Hidedead's Profile

成日去藍田接送囝囝去補習經過都冇入去，今次要食 lunch 就去試下，之前先喺 openrice search 藍田有乜餐廳好食，聽講呢間大壹燒鵝啲燒味都有好多正評咁就決定去呢間試下。真係好似睇卡通片咁，從來未試過一件食物食落口會有叮一聲嘅感覺，當時真係好想即時大嗌一聲“好味呀！”，佢嘅厚切半肥瘦濃邊叉燒真係冇得頂，淋得嚟又彈牙，肥肉脂肪夾著下層瘦肉，肥嘅部份唔會太肥膩，瘦嘅部份亦唔會太柴，燒烤火喉啱啱好，燻蹄亦都係水準之上，唯一要彈嘅係嫌佢汁太少。同時囝囝食咸魚肉餅飯，肉餅亦蒸得恰好鬆化彈牙，價錢亦唔算貴值得再回味.....😉😋…Read More

平時放工行過總係見到佢鐵閘上面嗰個 graffiti，見咁多飲食KOL推介今日放假終於有機會特登走過去朝聖一下，十二點去到好彩唔使排隊不過已經好滿座，店鋪的骰可以坐二十人左右，裝修幾特別成間玩具 figure 潮流屋咁，可能啲KOL猛烈推介下先入為主有所期望，不過老實食完之後確係有少少失望，又唔係唔好食嘅不過冇預期中果種驚喜。突然在進餐途中發現到某位名節目主持都係餐廳裏面嘅座上客，餐廳特意安排一張四人枱俾兩位貴賓享用，當期時正值中午午飯繁忙時間成間餐廳已經爆滿，幾枱客都食完番幾桌，出面亦有十幾人左右正在排隊輪候，名人與其友人仍然優雅地慢慢進食，名人嘅待遇與典雅果然不能與一般平凡市民相比喔.....😅😲🙄…Read More

原本諗住有飯局點知走咗落MK睇錶，行到老廟街頭見到兩間食粉麵一間係叫源發，對面一間叫田記，上 Openrice 睇田記有二百幾個正評，而且招牌寫住牛腩專家必食之選咁就入去試下，裏面食客九成係遊客入到去好似去咗聯合國咁，牛腩河多葱其實賣相都算唔錯，牛腩都有六、七舊舊都有肥瘦兩層肉，不過食落先知真功夫，可能我唔識欣賞有四五舊係肥膏好肥但瘦嘅部份就好乾好柴好似食緊肉絲咁仲要黐牙，得兩舊係似返啲樣，河粉好鞋唔夠滑，湯底無甚特別，比預期中失望仲話係必食之選都唔知嗰二百幾個 like 喺邊度嚟？真係忍唔住食完要即刻出返個 post comment 一下，$46咁嘅質數其實係偏貴，求奇搵一間正常食牛腩河嘅我諗應該都好過佢......🤨🙄😑…Read More

平時去灣仔食燒臘飯都係去「再興」，今次試下呢間「竺扶大班燒味」，佢招牌菜係「黯然銷魂飯」即係叉燒煎雙蛋飯但要成六十幾蚊，咁就先試下佢嘅燒味雙拚先啦，如果好食下次再點，雖然價錢比再興貴少少但覺得物有所值，厚切濃邊半肥叉夠淋，燻蹄口感唔錯煙韌彈牙，醬汁惹味飯香鬆軟，夜晚繁忙時間都幾滿客，原本單人座了一個卡位為了遷就一家大細食客都被迫調了位，亞姐便特意送上一碗例湯作補償都幾窩心........☺️🤗😉…Read More

辨完事午飯時間路過觀塘，一路行一路睇下有啲咩好食扮曬孤獨的美食家咁款😜，見到宜安街聯安街斜路有間食星加坡嘢好似幾吸引就決定入去試下。由於係一間地道小店，午飯時間裏面已經滿座，舖頭細細我一個人坐高枱冇所謂，伙記隨即遞上 QR code 俾客人落單，見招牌厚切8安士豬扒太陽蛋飯好似幾吸引就決定揀咗呢個，由於可能繁忙時間關係等咗10分鐘凍奶茶先奉上，再等多10分鐘碟飯終於來了，平時如果係返工時間食 lunch 我肯定扯晒火，不過今日下晝放假所以就算啦...😅，碟飯賣相唔錯，見到件豬扒即刻條氣都"鋸"返晒，厚切豬扒外層炸得香脆，內層肉汁鬆軟充滿口感，當堂覺得花20分鐘等待係值得嘅，秘製豉油汁加蛋黃撈飯亦都係非常之好嘅配搭，食完大滿足即刻合十講句“我食飽喇”.....😊🙏🏻😆…Read More

辨完事午飯時間路過觀塘，一路行一路睇下有啲咩好食扮曬孤獨的美食家咁款😜，見到宜安街尾聯安街斜路有間食星加坡嘢好似幾吸引就決定入去試下。由於係一間地道小店，午飯時間裏面已經滿座，舖頭細細我一個人坐高枱冇所謂，伙記隨即遞上 QR code 俾客人落單，見招牌厚切8安士豬扒太陽蛋飯好似幾吸引就揀咗呢個，由於可能繁忙時間關係等咗10分鐘凍奶茶先奉上，再等多10分鐘碟飯終於來了，平時如果係返工時間食 lunch  我肯定扯晒火，不過今日下晝放假所以就算啦...😅，碟飯賣相唔錯，見到件豬扒條氣即時"鋸"返晒，厚切豬扒外層炸得香脆，內層肉汁鬆軟充滿口感，當堂覺得花20分鐘等待係值得嘅，秘製豉油汁加蛋黃撈飯亦都係非常之好嘅配搭，食完大滿足即刻合十講句“我食飽喇”.....😊🙏🏻😆…Read More

路過見到有間蘭州牛肉拉麵，好耐冇食過抽起條筋就走入去試下，入到去見到一係就國語人，一係就係伊斯蘭鄉里，而且裝修仲好有“袁記云餃”feel，有一刻懷疑呢間係咪同一個集團嘅姊妹公司。雖然感覺充滿著濃烈嘅深圳味道但係套餐價錢就係本土特色，一碗拉麵加小食加飲品$68，單點拉麵$48，老實麵質係唔錯，煙韌彈牙夾爽口而且份量都滿足，但係牛肉麵個湯底就得個鹹字，飲唔出有其他味道，而所謂嘅牛肉就即係牛𦟌，真係好很佩服師傅嘅刀功，可以細緻到將每一塊牛𦟌切到好似紙張咁薄，一定係經過千錘百鍊嘅苦心修行，食完感覺有啲口渴，出去"三不賣"整返碗野葛菜降降火.... 🤭🤪🤨…Read More

終於食到傳說中嘅「道生」牛腩；兩點幾鐘去到當然食唔到傳說中一日只有三碗嘅神級崩沙腩，唯有叫普通牛腩河多葱。正所謂慢工出細貨，經過師傅足足20分鐘嘅精心炮製後牛腩河終於擺到面前，之前可能受到坊間大力吹捧，滿心歡喜下有所期望，但食落又冇晒期望。最欣賞湯底清甜有牛味，最後食完連碗湯都飲埋，但飲完感覺有啲口渴，雖然成碗食晒但都仲係覺得唔係好飽😅，諗住再叫多碗不過費事又再等多20分鐘攪到食個麵要食成粒鐘。走時見隔離枱阿嬋𦧲到成枱都係牛腩渣，唔知係佢冇牙力咬定係乜嘢，好明顯呢啲牛腩係唔適合老人家食，埋單$58唔包嘢飲都算係富貴價....😋…Read More

去開北角做嘢一心諗住走去傳說中嘅「道生」朝聖一下，誰不知今日竟然係休息日真係黑仔到爆，預咗要食牛腩河，咁就行去附近睇下有邊間好食，行到新光附近見有呢間「富怡」同對面「正九」，心諗反正正九有咁多分店就揀咗呢間。亞姐都幾有禮貌招呼亦好，牛腩其實唔算太差，不過有一兩舊唔知係咪擺得太耐肉質有啲硬，湯底普普通通。原本平平凡凡嘅一餐就偏偏畀我見到最精彩嘅一幕，隔離座位冷氣機滴水滴到成地都係都算，個阿姐行行下突然走去用條祝君早安毛巾走去抹佢對鱷魚仔涼鞋嘅鞋面，之後又走去用返嚟抹枱，見到呢一幕當堂呆咗冇曬胃口，早知去對面正九食個下午茶清湯牛腩好過......😣😮😳…Read More

灣仔駱克道酒吧街附近呢間新開張嘅粉麵店，上次試過食過返尋味今次又嚟再食，職員招呼殷勤態度有禮貌，平時喜歡食牛腩河嘅我今次叫咗碗牛腩米線，呢度係食清湯腩嘅，湯底算係叫唔太咸，牛腩米線大大碗數過有成14-15嚿牛腩，牛腩夠冧有咬口而且肥瘦適中，米線份量滿足食到一半已經覺得好飽，$45牛腩粉麵另加$6有熱飲，另外值得一提嘅係佢杯奶茶，茶膽夠濃奶夠香滑，唔使落太多糖已經好夠味。見佢另外仲有崩沙腩同牛腩泡飯下閒落嚟可以再嚟試下......😋…Read More

唔使山長水遠坐幾粒鐘車就可以享受到深圳 feel 嘅味道，無論職員、裝修佈局都充滿著國內風情，價錢就充滿著地道嘅本土特色，不含蝦嘅雲吞麵三十八，含蝦加蟹子嘅就五十大圓，味道普通屬一般貨色， 另外見到牛腩麵要成四十八一碗，而且只有麵類沒有河粉、米粉、米線或伊麵之類麵食嘅選擇，不過最大特色同值得表揚嘅就係蔥同芫茜唔使面矇矇尷尷尬尬睇伙記面色可以以自座形式任落..................😅😂🤣✌🏻…Read More

有朋友生日應邀到彩虹邨金碧酒家食飯，記得時有個同學住坪石邨，成日聽佢講話同佢亞媽去金碧飲茶，大名就聽得多不過都係第一次嚟食。自彩虹邨公布將會進行拆卸工程後，大家都一窩瘋前來朝聖，舊酒家果然有舊酒家情懷同風味，食番好多好耐冇食過嘅懷舊小菜，份量大大碟夠鑊氣好味大滿足，而且經理招呼殷勤好客，更會為壽星攪氣氛唱生日歌，氣氛熱鬧充滿了這個都市已經失去已久嘅人情味.....👍🏻👍🏼👍🏽👍🏾👍🏿😋…Read More

裕泰呀裕泰，咁多人推介你所以特登由深水埗行落太子試下，裝修比較簡單似普通小店，價錢親民單拼32蚊雙拼加多10蚊，以宜家嘅開飯指數嚟講算係抵食，不過平還平最緊要係好食先得㗎。第一次食穩陣啲叫個牛腩腸肺河最緊要多葱，牛腩果然唔錯，甘香夠冧味道夠濃，不過如果係傳說中嘅崩沙腩可能就更加不得了，可惜一早已經售罄食唔到～下次啦，湯底有牛味帶點甘香，可以一飲到底，最後只係嫌牛腸裏面太肥太多肥膏，如果單拼只係三條二性價比算高.....🤩😊😋，下次再嚟試下佢嘅越南湯河先......😁😁…Read More

平時落新蒲崗都係夜媽媽嘅事，今日晨咁早出咗嚟又想食個早餐，食個茶記早餐雖然有冷氣開放舒舒服服不過又冇乜特別，咁就不如試下碰碰運氣睇下成記有冇開門，其實好耐之前都有食過，不過就一直未有機會再嘗。朝早十點零鐘佢又真係開咗門喎，好少可晨早流流整一大碗潮州粉麵做早餐，牛丸彈牙有口感夠牛味果然係招牌菜冇得輸，牛腩OK炆得夠冧最好係有少少肥膏連住，係個湯底就略咸咗啲，不過最緊要一樣嘢係一定要多蔥.……😋😊…Read More

喺灣仔開業45年嘅樂景快餐做埋今個禮拜就光榮結業，呢類快餐小店已經買少見少，一見個裝修就諗起以前“香港八幾”嘅銀禧小食店，懷舊滿滿，如果有興趣嘅話不妨來把握最後機會……😋🍔🍟🍗可能寫一篇食評已經太遲，因為已經係結咗業，不過唔緊要希望可以 批核留番個美好回憶……😥😥芝士蛋漢堡，生炸雞髀，茄汁豬扒意粉，黑椒牛扒飯，星洲炒米，乾炒牛河，豉椒排骨河，羅宋湯……大部分美食都唔過$50.....😋😋…Read More