footdi的个人专页

呢間安安燒算係九龍區比較出名嘅燒烤鋪，裝修門面算係幾有特色，但一入到去，就覺得好逼夾，坐得好唔舒服，無奈朋友想試冇辦法啲嘢食都幾貴，嘢飲都收得貴過人叫咗個前菜麻辣豬耳，豬耳好硬，又唔入味，都唔知咬緊啲咩，辣味還辣味豬耳還豬耳咁叫咗好多串燒，有雞肉 牛舌 雞翼 羊肉 韭菜翠玉瓜 茄子 冬菇 娃娃菜，仲有好多好多但係食完同朋友都一致覺得所有串燒都係一樣味，有d好笑😓總括來講，唔會再食，又貴，每人3百幾蚊，完全唔值，仲要係集團式，怪不得…查看更多

今日好想食日本野，下午辦完事見到沙田呢間餐廳，外貌都幾靠譜而且仲有優惠午餐，所以決定試一試啦！呢間日本菜行高檔路線，原來都有10幾間唔同類型嘅分店，有啲分店嘅日本菜仲更加高級，走廚師發板路線！睇到餐牌已經流晒口水今日就試咗個天婦羅壽司定食套餐有前菜沙律，中華沙律，蝦天婦羅🍤蔬菜天婦羅，五件壽司同一個熱烏冬！賣相都10分吸引！個烏冬煮得10分好，軟硬適中，湯夠熱，味道都好好天婦羅都唔錯，外面層炸粉好薄，食落口唔會一團粉不過個蝦天婦羅就稍為遜色一咬入口就已經覺得蝦肉好霉，超級唔新鮮！食咗幾啖就冇食了！壽司質素都幾好，魚生大件，啲飯仲有手握嘅感覺，飯唔會太大舊下次會試更多唔同嘅套餐！可以Encore…查看更多

今日突然到銅鑼灣做野，正諗緊中午吃什麼好，咁岩又經過玖五牛肉麵，之前睇新聞知道係賭王何千金開既，又有一眾名星撐場，咁今日就決定試一試佢先！裝潢幾好，光猛乾淨點左個最受歡迎既三色牛肉麵，有牛筋，牛肚，牛肉。賣相可以，但味道真係確實一般味道好淡，同平時食開既台灣牛肉麵都完全唔一樣，無香濃既感覺。淡味都算喇，咬落舊牛筋到入面仲係凍既個廚房係咪好趕時間？😂價錢又偏貴，都唔會再有下次了。唯一可以讚既就係個麵質都煮得幾好！…查看更多

食左譚仔都有十幾年了，每次諗唔到食咩都會去食！平時較順路會去譚仔，但今日就特登行多段路去食三哥譚仔。譚仔就食得多，三哥就比較少食，今日黎到，竟然有驚喜平時食日無貨食唔到既豬潤呢到竟然有呀！！仲有新出既特飲，叫左杯柑桔香梅，平時成日飲凍檸茶都飲到有d悶，呢個柑桔特飲唔錯！甜甜酸酸咁，食完辣最岩清新一下味蕾另外黎三哥最中意order 一人小食！一個人都食得晒，又平一半，真係十分好又唔浪費！見到仲有個燒茄子🍆新出，下次黎要試下先…查看更多

由細到大都好鍾意食車仔麵好耐好耐之前已經聽聞過銅鑼灣榮記車仔麵，但因為不是經常過海，所以都無試過，近日有朋友去食完同我講，一定要試！好喇，咁我放假就特登過海，原來真係唔會令人失望架下午去到，唔洗等位，入到去環境係懷舊式的，我認為食車仔麵除左食物既質素外，環境都好重要，反而新款既裝潢會令人食唔出舊式車仔麵既味道！款式好多，樣樣都想食，最後揀左個一麵五餸！豬紅好滑，好入味！雞翼尖既汁豬腸好鬆軟，鹵水汁好正！麵底煮得岩岩好！加埋辣汁真係好食到不得了食完呢碗車仔麵真係令你覺得好感動！真係好好味呀！！！以後要成日黎先…查看更多

行左一日街，突然好想食日本野，就即刻諗起佢！呢期香港都好流行立食壽司🍣好多我都食過，但呢間真係很不錯，我見原來都有好多明星推介，雖然價錢都有點稍貴，不過質素向來比較重要所以即使我行左成日街，對腳攰到不得了，我都係想食佢6點幾來到都已經要排隊喇，好彩唔洗15分鐘就入到😆同朋友兩個人都點左好多款，最喜歡佢的時令壽司，感覺上唔係成日都食到！係bar枱前食壽司最開心就係望住師傅整壽司，食到嘴邊啲飯仲係暖暖地架！超新鮮最愛的白子！建議早啲去食避開晚飯時間，試過要等45mins以上！…查看更多

聞名多時的浜燒老店今日終於有機會到此一嚐了！和朋友5人訂了7:30，店員好快就安排入坐，一坐低，真係有種令我身處日本既感覺🥰充滿日本既風格！野食既種類都十分多，岩晒最愛的魚刺身既我！我地點左一條喜之次😋好新鮮！仲有特別配搭既醬汁👍🏻魚既不同部位都食到唔同既感覺，唔會成條魚都一個味，滿分！食日本菜點小得刺身拼盤？海膽好新鮮，完全無苦澀味！我地仲追加左一份😂拖羅好鮮甜，唔會有根，入口即溶成盤都十分有驚喜！仲有最有名的燒海鮮🦞佢個燒蟹蓋不得了，仲加埋鵪鶉蛋，好特別，朋友們都一致贊同係食過最好味既蟹蓋！今晚呢餐飯好滿足，已經約定下次再來試多啲野食喇！😆…查看更多