Jellykaka的个人专页

香港人的忙碌。。。今晚正當小妹背負著疲乏又飢餓嘅身軀，打算搵最近自己，又想嘗試嘅食物時，就行到呢間店嘅門口，望入去小店，就感受到佢有歷史嘅痕跡不過，‘味道’ 有時候唔一定要靠華麗嘅裝修，精緻擺設嘅～～門口見到有好多燉湯款式，深深體會到一個人隻身在外，飲一盅熱呼呼的燉湯，一定好幸福於是，就衝咗入去一入店，和善嘅老闆娘見小妹充滿好奇，就介紹咗佢哋精心預備唔同款式嘅燉湯俾小妹知道，小妹諗咗一陣，就點咗一個套餐，入面包括一盅燉湯、一款主食 + 一款小食，小妹就點咗盅圓肉燉花膠湯，芝士麵同滷水四寶個燉湯，一飲落去，好感動～～因為好清好甜無任何味精～～而且仲充滿咗湯料，有圓肉、豬骨、雞肉、准山、杞子，當然唔少得花膠啦，滿滿咁塞滿個燉盅感覺就好似，返屋企媽媽第一時間遞碗熱湯俾你咁至於主食同小食，見到喺廚房用心煮食嘅老闆，同埋個滷水四寶嘅擺碟，雖然係相對平凡嘅食物，但係小妹就好似見到家人為自己煮出嚟嘅食物一樣，並唔想辜負心意和食物，所以全部都食清光P.S. 食嘢期間，見越來越多人入座，有唔少係小店嘅熟客，相信，大家都係感受到呢到俾到人樸實和溫暖嘅人情味所吸引，而留連忘返呢小店加油下次小妹再試唔同嘅燉湯同食物…查看更多

為食小妹終於出嚟覓食啦~~小妹介紹得嘅，又係自己去過唔止一次嘅地方話說，大雨滂沱，小妹飢寒交迫，入到冰室，隨即望餐牌，店員姐姐問我加唔加$10加湯同飲品，我諗到無諗就加咗，因為之前飲過呢度嘅羅宋湯，都唔錯，飲咗唔會有口渴感，今次就試佢哋嘅洋蔥湯，上湯嘅時候，小妹莫明感動，因為，碗湯滾熱辣㗎有幾多西餐廳都未必做到，讚之後，小妹食嘅帶子意粉，同樣係即煮即上，令到小妹嘅食指大動，就算係節食嘅諗法都拋諸咗腦後不過呢個份量就比較啱女生，男生可能唔夠食啦而煙三文魚沙律，個沙律落嘅醋同橄欖油剛剛好只係特色就唔係太突出，但擺碟都美觀嘅最後，小妹點咗杯熱杏霜，唔洗喺$10以外再額外加錢，仲大大杯熱辣辣，滿足附加咗一張之前喺午餐時間食嘅肉醬意粉圖，嗰次純粹偶遇，但係好欣賞佢，因為我未試過喺冰室會用心以兩種芝士放面焗㗎～～連小妹平時唔多食肉醬意粉，都食唔停呀，誠意推介俾各位用心去煮，食客係食得出㗎~~加油💪🏻💪🏻P.S. : 五月份無論午餐定晚餐，均有九折 (資料來源:收銀哥哥，可能係老闆)…查看更多

話說，小妹嘅幾位好姊妹幾個月無見，而姊妹們話好想食酸菜魚，由於香港搵地方可以好味嘅酸菜魚都比較困難，so far未遇到一間可以推介俾大家於是小妹不怕失敗地繼續尋覓，今次嚟到呢間見OpenRice 評語唔算太差，所以有期待，點知。。。小妹每次約食飯，都會揀一啲可以訂枱嘅地方，今次亦唔例外，但係，去到門口，就好似無訂過枱咁，見店員係咁放大枱入座，係唔俾小妹同朋友們，同自己walk in重新等位無分別，等待期間，對呢間店已經扣左唔少分數辛辛苦苦等到有位，上到去，座位仲迫過圖書館自修室，嘈過大排檔，令小妹直頭懷疑有冇符合消防條例。。。疫情底下，真心驚餐具嘅清潔度亦極有待商榷。。。落單叫食物，店員第一句：你呢張枱唔會有OpenRice discount㗎! 小妹同朋友隨即反咗一反白眼🙄️，心諗，邊有人諗住問你discount。。。小妹第一次覺得: ‘我點解會揀咗一個咁嘅地方？真係喺朋友面前失禮晒‘本來諗住，算啦，食物質素搭救，但係。。。小妹同朋友，除咗個炸雞軟骨係食晒之外，其他。。。唉。。。牛栢葉唔爽，皮蛋唔上味，辣子雞乾到咬唔落，酸菜魚亦普通。。。朋友還開玩笑的說：實係廚師輸馬仔無心機煮菜最終，喺唔之咩情況之下，我哋張單，又落咗個discount。。。是晚，呢餐晚餐，就喺一個唔太享受嘅過程下，完了。。。…查看更多

成日想發掘新地方嘅小妹，今次就想搵個地方同兩位男性朋友慶生，知道男士對於放工後，都想Happy Hour飲返兩杯再開餐，享受一下人生嚟到呢間前身亦係酒吧嘅”基地”，相信呢度亦係唔少尖沙咀返工嘅朋友聚腳地方，於是，緊係要book定枱啦~~店員嘅服務不錯，亦有推介咗一啲新鮮嘅食物，我哋就試咗個青口，肉質彈牙，不過朋友仔就覺得略為鹹咗一啲，其實如果食材新鮮，尤其係海鮮，可以考慮一下少落啲鹽已經好Perfect了~~值得一讚嘅係，佢個Pizza~ 無得輸呀~材料自己配搭，即叫即焗，係小妹成晚最欣賞嘅菜式而飲品方面，小妹就覺得不過不失，不過Happy Hour 買一送一，同朋友都好enjoy呀，另外order 甜品幫小妹寫字，我覺得已經好過好多店，有啲店本身無甜品個又要收切餅費嗰啲，真係令人頭痕㗎。。。。同朋友過咗一個開心嘅晚上P.S. 食前唔知原來店內係有食水煙。。。 小妹本身氣管唔好，對呢樣嘢有啲敏感，所以大家可以先衡量一下啦…查看更多

其實朋友聚會小妹一向比較喜歡搵坐得舒適一啲嘅地方，尖沙咀小店有時候怕會有一種壓迫感，但今次朋友推介一家韓菜店，實在太想念出國嘅感覺，所以感受一下氣氛都好呀到達的時候朋友已經率先攞咗座位，感覺好幸福，因為眼見門外有十多人排隊輪候入到韓菜店，第一時間當然係上醃菜啦，好好食，仲可以添，泡菜果然真係要喺韓菜店，味道先至夠正宗由於小妹真係好鍾意食甜辣炸雞，眼見餐牌有就一定要試試佢，真係完全無揀錯，好食呀熱辣辣又甜絲絲，雞唔會過熟粗糙，少少一碟，唔會過多又過到口癮～份芝士蛋捲亦令小妹諗起昔日去韓國食過嘅味道，芝士唔會過多而覺得膩，剛剛好至於個海鮮泡菜鍋，我諗如果冬天享用會非常有幸福感，熱呼呼的最可惜係，時間只有90分鐘，想慢慢品嚐，小酌幾杯確實有點不夠舒暢，不過明白係想更多人可以品嚐美食，都係一個平衡嘅方法～～大家品嚐美食可能就要花啲時間去排隊等候啦，亦建議可以早少少用餐，咁攞位時間就唔駛等咁耐…查看更多

話說，小妹喺荃灣又想搵好食嘅日本嘢同朋友慶生，因為，唔想次次都去同一間喺愉景新城嘅日本菜，於是，今次決定試新嘢刺身，新鮮又厚切，可知道刺身厚薄都影響住觀感同大家嘅味蕾另外，小妹真係好鍾意食牛油果呢種super fruit，見到個餐牌上面有牛油果天婦羅，小妹抱住唔試唔知身體好嘅精神，叫咗一份，不過建議大家落單前問問朋友仔一唔一齊食先，因為，大部分自己啪晒確實有啲吃力至於個鍋呢，都睇得吓㗎，我個朋友仔淨係專注啲牛囉，不錯的而卷物方面。。。賣相唔錯，味道，都唔錯，水準正常，燒物感覺就一般般唯一不足係，座位安排同其他食客一齊，有啲擠逼嘅。。。有驚喜嘅係，話說外帶蛋糕收切餅費，但係店好有心機咁幫我整靚靚個碟再送上，朋友開心啊，開心的晚上…查看更多

小妹又忙咗一輪功課，壓力指數爆燈，趁考完試未開始新課程，就不停約朋友食飯呢間韓國菜，前陣子新開嘅時候已經想試，可能因為晚上7點鐘前，所以等候座位時間唔算太耐，10分鐘左右，本來想試腩肉嘅，不過礙於得我同另一位女生，所以，打消咗個念頭，轉戰炸雞，不錯喲，肉質嫩嫩的，不會太熟太粗糙，而且熱辣辣㗎，又唔洗等太耐，開心呀～另外，鍾意個泡菜煎餅呀，薄薄的，熱熱的，食落去唔會太油膩，也是不錯啊而年糕和飯卷也不是難食，只係，小妹覺得係普遍嘅水準，還好了唯一，係杯啤酒。。。可能小妹太耐無飲Hoeegarden，淡咗啲。。。服務和環境都不錯，最重要有足夠人手serve，座位不會太過擠逼，食得舒適整體來說，真的不錯，價格亦相宜，一試無妨丫…查看更多

由於疫情，小妹6月先開始敢約一班朋友出嚟食飯，朋友問，有無啲嘢食簡單食唔洗分嚟分去，又好味，亦可以送酒，又可以吐吓苦水，實行一次男人的浪漫，小妹其實間唔使都會想‘麻甩’一下，聽吓啲男人心聲嘅隨即諗起呢度一串一串，一件一件，易入口又即燒，食材又新鮮，睇吓隻蠔就知啦朋友仔仲encore 咗多一次另外，牛舌又香，質感又軟，入口即溶咁，真係好好味呀唔好以為淨係串燒做得出色喎，令小妹極難忘嘅，係個溶岩芝士炒飯，炒得好香，顏色又靚，食到個個朋友都讚不過。。。小妹對燒茄子失望咗。。。唔知係小妹記錯另一間店嘅菜式定點呢。。。點解唔係原條茄子燒嘅。。。？感覺唔係好似燒底，無咗燒出嚟嘅味道喲環境位置係迫些少，但係三五知己圍埋細聲講大聲笑，開心呀…查看更多

寫呢個食評之前，小妹入咗之前啲評語，覺得有些少驚訝有唔少負評。。。但係小妹呢一次，食得好滿足啊係繼以前Intercontinental 後，小妹好想讚嘅酒店buffet雖然真係超級人多，不過食物嘅質素真係好唔錯啊，大部分都係廚師喺面前即整呀刺身係小妹見過酒店入面有咁大粒帆立貝，最緊要就係味鮮同夠凍呀鵝肝多士夠肥美，個湯麵亦係小妹好想食多碗但係飽到無能力再添食至於甜品，小妹從未遇過款款都入得口有一定水準播～～心太軟新鮮熱辣焗出嚟，小妹真係滿足到一個點加埋個雪糕庫，Movenpick，Haagen Dazs。。。多到食唔晒呀。。。人雖然好多入座係要啲時間，但係位置都舒適寬敞，同埋pets friendly嘅（outdoor only) 夏天就熱嘅。。。小妹個人覺得，小部分staffs太認真工作，笑容係有啲欠奉嘅不過呢一餐，小妹好滿意呀P.S. 小妹食過嘅酒店buffet真係多到數唔晒㗎。。。所以，整體覺得，個人覺得呢度係above average 嘅…查看更多

忘記了係邊位朋仔帶小妹嚟呢間店食甜品，不過，我幫襯咗都真係唔記得幾多次了呢度，見證咗小妹由初戀到失戀。。。哈，重點返返嚟，令我難以忘懷嘅，係呢度嘅炸雪糕呀～～抵食夾大大粒，每次都會係即叫即炸，外脆內軟，雪糕朱古力味濃，試問外面啲甜品舗又點會有咁用心嘅甜品食喎～～所以，差不多一入西貢都會去食其後，我再試佢哋嘅炸香蕉同埋朱古力沙冰，炸香蕉將香蕉嘅香味完全表露無遺而杯朱古力沙冰，飲咗一口之後，小妹心裡面嘅怕肥罪疚感完全輸晒，嗰種粒粒彩色朱古力童年回憶加上濃濃嘅奶香飲到一滴都冇留低甜品能令人提起精神，如果心情唔好嘅時候，食好味嘅嗰種幸福同滿足感，真係好療癒㗎～～大家入西貢行山嘅時候，不妨去試吓丫…查看更多

小妹好耐無露面寫食評，唔係因為小妹忍口唔食美食，而係小妹唔識得同時間管理大師學好時間管理唔講咁多題外話啦今次嚟到呢間次次望住都滿座嘅日本放題一試，其實小妹早就有自助餐或放題恐懼症，本來就無太大期望，因為小妹食放題無數，總係對放題心存。。。大家明嘅～～不過今次，食物質素唔差喎，比起大X屋嗰種，好好多喎，刺身新鮮，天婦羅皮唔算太厚，亦唔係翻炸，串燒牛舌熱辣辣，飲品款式我亦覺得合格，食飽飽仲有Movenpick食，大滿足一改我對放題嘅諗法係位置有啲迫，人手有啲唔太夠，望住呀妹做到上氣唔接下氣，知妳盡晒力㗎啦，見到都有啲心酸。。。加油呀…查看更多

完全唔會質疑Ricky嘅廚藝，於是，見到有Ricky代言嘅餐廳，滿心期待咁同朋友慶祝生日由於小妹同朋友餓辣餓咗好耐，唔會少得酸菜魚同水煮，酸菜魚同水煮毛血旺一入口，腥呀。。。而個兩道菜有一樣共通點，就係裡面嘅食物好似攞水烚完先落辣，啲辣同菜個味完全分開，我哋就好似食緊啲白烚食物點辣椒油咁。。。另外，小籠包個皮厚到呢。。。令到我覺得，其實餐廳擅長嘅菜式，究竟係邊種。。。然後，小妹唔心息，叫多咗一個炒公仔麵，諗住應該無得輸，結果。。。個賣相唔錯，可惜。。。都係普通，完全無驚喜老實講，價錢收得一啲都唔平，咁，真係物非所值呀。。。仲有嘅就係，唔知係因為疫情而唔請咁多侍應定係咩情況，等咗好耐都無人嚟serve。。。真心嗰句，小妹好少對一間餐廳有咁嘅評價，寫出嚟係希望餐廳可以吸取意見，再改善一下。。。…查看更多

小妹同辣係有一種好微妙嘅關係，事關，唔落辣好似欠缺啲嘢，但又唔係食得好辣小妹自從兩年前親身去到四川尋找麻辣的故事後，返到香港就一直想搵返嗰種味道，搵咗唔少地方，直至嚟到呢度，又係令我食完一次都再次光顧水煮牛，真係無得頂香料、辣油、牛嘅熟度，剛剛好，最啱就係叫返支啤酒啤啤佢，同朋友一齊食得好開心仲有個蒜泥白肉，呢種蒜泥，千祈唔好同譚X或者X哥嗰啲比較，因為呢度真心好幾千幾百倍，加上加入青瓜做中和，減去腩肉帶俾大家嘅油膩感，無得彈其實身邊啲朋友仔大部分都唔愛辣，甚至滴辣不占，但慶幸，呢度除咗辣，都有唔辣嘅菜式任君選擇嘅，睇吓個米網腸粉，小籠包同炸奶就知啦，都唔差嘅😌😌不過第二次試新嘢嘅時候，個毛血旺就遜色啲。。。魷魚煮得過咗火，同埋材料唔多入味，好似烚完晒所有材料先放落鍋再煮咁。。。希望可以改良一下呢道菜整體而言，兩次座位都好舒適，雖然價錢唔係相宜價屬於中價，不過都係一個小聚嘅好地方嚟，鍾意食辣嘅各位，不妨一試…查看更多

小妹沉寂咗一排，今日竟然有一間小店令小妹從邊返工邊讀書嘅生涯出山執筆😂😂話說小妹好耐都冇嚟灣仔覓食，於是放學就一心食埋個晚餐先返屋企繼續奮鬥💪🏻💪🏻行行吓嚟到汕頭街，路口放咗個牌寫住‘行15秒就食到嘅和牛麵’，好奇心叫小妹行入去睇吓啱唔啱食🤓🤓本來以為係日本麵，點知原來係越南粉，小妹有啲卻步嘅，事關小妹個人對越南菜冇特別喜好，不過‘和牛’兩個字打贏咗小妹嘅心魔😂😂小妹抱住一個 ‘第一次食亦可能變最後一次食’ 嘅心態，叫咗一碗和牛大滿足湯河加蒜香雞翼，心裡面依然冇太大信心，因為小妹曾經去過一啲標榜‘和牛’美食嘅‘伏店’，直至將第一啖湯同第一粒牛丸放入口。。。好有牛味，淡淡嘅清湯甜味同牛酥味，牛丸彈牙唔死實，終於放心大口大口食😂😂，仲有牛唔同部位嘅肉，入口鬆軟但牛味依然十足食完小妹仲一啲口喝感都無，所以味精嘅成份應該不大喲😌😌等咗一陣，雞翼嚟啦，新鮮炸，好香，外脆，裡面肉熟得剛剛好，嫩滑呀食得出呢間小店就係用心細緻同認真去製作食物呀同樣，各位王子公主們，想食好味嘢就要降低對座位同整潔嘅要求，灣仔地段寸金尺土，店舖一眼就睇晒，加埋都叫做有十幾個位左右，冇位放袋，小妹放學揹背囊喲。。😅😅但係無阻小妹食美食嘅，同埋枱面清潔係有啲驚驚豬嘅…查看更多

在門外而不得入。。。事關太受歡迎，小妹到達時經已滿座所以走上二樓川菜地方order 日本菜式，由於同事想一試新開的這家店，小妹實奉陪到底鍾意食”媒氣味”黑松露嘅朋友一定要試試佢嘅刺身沙律，小妹第一次試黑松露配刺身，估唔到係另一番風味，好有驚喜沙律同壽司拼盤嘅刺身非常新鮮，賣相亦好睇，有時候食日本嘢，小妹實在鍾意新鮮磨嘅wasabi，呢度都滿足到我而明太子蛋捲，雖然小妹食慣咗偏向鬆軟嘅蛋捲，但係呢度嘅厚實程度仍然係可以接受而味道亦好好，好開心荃灣又有多一間值得一去再去嘅日本餐廳…查看更多