wyung的个人专页

星期六貪方便同見呢間酒樓有老火湯，所以揀咗呢間酒樓，點菜前問一位女侍應當天的老火湯是什麼但她話唔知要問部長，之後一位男部長告知是鱆魚豬骨湯。另一位女部長（身形較瘦、戴眼鏡）幫我哋點菜時，佢話當天老火湯是花生雞腳湯，而之前男部長話鱆魚豬骨湯是昨天的。湯來到發覺奇怪在雞腳湯沒有雞腳，豬骨得返啲骨，湯的味道怪怪的。之後點了特價波士頓龍蝦，週末要另加$40 ，但不新鮮及肉質有點霉。蒜蓉粉絲蒸扇貝，應該是仙遊了一段日子，肉質像擦子膠。當晚比較多客人，所以自己出去櫃檯埋單，見到櫃檯當晚的老火湯是鱆魚豬骨湯⋯⋯才知道自己已中伏。結論：隔夜老火湯唔新鮮嘅波士頓龍蝦唔新鮮嘅扇貝4隻二人晚餐$420其實去街坊酒樓都唔會抱乜嘢希望，但唔應該欺騙客人。所以從今天起不會再貪方便光顧呢間酒樓。…查看更多

之前睇YouTube 有KOL介紹此店，上OpenRice 見到很多好評，經OpenRice 訂咗今晚八點，到達後店員話已滿座，叫我去附近嘅新店。本人非常喜歡酸菜魚，而此店標榜酸菜魚做得出色，所以點咗酸菜魚。之後經店員介紹後點了椰子鴿、辣子鷄軟骨，點菜後想叫枝啤酒，但店員話未有酒牌，由於所點都是送酒菜式，所以我要求自己去買，但店員拒絕，可惡的是隔離一個客人就可以自己帶啤酒。本人點酸菜魚加萵筍，餐牌寫加$35，賬單寫廚部加單$40，問店員話是加$40，不爭拗。等了半小時才上菜，酸菜魚片有泥味，湯不夠熱。其如兩碟小菜只係一般，沒有什麼出色，店員只提供外賣木筷子及碗，匙羹也要要求才有。本人實在非常之失望！…查看更多

上綱見倒羊腩煲推介，$68羊腩煲放題，加$30可以糯米飯及生菜任食，去到冇得揀，羊腩煲放題$98位連生菜加糯米飯，汽水$9罐，人客唔多，很多空枱，唔緊要，但最後變左三位加五罐汽水埋單要$472，只有75分鐘用餐時間，好多隱藏費用但冇列明，極不公度，冇下次！星期五、六、日、公眾假期附加費、醬油費……羊腩煲極多肥膏，加白蘿白、黄芽白、枝竹及少量冬菰，羊腩煲唔夠林，冰櫃出來，但份量多，糯米飯很濕，生菜黃唔新鮮。…查看更多

友人住深水埗約飯局，話有間新開張小菜館，新裝修，仲有私房菜。但本人一向抗拒深水埗，環境混亂。友人再三游說下便即本試一次。泊咗部車喺西九龍中心，過咗行人天橋，左手邊見到松港小館，裝修唔差，但客人唔多，相信凶多吉少，一定入咗鬼地方。經理昌哥介紹了幾味撚手小菜-有海蔴蝦，蜜椒雞亦，椒鹽九肚魚，蟹子黄金炒飯。昌哥話海麻蝦即是黃金蝦，皮脆肉爽，絕對有彈牙感覺!一个字，掂！椒鹽九肚魚，竟然食倒魚肉而唔係脆漿，又掂！我個仔唔多嗜食，但吃了蜜椒雞亦走辣後竟然要加白飯。最后的蟹子黄金炒飯，望落冇乜特別，食咗一啖後突然諗起呀蘇介紹布袋澳海鮮的炒飯真係無乜特別，估唔到松港有咁嘅出品！讚！炒飯乾身冇油又爽口！想用手機影啲咁好味嘅美食，昌哥話原來已經post 咗喺openrice，所以專登上嚟睇睇及留言。…查看更多