RubyFoody的个人专页

最近Halloween，中上環晚上周圍都人迫迫。難得係太平山街揾到間比較寕靜同朋友傾到偈、抵食又好食嘅隱世小店 …Omakase Set 廚師發辦串燒套餐🥗Crab Meat Salad 蟹肉沙律🦀蟹肉沙律配Wasabi 醬汁，微酸辛辣、刺激開胃。呢個芥末沙律醬汁條配得好滋味💚💰Homemade Fried Cuttlefish Pouch 自家製墨魚炸福袋🐙墨魚膠餡料鮮味又非常飽滿，薄薄嘅福袋袋口炸得特別酥脆。比較過往食過嘅福袋，令人更有驚喜💯🍖 Signature Tsukune月見免治雞肉棒🍳日本蘭黃蛋月見汁拌美味焦脆雞肉棒，濃郁滑順。呢個雞肉棒雞肉同雞軟骨嘅比例恰到好處、做得非常之有水準 👍🏻🍢Izakaya Skewers 日式串燒🐓 Yakitori Skewers 燒鳥串燒 （Nankotsu 雞軟骨、Teba 雞翅）🐖 Homemade Charsiu 自家製叉燒串🐂 Japanese Beef 和牛串燒幾味串燒都做到多汁細嫩、火候控制一流，比很多居酒屋都燒得更加出色。餐廳仲提供秘製辣粉提味，香氣更上一層樓 ❤️‍🔥🍚 Onsen Tamago Don 温泉蛋蓋飯🟠白飯上加上温泉蛋再淋上剛剛嘅蘭王月見醬汁，感覺簡單但係好滿足😌意猶未盡，我哋仲叫咗兩味季節限定新菜式。🦪Fresh Clam (Fennel Cherry Tomato, Garlic, Parsley) with Sourdough車厘茄茴香煮蜆配酸種多士🍅蜆肉肥美又飽滿，湯汁甜美香濃，用嚟蘸麵包真係意想不到咁襯😋🐓Golden Grilled Half Local Chicken 黃金烤雞💖呢碟令人驚艷嘅招牌黃金烤雞，選用本地嘅雞隻。賣相精緻、外皮焦脆、肉質無比鮮嫩多汁！廚師更將雞肉打成mousse ，再釀番入去咗骨嘅雞入面，實在係非常完美將呢道菜式進一步昇華👑🥒飲品方面，我order咗解膩又清爽嘅Cucumber Lime Soda 青瓜青檸梳打。仲有$100嘅Free Flow清酒，順口易飲🍶🐩 Pet friendly - 最加分係餐廳仲歡迎寵物，完全啱哂想同毛孩一齊嚟Chill番晚🐶✨ 呢間太平山街隱世小店，食物質素、氣氛同誠意都好突出。價錢合理、環境舒服、服務窩心，真係要再encore！係值得支持嘅用心食肆小店。…查看更多

日本昭和懷舊街角Feel！期間限定雙倍海膽三文魚子拉麵勁澎湃來到「拉麵來」，都會有種時光倒流嘅感覺。呢個以昭和年代為主題嘅拉麵屋，令人一踏入就瞬間「穿越」去日本街角。今次仲好幸坐到大玻璃窗前面，一邊望住街外車水馬龍嘅夜景，一邊享用熱辣辣拉麵，真係寫意又具情調。🍜 雙倍海膽加三文魚子黄金海膽三文魚子拉麵餐牌上有超過十款拉麵同拌麵選擇，另有數款期間限定款式，季節感滿溢，令人每次嚟都有新驚喜。當晚我就揀咗期間限定「黃金海膽三文魚子拉麵」，再升級為「雙倍海膽加三文魚子」——完美俾我呢啲海膽控大滿足! 🧡💯呢碗拉麵用上加拿大海膽，配以香濃雞白湯為底，加入海膽豐厚鮮香；湯汁金黃順滑，入口濃郁卻不膩。上面鋪滿新鮮又光澤閃亮嘅三文魚子、溏心蛋、自家製叉燒、水菜同紫菜絲，色香味俱全。麵底可揀軟、適中或硬身，仲可自行加配料。貼心嘅係，店方特備「蟹酢」俾客人調味，為海膽湯底去腥提鮮，令味道更顯細膩層次，鮮甜之中多一份深度。🦐 秘製自家手打脆炸蝦丸除咗主角拉麵，當然唔少得小食加持。我點咗「秘製自家手打脆炸蝦丸」，外層金黃酥脆，咬落去內餡彈牙多肉，真材實料。配上店家特調酸甜醬汁，香口好味! ❤️‍🔥🍢🍇 麝香葡萄梳打飲品選擇「麝香葡萄梳打」，淡淡果香帶少少甜氣，清甜解膩，同拉麵嘅濃厚湯頭互相平衡。💚🍹拉麵來亦有提供自家製香辛高菜、生蒜、芝麻等調味料，供食客根據個人口味加入拉麵享用。對我嚟講，呢啲細節正正顯示出店家對餐飲體驗嘅用心。💖享受呢度嘅昭和懷舊份圍、💖鍾意佢哋插畫風格嘅菜單、💖喜歡充滿創意嘅食材配搭、正宗又有特色亦都感謝店員嘅詳細介紹🙏🏻臨走前已經諗好下次要再嚟試「大閘蟹味噌雞白湯粒麵」🦀同「廣島牡蠣牛尾湯拉麵」🦪，聽個名都夠吸引！…查看更多

Who would’ve thought you could find comforting, restaurant-quality pasta tucked inside the bustling maze of Chungking Mansion? @ThePastaShack truly lives up to its name — a cosy little spot serving hearty Italian classics that hit all the right notes without breaking the bank.🍝 Meatball Fusilli 肉丸螺絲粉 This one stole my heart! The meatballs are massive, juicy, and bursting with flavour — the kind that makes me pause between bites just to appreciate how satisfying a simple pasta dish can be. The fusilli soaks up all that rich tomato sauce beautifully.🍝 Bolognese Tagliatelle 肉醬寬條麵 If one crave authentic Italian comfort food, this Bolognese is a must-try. The sauce is slow-cooked and meaty, clinging wonderfully to each strand of tagliatelle. Honestly, I didn’t expect to find such depth of flavour right here!🍗 Spicy Chicken Wings 雞翼配辛辣醬 A perfect sidekick to my pasta. One can choose from BBQ, Sweet Chilli, Spicy, or Marinara sauces — I went for Spicy this time and it packed just the right punch. The Marinara’s next on my list!🥖 Garlic Bread 蒜蓉包 Golden, crispy edges with a soft, fragrant core — that irresistible buttery garlic aroma had me reaching for seconds.From warm hospitality to wallet-friendly prices, The Pasta Shack proves that great food doesn’t need to be fancy — just cooked with heart.…查看更多

I was in Central and wanted to eat something high-quality without breaking the bank… I discovered Pata Negra House in IFC, a Spanish sandwich shop. I picked the Signature Set, which includes:🥪 Iberico Mortadella FocacciaThe soft focaccia is baked to a delicious crisp, smeared with a rich homemade pistachio sauce, topped with crunchy pistachios. It's a softer and more delicious sandwich experience than most Western sandwiches!🥗 Signature PNH SaladRichly flavored 26-month-old Iberico pork ham, paired with a runny egg and sweet vegetables... a refreshing and healthy dish.🍨 Rice pudding LA ERMITA, a family-owned company in Cantabria, Spain, produces 100% natural rice pudding… without additives or preservatives. This iconic traditional dessert, Arroz con leche, is an elegantly creamy simple comforting treat!Besides the takeaway lunch, I also shopped for other Spanish gourmet goodies:🍖 Lomito Iberico BellotaPure 100% Ibérico Bellota (Chestnut & Acorn-fed) Lomito is the cured shoulder of the Iberico pork. Smooth and melts in the mouth, with rich flavours and aromas.🧀 Old Manchego 15 monthsA classic Spanish hard cheese aged 15 months. Tastes like heaven with honey.Pata Negra House📍 Shop 3012, 3/F, IFC Mall, 8 Finance Street, Central@PataNegraHouse #patanegrahouse #IbericoDelight #IbericoMortadellaFocaccia #PistachioFocaccia #SignaturePNHSalad #RicePudding #Ibericoham #SpanishGastronomy #SpanishGourmetGoodies #CentralFoodPrint #IFCEats #ChopsticksAndForks …查看更多

When Vintage Meets Whimsy — A Playful Dining Experience 一家裝修獨特玩味，充滿復古書卷情懷嘅餐廳 📚🦒 走進呢間餐廳，第一眼就被佢獨特又玩味十足嘅裝修吸引住。內𥚃散發住一種復古書卷香氣，俾人一種懷舊又放鬆嘅感覺。坐喺角落位置，有啲「非洲森林」feel，令晚餐多咗唔少趣味。餐廳嘅staff唔多，不過好友善又helpful。🌽 Chef’s Corn Chowder 廚師粟米濃湯 粟米濃湯香甜濃郁，帶少少粒粒粟米嘅口感。 🦆 French Foie Gras with Dark Chocolate 香煎法國鴨肝配黑朱古力碎 呢一道真係全晚嘅焦點。香煎鴨肝外脆內滑，油脂豐富，配上72%黑朱古力碎，有我好鍾意甜甜嘅aftertaste。唯一嘅投訴係: 🙋🏻‍♀️It’s so delicious that one piece is simply not enough. 🤎🍖 Roasted Pork Rack with Green Apple Puree 豬鞍配青蘋果醬 主菜係烤得恰到好處嘅豬鞍，一切開見到微微粉紅色，鮮嫩多汁。青蘋果泥增添清爽嘅酸味，中和了肉的油膩感。 🍰 Tiramisu Milk Cap Basque Cheesecake 提拉米蘇奶蓋巴斯克芝士蛋糕 幼滑嘅芝士蛋糕本身已經好好食、上面嘅奶蓋香滑濃郁之餘，仲有Tiramisu 專屬嘅酒香同ladyfinger 手指餅質感。兩款經典甜品融為一體係加倍嘅享受同滿足 💯✨ 從復古書卷氣息到創意料理配搭，整個用餐體驗都充滿驚喜同樂趣 🥳 下次嚟仲想試埋呢度嘅Avocado Pani Puri 同 Laksa Risotto with Grilled Prawn and Fresh Clams 😋…查看更多

TOSS 蘇媽.蘇媽 嘅名字原來嚟自「Treasure of Semua Semua」。咁呢度Menu嘅選擇又真係好多嘅… 等我尋下寶先😜TOSS嘅裝潢無以前嘅深水埗店咁懷舊，又無以前嘅尖沙咀咁型格。不過就比較舒適時尚。🍹Durian Sugarcane Juice 似水榴槤 首先嚟一杯「似水榴槤」 - 有貓山王榴槤蓉嘅獨特濃香加埋蔗汁嘅清甜，口感意外地更易入口。這個Signature Drink配香辣惹味嘅馬來西亞菜式係Perfect Match!🍢 Satay (Pork, Beef, Chicken) 馬拉沙嗲串燒 可配豬牛雞，我就試哂呢3款。串燒肉味香濃、火候控制得好，肉質保持到濕潤 Juicy，唔會乾柴。個沙嗲醬汁惹味又好味。🥪 Hainanese-Style Kaya Toast 海南鴛鴦燒麵包呢個鴛鴦Kaya Toast真係幾驚喜。鬆脆燒麵包夾着厚切牛油同顏色偏綠嘅咖央醬，應該是放咗唔少斑蘭葉。牛油跟咖央搭配比例啱啱好，鴛鴦夾心餡料香味好突出。呢個甜品令我嘅晚餐有個Perfect Ending。下次嚟仲有好多嘢想試… 一定要試埋佢哋嘅麥皮蝦、招牌砂煲老鼠粉、怡寶芽菜雞 、四大天王同埋椰汁斑蘭冰。…查看更多

☀️ 難得放假天氣又好，呢一日就去咗西九海濱長廊chill一chill、試一試樂茶軒嘅Pop up 現代茶館 - 「茶醺」。🍺 大熱天時第一件事當然係要揀杯冰凍嘅茶啤。「茶醺」同 Heroes Craft Beer 合作，炮製咗7款風味各異嘅本地啤酒。我就揀咗一杯比較清新嘅Sea Salt Kumquat Lager海鹽金橘啤，入口爽快，飲落真係透心涼！🍵 Matcha Salt Munchies小山園抹茶鹽炸物 - 灑上抹茶鹽嘅茶醺人氣炸物，將抹茶嘅甘香配合鹹香！單骨雞翼炸到金黃酥脆加埋是拉差辣椒蛋黃醬，酸辣帶惹味餸茶啤一流！另一款 Tater Tots薯寶細細粒外脆內軟，食落勁有薯香，食到停唔到口！🥟 除咗炸物之外，「茶醺」仲有一樣貼地又精緻嘅小食：魚肉燒賣！特別之處係可以自行揀醬汁，傳統嘅薑蔥油或者創新嘅茶燻辣椒油。我今次揀咗薑蔥油，令簡單燒賣「平民小食」提升優雅感。下次嚟一定要試埋佢哋研發嘅茶燻辣椒油。 🥧 熱辣辣出爐嘅蛋撻係以樂茶軒精選茶葉重新定義經典葡撻。外層鬆化，內餡軟滑。茶香濃郁清新，口感細膩嫩滑。茶香葡撻仲有四款不同口味 - Original 原味、HK-style Milk Tea 港式奶茶、Earl Grey 伯爵茶、Matcha抹茶。款款驚喜，茶控必試！🌱 以茶入饌 - 集傳統茶藝、港式地道、創意驚喜於一身 … 當然難唔到有茶葉專家樂茶軒backup 嘅茶醺。下次嚟西九一定要試埋佢哋嘅茶醺 cocktails 。融合咗傳統茶藝同新派飲食玩味，將茶入饌，玩到出神入化！✨ …查看更多

旺角唔係淨係得地道港式小食，原來仲隱藏咗一間高質嘅西班牙餐廳！食物烹調用心，價錢亦較親民🍺 Damm Lemon 西班牙檸檬啤酒老闆話呢度獨家供應。味道清新，入口果香帶微酸，無傳統啤酒嘅苦澀感，非常易入口。酒精度只有3.2%，配餐一流。 🍹「不能說的秘密」Mocktail以周董經典歌名命名呢杯飲品，淡紅色賣相相當吸睛。藍莓、紅莓加埋荔枝調配，酸酸甜甜，果香濃郁，仲食到粒粒新鮮莓果同荔枝肉！解渴又清爽。 🌶️ Padron Pepper 西班牙小青椒炸至外皮微微焦香，內裏保留嫩口多汁，做佐酒小食非常適合。叫人食唔停口！ 🥪 Bikini Toast 西班牙風乾火腿松露多士香濃芝士配西班牙風乾火腿，仲有松露嘅幽香，烤至微焦，惹味可口。 🍤 蒜片蝦配香草包Garlic Shrimp餐廳招牌菜之一，開邊蝦比一般蒜片蝦大隻，鮮味滿分！蒜片跟橄欖油嘅香氣滲透入蝦肉勁香！配脆皮又鬆化嘅 Focaccia食，超級滋味。🥘 海鮮西班牙飯Seafood Paella 講到西班牙菜，點可以少得 Paella？靈魂之作絕不能錯過。飯面舖滿大大隻帶子、青口、鮮蝦同魷魚。西班牙飯仲加咗辣肉腸粒，增添層次同煙燻味。飯粒煙韌帶微濕潤，比傳統偏硬口感更貼近港人口味，非常突出！ 🍩 Churros 西班牙油炸鬼甜品餐廳就推薦咗Churros，配埋朱古力醬同雪糕 …查看更多

🍦上次去中環Ice Cream & Cookie食咗佢哋啲雪糕美食之後一直心思思想再encore。今次專程去咗佢哋沙田YATA嘅專櫃，因為呢度有獨家發售嘅 Pistachio 開心果軟雪糕。💚 我揀咗濃郁嘅Double Chocolate Chunk 現烤Cookie做base，曲奇焗起嚟熱辣辣。將熱烘烘嘅曲奇襯埋香濃creamy嘅開心果軟雪糕，瞬間感受到溫熱與冰涼的完美交融。Pistachio 軟雪糕上面再加上開心果脆脆，口感亦更豐富！🍪 除咗堂食仲帶咗ICC手工曲奇禮盒返屋企逐個味道慢慢嘆添 … 🧈 Biscoff Cookie Butter焦糖脆餅🍋 Lemon Lavender檸檬薰衣草🍫70% Chocolate Chip朱古力碎🟢 Pistachio 開心果🌿 Kaya Pandan Coconut咖央班蘭椰子🍵 Matcha Mochi抹茶麻糬我有留意到ICC秉持「享受也能兼顧健康」嘅理念，品牌近年將配方升級，減少 40% 糖分，改以天然椰花蜜作甜味來源，讓顧客在享受美味的同時，也能兼顧身心健康。除咗好味又健康之外，沙田專櫃嘅店長服務超用心，工作態度值得一讚👍🏻🥥 下次嚟一定要試埋佢哋嘅招牌Onde Onde班蘭椰子軟雪糕。Ice Cream & Cookie沙田YATA限定滋味 | 軟雪糕· 曲奇·幸福感滿滿！…查看更多

最近去咗一間酒店嘅自助餐廳，整體體驗非常滿意。雖然餐廳風格樸實無華，但無論食物質素定服務態度都令人驚喜，絕對係近期食過嘅自助餐中令我同家人都感覺滿意又滿足嘅體驗。其中令我特別回味嘅有以下推介幾款必試美食 - 🦪生蠔魚生區：刺身材料新鮮，厚切吞拿魚同帶子鮮甜爽口，無需排隊且無限量供應，服務員態度親切，笑容滿分。專人即開鮮嫩生蠔嘅Irish Oysters肉質飽滿爽脆，Fine de Claire則清甜鮮美，值得一試。🐖 太極黑豚區 ：與本地品牌香港家豬合作，提供多款豚肉菜式，包括糖醋排骨、胡椒浸豬軟骨等，味道濃郁。特別推薦意大利風味薄豬肉片配吞拿魚醬（Pork Tenderloin Vitello Tonnato），是buffet罕見的驚喜。🐟 熱食主菜區： 清蒸海上鮮魚細嫩中帶結實，配以豉油汁風味絕佳。咖哩牛肉香濃入味，軟硬適中，令人回味無窮。🍮 中西甜品區： 甜品水準甚高，Creme Brûlée香滑濃郁，Pear Charlotte 香梨夏洛特蛋糕鬆軟香甜。Chocolate Fountain的朱古力質素優良，口味香濃細膩。🍹 中西飲品區： 各式咖啡、茶、果汁及紅白酒無限供應，特色菠蘿肉桂薑茶凍飲清新怡人，令人印象深刻。餐廳環境舒適寬敞，服務細心周到，整體用餐體驗非常愉快。下次想食buffet，又多個抵食又高質嘅選擇啦！…查看更多

去開港大睇展覽發現呢間日式居酒屋，有自己嘅signature，仲好有心思做創意菜。今次嚟到，其中好吸引我嘅係佢哋嘅他他（Tartare），真係選擇多樣，配搭具新鮮感夠特別，啱晒想試創新口味嘅你！🍣 Yuzu Miso Sashimi Tartare 柚子麵豉魚生他他入口先食到魚生嘅鮮甜，跟住係淡淡麵豉鹹香同柚子清新果香，最後係令成件事層次分明有驚喜嘅紫蘇葉天婦羅。食落去驚喜連連，係必試清新美味！🍣 Uni & Tuna Tartare 海膽三文魚子吞拿魚他他海膽甘甜、三文魚子鹹鮮，搭配吞拿魚蓉嘅無敵組合，再加上底部嘅脆片令到整個組合增添口感層次。唔單止味覺享受，賣相亦靚。🦐 Shrimp with Chicken Skin雞皮虎蝦Yakitori外皮燒到焦香脆口，虎蝦肉質彈牙鮮甜，咬落去Juicy又有層次，雞皮嘅油香同蝦嘅鮮味互相輝映。超有驚喜！🐓 Chicken LiverYakitori 雞肝燒鳥特別鍾意雞肝口感滑嫩，味道濃郁鮮香，經過日式燒汁醃漬後，烤得剛剛好，保持內部濕潤且富層次。🦆 Roasted Duck Breast with Tangerine Peel & Plum 陳皮梅子燒鴨胸鴨胸肉質嫩滑多汁，帶有陳皮嘅清幽香氣同梅子帶嚟嘅微酸果甜，清爽開胃無油膩感。雙重果香將鴨胸嘅鮮味提升。🐟 Grilled Tilefish with Crispy Scales甘鯛立鱗燒呢個美味嘅甘鯛（馬頭魚），連鱗片都食得，秘訣在於將佢烤到酥脆輕盈。鮮嫩多汁的魚肉烹製得恰到好處，成就咗一道令人難忘、美味無比的佳餚。係我心目中嘅MUST TRY!🐖 Spicy Miso Pork Stew豚肉辣麵豉鍋湯底香辣濃郁，豚肉嫩滑伴以豐富嘅不同菇菌同蔬菜。湯底同超嫩滑嘅豆腐十分出色！餐廳面積雖然唔係好大，不過有酒吧、餐廳同戶外區域。裝修亦都好有特色 … 加上餐廳每一道菜都係高質有創意，味道同賣相都做到足。…查看更多

尖沙咀真係臥虎藏龍！呢間人氣日式燒肉店以「高質親民價」聞名，今次就同朋友嚟試吓 …🦀 Crab Meat & Roe Sea Urchin Tsukimi Don蟹黃海膽月見飯蟹黃份量超多 … 滿滿一整碗、鮮美濃郁，海膽鮮甜細膩。蟹黃、海膽同蛋黃撈埋一齊食，各樣矜貴食材嘅完美融合，每一啖都充滿鮮味！🥩 Assorted Meat & Seafood Platter 上•九宮格一次過試勻6款牛肉再加3款特色肉類，當中牛頸脊同埋和牛三角腩特別出色。另外仲有栗子豬五花、鮮雞爽肉同埋活白鱔。特顯餐廳大廚對各種肉類和每個部位瞭如指掌嘅巧妙配搭。🐂 一口牛 入口即化🐂 韓式護心肉 韓式調味香濃惹味🐂 厚切牛舌芯 係選用最靚嘅30%牛舌芯，肉質爽口，牛味濃🐂 和牛三角腩 口感軟熟鬆化，油脂豐厚，入口即溶。食落去超腍滑🐂 和牛五花 油脂飽滿、牛味鮮美🐂 蝴蝶切牛頸脊 利用蝴蝶切令到口感細緻，牛頸脊牛味甜，充滿肉汁🐖 栗子豬五花 肥瘦均勻、燒至微焦，食落豬味香濃又爽口🐓 鮮雞爽肉、肉質爽滑🐍 活白鱔 燒烤至新鮮脆口🐮 $8 — the cheapest beef tongue core in Hong Kong $8全港最平牛舌芯每人限嗌一份，呢個價錢真係全港最平，價格已經讓人驚喜。但它的份量同品質都冇將貨就價！一碟有十幾片份量超足，薄切鮮嫩爽脆，輕輕燒香加少少蒜蓉吊味已經超食。🐓 Yuzu-Marinated Chicken 柚子漬雞肉山（半份）跟住仲點咗呢度另一人氣名物柚子漬雞肉山，價錢親民份量慷慨。雞肉厚切多汁，加埋柚子調味多咗一份清新果香，係另一必點推介。🦐 Large Tiger Prawns 大虎蝦肉厚爽彈、大隻又新鮮，燒到啱啱熟，啖啖鮮味。🌽 Corn Tempura 粟米天婦羅粟米裹上薄薄麵糊炸至金黃酥脆、清爽不油膩。加點調味粉非常好吃😋！飲品方面 — 香氣果味滿滿 今次試咗多款手打梳打：🍹Hand-Crushed Perfume Lemon Yakult Soda手打香水檸檬益力多梳打🍹Passion Fruit Soda百香果梳打🍹Lime Pineapple Soda青檸菠蘿梳打🍹Hand-Crushed Perfume Lemon Peach Soda手打香水檸檬桃桃梳打飲品整體富清新果香、完美平衡燒肉油膩感，係食燒肉必點配搭餐廳空間寬敞、我哋坐喺最𥚃面嘅包廂私隱度高同朋友敘舊傾偈一流。主打性價比高質燒肉，各項燒肉出品亦都無將貨就價，每樣出品亦有相當水準。…查看更多

Most Entertaining & Satisfying Buffet Experience 好玩又好食嘅自助餐體驗Opulent Dinner Buffet 極緻細嚐•華麗自助晚餐想搵一間又好玩又好食嘅自助晚餐？呢間絕對令我感到滿足！氣氛典雅又不失輕鬆，食物選擇「貴精不貴多」，每一款都認真做得出色，質感與味道完全對得起「極緻細嚐」四個字。自助餐重頭戲當然係3項現場表演，視覺與味覺雙重享受！🐖Portuguese Suckling Pig葡式燒乳豬以傳統瓷碟切乳豬儀式表演特別使用碟子切割葡式燒乳豬展現乳豬肉質的嫩度 … 乳豬皮要烤得酥脆肉質軟嫩先至唔不需要用刀具都可以切得開。亦都係我覺得其中最好味嘅一道菜式 … 係華麗自助晚餐嘅焦點主角，儀式感滿分！🐂 Smoked Tenderloin 煙燻紐西蘭牛柳煙燻烹調能夠賦予食物獨特的風味和口感。現場睇住大㕑先以火焰煎香牛柳，再讓牛柳在煙霧中持續煙燻，口感深邃又不失柔滑、別有一番風味。❤️‍🔥 Crepe Suzette法國經典橙酒火焰班戟驚喜+經典壓軸甜點以火焰登場，我最鍾意嘅甜點加上華麗嘅火焰 … 煮過的法式薄餅軟滑入味，口感美妙、薄餅吸滿了清香而甜美嘅橙酒汁...好食到冇嘢講！MUST TRY 必食之選： 🍲每位一客嘅「佛跳牆」"Buddha jumps Over the Wall" 🪿Roasted Sliced Goose 片皮鵝 🦆Foie Gras 鴨肝🥘 Braised Fish Maw in Abalone Sauce鮑汁燴花膠🦪Deep-Fried Oyster酥炸生蠔🦐Salted Egg Yolk Prawns鹹蛋黃金暇🦀Baked Crab Stuffed with Cheese & Mushrooms 芝士蘑菇焗蟹蓋MUST MUST TRY嘅甜品🌰Mont Blanc 栗子撻（唔洗飛去日本都食到! 🤎🤎） 🧀藍芝士撻 （鹹香濃郁 💙💙）🍫朱古力蜜柑慕斯蛋糕（酸甜醇香層次分明🧡🧡）雖然餐廳地方唔算太大，但勝在環境舒服、無擠迫感，坐得鬆動。最重要係員工個個都好有禮貌又親切，令整個用餐體驗舒服加分。第日食buffet呢度一定要encore！…查看更多

Authentic Roman Pizza al taglio Dinner正宗羅馬長方形手切披薩晚餐係香港試過唔少不同嘅披薩 … Neapolitan、New York style 、厚批，不過今次就嚟個「正宗羅馬薄餅晚餐」。🍕MARGHERITATomato sauce. Mozzarella蕃茄醬，馬蘇里拉芝士呢款經典 Neapolitan Pizza，餅底薄得嚟保持彈性。餡料香甜清爽，簡單食材之中帶出鮮味，反而成為我四款入面嘅最愛。Sometimes, less is more。🍕CARBONARA Egg, Italian Pork Cheek, Black Pepper雞蛋，意大利豬臉頰肉，黑胡椒以經典羅馬 Carbonara pasta 為靈感，將creamy 蛋香、鹹香濃郁嘅 guanciale 同黑椒帶上薄餅。🍕CHEF’S CHOICESpeck, Porcini, Ricotta, Mozzarella, Parsley 意人利煙燻火腿，牛肝菌，妮歌逵芝士，馬蘇里拉芝士，意大利蕃茜呢個組合可以話係 flavour bomb。Speck 煙燻鹹香，牛肝菌嘅濃郁，再加 Ricotta 帶嚟嘅軟滑口感。口味口感豐富！🍕NUTELLA Nutella榛子可可醬甜品係新鮮熱辣出爐嘅Nutella甜食薄餅，人見人愛嘅榛子同朱古力香濃甜味，簡單卻療癒滿分。係pizza晚餐嘅perfect ending！個人小貼士提議可以由較清新嘅 Margherita 開始，逐步加重口味去到 Carbonara、Chef’s Choice，最後以甜嘅 Nutella 收尾，咁樣層次分明，味蕾享受會更加完整。今次嚟Alice Pizza 沙田新店嘗試源自羅馬的長方形手切薄餅「Pizza al taglio」街頭美食。店內有超過20 款pizza，可按食客喜愛口味及食量切割新鮮烤焗的薄餅，以重量計算價錢 … 一次過可以嘗試多款唔同嘅味道。心思思下次去一定要試埋Marinara 鯷魚同Potato Salsiccia 馬鈴薯香腸口味 ……查看更多

再嚟D2 Place 鵜舞食飯。今次主要想試呢度新推出嘅「德島美食祭」同埋「秋刀魚祭」菜式。🐟秋刀魚刺身秋刀魚刺身擺盤精緻，肉質肥美富彈性，仲帶有甘甜濃郁嘅魚鮮。秋刀魚秋天最肥美，被日本人視為「秋の味覺」的代表之一。以薑蓉、蔥花去襯托出秋刀魚油香係最正宗嘅配搭。🍠黑糖鳴門金時蕃薯條 配忌廉芝士沾醬 以甜度高、纖維少、口感佳嘅德島鳴門優質金時蕃薯，切成幼條，炸至金黃色，口感變香脆，加上黑糖糖漿，咬下去甜而不膩。配搭自加裝忌廉芝士醬，我係食到停唔到口！呢個小吃造型靚，打卡餸酒必點！ 🧡神山香菇北海道海膽壽司徳島神山町出產嘅「神山香菇」肉質肥厚、口味鮮香。加上北海道海膽，勁甘甜濃郁，呢個創新嘅配搭超讚。🐓明太子芝士釀阿波尾雞翼 阿波尾雞係代表德島嘅高級地雞，低脂肪健康、口感酥脆。阿波尾雞翼肉味香濃，釀入福岡明太子、芝士及明太子辣味噌，炸至金黃色鬆脆，入面嘅雞肉仍然軟嫩多汁。🥟阿波尾雞餃子天婦羅 這晚阿波尾雞嘅另一美食。採用肉質紮實低脂、雞味鮮香濃郁嘅阿波尾雞做餃子餡料，餃子皮薄至半mm。這阿波尾雞餃子沾上輕薄酥脆的天婦羅麵衣，炸至外層酥脆、帶嚟無比驚喜嘅豐富口感。🥘鐵板油浸芝士有馬山椒德島釜揚丁香魚 日籍主廚以「釜揚」工法製作德島釜揚丁香魚保留丁香魚嘅鮮嫩。將丁香魚、芝士及兵庫縣有馬山椒以橄欖油放上鐵板加熱至焦香氣。山椒嘅獨特柑橘香氣及清爽麻味，能中和丁香魚腥味提升整體層次。以香脆多士沾上橄欖油、釜揚丁香魚、微溶芝士及山椒粒食別有一番滋味！🍋德島半田酢橘冷素麵德島縣半田素麵搭配德島名產酢橘製作清爽冷麵，Q彈微酸、清新開胃! 之前每次去日本都會揾嚟食，估唔到喺香港都可以食到咁優質嘅酢橘冷麵👍🏻作為居酒屋，呢度嘅飲品都有好多選擇。我哋就揀咗🍹Umai Calpis Soda鵜舞乳酸梳打🍺Double Cultured乳酸生啤啤酒與乳酸結合，兩種發酵技術創造出極致的啤酒雞尾酒。好甜好易入口！配搭炸物同鹹香菜式一流。🈵 整體嚟講，鵜舞呢次嘅德島美食祭＋秋刀魚祭，將正宗日本食材原汁原味帶到香港。食材獨特優質、菜式美味新穎。炸物尤其出色 … 加埋居酒屋嘅輕鬆環境，仲好有氣氛𠻹！真係好有去咗日本旅行的感覺。…查看更多