kinleung的个人专页

泰潮係深井起碼十幾年，因為我搬咗嚟深井十幾年，以前久不久至幫襯一次，自從搬咗新鋪，老闆千金又落咗黎幫手，食物質素同種類多咗好多，好似我尋日十五食齋，之前見到佢個午餐有個海老南瓜忌廉意粉，問咗可以走蔥蒜就去試吓，點知好味到我晚餐都去encore, 佢用嘅忌廉真係剛剛好，帶到南瓜嘅香味又唔會好腬，正！之前食過粉絲蠔煲，佢用白胡椒粒，味道完勝胡椒粉或黑椒，加上蠔又新鮮肥美！無得頂！老細，太子女同班同事仲久唔久試整新嘢，我有時乘機抽下水試食。深井食肆真係冇乜選擇，本地人開嘅就離不開燒鵝，其他乏善足陳，泰潮以前都只係一般，係無選擇之下嘅選擇⋯⋯現在變成我嘅飛佛。…查看更多

第一次食到雞白湯拉麵是在一幸舍博多總店，湯頭，麵底都好好，味道令我非常欣賞，在兩天博多行程中，先後拜訪兩次，回到香港，發現香港分店已經結業，知道一生懸麵有，今天尊誠去試試，湯頭有7分接近福岡，兩片雞肉加上本來一生懸麵味道不錯的义燒，整體味道相當不錯，唯一失分係麵底，並非博多幼麵，如果能換成幼麵就完美。…查看更多

新漢記由舊店一直食到自己搬離粉嶺，十幾年後終於係新店再遇，從來去新漢記都係廚師發板，今晚有爽得嚟有咬口嘅豬腳筋， 新鮮青瓜苗，醃得剛好又脆口嘅蝦醬骨，非常入味嘅滷鵝，彈牙嘅墨魚餅，微甜蜂巢糕，所有菜都非常正，味道剛剛好，兩公婆食唔哂，包返屋企。新漢記嘅特色咁多年無變，真係好多菜式係不時不食，你今日食咗，下星期再嚟未必會有，老婆公司同事之係早5日前食過，今晚問老闆係無，叫我下次早啲同佢講，佢盡量搵。留意到今晚星期五晚全場爆滿，而且有唔少熟客，聽到有一枱移咗民回港旅遊嘅，專登臨走去幫襯，證明佢哋出品，服務，都真係令人回味。…查看更多

認識袁師傅大概一年，之前因緣際會，係佢之前工作嘅居酒屋認識到佢，第一次食佢漬物，已經知道掂，香港除咗比較高級或者一啲日本人自己經營嘅店之外，自己漬嘅餐廳真係唔多，袁師傅真係每次都令我有驚喜，今晚仲要係漬物拼盤，至於其他食物，我真係冇嘢可以批評，只可以講一句滿意…查看更多

作為一個在粉嶺長大的人，每次回到粉嶺都好自然會去聯和墟搵食，3年幾前，拜完山係華明邨試過潮汕美食，菜果，皮小米，菜茶，扁實都好好味，潮式炒米粉，炒薯粉都好正，腸粉又滑，我唔食牛，但家人都讚口不絕，一個下午茶，將佢餐牌上潮州美食全部叫哂，自此之後，呢度成為我拜山後指定飯堂，一年兩三次，今年限敍，唯有買外賣返屋企食，不過唔知係咪我晏咗，好幾様美食都沽清，只叫咗潮式炒薯粉，菜茶同菜果，只可用一個字形容⋯⋯正！…查看更多

之前兩次在附近食飯經過看到，看到食物賣相，聞到味道覺得不錯，一心想試吓，兩次是滿座，向老闆娘查詢，原來一般週末都要預早訂位，心想街角小店都要訂枱，一定有過人之處。趁假期預先訂咗枱，預訂卜蜆之外，其他現場叫，完全超出預期，街角小店食到大餐廳味道！味道同招呼都一流！串燒係日式味道，並非一般攷然粉串燒，老闆兩公婆亦非超級欣勤招呼。坐低先叫咗雞軟骨，火雞腎，燒得剛好！再加魷魚鬚，佩上蝦片又係好得！燒墨魚咀係第一次食，比一般椒鹽炒或炸更好味，燒虎蝦係必食！再加薯餅，吉列豬扒，帆立貝等，其實我已經好飽，姪仔意由未盡，加上卜卜蜆部隊鍋，完美嘅一餐！…查看更多

平日經常在旁邊幾家餐廳吃飯，上次見到新開，今日收工特意去試試。坐低睇餐牌，其實選擇不多，以辣為主，唔辣嘅得餃子，青菜，而且所有辣嘅食品只可以加辣，無得揀小辣。還好我喜歡食辣，我點左個大鍋雞手工麵，老婆點左酸菜肉絲手工麵，再加炒青菜。手工麵底唔錯，不過不失，味道來說，我喜歡食辣，覺得可以再加辣，老婆就覺得辣左一點。總體來說，味道可以，會再嚟，其實見到佢重有其他菜式，例如水煮魚，小龍蝦，不過我平日晚飯好少食咁heavy, 留番下次試。…查看更多

之前去上湖係食避風塘炒蟹，小菜，知道最近搞任食火鍋，$298送刺身同法國蟹，包海鮮拼盤，唔係咁貴，一於試試。預先訂位，4個人去到，可能係星期一，基本即刻人座。服務員好好招呼，重解釋話如果我有6個人會送埋龍蝦，可惜！後來留意到，現場班底同廚房應該係以前旺角火x撚嘅人，即本試下味道會唔會一模一樣。先上刺身同法國蟹，剌身好新鮮，正！法國蟹多糕，好味！鍋底揀左鴛鴦，麻辣拼酸菜肉，海鮮拼盤有鮑魚，蟶子，蝦，象拔蚌，海參邊等，全部都好新鮮下，我地另外點左牛，豬，羊，牛黃喉，老油條，鴨紅，鵝腸，雜丸，蔬菜籃，牛肉好正，要推介即炸魚皮同鵝腸，唯一缺點係個鍋具細左少少。整晚招呼同食物都一流，廚師後來重出嚟問意見，重主動解釋之前訂錯細鍋具，已經補訂，證明佢都幾到地，唔洗個個客人投訴，自己先補飛。…查看更多

之前有幫襯過雞煲，幾好味，火鍋佩料不多，但新鮮，不過今次同老婆兩個人，見到有小菜叫，一於試下。叫左鹽焗雞，回窩肉，蒜蓉炒菜，鹽焗雞係小店主打，用的應該不是冰鮮雞，肉質鮮美，不過以前只有碟頭飯，今次半隻，味道同平時一樣，好味！回窩肉同外面食到不同，完全和上海菜那種煮法不同，油不多不膩，很多椰菜，腩肉應該用左川菜料理常用的四川臘肉，事頭婆話係佢西川家常做法，炒菜芯就一般炒菜，菜芯新鮮，小店係一家人經營，幾有人情味。…查看更多

想不到朋友好好的一餐生日飯, 被翠園這混帳飯店破壞。朋友一早訂位, 了解匯豐白金VISA是有88折。從訂位, 點菜, 一直問題不大。到埋單, 伙計拿了HSBC咭之後, 對我們講十多款菜中有一樣是今晚特價菜, 所以沒折扣。侍應及後來的一位部長解釋, 折扣必須全單正價食品計算。提出我們可付正價以取得優惠。但折扣後會多付$200。我們提問為何餐廳在之前或點菜期間不說, 也不在餐牌及門前優惠廣告說明, 是欺騙顧客及繞過信用咭優惠的行為, 要求餐廳一是照提供優惠折扣, 或將特價菜分單, 而且將來必須清楚讓顧客知道一點特價菜, 所有優惠將被取消, 部長除只表示會反影外, 就只說這是信用咭公司優惠問題。我忍不住出口提出他們這種繞過原本優惠的行為, 我們會對信用咭公司反映, 再把菜牌及單拍下, 提出不會用HSBC 白金VISA 埋單, 部長攞左另外一張信用咭走回Cashier, 過左幾分鐘, 一位看似比較高級的走回來, 說給我們特別處理, 會勾出特價菜並提供信用咭原來折扣。回家後上HSBC platinum card 查一查, 自行點菜並冇要求只能點正價菜, 並表示呢個月可以8折點套餐, 或自點餐享有88折, 擺明翠園自己繞過銀行優惠。 唔想俾折扣, 米同信用咭公司講, 再唔係米唔好收咭......唔好巧立名目…查看更多