Poorjjfoodie的个人专页

餐廳主打正宗成都老火鍋湯底由四川師傅調製，夠晒地道中國宮廷風用餐環境，由裝修到餐具都古色古香仲有古裝服飾免費俾客人租借cosplay打卡-👍🏻肉類任食放題套餐(120分鐘) $198一口價任食牛羊豬雞四款肉類🔥午市14:30後/宵夜00:30後入座可享88折💰4人或以上嚟到嗌放題套餐每人加$60仲可以升級KTV 或 麻將包房🀄️不過記得要預先book位🙌🏻（留意放題只限午市12pm-5pm/宵夜10pm-3am時段供應）-🔸八款免費鍋底任揀 (可揀鴛鴦）招牌四川麻辣牛油紅鍋｜豬骨濃湯底麻辣鍋由十幾種香料調製，香辣過癮椒香惹味🌶️唔食辣嘅朋友可以嗌豬骨湯，清清地唔油膩-🔸六款肉類任食美國特級肩胛肥牛｜美國極上牛小排澳洲安格斯牛板腱｜澳州高鈣小肥羊西班牙五花腩片｜雞肉件-🔸火鍋配料滷味鴨血｜午餐肉｜豬皮｜雞腎魚皮餃｜鵪鶉蛋｜手工豆皮｜豆卜｜鮮腐竹貢菜｜筍尖｜海帶苗｜炸芋頭｜薯粉｜烏冬-🔸自助區麻辣小龍蝦｜榴蓮蓉｜炸物小食丸類｜蔬菜｜涼菜｜水果冰粉DIY｜Häagen-Dazs雪糕-📍#九龍坎麻辣火鍋 @kowloonhumhotpot油麻地彌敦道469號新光商業大廈3樓…查看更多

深水埗宵夜！主打麻辣烤魚水煮魚酸菜魚仲有多款川式串燒、烤海鮮、川式小食甜品等-👍🏻水煮魚鍋（大） $258🔸美國牛頸脊（大） $268🔸珊瑚蚌 $98水煮魚可以揀鯛魚或生魚鯛魚片厚薄適中，份量十足！啖啖肉唔多骨，完全唔腥辣度幾溫和，唔會太熗喉刺激配料仲有大量芽菜、酸菜同粉絲，勁吸湯另外可以嗌啲火鍋配料打邊爐推薦美國牛頸脊！雪花均勻，牛味極濃郁珊瑚蚌都新鮮，用水煮魚湯滾兩滾食得，超正🤤-👍🏻蒜香烤生蠔 $96/3隻勁大隻！即叫即燒，鋪滿蒜蓉、蔥花、辣椒幾鍾意啲蒜蓉燒得夠熟夠香，蒜味唔會蓋過蠔鮮味😙-👍🏻厚切牛脷 $39/2串厚切大塊，估唔到非常軟腍🤪灑上少量辣粉，主要食牛舌嘅羶香-👍🏻鹹蛋黃芋圓波波 $49呢個幾有特色比較少見芋圓波波外層香脆，內層煙韌帶紫薯香內餡鹹蛋黃味道偏甜，食落反而似奶黃，幾好食-🔸其他菜式價錢參考錫紙燒花蜆 $59豬寸骨 $39/2串黑豚五花腩 $39/2串豬頸肉 $39/2串流心紅糖糍粑 $49-📍#川大哥 @chuan_bigbrother 深水埗黃竹街29號地舖…查看更多

發現💥 葵廣名物炸雞新神作！估唔到竟然係蟹黃加炸雞呢個組合😮呢間我哋次次去葵廣都必食，私心推老闆係米芝蓮fine dine出身以韓式炸雞 x 英式炸魚做法招牌自創輕盈啤酒炸漿主打即叫即炸，鬆脆唔油膩嘅「零負擔炸雞」🔥-呢度炸雞同其他店好唔同，外皮做到薯片咁薄脆食落唔會油淋淋，感覺冇咁heavy肥膩雞肉極之嫩滑，次次食都爆曬肉汁好正💦-👍🏻蟹王 $58呢個新口味大癲😳用大閘蟹蟹黃同蟹肉做醬，加上花雕酒同蟹醋提鮮鹹香鮮味十足，仲食到一絲絲蟹肉，落重本🤯個醬真係cls，唔知老闆會唔會考慮俾人買走返屋企撈飯食呢🥹😂不過強烈建議一定要堂食拎到即刻食！試過外賣拎走食真係差好遠-👍🏻酸忌廉洋蔥 $48招牌味，酸忌廉配新鮮紫洋蔥粒同法蔥仔一定要撈勻食，酸酸地好香洋蔥味有啲似品客Sour & Cream薯片🤣-📍#啖啖肉 @damdamyuk葵芳葵富路7-11號葵涌廣場潮流廊二期2樓2008A號舖…查看更多

發現荃灣戰場嘅滄海遺珠！街坊先識食嘅車仔麵小店🔥家庭式經營，老闆兼大廚負責出品平日繁忙時間經過都時時坐滿，好受街坊歡迎所有配餸都係自家熬煮唔係預熱包仲有車仔麵店少見嘅炸物小食，全部即叫即炸湯底無味精唔油膩，食完唔會頸渴-👍🏻三餸一麵 送油菜或飲品 全日$46下午茶每日2pm-6pm $40送油菜包3餸，另加餸一律$8但真心三餸一麵已經好飽肚整體無論餸定麵底都超大碗😳街坊價非常抵食‼️配餸最推薦 炸午餐肉同一口雞！餐肉超厚切大大嚿，炸雞即叫即炸好脆口秘製豬皮同咖喱魷魚夠入味，個咖喱汁真心正鍾意食辣嘅一定要加埋佢地自家製辣汁完全係昇華咗成碗麵🥹-🔸片中配餸參考一口雞｜炸餐肉咖喱魷魚｜豬紅｜豬皮｜蘿蔔甜酸齋｜腐皮蝦卷｜炸燒賣｜冬菇配古法辣汁｜咖喱汁豬骨湯｜麻辣湯｜羅宋湯 +$3-👍🏻韭菜底羅宋湯(包3餸) 全日$46 下午茶$40估唔到車仔麵竟然會有羅宋湯底🤣同平時西餐嗰種羅宋湯唔同呢度以大量蔬菜熬煮，冇落肉冇味精主要食蔬菜嘅清甜味，唔油膩飲落好舒服飲晒都唔頸渴，有住家感覺😌-🔆其他小食價錢參考秘滷炸大腸 $38香辣雞翼尖 $22香辣炸雞翼 $30即炸雲吞 $16/4件 $30/8件-📍#車仔屋車仔麵 荃灣西樓角路202-216號荃昌中心昌寧商場1樓48&59號舖…查看更多

香港首間日本梅酒酒吧🍸銀座Choya Bar終於開到嚟香港啦🔥係香港比較少見以梅酒做主題嘅酒吧有別於一般酒吧，Cocktail通常以烈酒為基調呢度就主打約50款CHOYA梅酒Cocktail✨各有不同特色同口味層次可以將梅酒演釋到出神入化可能香港暫時得呢間先做到🫢最近有聖誕限定Christmas Menu菜式中加入梅子元素仲可以一次過試晒4款用梅酒做基調嘅Cocktail鍾意梅酒嘅朋友真心MUST TRY‼️-👍🏻聖誕及新年套餐 $688/2位🎄適用日期：即日 至 5/1/2025🎄-🔸前菜及沙律🔅雜菜沙律配黑椒梅汁｜🔅薯仔沙律｜🔅酥炸廣島蠔🔅CHOYA氣泡梅酒兩杯-🔸主菜 (4款)🔅日式炸雞配梅子他他醬🔅梅子香醋汁配燒牛肉🔅煙鴨胸配普羅旺斯燉菜幾有驚喜！估唔到主食都出色🤪煙鴨胸粉嫩厚切，咬落皮爽肉嫩，充滿鴨油脂香🤤配上特製梅子醬，中和油膩感普羅旺斯燉菜軟腍入味，整體帶有酸甜茄香-🔅香煎鱈魚扒配蒜香牛油蘆筍表面焦脆，魚肉厚身大塊啖啖肉，以黑椒調味蘆筍以蒜蓉同牛油炒香，口感爽脆-🔸甜品🔅梅子法式焦糖燉蛋-🔸Cocktail嚟到重頭戲！4款梅酒特調都係以The CHOYA SINGLE YEAR做base🥃將傳統cocktail變奏，非常有新鮮感-🔅Snow Garden用梅酒同日本清酒做成沙冰，酸酸甜甜帶有淡淡梅子清香，4款之中最易入口🙌🏻-🔅JapanesetiniMartini嘅梅酒變奏版，加入焙茶茶葉陣陣焙茶清香，梅子酸甜味較輕盈酒香同焙茶香氣兩者平衡，清新順口😌-🔅Takumi’s MargaritaMargarita嘅梅酒變奏版，杯邊沾上紫蘇碎梅酒配搭橙酒、檸檬，入口偏酸，清爽解膩🍸-🔅BAI EN KO最後一杯濃度最高，質感最醇厚先以櫻花木煙燻，令梅酒酸甜味更濃郁餘韻充滿煙燻香氣，好有特色👍🏻-📍The CHOYA Ginza BAR @choya_hk 銅鑼灣波斯富街99號利舞台廣場8樓A號舖…查看更多

👍🏻豪華時令海鮮盛宴 $358 3小時任食精選海鮮、美國精選肥牛、牛板腱、香脆炸物另外自助區有多款甜品、火鍋配料、熱食、糖水啤酒任飲，仲有Haagen-Dazs雪糕任食🤣-🔸上湯金柳素翅冬瓜鍋湯底清甜解暑，唔會太濃味，更加突顯食材原有味道好似冬瓜盅咁飲埋都OK😎-🔸藥膳花雕醉雞煲有別於一般放題雞煲，呢度竟然有花雕醉雞😳雞件非常入味，好重黃酒香但冇苦味湯底足料，調味啱啱好，微甜帶濃郁藥膳香料味另外仲有幾款選擇，花膠雞椰子雞蟲草花等等-🔸任食豪華牛肉盛宴 +$68/每位 手切A5豐後牛｜手切美國安格斯牛肉｜A5和牛粒手切頂級封門柳｜安格斯牛肉粒｜薄切牛舌片升級咗嘅肉質真係出色好多！加$68任食有呢個質素好抵，食肉獸一定要加🔥牛舌軟嫩爽口唔羶A5豐後牛油花豐富，充滿脂香封門柳有嚼勁，肉味最濃郁和牛粒入口即溶，油感極重-🔸時令海鮮拼盤船鮑魚｜扇貝｜海蝦｜沙白｜貴妃蚌鮑魚爽彈鮮嫩，夠厚身🤤沙白肥美脹卜卜，食落無沙貴妃蚌爽彈有咬口，點少少蒜蓉豉油就好好食-🔸時令刺身拼盤三文魚｜北寄貝｜甜蝦｜帶子｜八爪魚當中三文魚刺身可以任食！整體厚切新鮮，邊爐店嚟計收貨😜-🔸任食炸物吉列蝦｜日式餃子｜榴連炸彈｜炸雲吞｜南瓜薯餅日式唐揚雞肉｜芝士年糕｜章魚小丸子上枱全部熱辣辣，榴連炸彈同芝士年糕都流心拉絲唐揚雞肉外脆內嫩，質素唔錯-📍#麻甩爐海鮮雞煲私房菜旺角彌敦道565-567號銀座廣場LG樓大埔美新里1號安樂樓地舖…查看更多

台灣人主理正宗地道台式餐廳！唔知大家有冇食過呢間🤪係觀塘戰場站得住腳嘅台灣菜都唔簡單店主係台灣人，主打口味正宗嘅地道台式料理🇹🇼-👍🏻香脆豆乳雞肉燥飯 $60👍🏻香脆豆乳雞 (小食) $48哈豆富利店限定全新Menu🔥去台灣夜市必食嘅小食！香港食到通常都係鹽酥雞，豆乳雞就真係比較少見而家係哈豆富利店有得食了🥹以豆腐乳醃製入味，食落有腐乳豆香，但唔會死鹹再灑上胡椒鹽，帶有淡淡甘草甜味即叫即炸好酥脆，又唔會好厚粉/好油雞肉再滑啲就真係一流🤤-👍🏻豆腐拼手工蝦丸肉燥拌麵 $50青花椒麻香醬 +$6拌麵大推一定要加麻香醬！完全係畫龍點睛加分位花椒麻香好突出，麻感有後勁鹹辣夠晒重口味超過癮🤪拌麵有咬口幾彈牙手工蝦丸彈牙爽口有蝦肉粒，帶少少甜味-👍🏻躺平鴨珍珠豆漿紅茶 $36隻躺平鴨勁可愛🤣好有少女心打卡一流其實係棉花糖嚟，配上豆漿底嘅珍珠紅茶珍珠非常軟糯，又真係飲到淡淡豆味😙-🔸其他菜式價錢參考翡翠香檸綠茶 $30冰淇淋紅茶 $38豐盛台灣牛肉湯麵 $78路邊攤小香腸 $48台式滷水豆腐 $26-📍#哈豆 觀塘駿業里6號富利工業大廈3樓A室…查看更多

第N次回訪‼️心中最強茶記炒飯🔥價錢以碟頭飯嚟講唔算平，但份量真心好大碟每碟都堆到成座山咁😂配料都好多好足料兩個女仔嚟share一碟加個小食都夠飽重點係炒到粒粒分明好有鑊氣🤤另外旺角都有分店，不過菜式就有少少唔同-👍🏻即叫即炸椒鹽豬扒飯 $78 招牌必食🌟！目測每枱都會嗌呢款豬扒厚切大塊，脆卜卜超香口肉質鬆軟，肥瘦適中帶豬肉香一定要撈埋椒鹽炸蒜嚟食，勁重口味好惹味😈-👍🏻招牌蝦頭油炒飯 $78 另一款最受歡迎嘅炒飯🔥粒粒分明，乾身有少少咬口，高質🥹整體充滿濃郁蝦頭油香味同蛋香，加上巨量櫻花蝦配埋蠔仔、帶子粒、爽口蝦仁等，鮮味足料有鑊氣-👍🏻脆皮牛腩飯 $88牛腩做到外脆內嫩嘅口感每舊都連住少量脂肪，脂香濃郁同樣炒飯底大大碟，任選一款醬汁金沙汁/黑椒汁/咖喱汁/沙嗲汁/蔥油-👍🏻蜜汁雞翼 +$38/5隻 （跟餐價）呢個驚艷一定要食🤯！生炸熱辣辣大大隻皮脆肉嫩，沾滿蜜汁同黑椒最估佢唔到咬落係咁爆汁一定一定要趁熱食🥹-👍🏻金飯仔沙嗲三寶 +$38 (跟餐價)招牌沙嗲汁配上魷魚、豬皮、牛柏葉沙嗲偏辣偏濃味，有少許花生味，味道正常發揮-📍#金飯館 @goldenbowl.hk 牛頭角牛頭角道323號地下J號舖…查看更多

未必咁多人知道，街坊地膽推薦🔥30年老字號正宗地道泰菜🇹🇭被譽為平民版米芝蓮，由全泰國人班底主理出品水準出色，而且唔少菜式喺其他泰國餐廳比較少食到仲要全日唔收加一 ，CP值高-👍🏻黃咖喱炒蟹 $368必食item！非常足料，重大概一斤左右大大隻多肉食，肉質鮮嫩，啖啖蟹肉鮮味黃咖喱用蛋漿椰汁做，香甜微辣帶濃郁香料味真係連汁都啜埋🤣-👍🏻泰式燒鰂魚沙律 $188係香港比較少見泰國餐廳會做呢道菜大大條鰂魚起骨拆肉，魚片鮮炸到焦脆🔥每片厚切大塊啖啖肉，用泰式特式醬汁撈埋酸辣重口味，非常惹味🤤-👍🏻明爐青檸酸辣魷魚 $168推薦！呢個都係比較少見原條魷魚用明爐火鍋上㷫住食厚肉大條，鮮嫩爽彈，完全唔韌又有鮮味以酸辣汁煮，充滿青檸蒜香味，開胃辣得過癮🤪-👍🏻泰式脆炸豬手 $228 豬手肥瘦適中，肉質軟嫩唔乾柴，帶豬嘅油脂香肉身醃得鹹香，外皮脆卜卜好香口配泰式酸辣汁，豬手點呢個酸辣汁都幾特別嗌豬手仲送啤酒2支，抵玩🤣！-👍🏻泰式燒牛肉 $118安格斯牛燒至七成熟，牛味濃郁好重炭燒香同黑椒辣味🤤配泰式燒肉汁，同樣酸酸辣辣-👍🏻原個椰青鮮蝦焗飯 $108椰奶香甜好突出，仲會食到一片片椰肉份量比想像中多，塞滿成個椰青🤣-📍#金蘭花泰國菜館 @goldenorchidkc 九龍城龍崗道10-12號地舖…查看更多

鍾意食甜品嘅朋友一定要Save低呢間🔥可以話喺香港最多人識嘅泰茶專門店最近先發現原來除咗泰茶，沙田呢間分店仲有賣多款泰式蛋糕甜品同泰菜料理😮-👍🏻泰茶巴斯克芝士蛋糕 $75 👍🏻泰茶千層蛋糕 $65私心最推薦千層蛋糕！店員介紹係每日新鮮手造泰茶餅皮層層分明，夾心忌廉好幼滑🥺巴斯克都唔錯，芝士鹹香濃郁又食到泰茶茶香比例平衡，邊位挺身，中間做到軟心幼滑🤤-👍🏻泰茶梳乎厘班戟 $88 口感鬆軟空氣感重，蛋香突出，呢個幾有驚喜！奶蓋輕盈奶味香濃，再灑上朱古力粉同焦糖脆脆-👍🏻泰式安格斯牛肉湯河 $88估唔到唔止甜品出色，主食都唔錯🔥湯底每日新鮮牛骨牛腩熬製，非常清甜陣陣牛脂香同香料味，成碗飲晒都唔頸渴安格斯牛肉軟嫩，牛味濃又冇筋鍾意食辣嘅一定要點埋秘製辣汁，好過癮🤪-👍🏻泰式冬蔭海鮮薄餅 $98 薄批邊位香脆，用咗冬蔭功醬做base微微酸辣，食到椰奶香同香茅味，冬蔭功味突出仲有大量海鮮菇菌配料同拉絲芝士呢個fusion特別嚟得真係幾好食-👍🏻正宗泰國綠奶茶 $32 & 熱薑奶茶 $35薑奶茶係秋冬限定，有薑嘅辛香味但唔會太辣，暖胃飲一流😌始終係正宗泰茶偏甜，香港人口味建議嗌少甜好啲-🔸牛乳忌廉蛋糕（配杏仁片）$45 🔸泰式椰子忌廉蛋糕 $45 -📍#ChaTraMue @chatramuehkofficial沙田沙田正街2-8號新城市廣場三期3樓A327號舖…查看更多

朋友帶路先知，元朗新開呢間多國菜西餐位於朗屏西鐵站旁邊，交通方便設有室外位置，寵物友善🐾有別於一般西餐，冇話係特定邊一國嘅菜式而係大廚自創fusion自己鍾意嘅味道帶比客人所以唔少菜式都係其他地方食唔到，配搭獨特✨-👍🏻墨汁魷魚蜆肉意粉 $138主打推介🌟有別於一般墨汁意粉而係加入XO醬、橙皮、柚子皮、紫蘇葉選用新鮮大蜆配上魷魚肉魷魚厚肉好鮮嫩，完全唔韌墨魚麵彈牙，有淡淡柚子清香🤤紫蘇葉同XO醬味較為突出有種中西日合璧fusion感，好特別😌-👍🏻鯧魚喇沙 $248比較少見嘅特色菜式🔥鯧魚係每日新鮮喺街市拎貨魚肉非常嫩滑，鮮味唔腥好新鮮，冇乜幼骨容易食自家製喇沙醬係加分位🤪！喇沙味非常濃郁，有陣陣椰奶香味道偏鹹，配酸種麵包點醬嚟食就啱啱好可惜略嫌太少汁唔夠喉🥺-👍🏻生牛肉他他 $148採用紐西蘭牛肉，西日fusion做法以黑椒加上柚子胡椒調味，混入沙律醬、紫洋蔥碎口感軟綿，味道微酸，同時帶有紫洋蔥嘅辛香-👍🏻Picante $99👍🏻Apple and Grapes $99Cocktails亦係呢度主打有多款自家研發創作嘅雞尾酒🍸-🔸朱古力心太軟 $98dark chocolate cake / roasted white chocolate mousse / granola-📍#TheCentral @thecentralyl元朗媽橫路7號富來花園地下12號舖…查看更多

咁高質出色竟然冇人講？超水準台灣菜 x 中菜 fusion餐廳🇹🇼元朗街坊真係有口福🥺絕對值得回訪嘅小店🔥-👍🏻招牌牛白湯牛肉麵 $88 私心最推薦！同一般台式牛肉麵唔同牛白湯非常有驚喜🤤湯頭用牛大骨煲48小時陣陣牛骨清香同八角香料味四大塊牛展心炆得非常軟腍筋位啫喱狀入口即溶麵底好似拉麵咁幼滑彈牙忍唔住成碗清晒，真心好正🥹-👍🏻鮮蚵安格斯滷牛肉飯 $88 蚵仔每日新鮮，大大粒超肥美鮮味十足冇沙唔腥，咬落仲係有汁🤯滷牛肉醬汁帶甜濃味牛肉非常入味，肉質唔會太柴整體份量都唔少，呢個價錢都抵食-👍🏻皮蛋三杯雞 $78🔸配白飯或手工麵+$5用生啫煲即叫即整，唔係預先整定再返熱雞皮微脆，厚肉大舊，肉質都唔錯皮蛋有炸過，口感好特別蜜甜入味帶微辣，濃而不鹹加上九層塔、洋蔥、青紅椒嘅香味整體非常惹味有鑊氣，送飯真係一流！-👍🏻松露菌燒鮮腐竹 $78 🔸配白飯或手工麵+$5估唔到齋菜都做得出色腐竹鮮嫩軟滑，加上大量菇菌調味適中唔過鹹，黑松露味好濃好香-👍🏻黃金蕎麥鹽酥雞(小食) $58必食！炸到黃金酥脆，唔會硬/油淋淋大嚿厚肉又多汁，有少少九層塔香味🤤適量椒鹽調味，另配上秘製甜酸汁-🔸其他菜式價錢參考以上所有午市套餐配前菜一碟及蜂蜜綠茶升級特調飲品減$10士多啤梨晶球梳打 +$26 夏香芝士奶蓋醇茶 (竹香鐵觀音) +$26📍#玥 @lunar_cuisine元朗鳳翔路2-6號加點地下C028號舖…查看更多

慶祝餐廳分享！原來觀塘都有咁高質嘅Omakase😳選用日本季節時令高級食材，品質新鮮唔在講重點係份量十足，Omakase都可以食得飽肚😆一個套餐除咗刺身、手握壽司、熟食料理，仲有鐵板燒🔥一共23品，菜式精緻豐富，食到捧住個肚走好滿足約會慶祝或者想食好啲都可以試下呢間✨由於季節時令食材，以下係當日菜式俾大家參考-👍🏻爍雨(23品) $1480/位🔸先付九州蘭王蛋配帶子三文魚籽雞泡魚皮｜北海道白粟米｜小松菜豆腐干-🔸季節刺身長崎縣羽太｜北海道仙極真蠔松葉蟹肉配蟹膏｜澳洲大鮑魚配肝醬北海道天然紫海膽伴吞拿魚蓉｜火炙和歌山鰹魚煙燻拖羅及醬油漬赤身🌟真蠔鮮甜肥美超creamy天然紫海膽極濃鮮味，入口即溶🤤鰹魚經火炙燒香，魚皮香脆最驚艷一定係煙燻拖羅及醬油漬赤身‼️經蘋果木煙燻，用脆口紫菜夾住一啖放入口好滿足🥹🥹-🔸鐵板燒海鹽燒北海道北寄貝 配新鮮海藻汁及牛油本菇-🔸季節料理魚肉真丈｜吉列油坊主｜牛肝菌釀牛肉油坊主屬少見嘅魚類，外酥脆內嫩滑，重魚油香牛肉絲釀入牛肝菌，口感軟綿，配上焦糖無花果-🔸手握壽司愛知縣白象拔蚌｜深海池魚｜北海道喜知次｜秋刀魚｜溏心瀨尿蝦喜知次帶柚子胡椒嘅辣味，中和油膩感瀨尿蝦溏心爆膏，蝦膏厚實甘香🤤-🔸雲丹盛用第一道菜嘅羽太肝汁煮伴飯再鋪滿北海道白海膽，perfect ending🥹-🔸吸物 鮮魚濃湯🔸時令果物江戶前玉子燒｜抹茶蕨餅｜北海道赤肉蜜瓜-📍#菊月町 觀塘鴻圖道23號利登中心地下1號舖…查看更多

私藏分享！值得更多人知道嘅超水準高CP酒吧🔥西餐酒館風格，老闆係多年經驗調酒師主打特色cocktails，每杯都有故事，相當用心大部分只係$78-88/杯，係銅鑼灣keep到呢個價真係佛心🤯質素賣相內外兼備，係唔少酒吧賣緊百零蚊質素，CP值好高👍🏻！有提供多款主食，味道唔輸俾西餐廳，價錢份量都算抵食-🕘Happy Hour做成晚，由18:00到21:00仲要冇限最低消費同用餐時間😦‼️格局優雅舒適，氣氛有情調，唔會成陣煙味/音樂太嘈好啱大班朋友輕鬆聚會，收工過嚟食飯嘆兩杯🍻最緊要係唔會俾人趕走😎-👍🏻炸魚薯條 $108超推薦！竟然用盲曹嚟做炸魚，好少見酒吧會咁做魚肉雪白嫩滑有彈性，外脆內嫩🔥少數食到有魚味嘅fish n chip，甚至比起唔少西餐仲好食，好有驚喜😳-👍🏻千層麵 $98以酒吧出品嚟講呢個都算超水準每層都夾住大量牛肉碎好足料，加埋芝士同蕃茄蓉，啖啖鹹香拉絲！-👍🏻辣肉腸薄餅8吋 $98 & 燒單骨雞翼 $88薄批鋪上大量拉絲芝士同辣肉腸，邊位好似餅乾咁超脆口🤪雞翼唔會燒到乾柴，醬汁甜甜地好入味，味道有啲似ikea個隻雞翼-🔸Tomorrow $88係老闆嘅得獎之作🍸！主調為佛手柑味，有啲似伯爵茶配埋燒杏脯乾同石榴粒，酸甜開胃，幾啱夏天飲-🔸Busy Mango & Lychee Charisma $138/半打🔸Summerite $138/半打人多嚟到可以嗌下shot🙌🏻Busy Mango芒果梅酒果香濃郁，好似飲緊芒果汁咁🥭Lychee Charisma散發住淡淡荔枝香味白葡萄酒鍾意酒味重可揀Summerite夏日版Margarita，杯邊黏上話梅粉，酸酸地幾吊癮😜-其他菜式價錢參考🔸肉醬意粉 $108🔸唐揚魷魚圈 $78🔸一口炸嫩雞 $88🔸Needle $88-味道：8/10性價比：8/10-📍#SidekickBar @sidekickbar_hk銅鑼灣耀華街38號The Zing!8樓…查看更多

呢個好抵食！嚟自東京嘅人氣一人燒肉店推出咗期間限定日本黑毛和牛前胸肉🔥一人燒肉餐最平$98就有得食🤪-👍🏻日本黑毛和牛前胸肉&牛板腱套餐 $98/100g $158/200g日本和牛前胸肉口感軟嫩，油花均勻，好重脂香🤤燒到油脂慢慢融化，肉質細嫩juicy帶焦香牛板腱就相對肉質厚實有嚼勁，油脂適中，肉味較濃枱上提供6款醬汁、鹽、黑椒俾大家mix & match自由配搭！不過和牛前胸肉本身都有醬醃，加少少鹽就已經夠隨餐配埋白飯、迷你沙律/泡菜 、和風湯白飯亦可升級至木魚絲紫菜蛋飯，份量相當滿足😌-👍🏻雞軟骨配香辣粉 $22/50g 雞軟骨咬落彈牙爽脆，燒大概5分鐘燒到焦香脆口先上碟😜再配埋香辣粉，辛香刺激，層次豐富好惹味-🔸黑毛和牛前胸肉單品 $52/50g $98/100g-📍#燒肉LIKE 銅鑼灣羅素街8號英皇鐘錶珠寶中心2樓B號舖香港多個地區各分店都有供應…查看更多