Dolphin Ip's Profile

茶記名字優雅，吸引上去一試。少有閣樓茶餐廳，地方大，出爐麵包多，沙翁、辣魚丁、厚蛋三文治 好味。奶茶要叫多奶就得。整體感覺好，剛剛撞上有外國記者拍攝，感覺仍然係吸引嘅。沙翁及麵包除非出爐，是擺曬出嚟，係凍食嘅，要留意。但仍然鬆軟。三文治雞蛋好厚，食落去質感好，有蛋香，真係唔錯。辣魚出前一丁用大碟上，好味唔辣嘴，沙甸魚，肉厚微辣，出前一丁 煮得啱啱好。奶茶茶味夠，但通常澳門啲奶落得少，所以我叫佢奶茶多奶，加少少糖，就可媲美香港奶茶。環境舒服，好多遊客及街坊坐喺度，感覺悠閒。樓上雅座亦不算侷促，隔離枱啲外國人係咁叫，食得好滋味。整體感覺情懷夠，食物同預期一樣 ，值得行遠啲都嚟試下。…Read More