Choco番薯的個人專頁

【史上最災難用餐體驗。。。踏進這家自助餐廳，簡直係地獄級別所謂的生蠔又細又腥味，一陣鐵鏽味。第2主打香煎鵝肝普通貨色，仲要人排隊等。熱食區已經好好好小野食，補貨速度慢都不得了，同服務生完全唔回應，真係一d禮貌都冇！得d炒通菜係冇人拎，餓到我食左個水餃面，第一次食自助餐係唔飽！總結：與唔比再比佢個生蠔鵝肝再fake啦大家，男朋友生日食到一肚氣。。。真係比佢影響哂心情，生日要食d咁難食既野，真係慘。。。…查看更多

兩人去食叫左一個忌廉汁比目魚扒，由湯到主菜都是凍，配菜，西蘭花凍，薯粒凍，比目魚腥夾霉，一個龍蝦肉眼扒，龍蝦煮到過熟似蝦米，肉眼扒乾好失望，以為聖誕食個西餐會有聖誕氣氛啦一啲都冇食到好吾開心，以後都吾會再去，驚驚，冇下次…查看更多

今晚係中環LKF tower新開Heimat食晚飯，菜單由米芝蓮名廚Peter Find設計。去之前係Heimat網站就見到Chef Peter介紹，佢先後係唔同5星酒店擔任行政總廚，好有經驗，所以我同朋友對呢餐飯都好期待呀！德國菜我只係諗到腸仔同豬手，但今次德國菜fine dining比我一個新既體驗呀！所有菜式都好精緻，而且味道更加令我難忘，好多配搭都係我第一次嘗試，係估唔到咁好味！😋 Menu佢有3款，分別係full menu, vegetrian同vegan menu。今次就試左Full Menu, 一位價錢係$1280， 就有6道菜。Chef Peter好親切好nice! 經常會同我地閒談，仲有介紹佢menu既特式，成餐飯都好開心好舒服！😚 …查看更多

知道粉嶺開左間燒肉，一心就同朋友去試下，點知食到一肚氣！一入去見到得個兩三枱客，仲有超多吉枱，但入到去個侍應要我地用部機禁張飛出去等位，問佢等幾耐佢仲要話唔知，隔成5分鐘先比我地入！態度極差，黎食飯仲要受氣。實話實說，啲燒肉黎到其實冇咩問題 ，賣相都唔差😰 個碗湯係滾水味，冇任何調味，勁奇怪。食完前菜就燒肉啦，放塊肉入去，個爐完成冇反應嫁wo！見到係有火，但係完全燒唔到，之後就搵左待應黎幫下手睇下點搞，點知又係金毛侍應黎，叫完佢同佢講完咩問題，佢可以一句都冇應就直接開大個火走左去！🙄 好啦，開大完真大火到不得了，朋友個碟係五花肉黎，啲油份好多，搞到好似著火咁，係大火到差啲燒到手個種。😬啲肉勁硬，完全唔好食，仲要個爐一時大火一時冇火，燒到冇哂心機啦！一啲都食唔飽諗住早啲走去食糖水算，之後埋單仲要走到最最最入的角落位，一如既往，收銀既四眼經理都係黑面零交流咁，朋友唔記得check單，出左門口大家計數先知佢收多左$10可樂，之後就入去同四眼經理講啦，佢第一個反應你，係咪你地叫左冇黎到呀？心諗都同你講左冇叫過啦，我叫左我自己唔知咩？呢種態度真係令人反白眼🙄️！因為朋友用信用卡，所以佢要void左之前個張單再重新錄過卡，咁佢地做錯野，要我地陪佢罰企陪佢等！中途係一句唔好意思都冇嫁！👏 …查看更多

早兩日同好姊妹2個人去左銅鑼灣利景酒店嘅陳家廚房👯‍♀️，試左佢個聖誕節tea set，十分有驚喜！佢環境十分chill，座位夠闊又坐得舒服，裝飾帶中西合璧風格仲有個水晶吊燈，有古典既感覺！梳化位都好岩打卡😘Tea Set有曬鹹甜點，甜點有好可愛嘅薑餅人拖肥同埋好似聖誕樹嘅Cupcake，Cupcake係黑森林口味嫁😍 而鹹點方面，鮑魚撻有成粒鮑魚鋪面，有咬口又好味～ 我最中意既仲有巴馬火腿蘆筍酥，juicy得嚟又中和到火腿嘅鹹度！英式鬆餅都值得一讚，佢有原味同提子味，質感鬆化帶微濕，甜而不膩！聽待應講話係佢地餅房日日新鮮焗嫁，真係好食！但最後同朋友都係食唔哂，帶左反屋企，第二日用焗爐輕輕反熱都一樣咁好食呀！我係飲食平台網站預訂，好似會平少少，聖誕節同朋友不妨去試下！🎄 🎅🏼…查看更多

Staycation黎到The Upper House當然要一試佢係49樓既餐廳啦，佢最出名既係手工意粉，身為意粉控既我好期待呀！🤤 餐廳設計用左暖色同象牙白夕為主調，比人一種溫馨既感覺。🕯️ 餐廳仲用左地玻璃，令食客可以邊食晚飯邊享受高空夜景，超寫意！🌃————————————————————1. 小龍蝦雲吞🦞 $395意粉皮放左香草一齊，增加香氣。🤏 再放上啖啖肉既小龍蝦，好鮮味而且蝦肉仲好彈牙。🍤 由龍蝦煮成醬汁，係好濃郁既龍蝦湯，同小雲吞一齊食係蝦味double！！💘2. 羊肚菌芝士貝殼粉🐚 $245侍應教食法要先將蛋黃撈左先再食，每一粒貝殼粉都沾上左左滿滿既蛋黃汁，睇到都已經食慾大增！🤤 貝殼粉食落爽滑彈牙，果然手工意粉同自己煮既係有好大分別！💥 成個配搭再加上濃香羊肚菌醬汁更上一層樓！‼️…查看更多

放假黎到太子食個文青brunch先，慢煮工業都係一間幾有人氣既餐廳，所以今日就黎試下先！裝修係工業風，配上木系傢俱再加上偏暗既光線感覺都幾chill~🪵 但係出餐真係好慢，同佢慢煮個名係一樣，等左大約40分鐘，心急人士就唔好去啦~🤣 —————————————————————1. All Day Breakfast with Angus Steak🥩🍳 $128牛扒調味得好好，牛味濃而且食到牛油既香氣~ 🤌🏻成個餐最中意既係薯餅，炸得岩岩好，一啲都唔肥膩！🥔 食得出佢用既油係靚野，一定唔係用千年油❗ 大啡茹睇得出配左兩款芝士，但係都唔係太食得出個芝士味！總括可惜既係全日早餐黎講賣相都唔係太合格，因為啲沙律菜都幾唔新鮮下。2. 燒烤豬仔骨🐖 $68豬仔骨好有驚喜，調味似BBQ汁，口味適中，肉汁豐富而且肉質極軟熟！🤤 沙律菜都係同一個問題唔夠新鮮啦。🤫 而塊吐司就烘得過哂龍，硬都要放棄了😭 跟餐更會跟埋一罐可樂，但竟然係唔凍！😧不過侍應好nice，仲幫我地安排左冰底~ 🧊…查看更多

知道呢間餐廳平日都要排好耐隊，所以今日紅日我就更加早黎到！比佢開鋪早左15分鐘，但都係要等第二輪，一心黎大圍食呢間野冇理由唔等既！🤩一坐底就馬上order左佢3款招牌菜啦，呢幾款都多人推薦！💁🏻‍♀️—————————————————————1. 金沙軟殼蟹滑蛋盒子吐司🍞 $70吐司中既滑蛋加左牛奶去炒，質地好滑嫩，同吐司一齊食真係好夾呀！🥚🥛吐司烘到岩岩好，外層香脆，再配上蜜糖芥末醬更加滋味～🍯🤤至於主角軟殼蟹就炸得十分香脆，中意食香口野既朋友唔好錯過啦！☝🏻2. 吉列大蝦芫茜醬珍珠堡 🍚 $78吉列大蝦果然夠大，炸到金黃色，睇到已經好想食啦！🍤大蝦質感結實彈牙，完全唔同平日快餐店食個種質感！個芫茜醬好有驚喜，愛茜人土一定滿意！🙌🏻 但個米堡就相對失色，冇飯香味，口感亦都較鬆散呢～3. 招牌奶蓋咖啡☕ $48平日只飲美式咖啡既我第一次嘗試奶蓋咖啡，奶蓋除左奶香十足仲帶左啲咸香既芳芝土味！咖啡本身冇額外再加糖，所以奶蓋冇搶走到咖啡獨有既香氣，相反更令人一口接一口！👅…查看更多

元朗新開omakase，位置都算方便搵😋 一收到風就即刻book定位試啦！限聚令關係每2人一台，但吧台都滿坐！同朋友都叫左個Premium Lunch Coruse，包括有前菜、茶碗蒸、4款刺身、8件壽司、迷你魚生飯、麵豉湯及甜品。用料新鮮，份量又夠，如果晚市時段開反會試埋夜晚！最重要係師傅好岩傾，仲會照顧我呢個平日好少食廚師發辦既人，介紹每一種食材，剌身食法順序，體驗100分！🤣 如果要彈的話，只能說佢個甜品不是太吸引，係一個類似紅豆抹茶奶凍咁，真係太甜啦～…查看更多

去咗呢間餐廳食真係非常非常唔開心。。 星期五晚book左同朋友係位於尖沙咀既呢間餐廳食飯，一進去餐廳其實好細，不過都唔係話好差。到落單叫嘢食嘅時候，諗住先飲杯水，點知水都要$40一枝。唔飲水啦咁，咁happy friday飲下cocktail都仲開心，同朋友叫左1人1杯cocktail飲，分別係screwdriver, mojito, pinacolada。大家從圖片可以睇得出杯cocktail係幾冇心機沖，個杯同出面茶記個啲冇分別！重點係成$98一杯，仲要bartender 幫我地沖野飲個時口罩都唔帶。。。 同侍應反映反，佢就正係話因為bartender食緊野，疫情期間都咁樣顯示得佢非常唔專業。杯screwdrive只飲到果汁先生橙汁味，杯mojito多薄荷葉多到苦，杯pinacolada只係一杯椰汁奶。 到上菜，carbonara味道正常，牛扒肉質係臭嘅，咀嚼嘅時候係有浸牛臭味。。。 唔怪得知佢放咁多sause, 重要成$300！最後fish & chip, 都好難可以難食，但佢個魚柳係嗰啲急凍現成野, 好冇心機做。 呢一間餐廳係永遠冇下次，我都會提醒朋友唔好去呢一間嘢食。 …查看更多