tanner pang的个人专页

又一間手作珍珠，而且可以走冰嘅手搖飲品店。已經飲過幾次，今次叫咗個大奶蓋錫蘭紅茶加櫻花珍珠走冰半甜（700ml）， 佢茶味香濃， 配一層厚厚嘅奶蓋，奶奶地又咸咸地，另外都比左好多櫻花珍珠，QQ的，粒粒分明，似係用平時烘焙店買到嘅鹽漬櫻花整嘅，咸咸甜甜同時有好微妙嘅櫻花香味，出奇地好味！為左每一啖都有奶蓋，紅茶同埋櫻花珍珠，每次飲都要將枝飲管拉到最高，之後慢慢啜落去，好鬼過癮😋@852whatever…查看更多

當唔係好肚餓但又想食少少野，飯糰係一個好好嘅選擇，細細地但又有飽肚嘅感覺！今日介紹呢間有好多唔同味道嘅飯糰，紫蘇梅子飯糰係我嘅favourite， 佈滿梅子碎同紫菜碎，係健康嘅味道！當然如果用完粒梅子會更開心:-P 仲有好鐘意佢係室溫而唔係凍冰冰的，入口更加容易！其實如果胃口好啲可以叫兩個飯糰加一件炸物，先$28好抵食😘…查看更多

叫車仔麵個汁好重要，試左雲南酸辣汁，好開胃，鐘意佢多蒜， 有啲似泰式鳳爪嗰隻汁，點餸食一流，但送麵嘅話就差啲，感覺差左啲肉碎嘅香味！我總共叫咗四個餸最吸引嘅係辣汁豬肺， 軟軟嘅又冇腥味！ 白榨餃皮有啲厚煮得唔夠熟， 鮑汁蘿蔔好入味 ，超厚冬菇雖然厚同炆得夠淋， 不過無咩菇味！米粉口感煙煙靭靭， 好似細個阿媽成日煮早餐嗰隻東莞米粉！呢間車仔麵勝在款式多同啲餸好特別，而且份量足夠！…查看更多

見到有至愛嘅豬腩肉即揀！即叫即整，入口熱辣辣，用左好好味嘅ciabatta做包底，烘到岩岩好，外面少少香脆內面軟熟👍🏼慢煮豬腩肉好厚肉，每塊都係半肥瘦好平均，應該係用秘密嘅魯汁煮，非常夠淋同入味，入口即融，客人點左，會再煎一煎，好juicy！配料亦都有用心配搭過，加左青瓜片同蘋果片，非常解膩，食左都唔覺有罪惡感😂當然唔少得Bap應有嘅西生菜同椰菜啦，有肉感得黎有爽脆嘅口感！認真唔馬虎，下次一定要試埋其他包🔥…查看更多

同事不斷推介呢間主打魚湯米線嘅餐廳，所以點都要試下！叫左 鮮魚片蛋花米線番茄魚湯底，一上枱聞到香噴噴，見有好多魚片同蕃茄，忍唔住即刻食！點知聞落香，食落淡而無味，如果無添加味精都應該有蕃茄同魚嘅鮮味，蛋嘅香味，但唔知點解咩味都無....米線煮得有點太淋，可以加分既唯有係份量大，食得飽😞@852whatever…查看更多

叫左杯半糖微冰嘅紅柚松柏烏龍茶🍹，飲落每一啖都有紅柚肉，不過如果衣嘅比例少啲就好，始終有層衣唔係咁好食又澀澀地。茶味濃得黎唔苦，跟半糖岩岩好，甜啲就應該會蓋過茶味。雖然叫左微冰，但係好似仲係超冰···夏天飲解渴一流👍🏽 …查看更多

今日黎到中環上完瑜伽班感覺良好，覺得要繼續chill落去，所以去左Coco Espresso坐下，叫左煙三文魚Bagel + 細Flat White。 S.Salmon & Onion Bagel 🍞 Bagel 上有芝麻同poppy seed,熱辣辣咬落香脆，仲有bagel應有嘅煙靭質感同淡淡嘅麥芽香！ 再夾有至少有兩大片嘅Smoked Salmon，咬落啖啖肉， 但煙燻味可以重一點！中間仲有一層厚厚嘅Mixed salad ，當中最出味嘅係 rocket leave，如果佢分佈得even d 就perfecto啦! 另外洋蔥可多少少 ，佢仲搽左個醬，但食唔出係咩，Overall個bagel係好味嘅！ Flat white☕ 帶有有少少水果嘅甜味，唔似一般咖啡roasted 味咁濃，奶味唔會太重，易入口 ！申利：我不是專業咖啡品評師😋 仲有一樣野令我好upbeat嘅係佢有個大大嘅Marshell喇叭，再播住Indie Rock嘅歌，成個感覺好好💫@852whatever…查看更多

之前去香檳大廈睇相機都唔知原來地下有間星座冰室。見到大都酒店水牌入去落樓梯轉右就係星座冰室。短短嘅路程感覺好似入左時光隧道咁，周邊殘舊得黎好地道，裏面用吊落黎嘅風扇，再配奶白嘅燈光，望住碗麪，啲影閃下閃下咁好治愈。一坐低就叫左碗蕃茄撈蛋麪加五香肉丁 ，一上枱睇落好似粟米肉粒飯，因為成個表面都係蛋，即刻撈撈去，五香肉丁比得幾足，但蕃茄肉就唔係好夠，所以食落無茄味，蛋味好濃郁，如果落多少少五肉肉丁嘅油會再香啲，仲有佢地用出前一丁，煮得較軟身。雖然佢無乜茄味有啲失望，但其實都已經幾好味，連湯底都飲埋！下次要試埋佢嘅純茄底加！@852whatever…查看更多

約左成個禮拜先食到Seoul Bros，其實無咩research，本身諗住只係普通韓食，點知原來係韓式快餐，驚喜重重，又夠飽肚，一定會再返去食！Bibimbap Tuna w/cheese 吞拿魚芝士飯🍚 佢好多layers，有撈咗沙律醬嘅吞拿魚，泡菜，白飯， 仲有芝士，芝麻，蔥同paprika 做topping， 食材簡單但係非常搭，而且配料同白飯嘅比例岩岩好!Tofu Banh Mi 豆腐三文治🌮 同bibimbap一樣配料好多，有驚喜嘅係有酸蘿蔔絲好開胃，另外用嘅係大大塊嘅豆腐， 而且雖然有一定份量嘅醬汁，但係個包仍然都好香脆，好味！Spicy Corn Salad🌽 辣粟米沙律 雖然係side，但一啲都唔馬虎，除左有蔥同洋蔥，仲有 jalapeno，辣得好微妙！Cheese Fries🍟 芝士薯條 粗薯條得黎炸得皮脆，唔簡單！Seoul Ade🍋 招牌lemonade， 唔會好似平時罐裝嗰啲咁甜牙牙， 加咗檸檬同薄荷葉，少少frizzy，感覺好refreshing！不得不提Seoul Bros 服務一流，去嘅時候full house，floor staff得一個，但佢忙得黎仲好好禮貌。薯條要遲左出，出時佢仲同我地講sorry，可能只係門面野，但已經好夠！@852whatever…查看更多

熱熱地突然想食乳酪雪糕，喺銅鑼灣緊係食Crumbs，讀書時代都係食佢！叫左佢個 signature香脆碎糯米糍芒果超級杯，前幾啖食落似普通雲呢拿雪糕，係個餘韻先有返少少乳酸味，撈埋芒果同香脆碎酸酸甜甜好味好多！但糯米糍唔係煙韌qq個隻，比較軟淋淋，麻麻地....…查看更多