靚女媽咪的个人专页

大榕樹下以順德菜主打， 剛開張見到佢都幾常排隊，都好耐冇食過順德菜，即管中午去試吓，点咗順德碌鹅可能我要下庒，不過實在太肥，可以講真係唔敢食，捞起陳村粉，係冷食不過覺得無咩味，最欣賞係魚雲煲，新鮮同埋味道都唔錯，招呼不過不失，應該对我嚟講無咩吸引力會再去幫襯哪…查看更多

今日約朋友飲茶，朋友話去天龍軒，因為佢之前去過覺得好正本來我哋要求窗口位置，但係已經俾人訂滿，所以我哋安排坐喺中間,唯有遠望海景叫咗幾個點心，當然都有預訂佢嘅叉燒啦，跳咗幾個特色點心味道賣相都非常好，推薦菠蘿叉燒餐包，同埋而家比較少地方有做，又做得咁好食嘅蝦多士，最驚喜係大約一小時之後，佢話窗口位有客離開問我哋需唔要轉過去，雖然我覺得有啲唔好意但係亦都好想坐近望海位置，於是一行四人就搬咗去窗口位置，員工除咗冇不耐煩嘅反應，而且仲10分有笑容幫我地轉枱之後一路招呼好周到，所以令到我哋呢一餐真係比100分滿意，真心推介，大家去試吓…查看更多

今日呢個自助餐，算是今年暫時食過最滿意，性價比最高嘅，地方清潔，員工有禮，最重要係食物種類好多而且全部都好好味，食物補充亦10分之快，員工亦都十分細心，因為佢有燒羊架，但係當我想食嘅時候感覺有少少生，當然如果有少少血水嘅羊架係最滑，但我就比較唔太接受，佢嘅員工非常好主動話可以幫我煎一煎，我聽到真係好意外又開心，沙律菜非常新鮮，片皮鴨我都食左三件蟹拑，長脚蟹，凍虾都好鲜甜，最驚喜竟然有蒸生蚝，當然佢嘅榴槤甜品都唔需要介紹款款都好味，總括黎講我對呢個自助餐真係有讚無彈…查看更多

裝修之後第一次嚟，因為之前一路都好難訂位，因為果日係閒日所以好容易訂到位，但係亦可能係閒日餐廳只係坐滿七成，論環境真係一流，座位亦都好舒適食物種類好似比以前少左，但係都係貴精不貴多而且食物添加亦非常快，長脚蟹，麵包蟹，三文魚，蝦，刺身，寿司，片皮鴨，但係我就最中意食鵝掌鮑魚，而且服務態度亦都10分好，自助餐亦都包一杯飲品，我認為已經足夠，因為佢另外有一個小水吧可以自取飲品，好似係椰子水，冷泡茶之類，呢嗰自助餐唔會令人失望，值得一試!…查看更多

呢排食火鍋大多數都係揀任食，因為除咗冇時間壓力，真係自己鍾意又方便掃吓QRCODE慢慢揀又得，叫幾多個都得，又唔洗擔心招呼唔好，尋日啱啱食完牛品，老實講佢除左小食最吸引我，特别係台式甜品吧，同埋鹵水肥腸，豬肚，肉燥好吸引我，其餘任点嘅肉類(豬，牛，肉)，其他任点就非常小，所以我應該食完之後，下次再食任食火鍋唔會再諗呢間，佢唔喺特別差只不過同其他相比就遜色好多哪!…查看更多

而家想飲茶，食吓点心止吓㽼，都唔會去啲大大間嘅酒家，因為政府呼籲唔好去太多人嘅地方見到呢間點心專門店細細間可以試吓，都係叫啲最普通嘅點心蝦餃，小籠包都中規中炬，但係鹹魚肉餅飯，本來以為鹹魚都係細細件，個飯嚟到就有驚喜，大大件梅香鹹魚，鹹中帶少甜，真係送飯一流估唔到呢件鹹魚選料咁認真，值得推介…查看更多

無意中經過太子道，見到門口圖片都幾吸引於是三個人想去試下，本來諗住食下火鍋，但係佢啲員工好好極力推介我試下佢個刺身，於是我就火鍋加刺身，先來一個刺身頭盤非常正無論賣相同味道都一流，有驚喜，食完刺身拼盤跟住就叫左個龍蝦火鍋，用料新鮮，價錢都合理，3個人2500左右埋單，呢一餐都食得開心又滿足…查看更多

有時食自助餐如果食到物超所值真係好開心半島酒店露台餐廳呢個自助餐，今次食完即刻再訂定下一次, 因為都比較難訂位，今次意外地我最推介喺佢個刺身吧，基本上款款刺身都好鮮甜😋，海鮮吧都係，特別係有啲刺身帶子佢應該係輕輕過左熱水，所以特別鮮甜同口感好好😍，磯燒鮑魚保持水準，有少少失望係冇左鬆餅，其餘食物大致上都滿意，可以講係貴精不貴多，非常值得推介…查看更多

食中式早餐，唔想去飲茶，簡簡單單去譽居食碗粥，中式早餐套餐有粥有麵，而且好抵食，叫咗葱花炸兩腸粉跟白粥，油條仲係脆，而且白粥粥底綿滑有米香，生滚豬潤肉丸粥，粥底夠熱，豬潤恰到好處嘅熟度同手打豬肉弹牙，中段小插曲喺落錯單，但員工好有禮貌幫我地換過，呢個價錢有咁既招呼近期少見抵讚!仲有不收茶錢提供壼装茶，諗起食粥一定會再嚟呢度…查看更多

好耐無去食自助餐，不過聽講呢間好難訂位，乖女2個月前已經預訂，而且見到食評好似幾吸引，点都去試一試，入到去第一個感覺地方好大，有D迷路感，我地安排在角落位，加距離食物台比較遠，但後尾發覺原來佢啲食物好似一組組咁，其實種類真係唔多，好多食物都相同，佢只係分佈喺唔同位置，海鮮亦係令我失望嘅環節，我只係攞咗麵包蟹發覺佢好凍同有沙就冇乜興趣再食，海鮮枱唯一好似就係有員工幫你夾，感覺比較衛生，羊架無味，海南鷄比較生，可能想滑啲，但係都係無味，刺身品種小長期排隊，燒味都係一般唔吸引，唯一覺得好食嘅就係格仔餅，飲品只係俾一張飲品券每人限一杯品種亦小，如果想飲其他咖啡要加錢，呢個自助餐我雖然唔飽，但係佢D食物真係引唔起我嘅興趣，所以我一定唔會再去食…查看更多

都好小約朋友食海南鷄飯，心血來潮去試吓新店，午餐時間坐咗8成人，地方細坐得一般舒服，叫咗海南雞飯，海南燒鷄飯，海鮮喇沙飯，葱餅咖喱汁，海南鷄飯跟嘅鷄油飯好乾同硬，大打折扣，鷄肉不過不失，海鮮喇沙飯D喇沙湯，一味感覺好重花奶味無椰香味，唔食都無咩損失，最欣賞鷄肉串燒，鷄肉厚得嚟有肉汁，亦燒得啱啱熟，唔使点沙爹酱都好味食咁多都埋單都係375抵食嘅…查看更多

朋友約食午餐話試吓呢間西餐廳，上去第一個感覺好舒服，地方唔太大可能好多窗望到街景感覺開揚，叫咗午餐不過加38蚊轉咗蟹肉濃湯，冬蔭公海鲜意大利飯，寶雲酥羊架，香烤豬鞍，每個菜式味道唔錯，唯獨羊架感覺太生，不過員工態度好好並解釋因為係慢煮，為咗鎖住肉汁所以感覺會生，並替我們再拿去厨房煎熟小小，態度良好，值得一讚之後再叫咗焦糖燉蛋，脆糖做得十分好，脆得嚟又不黏牙，燉蛋香滑，而且甜度適中，去到一定要試呀…查看更多

喺屋企困咗咁耐，終於忍唔住出外用餐，唯有自己小心D啦，約咗幾個朋友食晚飯，一致話去金滿，因為大家一向覺得佢超值好食，是晚点咗經理推介香芒虾球同牛肋骨，一上枱大家忍唔住手機食先啦，香芒虾球淋上滿滿鮮芒果汁及粒粒芒果肉，上面仲洒上花生粒同黑魚子醬，伴埋沙律菜，大約有6-8隻，一咬入口外脆內有爽爽虾味，口感層次豐富，香芒味花生味鲜虾味，好有滿足感，仲要只賣118,簡直超值到極点，唔食真係損失!至於燒汁牛肋骨一D都輸蝕，一上枱又係嘩嘩聲牛肋骨好多肉而且炆到D肉啱啱離骨洽到好處，加上D醬汁配搭，忍唔住叫咗白飯一樣超值只係248,當然仲有叫他小菜，但呢兩個實在太好味，所以一定重點推介俾各位…查看更多

有日喺時代廣塲shopping,忽然想食吓日本菜，上咗去鮨穴，午餐時間個半鐘要交枱，叫左兩個銀鱈魚定食，一個刺身魚生飯，銀鱈魚定食188，刺身魚生飯238，带子刺身2件176,銀鱈魚定食預左冇乜驚喜，估唔到有D失望，銀雪魚本身應該肉質滑及帶油香，但呢個銀雪魚只係食到白麵醬味道，完全唔合格，相反刺身魚生飯所有材料都鮮甜好味，特別係海胆同带子，相比我叫2粒帶子都176,真係覺得老襯哪🤣🤣，定食跟嘅配菜同甜品相對都係滿意，建議大家經過不妨去試下個刺身魚生飯啦…查看更多

大約一年前新開嘅時候去過一次，已經認為唔會再去第二次，但好朋友極力推薦我試多一次，入到去同上次一樣，燈光暗，音樂略為大聲，喺度睇緊唔知叫咩食好，有個高高大大嘅男經理埋嚟好耐心推介我地食咩，可能佢好醒目睇到我覺得燈光太暗臉上流露出一些不滿，向我地推介時令蟹粉小籠包，仲有脆皮金沙腸，蘋果叉燒酥(上次我將佢比喻為麥當奴蘋果批)，xo酱蘿蔔榚，今次明顯食物有進步，又或者男經理好耐心有禮嘅招呼，所以啲食物都特別好味🤣所以話做飲食業食物同招呼同樣重要，男經理仲推介晚市特式小菜，我同朋友即刻相約下星期去試，希望唔會令我地失望啦…查看更多