SasatataLai的个人专页

今日同男朋友去咗將軍澳牛大人食晚市放題，人均500幾就可以食到日本黑毛和牛，仲要係任食唔嬲，真正名副其實食靚嘢食到飽。🤩而家佢哋仲做緊期間優惠，只要到12月2號前晚市揀選日本黑毛和牛A4+套餐就送時令嘅「江蘇太湖大閘蟹」🦀，聽到已經流曬口水！🔥 湯底選擇今次我哋突破常規，揀咗「台灣鳯梨雞鍋」同期間限定嘅「聰明魷魚沙茶鍋」雙拼，結果出乎意料地驚艷！🍍台灣鳯梨雞鍋 - 一上枱就聞到清新鳯梨香，湯底用新鮮鳯梨同嫩雞熬製，飲落清甜開胃，帶微微果酸，好有台灣風味！特別適合淥蔬菜同海鮮，能夠帶出食材原味。朋友大讚呢個湯底飲多碗都唔會口渴，證明真材實料！🦑聰明魷魚沙茶鍋 - 期間限定果然有驚喜！沙茶香濃而不膩，裡面仲有爽口嘅魷魚鬚，湯底層次感十足。最正係佢唔會蓋過A4和牛嘅油香，反而提升咗肉味，令人回味無窮！無限Loop 3皇牌✨🥩 日本黑毛A4和牛一上枱就見到雪花分佈均勻，油脂比例靚到不得了！輕輕淥幾秒，入口即化，完全對得住A4級數！🐷隱藏王牌伊比利亞黑毛豬梅肉豬肉界嘅和牛，肉質呈現誘人嘅粉紅色，油脂分佈好似大理石紋理，帶有獨特果仁香氣，完全無豬膻味 。🦪 任食鮑魚三食 ．鮮甜鮑魚．古法醉鮑魚．柚子燒汁鮑魚🍲 其他配料都唔輸蝕：· 手工三寶滑（墨魚滑、蝦🦐滑、墨汁墨魚滑）彈牙足料· 鴨血嫩滑無腥味· 蔬菜吧款式多，推薦水蓮同娃娃菜飲品櫃有齊台式飲品、啤酒同汽水🌟 小食配搭tips：． 墨汁腸 → 配鳳梨雞湯輕涮30秒，別有一番風味． 雞皮卷 → 點沙茶醬，濃郁加倍． 鹽酥雞 → 灑上店家特製辣椒粉，風味更提升·🦐 蝦蝦霸霸脆多士 → 厚切多士烤到金黃酥脆，建議蘸少少沙茶醬，鮮味更加突出．🐮 日本和牛橘梨伴豆腐 - 和風清新之選，清新解膩．🍜 阿嬤豆乾魚蓉麵 →選用香港老字號永樂粉麵廠嘅魚蓉幼麵，古早味情懷，建議加少少辣椒油，更添風味🍨 甜品必食！最後食埋佢哋嘅自家製仙草🦀 驚喜贈品江蘇太湖大閘蟹每位客人送一隻大閘蟹，雖然唔算超大隻，但蟹膏爆滿！金黃色蟹膏甘香豐腴，蟹肉鮮甜，記得留肚食！期間限定優惠至12月2號。…查看更多

今晚同friend慶祝生日，諗住食餐好但朋友又唔想我太傷荷包，就揀咗旺角呢間人氣幾高嘅「御滿屋」。我哋揀咗最基本嘅A組合放題，已經包羅萬有，試完之後大家都覺得好滿意，絕對會再encore！✨ 環境與服務 餐廳位置方便，座位寬敞，唔似一般放題太逼。雖然當晚全場爆滿，但侍應收拾碗碟、加茶都好快手，態度友善。用手機掃碼落單，非常方便，而且上菜速度驚人地快，完全冇漏單，抵讚！🍣 刺身壽司 A組合嘅刺身款式已經好足夠，有三文魚、劍魚腩，油甘魚，象拔蚌，赤蝦，甜蝦、北寄貝、八爪魚、希靈魚等等，仲有松葉蟹腳添🤗刺身全部肥美厚切，絕對唔係「薄切」，油脂感唔錯，我哋encore咗三四轉！壽司方面🍣試咗幾款火炙壽司，如火炙左口魚邊，油脂燒完之後非常香口，特別推介焦糖鵝肝壽司🍱建築連續叫咗幾round，一咬落去薄脆嘅焦糖，然後就feel到鵝肝嘅Creamy。飯嘅份量細細件，唔會好快飽肚。🍢 燒物 & 小食 放題最愛的一part· 燒牛舌必點！惹味非常，肉質嫩滑但有嚼勁。· 燒菠蘿：清甜多汁，解膩一流。· 燒鵝肝蘋果 ：食返幾轉已經值回票價🍲 熟食 & 鍋物 除咗可以掃碼order之外，出面亦都有熟食區，小籠包，蝦餃，燒賣都唔錯㗎👍另外推介佢嘅海鮮一品粥🍧 甜品 & 飲品 甜品方面除咗有Mövenpick及Häagen-Dazs雪糕🍦，生乳雪糕🍧韓國雪條，乳酪，布甸等…..呢個價錢淨係呢2款雪糕任食真係無得輸。飲品櫃選擇都多，汽水、茶、紙包飲品任拎。平日夜晚去，A組合連加一都係三百頭一個人。以呢個價錢，食物種類、質素、服務同環境來講，性價比極高！絕對係旺角區放題嘅「抵食之選」。…查看更多

之前親友上大陸都會專登買窯雞返香港，一直心思思。終於發現觀塘工廈入面呢間專賣店「豐味窯雞」，一試之下，真係有「相見恨晚」嘅感覺！鎮店之寶「原味窯雞」賣相與香氣：用錫紙完整包住，一打開熱氣騰騰，香氣真係無得頂，未食已經流口水！肉質與口感： 雞肉嘅軟嫩程度絕對無誇張！用筷子輕輕一夾，真係做到「骨肉分離」，非常方便食用。最驚喜係肉汁極之豐富，一啲都唔乾唔柴，睇到肉汁好似瀑布咁滴落嚟，畫面感十足。味道： 調味係鹹香之中，帶有淡淡嘅中藥材香氣，味道完全滲透入晒每一絲雞肉裡面。連平時最怕鞋烚烚嘅雞胸部位，都一樣入味同嫩滑，就咁食已經超級滿足，完全唔需要點任何醬汁。服務與安排：因為係即叫即製，保證新鮮熱辣，但繁忙時間真係要等一陣。強烈建議大家先致電預訂，慳返唔少等候時間。依家仲見到佢外賣自取有幾款優惠，都幾抵：· 買原隻窯雞，可以用 $1 優惠價 加購每日精選甜品。· 川式口水雞飯 或 殿堂級蔥香雞飯 外賣自取優惠價 $39。，／…查看更多

今晚與好友在旺角覓食，無意中走進通菜街的「阿來」，沒想到這家看似平常的小店，卻帶來了滿滿的驚喜。🍜 泰式SUKI粉絲 粉絲炒得入味，口感Q彈不黏糊，吸收了泰式香料和牛肉的精華。牛肉片份量足，我們選擇了少辣，辣度溫和，更能帶出香料的層次感，非常惹味。🐟 泰式咸魚炒通菜 這道菜可謂是「白飯神偷」鑊氣十足，一上枱就聞到濃郁的咸魚香氣，通菜炒得翠綠爽脆，與咸魚的鹹香結合得天衣無縫，味道濃郁卻不死鹹。🍤 泰式脆蝦薄餅 有別於一般傳統泰式蝦餅，做成薄脆口感，炸得金黃酥脆，咬下去「咔嚓」聲，卻絲毫沒有油膩感。內餡的蝦膠鮮味十足，點上附送的酸甜醬，更顯開胃，作為餐前小食一流。🥗 金柚子鮮蝦沙律 在品嚐了幾道濃味菜式後，這道沙律來得正好。柚子肉飽滿多汁，清甜中帶點微酸，非常新鮮。大隻的鮮蝦彈牙爽口，與柚子、花生碎和香草拌勻，口感豐富，清新解膩。🍺 飲品搭配· 泰象啤：吃泰國菜怎能少了啤酒？冰涼的泰象啤順喉清爽，完美搭配各款小炒。· 椰汁三色冰 ：特意要求少甜，甜度果然恰到好處。濃郁的椰奶香配上軟糯的紅綠白三色糯米，冰涼香甜，是這頓飯的完美句點。…查看更多

一直聽聞「燒烤堂」係人氣高企嘅串燒店，終於約到朋友去佢哋旺角新分店朝聖！晚市真係全場爆滿。試咗超過廿款串燒之後，可以同大家講，佢哋嘅人氣絕對係有原因！👍👍👍 必食之選 1. 和牛棒配松露一口飯 評分： 5/5呢個係我全晚最愛，冇得輸！和牛油脂極度甘香，燒得剛剛好，一啖咬落去肉汁同牛油香一齊爆發。下面嘅一口飯吸收咗肉汁，再加埋濃郁嘅松露香，簡直係天衣無縫嘅配搭。雖然唔平，但絕對值得試！2. 焦糖青蘋果鵝肝多士 評分： 5/5呢個配搭非常有心思！厚切鵝肝煎到外層微脆，內裡入口即化，油脂感豐腴但一啲都唔膩。全靠底層嘅酸甜青蘋果片同脆脆焦糖，完美平衡咗鵝肝嘅濃味。底下嘅多士吸滿精華，口感層次極之豐富。3. 明太子飯團 評分： 4.5/5鍾意食飯焦嘅朋友必點！飯團外層燒到金黃香脆，形成一個完美嘅「脆殼」，入面嘅米飯依然軟熟。明太子醬分量十足，鹹香鮮味，同飯焦嘅脆口形成強烈對比，非常好食。👍👍 水準之上 (值得一試)鹽燒系列：· 鹽燒白鱔 ：皮脆肉彈，魚油香超突出，完全冇腥味。· 鹽燒三黃雞髀肉 ：肉質非常嫩滑，鎖滿肉汁，簡單調味已經好出色。· 鹽燒雞皮 ：大大串，燒到好似薯片咁脆，灑少少七味粉更加惹味。其他：· 牛舌拖羅 ：厚切牛舌，口感爽彈有嚼勁，牛舌愛好者會好滿足。· 黑糖菠蘿 ：燒熱嘅菠蘿加上冰涼嘅黑糖，冰火口感好過癮，作為清味蕾嘅甜品一流。👌 完美收官· 糖不甩燉芝麻湯丸 ：流心芝麻餡香甜濃郁，外皮煙韌，暖笠笠咁結束呢一餐，非常滿足。環境與服務：餐廳位於家樂坊樓上，環境光猛乾淨，抽風系統做得唔錯，食完唔會成身油煙味。服務員態度友善，上菜速度幾快，就算全場滿座都冇點漏單。總結：「燒烤堂」嘅串燒款式創新又多選擇，由平價到貴價都有，品質對得住價錢。係一間會令人想encore，再試勻佢餐牌上其他款式嘅店！溫馨提示： 晚市非常旺場，建議早少少或者夜少少（例如9點後）去，就可以避免排長龍啦！…查看更多

穿越日本居酒屋🏮位於尖沙咀金馬倫道嘅黑木亭，門面低調但一入去別有洞天！裝修充滿和風氣息，木系設計，有秒穿越日本居酒屋嘅感覺。適合朋友聚餐。今晚我哋主打無限追加A5宮崎和牛同吞拿魚拖羅🤩✨A5宮崎和牛壽司✨雪花紋路均勻細緻。燒到五成熟係最佳狀態，油脂豐盛，入口即化，牛油香氣瞬間爆發🤩✨帶子蟹中寶✨蟹蓋滿滿的一疏疏的蟹肉，超Creamy✨吞拿魚粒牛油果鱈魚脆片✨呢款配搭幾有特色同清新。✨和牛牛角包🥐樣貌已經好吸睛，打卡必點😍刺身：例如蟹腳、牡丹蝦、油甘魚、拖羅等也落足本，全部厚厚一大片，任點任食。燒物：蜜汁焗鱔、鵝肝多士、牛舌，黑豚荔枝卷，馬來西亞D24榴槤燒得出色，火候掌握得恰到好處。甜品🍮選擇比較多，馬卡龍，奶凍，啫喱，蛋糕🍰都有，為豐盛的一餐畫上完美句號。店員態度親切，上菜速度快，每次點和牛同拖羅都絕不手軟，份量十足，完全冇漏單！…查看更多

今晚同男朋友慶祝紀念日，專登揀咗將軍澳呢間「Chef's Stage Kitchen」，果然冇令我哋失望！餐廳地點就腳，環境幾有情調，燈光柔和，坐得舒服，好適合情侶約會或者朋友仔傾偈。我哋鎖定目標，直接叫咗個 「Set Dinner for 2」 ($698)，包齊湯、沙律、前菜、兩款主菜同餐飲，計落真係幾抵！前菜：是日餐湯同沙律：沙律菜新鮮爽脆，個蘑菇湯好香濃，飲落好濃郁。Stalk Tartare (生牛肉他他)：牛肉他他調味啱啱好，口感軟滑，配埋脆卜卜嘅鹹餅乾一齊食，非常開胃！主菜 ：Linguine Vongole (蜆肉意粉)：一上碟已經聞到好香蒜味！蜆肉份量多得驚人，而且隻隻都飽滿冇沙。意粉煮得掛汁能力強，充滿住海水嘅鮮味。Beef & Lobster (牛扒拼龍蝦)：成個晚餐嘅高潮！牛扒叫咗medium，切開仲係粉嫩色，火候控制得好好，外面有炭燒香，裡面肉汁豐富。龍蝦大大隻，蝦肉爽口彈牙，鮮甜到不得了！兩個人分享份量啱啱好，大滿足！飲品：加咗$28升級特飲，叫咗 Chocolate Banana Strawberry 同Too Fresh，兩杯都唔會太甜，味道清新，正好可以解一解主菜嘅膩感。💁 服務與環境：店員服務態度友善，會主動斟水，上菜速度有條不紊，我哋可以慢慢食慢慢傾，完全冇壓迫感。…查看更多

男朋友係火鍋控，今日懶懶地唔想煮飯就近近地去左觀塘食火鍋放題，地點位於故息故鄉嘅鴻圖樓3樓位置，餐廳環境寬敞，坐得舒服，啱晒一大班人打邊爐吹水～今晚試咗$ 298/位嘅套餐，包咗好多正野，絕對物超所值！✨湯底：養顏花膠雞湯湯底零味精，店員幫手落咗花膠同雞滾起後，忍唔住飲咗二湯碗！雞湯鮮甜唔油膩，仲有幾大塊花膠同嫩滑雞肉，真材實料！用呢個湯底淥食材特別入味，仲可以補充骨膠原呢～頭盤：🐟時令刺身拼盤（三款）放題包咗刺身拼盤，當日有厚切三文魚、帶子同赤蝦，全部新鮮肥美，三文魚油脂甘香，赤蝦爽甜，作為開胃前菜滿分！🥩頂級牛盛盤包括牛小排、牛肩胛、安格斯牛板腱、雪花一口和牛牛粒，每款都係美國prime高質之選！個人最愛牛小排，油花均勻，淥幾秒就食得，肉質軟嫩牛味濃；和牛牛粒入口即化，油脂感超正！牛魔王一定唔可以錯過～🦐時令海鮮拼盤（五款）海鮮盤好豐富，有鮑魚、海蝦、蜆、鱔片同生蠔！鮑魚爽彈鮮甜，海蝦大大隻又新鮮，蜆肉冇沙，每款海鮮都處理得乾淨，淥完之後鮮味更加突出！🍲其他火鍋配料放題菜單仲有好多選擇：豚肉、雞肉、丸類、蔬菜、烏冬等，全部任叫任食！飲品櫃有齊汽水、茶類，啤酒，仲有自家製仙草凍，清熱解毒～熟食🍲另有一些日式前菜小食中華沙律，八爪魚仔…熟食方面就有一啲炸物，台灣腸等。服務方面，店员態度友善，上菜速度快，收空碟都好勤力。…查看更多

上星期朋友係英國返黎，同朋友見下面聚一聚，成日聽佢講話好想去韓國🇰🇷唯有止下佢癮，見到中環呢間主打食濟州黑毛豬嘅韓式燒烤店，真係驚喜滿滿！由門口已經感受到濃濃嘅韓風設計，入到去抽風系統做得好好，完全唔會成身油煙味，加分✨🍽️ 前菜：韓式小碟醃漬魷魚🦑、醃蘿蔔、菠菜等經典款式應有盡有，但擺盤放在一格格木盤上，令到整體添上視覺及味蕾的享受🤤🥩 主角黑毛豬拼盤餐 包括低罈子五花肉同豬頰肉，全部厚切上枱，油花分布靚到好似藝術品！店員會幫手燒，火候掌握得恰到好處～豬頰肉彈牙爽口，五花肉烤到外脆內嫩又Juice，加埋蒜片同韓式醬料，一啖咬落去⋯⋯天堂啊😍 -跟set有埋芝士粟米蒸蛋，呢個幾出色，蒸蛋滑溜加上拉絲芝士🧀好邪惡-仲有Chapagetti韓式炸醬麵，味道正宗🥘 豬肉泡菜湯配飯 湯底濃郁，豬肉份量也好多🥭 芒果奇異果沙冰 清新解膩，適合配烤肉飲🍢 烤韓式年糕 年糕外脆內軟，表面撒滿黃豆粉，口感好特別👍服務：店員態度友善，主動換烤盤同介紹食法，全程唔使自己操心，可以專心同朋友吹水同享受美食。✨適合朋友聚餐、想食韓燒但又唔想自己去燒嘅人 。‍…查看更多

今日同朋友出旺角電腦💻中心買完電子產品，二個都唔係咁肚餓，邊行邊睇吓有咩嘢食，去到盡頭稍靜的白布街發現咗呢間隱世爐端燒店！餐廳位置唔算搶眼，但晚市時分已經坐滿七八成，好彩我哋早到一步唔使等位。入到去離不開食串燒啤一啤🤗1️⃣ 鵝肝多士 $ 68必點推薦！鵝肝煎得外脆內軟，入口即化嘅油脂香配上烤得香脆嘅多士，邪惡度爆燈！2️⃣ 鹽燒厚切牛舌芯 $ 58真心驚艷！厚度十足之餘，燒得恰到好處，表面微焦，內裡保持juicy。咬落去爽彈得嚟又充滿肉汁，簡單用鹽調味已經帶出濃郁牛香。3️⃣ 汁燒日本黑豚五花腩 $ 42肥瘦相間嘅五花腩燒得焦香，特製醬汁甜鹹適中，肉質軟嫩唔柴。4️⃣ 安格斯牛肉他他燒 $ 148牛肉愛好者必試！優質安格斯牛薄切後調味，配上脆蒜片，蔥花同蛋黃，口感層次豐富。牛肉鮮甜唔腥，調味恰到好處唔會蓋過肉香。5️⃣ 大蔥雞肉串 $ 28 & 翠玉瓜 $24雞肉串燒得嫩滑，大蔥清甜解膩；翠玉瓜保留到水分，表面撒上木魚絲，簡單好味。6️⃣ 味噌大腸 $ 38驚喜之作！大腸清洗得乾淨冇異味，燒到外皮香脆，配上濃郁嘅味噌醬，送酒一流。7️⃣ 季節時令壽司七貫 $158當日師傅發辦，有油甘、中拖羅、帶子、甜蝦等，全部新鮮鮮甜，值回票價！🍺 飲品： 三得利生啤 Happy Hour時段買一送一！$ 58就有兩杯，抵到爛！啤酒冰涼順喉，配串燒簡直一流。店面唔算好大，但吧台座位舒適，有傳統日式居酒屋氛圍。服務員態度良好，跟客人有傾有講，上菜速度合理。如果想有私隱度，樓上還有幾客雅座。…查看更多

今日同同事去咗啟德零售館行，見到甘近airside ，順便試吓人氣日式茶主題餐廳嘅Nana's Green Tea！餐廳環境開揚舒服，木系裝修加上柔和燈光，好適合打卡同慢慢chill 下～ 📸🍜【海老蕃茄豆乳烏冬】$128湯底好驚喜！豆乳嘅濃滑同蕃茄嘅微酸好夾，飲落好順口～ 烏冬彈牙掛汁，每啖都食到豆乳香。海老大隻爽口，加上啲蔬菜配料，整體好清新，適合鍾意淡口味嘅朋友！👍🍚【明太子大葉豆乳芝士意大利飯】$148明太子嘅咸香同芝士嘅濃郁完美融合，每粒飯都掛滿creamy豆乳醬汁，仲有紫蘇葉嘅清香平衡膩感。旁邊嘅麵豉湯就正常發揮，不過跟set抵食～ 😋🧋【凍抹茶牛奶雲呢拿軟雪糕朱古力脆脆】$52抹茶控必點！抹茶牛奶茶香濃而不澀，雲呢拿軟雪糕滑溜，撈埋底層嘅朱古力脆脆一齊飲，口感層次超豐富🍫🍧【凍焙茶牛奶白玉焙茶雪糕】$52焙茶風味突出，茶味醇厚帶微微烘焙香。白玉煙韌有嚼勁，配上焙茶雪糕同冰涼焙茶牛奶，簡直係完美組合！呢杯甜度剛好，推薦俾鍾意濃茶味嘅朋友❤️🍨【焙茶生朱古力芭菲】$98 賣相超靚！頂層係濃郁焙茶雪糕，中間夾住生朱古力同脆片，底層仲有茶凍同紅豆。生朱古力入口即化，茶味同朱古力平衡得好好，一勺挖到底一齊食超級滿足😍🍧【黑芝麻白玉芭菲】$88 黑芝麻香氣爆炸！芝麻雪糕濃郁綿密，配上煙韌白玉同脆脆玄米，仲有滑溜芝麻布甸。每啖都係芝麻盛宴，鍾意芝麻嘅朋友絕對要試✨總結：食物質素高，尤其推薦佢哋嘅茶類飲品同芭菲！價錢中上但份量足，環境舒服，適合姊妹傾計或者一個人嚟享受茶時光。下次會想試埋其他抹茶甜品～ 🙌…查看更多

作為全港首間韓國自助餐，整體體驗令人驚喜。食物選擇豐富多元化，尤其是多款韓國直送海鮮和地道菜式，質素對得住價錢，喜歡韓國菜的朋友絕對不能錯過。適合朋友聚餐、家庭聚會、情侶約會、喜歡韓國菜和想一次過品嘗多款韓式美食的朋友們。 餐廳空間十分寬敞，至少可容納多達250人，空間感十足。作為自助餐廳，取餐區域設計合理，不會感到擁擠。裝修簡潔現代，帶有韓國元素。服務方面，員工態度友善，換碟和收拾桌面的速度也很快。食物區域種類多元化，每一個小區嘅食物品種多不勝數，簡直心花怒放。真係想每一款都試勻晒😋1. 海鮮及刺身區（回本之選！）這裏的醬油蟹、醬油蝦和醬油八爪魚都是韓國直送，鹹鮮甘甜，蟹膏豐腴，蝦肉爽彈，絕對是必食之選，多吃幾隻已經值回票價。此外，還有石斑、三文魚，鯛魚及吞拿魚腩等刺身，新鮮度不錯，厚度切得適中。2.湯類湯品也有4至5款可以選擇，包括人蔘雞湯，牛骨年糕湯，辣豆腐湯，酥皮湯等。3. 經典韓食區 充滿了地道韓國風味．韓式拌飯：8至10款配菜，任君選擇自由配搭。． 韓式燉牛肋排：牛肉燉得十分軟爛入味。· 韓式滷豬腳：膠質豐富，口感Q彈，配上生菜和醬料一點也不膩。· 韓式粉絲：香氣撲鼻，鍋氣十足，煙煙韌韌，非常惹味。·生牛肉他他：口感爽滑，牛肉新鮮。· 魚糕和炒年糕：煙韌可口，辣汁正宗。· 燒雞髀/燉雞：雞肉嫩滑多汁。．韓式餃子：保存在蒸籠裏，熱辣辣，皮薄多汁．韓式炸雞：提供甜辣炸雞及香蒜炸雞，無骨、粉漿薄脆，雞肉醃得入味，即使放涼了口感仍然香脆。4. 壽司與軍艦 雖然是韓國自助餐，但這裏也提供了超過50款的壽司、壽司卷和軍艦壽司。味道有別於傳統日式壽司，但款式精緻，飯量不會太大，不用擔心太容易飽肚。5. 甜品與飲品 · 甜品：有10多款韓式雪條和Gelato，自製韓式雪花冰，蛋糕及水果等。還有即烘窩夫、牛角包和鹽味麵包等，窩夫外脆內軟，配雪糕一流。別忘了留點肚子給它們。· 飲品：選擇非常多，有韓國直送的熱茶、咖啡、特式果汁和汽水飲料等。以這個價錢能任食，性價比相當高。相比起單點韓國餐廳，這裏可以用同樣價錢嘗試到更多不同款式的菜餚。…查看更多

今日同朋友去咗旺角豉油街新開嘅「鳳園雞煲火鍋」打邊爐，呢間來自內地嘅連鎖品牌以「靚雞煲靚湯，營養又健康」為宗旨，主打多款特色雞煲，比我預期中更有驚喜！環境同服務餐廳樓高3層，以木系裝修為主，環境寬敞舒適，坐得舒服唔侷促。每張枱都設有傳熱電子爐，使用厚身保溫瓦煲，感覺乾淨衛生。服務方面，店員態度友善，會主動幫忙處理雞煲，等客人可以坐定定等食。嗰日我哋試咗佢哋嘅🐔 五指毛桃脆皮雞煲（$228）呢個係佢哋全港首創，呢點已經夠特別。雞隻選用養足300日嘅果園雞，肉質緊實爽脆，雞味濃郁。同一般燒雞嘅脆皮唔同，佢嘅雞皮係爽身口感，淥30秒就食得，去哂骨，啖啖肉超正。湯底用上五指毛桃這種祛濕養生的藥膳，每日新鮮熬製，湯底醇厚甘甜，唔似坊間用藥材包上桌先煮咁淡薄。淥埋雞後，湯底更多一層雞油香，越熬越香濃，我連湯都飲咗幾碗。雞肉吸收晒湯汁精華，外皮爽身，肉質嫩滑，值得一讚。🥩 優選肥牛（$128）肥牛分精品、優選、特級三個級別，我哋揀咗中價位嘅優選。油脂分布平均，淥幾秒就熟，入口嫩滑，牛味都算濃郁。配合湯底嘅清香，更能帶出牛肉嘅鮮味。🦐 蝦滑（$68）蝦滑用新鮮蝦打造而成，望落仲見到大大隻蝦溝埋打到滑方式拼合，以增加口感。食落結實彈牙，仲加埋蟹籽，口感豐富。建議唔好淥太耐，保持其爽滑口感。🐮 潮汕牛筋丸（$48）潮汕牛筋丸一向出名，呢度嘅都唔例外。咬落去爽口彈牙，牛味濃郁，而且唔會黐牙，仲會爆汁㗎，要小心食。🍚 臘味煲仔飯（$118）煲仔飯即叫即做，需時約30分鐘。選用正宗廣府臘味，搭配軟糯香甜芋頭，底部有金黃香脆飯焦，鍋氣十足。店員會主動幫忙落豉油、起飯焦，服務周到。醬油係精心調配，味道恰到好處，為成個飯提升不少風味。下次再encore試埋佢哋招牌嘅竹笙椰子雞煲同橄欖脆皮雞煲。…查看更多

小城大廚坐落於觀塘工業區心臟地帶，雖然隱藏在工業大廈內，但晚市時分總是門庭若市。餐廳保留了傳統大排檔的裝修風格，牆上掛著手寫菜牌，充滿地道風情。環境雖然不算豪華，但整潔乾淨，通風系統良好，不會有油煙積聚的問題。晚市時分人聲鼎沸，氣氛熱鬧非常，適合喜歡熱鬧氣氛的食客。如果是追求寧靜用餐環境的話，建議選擇平日晚市剛開始的時段。🥩 蜜椒薯仔安格斯牛粒 [$138]這道菜絕對是必點之選！安格斯牛粒煎得外焦內嫩，肉質鬆化且肉味濃郁，蜜椒醬汁香甜中帶黑椒的微辛，非常惹味。最出色是薯仔，先蒸熟再炸，外面香脆內裡軟糯，沾滿蜜椒汁後非常美味。份量足夠，牛粒數量也不少，絕對真材實料。🐷 酥炸豬大腸 [$98]這道菜處理得相當出色，大腸炸到剛剛好，外皮微焦帶勁脆，裡面處理得幾乾淨，沒有什麼肥膏。吃起來香口而不油膩，配搭甜酸醬更加開胃。雖然是油炸食物，但不會感到膩滯，令人一條接一條停不下來。🍆 魚香茄子煲 [$88]魚香茄子煲煲氣十足，上桌時還在滋滋作響，香氣撲鼻。茄子煮得軟糯入味，肉碎份量也不少，醬汁鹹香帶微辣，非常好下飯。雖然這道菜相對較油，但正是這種風味讓人無法抗拒。…查看更多

最近同朋友去咗銅鑼灣嘅 香馥樓 試下佢哋嘅二人套餐✨ 擺盤有心思，整體感覺走精緻路線🤩我哋點咗 「夏日二人套餐」（$500），份量啱啱好，菜式以清爽同新意為主，當中有幾款都有驚喜～香煎蓮藕餅外層煎到脆卜卜，咬落去裡面有粒粒蓮藕脆感，整體幾特別但唔算驚喜。🥒 青瓜海蜇頭清爽解膩，海蜇爽口彈牙，青瓜冰冰涼涼，好啱夏天食。🥚 子姜皮蛋凍睇落好精緻，入口啫哩質感，裡面有皮蛋味幾突出，口感幾得意。🍳 黑魚子煙燻流心蛋呢個幾正！蛋白滑溜，蛋黃流心又香，魚子增加咗少少鹹鮮感，幾有層次。🍵 紫砂功夫燉湯最驚喜之一 ✨ 用茶壺盛住再倒落茶杯仔飲，好有心思。雞湯味濃郁，入面有瑤柱、人參、雞、瘦肉、龍眼同海螺頭，暖笠笠又滋補，好飲！🥬 金鈎蒜蓉蒸勝瓜勝瓜好 juicy，但味道偏淡，蒜香突出，如果口味重啲嘅人可能覺得太清。🦆 香馥秘製脆皮燒鵝必試！皮真係脆，咬落去有聲，鵝肉瘦身但唔乾，冇騷味，配埋醬汁一流。…查看更多