Elvava Ng的个人专页

朋友知我未試過法國菜，所以就帶嚟銅鑼灣試吓哩間新開嘅餐廳，一入門口就覺得好靚，怖置到好復古嘅圖書館，而且窗邊可以睇到維港嘅景色，可惜窗邊位已經比人book晒，如果想坐窗邊嘅朋友記得book定先由於第一次食唔知揀咩好就食Tasting menu，有7道主菜，我哋仲叫左2款cocktail試吓，係上主菜前嚟左2款唔同嘅餐包，仲有3款唔同嘅牛油，係上完第3道菜嘅時候，店員仲送上酸酸甜甜嘅佛手柑味雪葩，可以清一清口腔內嘅味道，係每道菜嚟嘅時候，店員都會為我哋介紹一下，另外食食下仲有live music，都幾驚喜，講返野食先，7道主菜如下Japanese Mackerel日式烤鯖魚配柑橘醬油凍同烤菠蘿，第一次食凍嘅鯖魚，唔會腥，仲幾滑，加埋酸酸甜甜嘅燒菠蘿，幾開胃Swiss Barley Soup瑞士大麥湯，紅蘿蔔、牛肉同蔥粒嘅芹菜蘑菇湯，口感豐富Nagasaki Chicken Roulade with Beetroot Salad以低溫煮法嘅雞肉卷配上自家製雞肉慕斯、鵝肝、炒蘑菇和烤開心果，並搭配烤紅菜頭泥、火箭菜沙拉和烤核桃醋汁，估唔到食落好嫩滑Carabinero Red Prawn with Shrimp Roe Noodle原隻紅蝦配搭蝦子麵條、自製紅蝦醬汁、蝦子和紅蝦粉，本身個蝦子麵已經好濃，掛晒啲汁，加埋紅蝦嘅蝦頭有好多膏，味道更加香Sous Vide Black Cod低溫慢煮黑鱈魚，黑鱈魚加入牛奶、西芹、百里香等材料一齊低溫慢煮，黑鱈魚皮脆肉滑Charcoal Grilled As Miyazakigyu Rib Cap炭烤宮崎牛A5等級肋眼肉，配上辣椒、薯蓉同自製燒肉醬，燒到啱啱好，牛肉味濃Glazed Lemon Mousse Cake檸檬慕斯蛋糕，加咗柚子香橙調味，酸酸甜甜，口感清新BlueberryThe Basket of Apples店員介紹佢地嘅cocktail 都係用畫嚟做靈感，我哋就揀左其中2款，都係用whiskey做base，前者用藍莓，後者用青蘋果汁去調配，由於以果味為主，味道帶甜，屬於容易入口…查看更多

朋友知我鐘意食燒肉，於是介紹哩間叫我去試吓，話幾好食，咁難得今日會出去荃灣就幾埋朋友去試吓餐廳都幾大，裝修簡約都幾舒服，我哋6點就去到，估唔到咁早都已經有其他客人叫咗個Set C嚟試吓，100分鐘有97款食物，當中包括精選海鮮、豚、牛、雞肉，另外仲有一份頭盤包括黑毛和牛2款＋澳洲 M9 薄炙盛合有自助吧拎飲品，仲有沙律、甜品、雪糕、雪條同埋爆谷返到去已經見到店員準備好頭盤，可以見到啲牛嘅油脂分佈好平均，尤其和牛燒完油份十足，而其他熟食亦都唔錯上餐速度快，好似第一次係香港食燒肉係高速列車送餐，都幾得意如果下次再去可以試吓和牛，有120分鐘，而且質素都唔錯，記住要登記apps做咗會員先有優惠價…查看更多

之前路過見到哩間新開嘅意大利餐廳，門口有好多水晶蟹，好似幾特別咁，於是約埋朋友嚟試吓入到去見到啲裝飾同餐具都幾靚，可以打下卡，食物方面有單點亦都有set可以揀，由於唔想諗咁多就叫左個澳洲M5和牛Six course menu set for two $1088沙律香烤大啡菇藜麥田園沙律配陳年黑醋汁烤到啱啱好嘅大啡菇，田園沙律加上偏酸嘅陳醋，好開胃餐湯法式千邑帶子龍蝦濃湯唔似一般龍蝦湯咁咸，湯入面仲有大大粒帶子小食水晶蟹肉海膽多士水晶蟹肉鮮甜，海膽份量亦都唔少，加上蟹子、洋蔥粒，有多重口感，估唔到幾好食🤤主食香煎澳洲M5和牛肉眼扒10oz （5成熟）上檯時店員提醒我哋要趁熱食，煎到外香，裡面啱啱好，切開中間見到粉紅色，無血水四式芝士薄餅就咁到見到有唔同嘅芝士，外邊脆卜卜，嚟到影左陣相先食都仲熱辣辣，滿滿嘅芝士味甜品廚師精選甜品拼盤特濃朱古力蛋糕芒果奶凍五重奏見到啲飲品嘅名同杯都幾特別，所以叫左嚟試吓乳出驚人 $48朋友話好濃嘅紫薯嘅味道，而且個杯好特別，忍唔住拎嚟打卡碼頭古力 $48濃濃嘅朱古力，又唔會好甜另外惠顧滿$300可加$10加購生蠔一隻，最多6隻，$600最多可加12隻，如此類推，雖然生蠔唔係好大隻，但入口都幾鮮甜…查看更多

朋友話新蒲崗有間好抵食嘅日本野，佢食過幾次覺得唔錯，所以今次帶我去試吓見到Menu入面有好多選擇，不過由於我哋係食lunch，所以有啲就未有得叫住，入到餐廳2點半左右都有唔少人嚟到海膽仔就一定要叫海膽嘅食物啦，我地分別叫左海膽丼、熔岩海膽魚餅、芒果蟹肉沙律、火炙鵝肝壽司、火灸左口魚邊壽司海膽丼 $168價錢唔貴，海膽嘅份量唔少熔岩海膽魚餅 $38有3件，咬開見到滿滿海膽，好Creamy芒果蟹肉沙律 $68面層有好多蟹籽、蟹肉，入面有爽口嘅青瓜絲同甜甜嘅芒果火炙鵝肝壽司$58、火灸左口魚邊壽司$32鵝肝都幾厚同幾大塊，如果2款火灸壽司可以再燒多少少會更加好食…查看更多

之前留意到哩間餐廳係因為個名好特別，今日出開旺角行街，咁就去試一試入到去見到窗邊同天花怖滿乾花，餐廳內嘅燈比較暗，氣氛唔錯估唔到閒日嘅2點零都有唔少人，好彩早少少嚟到我地分別叫咗2份Pasta同飲品明太子岩燒蟹棒貓耳朵 $148蟹柳有略略燒過，貓耳朵煙韌有咬口，加上明太子醬內面嘅蟹籽之外，仲有三文魚籽，增加口感北海道帆立貝海膽醬扁意粉 $178一嚟到就見到有兩大隻北海道帆立貝，加上木魚碎，扁意粉夠彈牙同幾creamy紅寶石巧克力 $68士多啤梨醬加上鮮奶，酸酸甜甜，仲可以飲到果肉鮮奶焙茶 $56一入口就飲到濃濃焙茶嘅味道…查看更多

約咗朋友係荃灣行街，行到攰攰地，見到哩間日本料理有原板木板海膽都係$88，就入去試吓入到去見到店鋪以木系嘅日式風格為主，見到Menu入面有好多款串燒燒物原本想叫原板木板海膽，可惜已經售罄，由於我哋好想食海膽，就叫原板馬糞海膽（$158），另加$18跟左飯同紫菜另外我地分別叫左珍寶赤蝦刺身 （$24/隻），生蠔（$30/隻），特長燒鰻魚壽司（$30/件）同芝麻雞翼 （$42/ 1分2隻）另外見到門口貼有九點後入座會有9折優惠…查看更多

終於病好可以同朋友行街食飯啦，咁我地2個都鐘意食燒肉，又好似好耐無食，咁就係附近搵下有邊間好，係門口望入去都好似唔錯，一於就試吓啦見到午餐燒肉定食A同B好似唔錯，每樣都有啲，咁就一於每樣一份share，加$5轉左牛魔拌飯，再多份櫻花蝦粟米餃子午餐燒肉定食A (七款盛）$248（或可揀以下3款$128）和牛牛肩肉 3塊薄切和牛舌 5塊澳洲和牛胸腹 2塊全天然豚五花薄切 4塊全天然豚五花厚切 2塊黑毛豬頸肉 4塊醬油鳥肶肉 4塊午餐燒肉定食B (牛魔燒肉盛合）$246A4和牛霜降 2塊澳洲和牛西冷 2塊澳洲和牛胸腹 2塊澳洲和牛五花 2塊和牛牛肩肉 2塊厚切和牛舌 2塊牛魔拌飯 （餐白飯轉拌飯加$5）餐本身包白飯、沙律、前菜同牛骨湯櫻花蝦粟米餃子 （追加小食$18）豬肉加粟米餡，加上大量嘅櫻花蝦鳳梨梳打特飲 （跟餐加$15）飲到菠蘿嘅酸酸甜甜，配埋燒肉啱啱好總括嚟講，環境同店員服都唔錯，而且2個餐份量都唔少，食飽飽去行街，飽到返屋企晚飯都無乜點食…查看更多

見好似好耐無出過荃灣，一於出去行街食飯啦，行過見到間餐廳好似唔錯咁，又未食過就試吓難得有人話佢負責諗食乜，咁我當然就係等食同影下相火山 $128因為唔係我點餐，唔知原來有火🙈 一嚟到店員就點火，爭啲準備唔切影相同拍片，除咗打卡一流，仲好好食，有大量嘅蟹柳、蟹籽之外，仲有青瓜、帶子、牛油果，加上燒汁同飯入面嘅壽司醋，已經好夠味辣妹 $72有辣味吞拿魚、炸蝦、蟹籽同芝士，估唔到入面嘅炸蝦仲好脆，加上辣味吞拿魚同燒汁，味道同口感都好豐富櫻花蝦茄子燒 $68一嚟到就聞到好香，燒茄子上有大量嘅櫻花蝦，加上濃濃嘅燒汁，帶有少少辣味，幾惹味柚想蝦你 $98嘩，一嚟到見到好豐富，有沙律菜、海草、車厘茄、蟹籽、牛油果、蘋果、柚子、甜蝦加上柚子汁，好清新…查看更多

朋友去完旅行返黎就約行街食飯，行行下2個都覺得好肚餓，就決定食左野先，上網見到哩間餐廳就係附近，同埋好似幾靚咁，一於去試吓先由於我哋去到時間都比較早，得一檯客人係到happy hour，就周圍影下相先，打卡真係唔錯我哋分別叫左鹽燒牛舌、辣肉腸長薄餅、燒加拿大有骨豬架配青辣椒醬及沙律、Lost star、Virgin Colada同是日精選蛋糕（趁朋友行開左叫嘅🤭)鹽燒牛舌 $98我同朋友本身都麻麻地鐘意食厚切牛舌，估唔到燒得幾香口，而且夠淋身易咬，牛味重，伴碟嘅沙律菜加左沙律醋，好好味，唔覺唔覺就清曬辣肉腸長薄餅 $138有6件，熱辣辣又香又脆燒加拿大有骨豬架配青辣椒醬及沙律 $198豬扒厚得嚟燒到啱啱好，好容易就切到，仲好嫩好juicy，加埋個青辣椒醬，辣辣地都幾match Lost star $78味道以百香果為主，加埋青檸汁、橙汁、接骨木花，酸酸地，幾清新Virgin Colada $78菠蘿、椰奶，嚟到聞到好香，飲落帶有少少酸，都幾開胃是日精選蛋糕（New york cheese cake)$58同店員講朋友生日，希望可以幫手係甜品到寫上happy birthday ，估唔到嚟到有煙花蠟燭，好靚好驚喜整體嚟講食物同環境都幾好，氣氛唔錯，同朋友傾下食下咁就過左2個鐘另外餐廳附有生酮menu …查看更多

今日有事出去旺角，咁啱落大雨，就諗住搵地方食左野先，落左車無耐就見到譽發廣場，係樓下嘅水牌見到之前想食嘅串燒店，咁就去試吓佢先由於時間尚早唔駛排隊，入到去地方都幾闊落，檯嘅數目唔多，但每張檯都係6人坐位，坐得都幾舒服入坐後店員就過介紹返啲醬料、點樣燒同落單，第一次試哩隻唔駛自己轉嘅燒烤，都幾得意放題時間120分鐘，用QR落單後，野食都好快送到黎，食物方面亦都有唔少選擇，豬、牛、雞、海鮮、丸、蔬菜、菠蘿、棉花糖同雞蛋仔都有，同埋啲食物食落係無醃過，主要靠自己落調味料，所以食完唔會覺得好口渴第一次燒雞蛋仔估唔到咁好味，忍唔住叫左幾串，其他野食好似M6和牛牛柳、魚肉年糕等等都唔錯，最重要嘅係燒完唔會好似平時出去食韓燒咁會成身油煙味…查看更多

啱啱想寫食評嘅時候，發現餐廳收多左錢，2杯飲品應該係跟餐，但收左正價，因為我哋先落左食物先，同職員講左會跟餐，餐飲之後先叫，大家下次記得要睇單朋友有事過開元朗，就約我一齊去食lunch，去到見到好多野都想食，忍唔住叫左好幾樣All day breakfast 有大啡菇、煎肉腸、炒雞蛋、乳酪配穀麥、煙肉 、牛油果、沙律菜同牛角包窩夫明太子蟹肉意粉 味道唔錯，滿滿嘅蟹籽同蟹肉，份量比較多餐湯蘑菇湯，味道略淡紅豆咖啡配椰乳試左啖甜甜的，但朋友話飲唔到有椰乳嘅味道Flat white 無一般咖啡嘅酸澀同苦味開心果疏乎厘比一般食開嘅細一啲，但口感鬆軟同食到開心果嘅味道瑪德蓮蛋糕 （焙茶）有原味、伯爵茶、抹茶、焙茶4種味道可以揀，我地問左店員佢話焙茶同抹茶比較多人揀，由於我唔係咁鐘意食抹茶嘅副產品，所以揀左焙茶，蛋糕外脆內軟，焙茶味亦都好香…查看更多

平時都係好姐妹過嚟屯門搵我多，今日到我過東涌搵佢行街食飯啦佢話上2星期路過見到間餐廳好似都幾靚，就話一齊嚟試吓，餐廳有室內同室外嘅座位，不過今日天氣一般我哋就揀咗室內我地分別叫咗以下嘅樣野食印式椰香牛肉 $148睇圖唔係話好吸引，不過我地想叫過咖喱嚟點烤餅食，估唔到黎到味道又唔錯喎，啲牛肉都夠淋蒜蓉烤餅 $35上到嚟熱辣辣，加埋咖喱唔錯酸辣椰奶雞湯（雞）$98好多雞肉，味道都唔錯，啲料好多串燒沙爹 $128雞/ 豬/牛各2串，唔會話好乾身，而且大大串，朋友話豬肉最出色，估唔到咁淋，除咗沙嗲汁我地仲加埋啲咖喱，好惹味Fruit Float $58唔想飲咗多凍野，我地就叫咗一杯嚟share，朋友一飲就係佢鐘意嘅味道，飲到甜甜嘅菠蘿味…查看更多

之前路過錦薈坊見到幾間新嘅店鋪，其中一間就係賣蛋糕嘅，見到啲拿破崙好精緻，咁啱媽咪又話想食蛋糕，咁我就買出黎同佢一齊食店員細心，買完之後問我要幾耐路程，佢比返相應嘅乾冰，同埋佢提醒返到去要盡快食用，如果未食就記得拎返走乾冰先放入雪櫃返到屋企，一打個盒就聞到好香嘅味道芒果拿破崙 （件裝/$58）自家製吉士醬唔會好甜，又夠幼滑都幾好味，加上甜甜嘅芒果巧克力拿破崙 （件裝/$62）朱古力加上朱古力味吉士醬，濃濃嘅朱古力…查看更多

咁啱經過路經新蒲崗就買嚟食吓，因為之前幫襯過幾次都ok，但今次真係好失望，都唔知以後再唔再幫襯好叫左2個冬甩同1個芝士軟包，冬甩就分別一個綠茶同一個金莎朱古力，店員同我講要等15分鐘，咁我就去附近買雞蛋仔先返到去已經見到有2袋冬甩係到，但店員忙住收錢我就等等佢先，到佢得閒比我，到我出門口見到啲冬甩原來倒轉左放，我就嗱嗱臨將佢地移返好去，咁就去對面等小巴，無野做再望下，點解個金莎朱古力味啲朱古力漏咗咁多出嚟，我都算啦，唔想返轉頭要再等返到屋企食嗰陣見到倒咗出嚟嘅漿仲多過係冬甩入面，綠茶嗰個係比屋企人食嘅，嗰個就好啲再夜啲就食埋個芝士軟包，之前試過朱古力軟包係有朱古力漿係入面，但點解芝士軟包係乜都無嘅？仲諗住好似朱古力嗰個咁，都算，但成個包一啲芝士味都無，淨係得包同糖霜味…查看更多

朋友知我一直都想試616，又鐘意食燒肉，就話帶我出城黎試吓唔係拾下拾下嘅616一入餐廳店員就同我地介紹一下啲牛，見到有隻A4 黒毛和牛熱成牛哩隻係出面比較少見，不過我地今次無叫到，另外凡惠顧所為清酒果酒720ML都有8折優惠Menu上面都有幾款set，不過我地最後決定散叫幾樣想試嘅自家製冰話梅小蕃茄 $48好開胃嘅飯前小食，酸酸甜甜，有話梅味野菌蟹肉茶碗蒸 $28/ 1好足料，有大量蟹肉、榣柱絲，另外仲有櫻花蝦、金菇、肉絲⋯好鮮味A5三角肉刺身 $128刺身加左柚子同蔥（但我本身唔係點食蔥就自己走咗），入口即溶，仲有淡淡嘅柚子味澳洲和牛牛肋條（汁燒）$108原條將2邊燒到焦香，然後剪開再燒埋中間，加上生菜包住食可減輕油膩嘅感覺黑毛和牛特選牛小排（鹽燒）$188好靚嘅雪花紋，油花分布均勻，豐富嘅油脂，入口即溶，食完一塊之後就仲想再食落去黑毛和牛友三角肉$168係牛內腿肉下面嘅一大塊球狀肉，呈三角形，屬稀有部位，加埋蛋漿食，令牛肉更滑澳洲和牛牛腹肉（汁燒）$108相比哩個油脂無咁多，但分布都均勻，而且肉味比較濃，又唔會鞋口燒鳥盛合 $98分別有雞髀肉、雞腎、雞頸肉，雞頸肉就比較少見，好爽口黑豚腩西京燒 $88一層肥膏一層肉，燒到個邊有少少焦就最好食，好香口獅子王飯卷 $88最上層係薄切鰻魚、木魚絲加沙律醬，中間包住牛肉、芝士同青瓜，有幾種唔同嘅口感柚子雪葩 free最後免費送上，味道清新，食完無咁油膩，幫助消化總括嚟講，店員友善，見到我地除左外套，上菜收野速度都快，時不時都會幫我地加菜醬料方面除咗一般有嘅岩鹽同燒肉汁，重有一款蘋果汁，哩隻汁我覺得唔錯環境方面，天花板有好多櫻花同日式嘅燈，地方唔算好大，有3張卡位，同5張普通座位食物方面今次食哩幾樣野樣樣都好味，有機會都會再嚟食過…查看更多