anotaa的个人专页

本身收工晚餐諗住求其搵間嘢食，見呢間個門面雖然唔算吸引，但因為我同朋友都想食養生啲嘅嘢， 所以就照揀呢間。本身我就冇乜期望，但求唔難食， 結果呢間出奇地好食，以佢呢個價位黎講真係好抵😆👍🏼醉鵪鶉蛋 $38正常味道，當小食食ok，雖然有啲驚食咁多粒會膽固醇超標🤣砂鍋雞湯翅配刀削麵 $70上枱嗰陣啲湯仲係滾住🔥啲雞嫩滑,有雞味 （當然唔係最頂級嗰隻美味，但喺香港算係唔錯嘅質素）。雖然我唔知啲翅係咩翅，但食落真係有魚味，以呢個價錢嚟講真係估佢唔到😮個湯底都好飲，同埋都真係幾似我平時自己屋企整雞麵嗰隻真材實料味，雖然佢應該有落味精，但食落感覺應該唔係落咗好多。砂鍋醉藥雞配飯$70雞都係同上邊一樣咁嫰滑，個湯印象有紅棗同木耳（其他材料唔記得咗🤣)。個湯嘅酒味同紅棗味都出，同埋佢啲紅棗係去咗核嘅，冇咁易上火，唔錯唔錯😄整體嚟講，晚餐兩個人食$200 都唔洗，仲要有雞有湯有小食，味道又唔錯(雖然感覺有落味精，但食物整體味道真實 ， 應該就算有落味精都落得唔多，呢個價位黎講絕對可以接受)。呢間性價比咁高嘅餐廳係香港真係算罕見， 幾年前我去燒味舖買隻雞髀拎走食都成$60-$70🫠我唯一希望可以改善嘅，就係希望張枱可以闊啲,始終啲砂鍋嘅湯好熱，張枱咁窄，其實好容易倒瀉，個人認為有啲危險，同埋會令人食得唔自在。Anyway 我得閒經開深水埗嗰頭都會再去幫襯…查看更多

朋友邀請下一試， 我最鍾意食嘅係要提早預訂嘅烤羊腿， 佢係整得幾嫰滑，但都唔係話令我想講好食，冇咩羊羶味🫢我覺得平時食個啲羊腩煲仲正 …另外，食咗老虎菜，佢係係酸酸地嘅沙律菜，都幾清新， 最正係有生洋蔥😁，但要一大匙擺啲沙律落口食先食到個種酸爽感， 唔錯嘅。羊肉薄皮餃子就真係做到薄皮，但一夾就穿， 味道都係ok而已，屬配料嘅陳醋反而仲正😂酸奶同杏仁羊奶凍ok,幾易入口，淡淡羊奶味，但無咩記憶點。Overall黎講,我覺得真係比較普通，羊肉好瘦（我偏好有啲肥肉），肉嘅調味偏淡，食唔到新疆菜應有嘅惹味感覺，而且羊味唔重（如果鍾意羊羶味嘅人應好失望）。 btw, 間嘢好多內地同胞食，可能只係間嘢口味唔多岩我啦🤣但佢拎過咁多次michelin 真係令我有點摸不着頭腦😅…查看更多

同朋友慕名而來，呢間餐廳好特別，只有一個餐-「肉眼排餐」可以叫，都幾有自信同大膽😎咁我哋就每人叫咗一份，佢嘅餐包好食，但外皮好硬下（可能係法包個類？），但內裏係好軟綿又香，配埋牛油is very nice.係我覺得全個餐入邊最好食😂佢地仲有沙律，調味得好食，但啲菜食落無sap sap 聲，口感欠奉，但味道上唔會令我覺得唔新鮮，令人驚喜係佢有啲nuts👍主角rib eye賣相係靚嘅， 牛味都重， 但以3成熟黎講， 個肉質都幾un 下。由於佢都幾大份，所以都咬到我哋懷疑人生 ...我哋一致覺得自己屋企煎個啲仲好食啲😅😂唯一想讚一讚係佢哋會用蠟燭幫舊牛肉保溫。啲薯條係任裝， 口感出色，脆脆地咁，但味道稍咸，食幾條就覺得好食嘅，但食多啲就覺得好咸，所以即使餐廳只幫我裝咗一次， 我都只食到一半。間餐廳裝修幾特別， 有種懷舊西餐feel 。最後，因為間餐廳會播歌同搖下樂器咁幫壽星慶祝， 我諗個晚起碼聽咗10次以上幾大聲嘅生日歌🤣所以想慶生嘅話可以考慮去嘅， 但唔鍾意嘈嘅人， 去前就要三思。…查看更多

第二次黎食了第一次同朋友食係藥膳排骨湯同花雕麻油雞湯， 味道正宗（份量再多啲會完美），所以今次再黎想試下其他餸， 發現原來佢啲炸嘢都正， 我最鍾意食甜不辣（但唔記得影相😵‍💫）， 真係有啲驚喜。至於滷肉飯， 我個人黎講就幾鍾意食， 因為佢食落係唔似平時好鹹個種，但可能有啲人會覺得唔夠鹹。佢飯個啲酸菜真心高汁， 夠酸爽嘢飲我揀咗少甜，但我就覺得偏淡，所以建議平時飲開少甜嘅朋友，可以考慮揀番正常甜度。我食個陣都幾多人下， 但佢哋服務態度都仲係好親切， 希望佢哋可以一直Keep 到呢個服務質素啦😆…查看更多

10/01/2020友人聚舊，呢次係我第二次黎呢到食，但今次因為我感冒😷， 所以只能食魚。我選既係盲槽魚柳配黑松露忌廉汁， 上餐速度算快。魚皮因為煎過同埋伴碟菜生冷所以我冇食到，但盲槽魚肉嫩滑， 黑松露忌廉汁既黑松露味都好夠，好彩魚底下仲有個薯蓉，所以都算夠飽既。　友人簡個d 我就冇試， 但望落去賣相都唔錯。野飲我就簡咗檸檬薑茶， 但唔覺有薑味。佢地最後叫咗個蜂蜜多士配雪糕， 一上桌就聞到好香， 好可惜我唔食得食滿$500， 就可以免費join 會員， 下次黎食就有九折， 生日月份食仲有8折添…查看更多

與朋友一起隨便行， 便選了祥仔食。店舖利用鏡做牆， 好有空間感。本身大家都想試廚師特選既菜式，好可惜個日停止供應🙁食物方面就中規中矩， 無咩特別,但個祥仔脆脆豬扒飯（$108）個豬扒炸得幾鬆脆，但印象好似有點偏鹹唯一有特別印象既係「小忌廉」飲品$48，賣相幾可愛， 可惜實物同相有點出入。佢係牛奶+忌廉加啫喱狀既野，都算好飲既（對於鍾意飲甜野既人）另外，值得一讚既就係侍應唔會催你走，上菜速度都算快， 態度都唔錯。…查看更多

本身見d 評語麻麻， 我都係帶住勇者既心態去試， 點知整體味道比預期好，令人有點喜出望外🤣個人最鍾意食佢個燒腩仔，入味得黎又唔會死咸， 搞到我係咁狂食。青葉金牌炒飯（$108）都唔錯，佢係海鮮飯黎，都幾足料 。但個排骨(套餐價）同椒鹽鮮魷（$48）就麻麻，無咩味...最難頂係個黃金流沙包（$19.8@3）， d 餡唔係流沙黎，係水狀，真係O曬嘴其他點心不過不失， 但平均都要$20-25， 烚菜一碟仔$38， 午市黎講價錢偏貴。不過晚市佢因爲新開張宣傳，推出好多抵食餸， 有機會都想試下至於環境，因爲新開所以都乾淨， 廁所無臭味而且有自動沖廁，而洗手都係有自動系統。…查看更多

本身想食尖咀一間好出名既拉麵，但因為太多人排隊，所以就放棄咗，去咗呢間。呢到既食物中規中矩， 但醉雞的味道令人驚喜！ 因為係香港，好難食到味道岩岩好既醉雞！ 有酒香之餘又食到雞香味， 1d 都唔嗆鼻平時食個d 通常都太勁酒味，完全唔知自己係食緊雞。 唯一敗筆就係隻雞有點肥，同d 肉可以再嫩口d~ 但味道係絕對令人想再試其他食物係偏淡，但唔係無味， 但可以落多小小鹹。油亦落好少，喜歡食得清淡健康既人可以一試。 食完亦都唔太覺得口渴。服務態度都ok, 價錢合理，整體不錯。…查看更多

mk 頭男侍應態度極之惡劣， 見人食下午茶就明明店仲有位都叫人搭檯（本身入座個陣冇叫人讓位，一聽到人叫下午茶就用差劣語氣暗指食平野就唔好阻住其他人食，去搭檯）另外，落order 既時候個男待應又串個客同語氣態度超黑人憎，亦落錯單送錯野食！ 餐牌推介既瑞士雞翼撈丁除咗面頭有小小味之外， 入邊同白烚無咩分別， 仲要d 肉勁老， 老實講，是但一間街邊檔整既都好食過佢 ... 個撈丁亦係無咩味， 好似水醬+麵咁， 好肚餓既情況下食都覺得好難食 ...連平時食開劣食既友人都一致認同難食， 最後只係勉強ko咗d 雞翼， 個撈丁真係無能為力。唯一可取既就係個豬仔飽，其他無論係服務態度同食物都可以用垃圾黎形容，搞到我去特登係到開個account 黎罵， 先見到原來有咁多負評， 好後悔無睇食評就貿然去咗食， 價錢又唔平…查看更多