l0fu的个人专页

今次去試一間新開既黃店。11月開張，12月9日都有罷市，而聽聞老細個個人FB都好黃下。間舖對住窩打老道大馬路，對面係九龍華仁球場，後面係煩囂既旺角鬧市，但坐低左竟然可以咁寧謐，簡直係沙漠中既綠洲。坐低做野，同朋友閒聊一流。新舖感覺就是爽。有咖啡又有酒飲。聽店員哥哥講附近唔少老師啊醫護啊幫襯，無計啦廣華附近都無個地方有好咖啡，聽聞有個老師放左學黎一邊飲啤酒一邊改簿$42 Café Dark Mocha（L)+$18 新鮮出爐牛角包濃濃黑朱古力味係幾香既，不過飲到後半發現好多粉無溶到，最後果啖成口漿住。牛角包新鮮熱辣，又酥又香，店員用左個紙杯裝住，方便我唔駛揸到成手油淋淋，不過啲碎都係跌到成條褲都係。…查看更多

第30個post就出啲架勢啲既先，我指個店內裝飾。一入到去見到兩邊有好高質既壁畫，內容都係時代革命主題，加啲貓？黃店既原因揾唔到好多，但門口貼住不招待警察。$50 海南雞飯午餐包菜包湯包野飲，都幾抵食。不過啲伙記既態度比較raw啲，我見有枱客好似有啲火藥味咁。？…查看更多

元旦遊行，無理被腰斬！聽聞維園好多人企左3/4個鐘，係到聽民陣戴頭盔同播歌。唔緊要！一日香港人未死，一日要人都會出黎！葵廣果個角落近期多左好多小食店，曾經有啲真黃假黃既謠言，都幾真假難分架，要做好功課。Chok雞唔止出面貼滿連儂，擺義賣，仲有捐錢比立場，IG同FB都睇到佢立場好鮮明。搞笑既係港中大戰果日佢賭波：守和就平9折，贏波7折。$40 A餐 （4雞翼2雞件2雞鎚）$20 薯條炸雞自己揀落咩粉落幾多，個人覺得最好味係避風塘蒜香，溝埋紫菜同孜然又幾好。薯條未炸透，入面濕淋淋，外面唔上粉。…查看更多

落開藍田探個朋友，佢話呢頭只係得一間真黃店，食壽司既，問我制唔制。咁我好明白係藍田咁藍既地方，開大道門做黃生意係難既，呢區無咩選擇都可以理解。雖然我唔係咁好食生冷野，但過去支持下都要啦。一間細細既舖面入面企住三個黑衫叔叔，面門好多黃貼紙啊文宣咁，正中間有一個記者figure，好型！佢早由612開始已經瘋狂罷市，11月西灣河果次出post講睇到新聞唔開心。同香港人企埋一齊，我地都會同佢企埋一齊！$44 芝味加拿大海膽手卷$38 芝C卷海膽鮮甜，芝士味好香，食到落最底一啖飯都仲有芝士係到，正！見佢連舖名都叫芝C，知佢主打芝士就嗌個芝C卷。可能食完海膽再食佢，好食但無咁大驚喜，不過都好足料。無端端係腰間竄左一個小妹妹出黎，佢拎住張廿蚊紙細細聲講唔該蘋果綠茶。黑衫叔叔第一次唔係咁聽得清，問妹妹係咪要xxx啊？見小妹妹無扤頭確認，又口擘擘細細聲講野，叔叔即刻走去收銀bar枱閘門下面個窿到捐個頭出去，好耐心温柔咁問小妹妹想要咩。真係估唔到叔叔原來係個暖男。好人一生平安。…查看更多

一芳係今次事件都係一個傳奇。85三罷果日，一芳有部分門店都有參與罷市。然後一芳微博係下午用殘體字告示：堅決維護一國兩制反對罷工，話同違約既門市已經採取解約既法律程序。去到夜晚，一芳香港總代理係FB澄稱：公司只有經營FB同IG專頁，並無任何微博帳號，微博上既一切言論都同香港總代理無關；並尊重所有加盟分店既個人政治立場，堅信香港係可以包容多元意見，自由同開放既地方。果晚大家都搲晒頭，一芳兩制，講咩都得邊夠你玩。事發咁多個月，相信大家都有眼見，邊間分店夠堅持表態。朗豪呢間啲連儂貼到離遠都見到，有啲都寫得幾熱血。$22 熱鹿野薑茶雖然呢個冬天唔太凍，但有杯熱飲暖下胃又幾好喎。—————Boxing Day果晚，好多手足出旺角行街，朗豪一芳仲現場派珍奶…查看更多

旺角食沾麵佢真係出晒名。成幅牆都係同人作品，一張張漫畫風真係目不暇給。10月1日休息一日比員工罷工去遊行，雖然遲左啲，同埋得一次，但都有心架喇。晏奏排隊要等十令個人，不過係門口就比顧客落左單先，入到去好快就有得食，所以人流都算快。$85 魚介豚骨焙煎黑芝麻沾麵黑芝麻味好濃，但唔覺咸啊口乾咁。師傅講明麵量比正常係多1.5倍，食晒又真係會幾飽。肉粒比較少，下次我應該要加肉。留意返，佢晏奏食沾麵，夜晚係食拉麵既。…查看更多

口痕痕想食漢堡，落到荃灣打開和你eat揾下。呢間burgerland個簡介好簡單，但感受到佢真係深黃，睇佢facebook就知佢由612開始罷市罷到好忙。舖頭無啲咩黃色記認，但有好真摯既店員，大多數都係大學生parttime。Lunch有set提供$73 美國豚肉菠蘿漢堡 + 沙律 + 水果茶漢堡好高質，個包乾身軟熟，菠蘿唔會太甜搶味，個汁分量岩岩好，唔會食到成手都係。水果茶既感覺好似去左一芳飲咁，少少酸唔太甜，又有唔同水果片。…查看更多

食慣左龍門，今晚想試下登龍街其他黃店。呢間車仔麵個樣好新潮，舖面空敞，霓虹燈招牌吸引人注意。一大塊落地玻璃，但好細心咁係窗邊bar枱位加左磨砂，食客既食相唔會出到街。和你eat用左一大段文字去講佢點解黃，由雨傘已經係深黃，我信！餸啊麵啊每樣野$10，最低消費$38。$40 我嗌左咖喱牛栢葉+魚皮餃+鹵水鴨腎+米粉湯底係一絕。叫左咖喱辣，佢比左一羹仔醬，但果一羹醬完全令碗湯好值得飲！每一啖米粉我都要浸一匙羹湯送入口。辣係幾辣，但食到停唔到口！牛栢葉又好入味。咁高質既車仔麵，價錢係銅鑼灣黎講又唔算貴喎！…查看更多

返黎銅鑼灣，其實周街都黃店。食完晚飯比較夜又想飲杯野滿足下，唔少台式飲品店都閂左，唯獨木衛二收11點。派水、罷市、捐星火、義賣，位於怡和街既佢每次遊行都會同香港人打打氣。十月飲食男女報道有出佢，黃色經濟圈真係有用架，佢話多左四成生意。咁佢啲茶係幾好飲既～$34 奶霜藍伯爵 微甜奶霜香甜，唔似外面果種濃烈，唔會搶到茶味。奶同茶既比例調得好準，茶揀微甜岩岩好。佢個連儂打卡位真係不得了，較晒射燈咁，唔影真係對唔住佢。…查看更多

呢間黃店幫襯過幾次，每次都唔記得寫食評。成間舖都貼晒文宣，早係6月已經好投入反送中。8月903播還我們公義，佢間舖全日播。fb見佢出post派水同暗示請手足。老細仲整左唔文宣貼紙果啲隨便攞。佢啲野飲好特別，出面飲唔到。你唔會揾到珍珠同奶茶，但佢有榴槤、白咖啡、梳打同沙冰，飲完無痴肥既罪咎感覺。最近佢改左menu，多左爆谷、關東煮同飯糰，亦發現限時枇杷膏系列，就試一試佢。$34 枇杷膏梳打本身枇杷膏咪有種涼喉既感覺既，冰凍梳打絕對係將呢個感覺昇華。飲完成個喉嚨好潤，希望無咁易賴武漢野啦…查看更多

被代表真係好慘，相信大家作為無得選特首既香港人係完全明白。旺角呢間元朗鬼巴士既特許經營店，受到藍田果間同名藍店既污名影響，比各位誤會。最近佢ig出post澄清，講明同藍店絕無半點關係，自己係6月已經好堅定咁反送中。$39蚊一份細雜錦有牛栢葉、豬耳、生腸、火雞腎、紅腸、豬頭肉等等。我相信佢個日有咩貨多就比咩多，因為我成三分一都係牛栢葉！但！超！好！食！啲栢葉爽到呢～冰凍得黎又唔雪，甜醬加芥辣又係一絕！…查看更多

2019年無一件事值得慶祝。呢一年既主題係轉變。對好多事我都改觀左：原來理想既生活一唔堅持就會無、原來人既一生可以突然就完、原來留得低係咁值得珍惜、原來香港人求生意志咁頑強。從來都唔鍾意迫人既我，今年選擇左走上街頭，倒數。出到尖沙咀，望住光榮條隊，一睇就知排隊排到倒埋數都未食到。好多人唔知厚福街既藍馬商廈入面都有好幾間黃店。去左一間叫草民既樓上cafe，有個仿草地既Setting，唔講以為係食草架添。8月開始表態支持香港人，罷市、開放空間休息、義賣文宣產物，最近仲請手足。$128 蒜香銀魚柳蓉蜆肉扁意大利麵$92 烤雞芝士墨西哥夾餅$146 慢煮BBQ美國豬肋骨$48 孜然香辣雞翼$60 香脆酥炸魷魚圈所有野份量比較細，味道幾好。Que餅夠芝士味，豬肋骨都好嫩熟但我覺得個汁無咁酸會好啲，而孜然雞翼炸完雞翼上面撒少少孜然粉就算，略嫌hea左啲。食完，睇下啲義賣貨，揀左套postcard同張揮春。香港既設計同藝術真係唔講得少，其實如果唔係比市場扭曲左，應該會大紅大紫。睇完，夠鐘出去。致一班倒數會催拍既真香港人10 9 光 復 香 港 時 代 革 命…查看更多

又再黎到觀塘行下，宵夜時段東廣場啲食肆差不多都閂晒，係得返幾間。橫濱水手門面好多黃裝飾，又加油又燈籠又榮光歌詞。又派水又捐錢，睇黎老細好支持抗爭運動。餐單選擇多多，不過我始終都係太夜，老細閂左爐，得返啲唔駛處理既食物。咁我嗌左盒刺身$28 4片北寄貝$35 3片吞拿魚刺身有少少冰味，不過價錢親民。其實我最想試下佢啲手卷。…查看更多

有晚黎到觀塘想食清清地，打開和你eat咁岩又見到間燉湯專門店，睇下個menu，嘩仲有蒸飯添，岩晒口味。但幫襯之前都要做下功課fc下，915罷市，okay唔算最早果批不過我接受。咦仲有學生$1雞髀飯，得，肯投資係社會未來棟樑就係支持香港，即刻仆去幫襯。佢晚上6點打後嗌個湯就可以加$10嗌一款食物，原價$30既蒸飯都得。但我仆遲左過去，已經無晒排骨飯，咁唯有試下個滑雞啦。$58 花旗參烏雞排骨燉湯+$10 北菇滑雞飯又真係幾清甜甘香，簡簡單單一餐飯，呢啲先可以日日食！…查看更多

有個德國朋友黎左，當然要帶佢試下香港啤酒。一諗就諗起Woft，好多本地啤都有賣。上和你eat睇，佢都有罷下工，雖然係11月先有，比較後知後覺。嗌左枝陳皮啤同花鵰同南雲，手工啤飲落係有啲玩味，但我地最鍾意都係南雲既清幽茶味。3點閂門，好似係附近最夜一間。…查看更多