hkpepper的个人专页

今天要到旺角辦點事，完事後都已中午一點多，午餐唔想同人迫，突然又想食西式早餐，我便想起已幾年沒幫襯的18 Grams。唔太多人，所以很容易揾到位，見有幾款比較低食的午餐，都是意粉或飯等，但都吸引唔到我改變主意，最後選了 Vegetarian Eggs Benedict (素食水煮蛋), 另加 $20 額外添食的Hash Browns (脆薯餅)；因我不喜歡飲咖啡，最後選了一壺 Lansaseed and Lemongrass Tea (香茅茶).Vegetarian Eggs Benedict (素食水煮蛋) - 見到一碟擺得美侖美焕的午餐，上面兩隻令人垂涎欲滴的水煮蛋，放上鋪有菠菜的多士上，當用刀切下去，橙黄色的蛋槳湧出來，沾染在多士上，放入口裏，濃香的蛋味歷久不散，好好味呀！ 最另一驚喜，碟旁的沙律一樣驚喜，新鮮的蔬菜鮮脆清甜，祇是簡簡單單的放下橄欖油及意大利陳醋來調味，已令人難忘，唯可借數量實在太少。 Hash Browns (脆薯餅) - 初見到平平無奇，用刀砌下，內裏的薯粒很易散；但當放入口中，會食到脆脆的餅面，而薯粒帶微鹹及充滿濃濃的薯仔味，好食到連付上的茄汁都不用點，已食到原汁原味的薯仔味。 Lansaseed and Lemongrass Tea (香茅茶) - 祇用茶包的香草茶，不過仍然有很香的香茅味，都唔錯；唔飲咖啡的另一選擇。…查看更多

家姐生日，揀一日同佢補祝，她在尖沙嘴返工，可以在此區同她食飯兼倾心事，又想揀一間新食店來試，所以就揀凱悅軒。 因祇有我兩姊妹，食量都不算大，衹點了每人一盅四寶燉萬壽果、半隻茉莉茶燻雞及ＸＯ醬炒露筍，而甜品有豆䊢蔴蓉湯丸及芝蔴糕。四寶燉萬壽果 - 原個燉木瓜,裡面有竹笙、蟹肉、雞肉及火鴨粒等，湯中唔會過多的肉粒及餸料來清燉，所以湯水飲下感覺清甜潤喉，加上香甜的木爪肉，正！ 半隻茉莉茶燻雞 - 雞肉非常嫩滑有肉汁，但唔會過鹹，唔錯！不過煙燻味再加重些就更合我口味。雞皮爽脆兼帶有煙燻味，喜愛食雞皮的朋友不容錯過。ＸＯ醬炒露筍 - 簡單不過的小菜，並不特別驚喜。豆䊢蔴蓉湯丸 - 因適憑週年紀念做特價，衹是五元一碗 (希望自己沒記錯)，豆槳滿有豆味但祇是微甜，加以細小的蔴蓉湯丸，芝蔴味味濃，豆槳及芝蔴配搭味得宜，令人喜出望外兼無欺客。芝蔴糕 - 一款我喜愛的傳統甜點, 食落煙靭但幼滑，最令我喜愛的是，小小的芝蔴糕，芝麻味居然香濃, 幾粒芝麻加上糕面上，除了美觀裝飾外，亦加強芝蔴味及軟滑中帶有咬口，是水準之作！…查看更多

契女生日，佢比較喜歡食西菜，而我已有兩年沒有在Kitchen M 食晚餐，所以今次約了她及其家人在此慶祝。 一坐低還未落單，侍應已落放下每人一個麵麭的麵麭籃；拎上手，麵麭非常熱辣辣，搽上牛油後咬一口，嘩！外皮香脆，內裏鬆軟，正！ 睇完餐牌後，發覺Dinner Set 其實比較低食，四百元內已有前菜、餐湯、主菜、甜品咖啡或茶。我揀的dinner set 包括前菜 - 香煎海鮮餅伴菜沙律雖然係煎餅，但食落唔覺得油腻，還食到啖啖蝦肉及非常鮮甜，我同契女媽咪都想食多一碟的衝動。餐湯 - 羅宋湯這款湯都唔錯，唔會太濃味太油膩及過鹹。主菜 - 香煎意大利海鱸魚伴青菜、薯蓉、蘑菇汁海鱸魚味道唔錯，仍然保持嫩滑及唔會惺，但比較我以前食的海鱸魚，今次魚皮煎得唔夠脆口，有啲失分，但契女都覺得很好味；反而最驚喜的是薯蓉，香滑如奶皇，唔似其他坊間的薯蓉落很重的牛油味，大家一致都喜愛非常。甜品 - 芒果芝士蛋糕 很香的芒果味，但唔會好溜的忌廉芝士，而甜味又很適中，我同契女都很滿意。…查看更多

早排工作忙碌，同好友差不多半年沒見，不如好好地吃餐好的。見Table Map可以上網訂位，咁就決定係八海山食日本菜啦。 今晚點了雜錦天婦羅、吞拿魚腩壽司加海膽壽司、牛油焗帶子、串燒冬茹加鷄軟骨及軟殼蟹沙律。雜錦天婦羅 - 炸槳很薄，外脆內軟，不論係蝦或蔬菜，都很新鮮。唯獨炸油有種味，可能係用麻油嚟炸，我並不喜歡這種味，有點可惜。吞拿魚腩壽司加海膽壽司 - 吞拿魚腩非常新鮮，入口溶化，肥美但不膩；海膽係正宗日本，肉身肥厚有光澤，令人有種難忘的鮮甜味道。正！牛油焗帶子 - 牛油味並不過重，而帶子依然保持嫩滑，這款小食重得推介串燒冬茹加鷄軟骨 - 不過不失，沒有驚喜，味道同其他的日本燒物店差不多。軟殼蟹沙律 - 軟殼蟹炸得很鬆脆，蔬菜很新鮮及爽甜；可能本人並不太喜愛沙律醬，再加上連炸軟殼蟹一齊食，感覺有點油膩，但好友並沒有這種感覺。…查看更多

同好友補祝生日，由於她在尖沙咀上班，而Al Molo 又係米之蓮推介，所以今晚就決定訂位呢間餐廳。坐下，一板麵麭上枱，微温但鬆軟，沾上蒜蓉欖油，好好味，不過如有陳醋，會更加好。今晚點了 Pansotti (龍蝦肉意式雲吞)、Salty Spinach (鹹菠菜)及Capricciosa PizzaPansotti - 食到海鮮嘅甜味，雲吞皮煙韌又皮不過厚，味道真的唔錯，但上枱時祇是暖暖的，有點要扣分。Salty Spinach - 真係好鹹，簡直放不落口，衹好配上意式雲吞一起進食，才勉強放入口，下次唔會點。仍Capricciosa Pizza - 因好友不好芝士，所以揀這款 pizza，因芝士相比之無咁多；係我喜愛的扁而薄餅底，餅面上加上鹹香的火腿及我喜愛的黑橄欖，唔會過鹹，味道非常夾及好味；不過餅底雖然熟但仍是軟，並不脆口，應該是在焗的時間未夠火喉，可能係點pizza嘅單太多，未能顧及但要快上枱。以一間米之蓮推介的美國意式餐廳，真是不合格。飯後甜品 - Torta al Rum 及 Semifreddo al MieleTorta al Rum - 唔覺食到有Rum酒味，兼體積太小，有點欺客。Semifreddo al Miele - 平平無其，底下的海棉蛋糕並沒有想像中那麼鬆軟，並不是不好味，但以價錢兼在這區餐廳進餐，要求高並不為過。…查看更多

相識多年的好友生日，她又未曾食過西班牙菜，我第一時間就想起Fandango，亦都是我喜愛的餐廳之一。 餐廳滿有南歐風情，門前有鐵甲武士做裝飾，未入餐廳，已聽到live band在門前唱歌，已令人興奮。今晚要吃西班牙菜慶祝生日，少不了 點了兩杯西班牙水果酒 - Sangria。但杯中祇有一片檸檬，飲到紅酒味，生果味並不強烈，有點失望。相比之下，另一間同區嘅餐廳 La Tasca溝的Sangria還好。 隨枱跟住送上麵麭籃，跟牛油及黑青橄欖同吃。麵麭微温非常好吃，外脆內軟，加上我至愛的黑橄欖，真想繼續加麵麭。 吃西班牙菜，一定要試多款的Tapas, 今晚點了三款Tapas - Garlic Shrimp(蒜片蝦)、Potato "Fandango"及Clams in green sauce(香草煮蜆)Garlic Shrimp(蒜片蝦) - 大蝦夾口，吸收了蒜片味，正；但可惜蒜片炸得過火，有點美中不足Potato "Fandango - 本人推介，薯角加上香口的煙肉來焗，上枱時加上生雞蛋，食前一齊混合，好食到不能形容。 Clams in green sauce(香草煮蜆) - 大蜆加上香草汁，食落多汁幼滑唔嚡口，一口咬下，甜甜的肉汁會咇出嚟，一定不會失望。湯點了 Mushroom Soup (蘑茹湯) - 湯打得非常幼滑，另湯中加入蘑菇片來煮，飲湯時都食到茹片，有咬口，真不錯！鯷魚沙律 - 新鮮蕃茄加上橄欖油，食落非常鮮甜，連幼軟咸香的鯷魚一齊食，是另類沙律的選擇。Roasted Suckling Pig in Segovia Way (西班牙燒乳豬)- 乳豬身薄帶少許肥肉，兼燒得皮薄鬆脆，令人食落滿有肉香。甜品 - Passionfruit Padding with Fruit Salad，布甸都鬆軟，內裏的熱情果醬並不過甜，唯獨食落帶有點苦澀味，有些少失分。 …查看更多

今日適逢放假，全家一於出尖沙咀飲茶，大家已一年未到過潮庭飲茶，而佢嘅水準是能保持穩定的食店之一，今早一於電話预早訂位，以免一家大細齊齊呆等。 一坐下，有一碟潮洲前菜，內有炸花生、豆腐乾、菜脯及青瓜，味道唔錯，有濃香的麻油味，都幾好味！跟住一家大細高高興興地揀點心，有大家基本選擇如油菜、古法千層糕、蝦餃、燒賣、潮洲粉果、鮮蝦菜苗餃、生竹牛肉、原籠馬拉糕。款款點心都好有水準，我哋全家都好快消滅哂！ 尤其係燒賣，食得出係用人手刀硺，豬肉粒比較瘦而有咬口，但肉質又好幼滑，我平時唔太喜歡食燒賣都覺得好好味。古法千層糕食落唔太甜兼好鬆軟，但內裏食落都有實質感，唔會食到輕飄飄咁，媽咪非常喜愛。一口咬下蝦餃，內裏充滿多隻鮮甜的蝦肉，湯汁爆出，有很高的水準，熱食時蝦餃皮有湮靱的感覺；唯獨放涼後，蝦餃皮會比較厚及硬，所以蝦餃一定要趁熱食。另有特別的點心如生煎欖菜肉碎麭，係生煎麭的另一類創新食法，都幾特別，不過欖菜味唔夠出，應該放多些會好食啲。蘿蔔春菜魚蛋小食, 係一個改良的潮洲小食，雪白的魚蛋係酒樓自家製，食落軟滑及有魚味，配上香菜的香味及鮮甜無渣的蘿蔔，是我其中欣賞的一道小食。蒜片牛仔粒是我侄仔所喜歡，是一道肉質非常鬆軟的頭盤小食，我侄仔可以差不多全碟消減哂。 最後還有令人飽肚的蠔仔粥及潮洲煎伊麵。不過今次的潮洲煎伊麵有點失了水準，麵底雖有葱油味但比較油了點及煎得唔夠香脆，不過當放下鎮江醋及沙糖後，依然覺得好好食。 …查看更多

兩年前，因與朋友慶祝生日嘅關係，初次接觸這間傳統韓式食店，原來已經係尖沙咀差不多開了三十年，雖然這次沒有點食韓式燒烤，但其他菜式如海鮮煎餅、炆牛肋骨、部隊火煱等，已令我留下好印像。適憑好友生日，而佢又非常喜歡食韓式燒烤，咁我就推介呢間食店，連同另一位朋友都同意，我便發辦，咁就去馬！因為少於六人是不接受訂枱，我們一行三人唯有等枱啦！ 不過好彩都好快攞到位。一坐下，一位阿朱媽已很快遞上餐牌，跟住附上傳統的八小碟，味道有好有不過不失，泡菜比較酸，並不欣賞，我覺得炒粉絲，魚仔乾，醬炆豆腐及椰菜沙律比較好味！ 因為太多餸菜很想去試，但祇得三位女生，最後商討下點了最主要為壽星女而設的雜錦烤肉外，還點了海鮮湯及海鮮煎餅。 雜錦烤肉加生菜籃 - 內容非常豐富，有豬肉片，肥牛片、雞肉、鮮蝦肉、魷魚片及洋葱片，食材新鮮，無落什麼調味料及鬆肉粉醃製，原汁原味；豬肉片有口唔會嚡，壽星女差不多享受大部份肥牛片，鮮蝦肉及魷魚片又非常爽脆。 將燒熟的烤肉，加上特製的辣醬放在生菜片上，消減了肥膩感，當一啖放入口中及咬下，亦帶出一種美味的感受。無錯係〝一啖放入口〞，因為係傳統的韓式食法，一啖過食先至會有福氣。 海鮮湯 - 湯底飲下非常鮮甜微辣，湯料也非常豐富，滿滿的有魚肉、蝦、魷魚、蜆、豆腐、金茹、蔬菜等，不容錯過。 海鮮煎餅 - 粉槳很薄及餡料都很滿，煎得非常香脆，唯比較淡口，要沾上隨餅附上的醬汁，才可食到餅中蝦及魷魚帶出的鮮味。  …查看更多

曾經幾年前試過尖沙咀店的鳥華及其主打拉介 - 鷄白湯拉麵，但我嫌湯底杰兼黏囗，加上熱天，並不是我那杯茶，所以一直都沒回頭。星期六中午在銅鑼灣，正苦惱午餐的選擇，見銅鑼灣店不用等位，亦見到有其他湯底如豬骨湯或和風担担麵等其他選擇，不如試一試吧！ 本來想叫一碗和風担担麵，點知已在餐牌貼上'已售罄'的貼紙， 又要再揀過。 突然見到另一限時推介 - '濃蝦湯拉麵'，咁就要試試，  兼加上一客餃子。濃蝦湯拉麵 - 喝一口湯，有濃香的蝦湯味，但並不過鹹，而且湯底滿有蝦膏味及很香的櫻花蝦乾，一個字 "正"  而碗中的麵料都有高水準；如半熟蛋非常幼滑，蛋黃呈現半生熟，是我所喜愛；而豚叉燒並沒有用醬油煮，所以味道比較淡，但由於湯底是濃香的蝦湯，反而帶出豬肉的原本鮮味，一讚。麵底未到我喜愛的煙靭度，但都算軟滑，都有點失望。而枱面上擺有"醃筍絲"及"醃菜"給客人任加入麵中，味道不會過鹹，令麵中加了爽甜的口感，唔錯。 餃子 - 其實味道都唔錯，餡料中加入蔬菜，帶甜味，餃子皮造得很簿，不過比較淋，兼餃子煎得唔夠脆底，要扣少少分，但整體都算唔錯。…查看更多

本來約了朋友食私房西菜，因與大厨在溝通上出了問題，去到舖頭先知要改期。橫掂大家今晚都已約在尖沙嘴，順便找個地方晚饍，來到Mira,因其中一位朋友喜歡食韓燒，而"新羅寶"呢個寶號聽了很久，但未曾試過，咁大家一致決定食韓菜。來到門口，遲遲都沒有人接待，人手可想像.....因燒烤枱已滿，我們衹可坐普通枱，唔使燒烤，我反而暗中偷笑。點了三道菜，有海鮮煎餅、炆牛排骨及海鮮火窩。 跟傳統一樣，上了五小碟前菜，味道都唔錯，尤其那碟蝦醬醃大白菜，幾特別。 跟著來海鮮煎餅，味道比較淡口，要點上隨餅送上的魚露；餅中的海鮮都並不豐富，以魷魚為主兼粉比較多及厚，有點失望；唯一可取是餅身煎得很香口，掙回一點分。炆牛排骨 - 因我唔好牛，我衹食砵中的配料 - 南瓜及蕃薯，食落有牛肉味的精華，但我沒覺得有什麼特別，反而兩位好友讚賞牛排骨，讚它夠入味及炆得非常軟滑，有入口即溶的感覺。到海鮮火窩上枱，湯窩並不特別熱，因窩中海鮮已全熟；呢間餐廳祇用氣體爐保温，並不會翻滚一次，我食時都有少少驚。 味道都唔錯兼帶微辣，二人份量，都有兩隻大蝦、一隻花蟹及一隻八爪魚，另有其他如去殼蝦仔、蜆仔等；我本身很喜歡吃豆腐，但韓式的豆腐並不吸引我，比較嚡口有渣，如窩中的幾片已是。   …查看更多

因生日要外遊，好友點都要同我補祝生日，為了方便她工作地點，況且我亦有幾年沒到九龍灣，今次選了德福花園嘅金滿庭京川滬菜館 七時多來到出面已開始有人等位，好彩已電話訂座。坐下，開了一壺人蔘烏龍，飲一口，很有優香的蔘味，亦有甘香濃厚的烏龍茶，值得一讚 睇了一輪餐牌，我哋兩位小女人點了(1)和尚載帽跟燒餅 、(2)清菜砵、 (3)擔擔麵、 小食 - (4) 素菜餃及(5)鍋貼，加上甜品 (6) 紅豆燉鮮奶及 (7) 紅棗雪耳燉雪梨(1)和尚載帽跟燒餅  - 其實是一款素食，主要是炒雜菜絲加粉絲，面上加一片蛋好像帽子，放入薄餅或燒餅，加入甜醬來吃，非常惹味可口；但這款餸，我還是覺得"北京人家"做得出色一點   (2)清菜砵 - 一款由菜絲加雪菜煮成的上湯菜，由於加上雪菜，所以唔會覺得淡口。但由於我並不喜歡食雪菜，加上清湯本身比較糊口，並不是我那杯茶。 (3)擔擔麵 - 是川式的做法，帶有花椒的麻辣及濃香的花生醬，味道唔會令人失望，但我覺得還可再麻辣一點。但唯一美中不足是麵身有點過淋，有點失準(4) 素菜餃 - 不過不失，沒有特別驚喜，但餃皮仍造到煙靭的感覺(5)鍋貼 - 唔記得影相，食落有鮮肉的味道及充滿肉汁，鍋貼皮又唔會過厚，味道真係唔錯，不過鍋貼底部煎得唔夠脆口，祇是小小微黄色，但都值得推介 。(6) 紅豆燉鮮奶 - 並不過甜，但有點過火，感覺唔到奶滑的口感(7) 川貝紅棗雪耳燉雪梨 - 湯水清甜唔錯，賣相也很吸引；但失手之處是雪梨本身食到有酸味，所以扣了小小分 …查看更多

這間韓式快餐店已開了成個月，剛巧今天行過沒太多人，不防一試今次我點了豆腐湯窩連飯、韓式餃子及玉竹茶。豆腐湯窩連飯 - 見到紅色的湯，別以為很辣，喝一下，簡直令人失望，沒味道兼淡口，莫講辣味。而窩中的餸也非常少，祇有幾舊豆腐、一隻小蝦、一隻青口、一隻窩蛋及小量翠玉瓜，淡而無味的湯加超少的餸，根本無可能足夠食一碗飯，不過以$42一份飯係銅鑼灣區來講都可以勉強接受 韓式餃子 - 用半煎炸來煮，而且又很大隻，衹是$28一碟(五隻), 非常低食。 內有肉鬆、菜及粉絲，沾上餃子汁來食，有意想不到的好味 。唯一缺點是餃子皮太厚太硬；我發現先將餃子浸一浸在豆腐湯後，再沾上餃子汁來食，食落無咁硬之外，仲更加美味！玉竹茶 - 是用熱水沖茶包的飲品，味道有點像日本玄米茶，沒怎麼特別，可以是另類飲品的選擇。   …查看更多

好姊妹近來工作得很忙及苦惱，所以約她開OT後食餐好既，為了接近她的工作地點廣東道，所以揀了呢間座落亞士厘道一間超過八＋年植根香港嘅英國餐廳 餐廳前段係bar，俾客人飲酒clubbing,裏面別有洞天，係一間裝修得富有傳統英式嘅餐廳，非常有情調及令人relax 好姊妹點了 - 法國洋葱湯(Jimmy's French Onion Soup), 紅酒燴牛尾連飯 (Ox-Tail)及甜品藍莓燴梨金寶連雪糕(Pear and Blueberry Crumble)。而我就點了 - 素羅宋湯(Beetroot and Vegetable Borscht), 焗豬手(baked knuckle)及甜品即日梳乎厘(糖羌)(Day of Soffle)另加傳統希臘沙律( Traditional Greek Salad)，大家一同share嚟食。餐前有兩塊餐麭及一蛊醃小洋葱 - 餐麭都算鬆軟但並不熱，沒怎樣特別。醃小洋葱，沒有平時洋葱的攻鼻，很好吃，不過如果再可以酸一些，我會更加欣賞。法國洋葱湯(Jimmy's French Onion Soup) - 好姊妹非常贊賞，雖然比較腻因滿有芝士，但佢話呢處嘅法國洋葱湯係非常正宗，她很久沒遇上了，從這間餐廳可以重新尋回她的味蕾記憶。素羅宋湯(Beetroot and Vegetable Borscht) - 雖然沒有加任何肉類來煲，但湯仍然非常濃味及滿口蔬菜蕃茄嘅甜酸味，我反而欣賞呢款湯。紅酒燴牛尾連飯 (Ox-Tail) - 炆得非常鬆軟入味，骨及肉容易分開，一口咬落，肉在口中可以自動溶化，送飯一流。傳統希臘沙律( Traditional Greek Salad) - 蔬菜非常新鮮，簡簡單單的欖油及醋，已令人感到清新，減去肥膩的感覺。焗豬手(baked knuckle) - 味道剛剛好，而豬皮焗得非常脆口，肥肉並不多，肉又腍身，真係好好味。而令人窩心的，豬手骨已除去隨碟跟上，食得非常方便；隨豬手付上酸菜，在酸菜裏面加有焗豬手嘅汁，很有油甘及惹味。 但如果再加多些醋酸一些，我會更加愛上佢。焗豬手嘅皮放涼了就會不脆及靱，所以記得要盡快食。藍莓燴梨金寶連雪糕 (Pear and Blueberry Crumble) - 並不過甜，微酸及熱的燴梨肉連冰凍的雪糕一齊食，幾配合。即日梳乎厘(糖羌)(Day of Soffle) - 加埋糖羌一齊食，偏甜。而梳乎厘焗得過火，有微燶及蛋白搭了下來，失了水準，比較令人失望。 …查看更多

屋企附近開了一間車仔麵，俾那些懷舊嘅裝修吸引進去。菜單嘅設計也非常有特式，以求職啓示的藍本來設計，佢哋嘅麵餸料有非一般街坊車仔麵，有楜椒豬肚及肺、辣洒煮螺及各款芝心丸等。湯底有大澳魚仔湯或雞濃湯兩款，今次我點了大澳魚仔湯配粗麵底，而餸料則揀了雞湯蘿蔔，咖喱魚蛋豬皮及菜心。魚湯很鮮甜，沒有令人涸喉，湯中有幾塊魚片，不過魚片比較乾硬，並不我所喜愛，而且湯底連麵要$28，比較貴了點。餸料味道： 雞湯蘿蔔 - 食落非常清甜兼且無渣，唔錯。咖喱魚蛋豬皮 - 因魚蛋及豬皮同咖喱汁一齊煮，充份吸收了味道，帶有濃香及有意想不到嘅辣味。因餸料係分開配上，唔會因為不同味道嘅餸料影響湯底，讚！食完麵後，受不住甜品嘅呼喚，而佢哋賣嘅甜品並不是中式糖水，反而係西式甜品如拿破侖、芝士餅、木糠杯...等。我今晚點了嗱喳梳乎厘。水準不錯，唔會過甜，時間焗得啱啱好，食落唔會嚡身，蛋白仍然保持嫩滑，好好味！下次要試多幾款作比較…查看更多

今晚要到新城市廣場shopping, 順便約在沙田工作的好友晚饍；朋友話海南少爺嘅食物都OK, 而我又未試過，最後都揀選海南少爺試一試。坐落枱，待應擺上一壺花茶及涼拌黑木耳絲。花茶帶有很香的花味，好好飲；而涼拌黑木耳絲亦唔錯，醬汁鹹味適中，作為餐前小食，其實真係唔錯。今晚二人點了:-(1) 咖央蝦丸(2) 馬來西亞麵豉醬炒油麥菜(3) 琅惹咖喱鷄翼煲配薄餅(4) 福建蝦麵(5) 薏米水咖央蝦丸 - 鹹嘅蝦丸，中間包裏着微甜的咖央；新鮮炸來的蝦丸，你就要小心。當好友咬下一口，滾熱的咖央汁咇射出嚟，彈在我的頸及衣服上，炙得我好痛。 蝦丸咬落彈牙爽口，唯有不足處係炸得過火，有啲嚡口，而隨碟伴上綠色的醬，無喱味道，點唔點都無乜分別。馬來西亞麵豉醬炒油麥菜 - 食落有麵豉味但帶有點微酸，我同好友都覺得很特別但好好味。琅惹咖喱鷄翼煲配薄餅 - 鷄肉嫩滑但無冇味，咖喱亦唔夠香濃，薄餅有啲硬，不過點上咖喱汁後可以好味啲。但整體而論，水準有些少失望。福建蝦麵 - 發覺有啲唔對路，呢間餐廳居然用米粉搭米線，成碟麵上枱時白潺潺，隨碟附上的辣醬亦衹丁點；等候時間一耐，米線浸到有啲糊口，有冇攪錯。正統嘅福建蝦麵應該用紅色嘅蝦湯嚟濕炒米粉及油麵，好似炆麵咁，可以食到幼滑的米粉加煙韌的油麵嘅感覺，加上由蝦米、蒜頭等煮製嘅辣椒醬，任人自己可接受辣的程度加添，放落在蝦麵拌勻嚟食，才是合格。所以我覺得這道麵食係今晚最令人失望。薏米水 - 有啲薏米味及並不過甜，都唔錯。不過個人口味提議，我覺得薏米有啲硬，如果可以煲耐啲，等啲薏米有些微開花便會加強薏米味，我覺得會更加好飲。…查看更多