大食懶648的個人專頁

新正頭原本想往聯和墟食豬手同炸卷！點知仲未開工！ 一來行來行去找野食！ 見到呢間大明星嘅下午茶配搭幾特別就行入去試吓啦； 叫個薯蓉炸雞肶！ 其它地方通常是配薯條或沙律！來了見薯蓉都叫大份, 雞肶外皮香脆；但雞肉有超輕嘅雪味, 但整体都可以！ 下次試吓配意粉先！ 服務也不錯有下次…查看更多

朋友帶我去補身, 第一次去呢間醉藥雞,一睇餐牌覺得有D似樂湯雞咁,叫左兩個主食, 胡椒豬肚同雞湯翅；雞湯翅雖然淡了少少,但幾拾蚊算不錯了！醉豬手真不錯醉三宝不過不失！朋友不喝酒所以表示太重酒味；我反為覺得再濃少少更好！ 全程至愛醉鵝肝； 入口即溶甘香可口； 食芝士嘅感覺齒脥留香真係正; 好回味！ 十元食糖心蛋也不錯…查看更多

今日在Tko 新都城食午餐； 叫左個金牌四宝飯, 一放低見D燒鴨可以肥到咁！ 即時問番姐姐你自己睇睇接唔接受到！ 佢即時同我換左做叉燒！ 但師父係要留兩件肥油比我！食落口紅腸唔好味, 雞水準普通,叉燒又唔得, 兩件鴨D皮又硬又柴,點解可以差成咁架…查看更多

到粉嶺食晚飯！一上到呢度熟食中心！環境真係好一般！見呢個檔口坐滿人咁利害埋去 see see先！見到每位138 任食任飲牛雜鍋！即時要試試！抱住好又一餐唔好又一餐嘅心！笨實都係一次過！先上左一鍋牛雜鍋！頂佢丫！原來咁鬼大鍋！有牛肚！牛腩！牛筋同粉腸！味道不過不失牛筋夠淋！真係食完都飽幾成！粉腸真不錯！跟手加湯食火鍋！有菜有丸類！菜非常新鮮！可能樓下是街市所以有咁新鮮嘅菜！憑單記得取海鮮一碟！蝦蠔青口等！有時仲有蟹添！因第一次唔知道亞姐仲自動送過來！仲提醒我下次記得取！食物雖然不是太高質！但服務同性價比超高！會再來的…查看更多

食過咁多地方嘅炸豬扒！個人最愛就係呢間根記！炸得香口同有咬口！感到係兒時食過嘅味道！仲可以自選各款出前一丁！豬扒真係腌得非常入味！同其它D冇味豬扒完全不同！配埋個水滾麵靚嘅一丁，配大可樂都只係$39！凈食豬扒$19！真係好滿足…查看更多

揸車經過見呢間士多，停低醫肚仔，睇吓有乜野食，見到牛腩，豬手，紅腸等美食，忍唔住試吓先，牛腩夠淋入味不沾牙，紅腸煎得好香！豬手有三件，其中一件不夠淋，其它兩件好正，最出色嘅係煎蛋，脆邊香口！配埋豉油汁冇得頂！再加件鮮油多好好味道，再加多少少牛油就完美了…查看更多

九龍城清真就食得多，今次專登過來試吓深水埗呢間，始終呢道就腳D，可能疫情關係所以比較少人，先叫左個㗎哩牛腩飯，牛腩份量OK，味道唔係特別出色，價錢不貴，整體係可以嘅，下次應該試羊腩，可能效果會更好，再叫個下午茶餐，牛肉餅非常多汁，呢個係好食嘅，個人覺得有少少咸左，侍應放下時仲提醒我小心爆汁，貼心！…查看更多

星期六一收工衝住去食午餐，去到門囗等在十零分鐘就可以入座，當時比左張黃色點心紙我們話有幾款已售罄，坐低左有侍應說原來放題係用粉紅色點心紙先啱，立刻狂剔！等多十幾分鐘仲係得兩碟鮑汁鳳爪，大家心想唔通中左伏，跟住衝住一輪點心上檯，心肝仔定番哂，腸粉皮薄蝦肉爽脆，，正！大路點心排骨，牛肉，蝦餃等中規中舉，質數不錯，鮑汁鳳爪肉淋入味，炸物香脆不油膩，每人一只嘅灌湯餃和鮑魚撻好好食，撻皮騷香，楊州炒飯粒粒分明，全餐至愛，杏仁茶略淡，埋單每位佰伍，個人覺得好抵食…查看更多

越來越差嘅鴻樓，行過門口時常見到拍哂烏蠅咁，諗住試吓係咪咁差，叫左兩個小菜，一佰六十蚊埋單，黑椒茄子牛仔骨，西蘭花凡立貝，牛仔骨冇味！凡立貝有三小粒，認真麻麻，叫杯凍檸茶又唔比長匙更，問佢仲叫我用飲管篤檸檬啦，咁嘅服務同質數，唉自已唔會再試了，…查看更多

一行三人復活節冇訂去，特然想食燒肉，一預約就有位，雖然係假期都唔係太多人，加左少少價由218起！刺身就真係麻麻地，海鮮足叫左蚝同凡立貝全部平平無奇，牛肉反為有D驚喜，多油脂，但肉味不濃，牛小排等不錯，埋單三佰有找食早鳥時段都可接受比上次德X好得多。…查看更多

早幾年食過深水埗周記油渣麵後*對油渣麵即時冇晒興趣-成塊雞皮咁-近期見有人介紹呢間錦田粉仔掂-立即去誠吓-閒日晚上七点來到-冇乜人排隊-即叫碗試吓- 一飲頭啖湯覺得無英記咁香,*但油渣非常鬆脆*就算比湯浸了两分鐘都脆*碗内有冬菇同蝦米*飲完反為有D 餘香-廿幾蚊真係要試試*…查看更多

今晚同朋友見天氣凍凍地就出來食個暖身煲仔飯-七點來到見冇乜人排隊仲鬼咁開心-*坐低order左两個飯一客細蚝餅*蚝餅還可以-排骨飯就好普通*我一咬條膶腸陣油億味-好難食呀*下次都係唔加腸了…查看更多

再食五十年老字號粥檔,星期日休息放假一早醒來,老虎同老虎仔成十点都唔起身： 個己一條冷行十幾分鐘食早餐-叫左豬膶滑牛粥同腸粉- 粥底綿滑材料新鮮- 加埋混酱腸粉： 冇得彈： 再補过炸腸！好食平靚正…查看更多

一入去環境O K，叫左個犇犇有禮拉麵，其實係牛三宝麵，牛腩等我覺普普通通。番茄湯底夠濃夠味不錯，我反而最喜歡飲品檸檬雪梨露，堂飲十八蚊，連好靚嘅外賣樽加五蚊，員工服務好，下次試其它先…查看更多

同朋友一坐低佢就叫左個清湯腩飯，立刻偷件腩試吓先，食落都O K，連飯品五十幾都唔算好貴。我就叫個X O醬牛扒蛋撈丁。先上嘅係一碗出前一丁嘅味精湯，再上撈面時仲攞支特制豉油比我並強調D XO 醬是老闆娘自制，食落又唔錯，招呼又幾好，有下次…查看更多