦法叫唔同款式試, 如果有得叫半份就最好. 不過以呢個價呢個排隊時間, 食其他餐廳會更好…查看更多