elaintam520的个人专页

今次嚟到大圍一間隱世小店Four X Four，位置雖然隔攝，但餐廳裝修簡約乾淨，帶點小清新風格，感覺寧靜寫意，啱晒想靜靜地歎個西餐的人。慢煮西班牙栗飼豬扒配柚子胡椒醬、薯條及沙律菜豬扒厚切但入口超嫩，邊位帶點油脂，肉質細緻帶甜味，顯示栗飼豬本身脂香。柚子胡椒醬酸辣清新，恰到好處地中和油膩感，為整體味道加分不少。配菜方面，薯條炸得乾身香脆，沙律菜則用上新鮮蔬菜，醬汁輕盈，起到平衡口感作用。開心果醬烤蜂蜜肉鬆大雞扒，配蒜蓉包及薯條 雞扒大份，煎香外皮，肉質保持嫩滑，帶點蜂蜜甜香，與肉鬆的鹹香配合得幾特別。開心果醬則為整體加添堅果香氣和油潤感，有驚喜。蒜蓉包外脆內軟，拎嚟撈醬或伴雞扒都好夾。…查看更多

今日約咗朋友喺屯門食午餐，今次就揀咗去 b.o.t.h Eatery 嘆個西餐。餐廳位於商場內，空間感十足，座位闊落，坐得舒服。整體環境偏昏暗，光線柔和，加上木系裝潢與型格燈飾，營造出一種低調嘅浪漫氛圍，好適合同朋友或情侶聚餐。黃金洋蔥圈外層炸得金黃酥脆，唔油膩。洋蔥圈入面厚實多汁，配埋提供嘅千島醬，味道更添層次。費城芝士牛肉三文治賣相吸引，牛肉切得薄身但份量唔少，炒得香口，配合溶化嘅芝士夾喺烘得微脆嘅軟包中，每啖都充滿肉香同芝士鹹香，好邪惡！加配的香脆薯條炸得乾身，外脆內軟，份量亦足。寶雲酥海爐魚配烤蔬菜焗薯角爐魚魚皮煎得酥脆，肉質滑溜，味道清新不膩。旁邊搭配嘅烤蔬菜同薯角烹調得宜，保留住蔬菜本身甜味，而薯角外皮微脆，食落香口…查看更多

今次約咗朋友相聚，一齊去尖沙咀食燒鰻魚，地點就係「鰻工房」。餐廳屬於小店類型，座位不多，但環境整潔企理，而且上餐速度頗快。沙羅鰻蛇丼一上枱就非常吸睛！原條長達30cm嘅鰻魚，豪邁鋪滿整個飯面，氣勢十足。鰻魚表面烤得微焦，帶有淡淡炭香，魚身油脂豐盈，肉質細嫩入口即溶，口感軟綿得嚟又唔會過肥膩。配上秘製蒲燒醬汁，鹹甜適中，醬香同鰻魚鮮味完美融合，再加埋粒粒飽滿嘅米飯，真係每一啖都非常滋味！丼飯既鰻魚底仲有舊玉子，食哂成碗真係超級飽。蒲燒鰻魚厚燒玉子丼碗內有厚厚的玉子同嫩滑的鰻魚，玉子柔軟微甜帶蛋香，鰻魚則烤得外層微脆，兩者一齊食層次分明又富有飽足感。飯底吸晒蒲燒醬汁，帶少少甜鹹味，整體不錯。…查看更多

今日LUNCH想食好啲，就揀咗屯門V city入面嘅《東京食堂》，呢間主打日式料理嘅餐廳，餐廳餐點選擇豐富，由定食、和風意粉、拉麵到蕎麥麵一應俱全，餐牌非常多元化豚雞二重奏拉麵
呢碗拉麵一係以雞湯為基底，再加入豚骨精華，令整體口感更濃厚醇滑。湯底有雞嘅清甜，又有豚骨嘅香濃。拉麵條偏向中粗，煙韌彈牙。配料方面有嫩滑雞肉、油香豚肉，仲有一粒濃郁嘅糖心蛋。唔少得嘅仲有爽脆荀絲，為整體增添咬口層次。福岡草莓鮮奶咖啡
呢杯特飲外觀已經相當吸引，粉嫩嘅草莓果醬同牛奶咖啡分層，影相打卡一流。攪拌後飲落，草莓果香微酸中帶甜，配合滑順牛奶同咖啡嘅微苦，層次分明，飲落唔膩，係一杯令人愉快又醒神嘅飲品。…查看更多

好耐無食壽司，最近見到壽司郎推出一系列新壽司及甜品，忍唔住即刻約朋友去食。炙燒紅酒鵝肝配蒜味醬
鵝肝經炙燒後油脂溶化、入口即化，帶住微微酒香，搭配蒜味醬更加提味，唔會太膩香蔥三味（赤蝦、三文魚、魷魚）
三款壽司以香蔥鋪面，帶出鮮味之餘又多咗少少爽口感。赤蝦爽甜彈牙、三文魚油脂豐富、魷魚則煙韌滑溜吞拿魚三味（黑鮪中吞、藍鰭赤身、藍鰭魚蓉）
黑鮪中吞很香油脂，藍鰭赤身味道濃郁、魚味突出，而吞拿魚蓉滑口度高炸蝦排配他他醬
炸蝦金黃酥脆，大件厚肉，咬落爽口，配埋酸酸甜甜既他他醬，好開胃伊達卷和風甜點拼盤伊達卷質地綿密，蛋香濃郁，唔會太甜，抹茶雪糕清香微苦，配合忌廉食落更有層次，而焦糖蕃薯條外脆內軟，糖漿焦香帶甜但唔膩口港式奶茶味卡達拉娜
最驚喜係呢個港式fusion甜品，奶茶味香濃，帶有茶澀與奶香，平衡得剛好…查看更多

今日專程嚟到太子人氣 café「Owens」，享受一頓充滿陽光感覺的西式早午餐。餐廳整體空間舒適，燈光通明，而店員態度亦十分熱情有禮。點餐附送沙律或餐湯以及一杯飲品，以呢個價錢嚟講真係性價比高！千島醬烤牛肉墨西哥卷
牛肉經香煎後外層微焦，內裡軟嫩，牛味濃郁。配上微酸甜嘅千島醬，更加開胃，卷內生菜、洋蔥，清爽又層次分明。墨西哥卷皮薄而富彈性，咬落唔會太乾。水牛城雞翼雞翼外皮微脆，入面肉質嫩滑，水牛城醬汁鹹香中帶微酸辣，唔會太重口味但夠開胃。香烤雞扒全日早餐
呢份全日早餐配料豐富，香烤雞扒表面微脆，肉質鮮嫩多汁，唔會乾柴，配搭咸香法蘭克福腸、炭香味濃嘅烤啡菇、甜酸平衡嘅烤蕃茄，柔滑既黑松露炒蛋，仲有清甜嘅哈蜜瓜解膩，配埋鬆軟嘅酸種麵包，豐富又有營養。開心果麻糬提拉米蘇
甜品一上枱已經吸睛，面層灑上開心果碎，散發淡淡果仁香。中層提拉米蘇柔滑細膩，而內裡煙韌麻糬咬落時有驚喜口感，好有創意！…查看更多

最近經過人氣麵包店 hashtag B，見到門外長長人龍，實在太引人注意，於是決定加入排隊行列啦，而排咗10分鐘終於買到。紫米燕麥撻：外層撻皮酥脆，內餡紫米煙韌得嚟又唔會太甜，仲夾住少少燕麥口感，健康得嚟味道又豐富，係意外驚喜！伯爵忌廉芝士貝果：貝果咬落煙韌紮實，伯爵茶香淡雅，忌廉芝士濃滑但唔膩口，甜中帶香，啱晒茶控。玄米茶鬆餅：茶香濃郁，質地唔會太乾，口感濕潤，食落有淡淡玄米回甘，係鬆餅之中屬於清新類型，唔會食一件就覺得飽滯。黑森林忌廉包：忌廉夠滑，朱古力味濃，仲有少少酒香同櫻桃香味滲出，層次感十足，作為甜品黨一定滿足。…查看更多

復活節假期想悠閒咁過日子，當然要搵間cafe慢慢享受早午餐，今次我就走到一間位於平民商場入面嘅cafe — reborn coffee，小店格局簡約，只有幾張座位同bar枱，氣氛寧靜，啱晒想靜靜地chill下既人。香辣蒜香羅勒葉豬頸肉意粉豬頸肉份量十足，唔韌之餘仲好有肉汁。意粉整體偏辣，辣度對重口味嘅人嚟講會啱口味，不過調味方面主要以辣味為主，香草或蒜香味略為被搶走，層次感較單一。美式煙肉煎蛋班戟餐包括熱香餅、煙肉、煎蛋、沙律同香蕉，配搭豐富，鹹甜交錯得宜。特別係香蕉嘅加入，為整體增添一份新鮮感與香甜口感，幾有驚喜。我另外加配咗煙三文魚，質地柔滑鹹香，不過份量相對較少，如果可以再多啲就更滿足啦…查看更多

午餐時間想食日式料理，今次就揀咗位於屯門嘅和氣食堂。餐廳座位頗多，燈光明亮，整體環境乾淨整齊，屬於中規中矩、簡單舒服嘅店鋪。我揀咗一客北海道角切魚生冷麵，配料相當豐富，有三文魚、吞拿魚等角切魚生，口感新鮮彈牙，麵條爽滑冰涼，配上日式醬汁酸甜開胃，清新又飽肚，非常適合炎熱天氣享用朋友點咗溫泉玉子豚肉生薑燒丼，豚肉煎得香口，帶有濃郁生薑味，鹹香惹味又送飯，而上面嘅溫泉蛋半熟流心，撈飯一齊食提升左整體濃滑口感！味親正常，實屬穩陣型選擇，但價錢略兼偏貴，閒時有意想吃日式也會選擇一下…查看更多

今次週末走到元朗覓食，來到 Chef’s Stage Kitchen 享受一頓悠閒又滿足的午餐。餐廳空間感十足，裝潢簡約有格調，坐位寬敞舒適，令人放鬆又舒服。炭燒安格斯牛肉芝空漢堡，配酸椰菜沙律及薯條漢堡包外型飽滿，漢堡厚實多汁，炭燒香氣撲鼻，咬落肉味濃郁，芝士香滑溶化包裹住牛肉，濃郁不膩；而酸椰菜沙律中和咗整體油膩感，配搭相當和諧。薯條亦炸得外脆內軟，熱辣辣好滿足！板燒牛扒、白菌及瑞士芝士土耳其軟包，配洋蔥圈土耳其包外皮略帶韌性但中間鬆軟，咬落有層次。牛扒煎得剛好，肉質嫩滑有肉汁，加上白菌的香氣與芝士的鹹香，味道好豐富，洋蔥圈炸得金黃酥脆，令人一啖接一啖。…查看更多

朋友最近好想食韓國菜，於是我哋就揀咗Banchan & Cook，一間以蛋包飯聞名嘅韓式鋪頭，今次當然要親身試試佢招牌之作！無骨炸雞半份（甜辣炸雞）
炸雞外層炸得香脆，醬汁甜中帶辣，多汁啖啖肉，完全唔會太膩。炸雞冇骨，食得好方便，而且醬汁分量啱啱好，每件雞都掛滿甜辣醬，旁邊配埋一份薯條，非常香脆烤牛肉蛋包飯
蛋皮煎得非常嫩滑，包住底層酸甜適中的炒飯，一切開就有蛋汁流出，畫面感十足！烤牛肉夠香又唔乾柴，醬汁鹹甜適中，加埋一旁清新爽口嘅沙律菜，中和咗油膩感。牛肉配埋蛋同炒飯一齊食，味道更有層次明太子炸豬扒忌廉意粉
呢道fusion意粉亦令人驚喜！忌廉醬汁香滑不膩，帶出明太子嘅鹹香味，而炸豬扒炸得酥脆，肉質仍然保留嫩滑～明太子同忌廉意粉好夾，微微辣味提升咗整體層次感，好有創意…查看更多

今次行到去屯門NOVOLAND附近覓食，撞到呢間超有橙仔活力感嘅burger店  City’n Friends。橙色主調裝潢，加上陽光感十足嘅光線，令人精神全日早餐
呢份全日早餐配料豐富，用色繽紛，一上枱已經吸引眼球，有煙三文魚鹹香開胃，焗大啡菇厚肉多汁，烤蕃茄酸甜解膩，黑松露炒蛋香氣撲鼻，炒得嫩滑不水，配埋沙律菜清新爽口。薯寶炸得外脆內軟，最後加埋竹炭吐司，微脆中帶有淡淡竹炭香，層次感十足煙三文魚芝士炒蛋班戟仔配薯條
煙三文魚鹹香好開胃，炒蛋滑得黎又充滿蛋香，配上微甜綿密嘅班戟一齊食，層次豐富，芝士更加添滑溜口感，旁邊仲有一大堆金黃香脆薯條，食完非常滿足！煙三文魚豬柳炒蛋班戟仔
煙三文魚、豬柳，加上炒蛋同香甜班戟，每啖都係鹹香與柔滑兼備，好啱鍾意重口味嘅朋友！…查看更多

今次終於去食呢間喺全港有唔少分鋪嘅人氣店 Dough Bros！佢哋主打Pizza同Doughnut，當中Pizza款式創意十足，未入口已經令人好期待！The Pepperoni Supreme
用上傳統嘅番茄醬打底，再配以水牛芝士、辣肉腸、意大利香腸同牛至草，味道濃郁又有層次。香腸煎得微焦，帶出油香，水牛芝士有拉絲效果，蕃茄底則帶少少酸香，剛好平衡咸香肉類，整體非常惹味The Truffle
呢款係純素口味，以黑松露醬作底，鋪上mozzarella芝士、雜菌、火箭菜、巴馬臣芝士，最後加上橄欖油點綴。香氣四溢，松露味濃郁不膩，配上菇類既咬口與火箭菜嘅清新感，口感層次豐富…查看更多

今次午飯時間走入商場搵嘢食，發現咗呢間叫「黃廚味道」的小店，雖然地方唔算大，座位比較緊迫，但勝在出餐快，而味道夠地道、夠實在，性價比唔錯，啱晒打工仔。瑞士雞翼、手撕雞撈烏冬瑞士雞翼甜香惹味，醬汁濃郁，雞翼入味又軟腍。手撕雞配上爽滑嘅烏冬，撈埋特製醬汁後味道非常夾。無骨雞飯
雞肉嫩滑無骨，配上熱騰騰嘅白飯同店家醬汁，簡單又滿足。醬香豬手配手撕雞撈米線
豬手炆得非常入味，肉質軟腍但唔過肥，帶點膠質口感。手撕雞撈米線清爽中帶香，整體味道唔會膩。…查看更多

今次走到屯門，目標清晰，特地試中日式風格又有創意既fusion 煲仔飯店-秋香。餐廳係居酒屋風格，同時店鋪亦有唔少串燒選擇，而店鋪雖然唔算大，但裝潢有氣氛，啱晒兩三位朋友輕鬆聚餐。我哋點咗兩款煲仔飯：玉子蟹肉蟹柳蟹膏大混戰煲仔飯
煲仔飯鋪滿蟹膏、蟹肉、蟹柳，再加上滑溜嫩口嘅玉子，入口柔軟又帶蛋香，為整個煲仔飯加添一份細膩滑順嘅口感，仲中和咗蟹膏嘅濃味，食落更有層次。 真．牛舌芯煲仔飯
牛舌芯煙韌有咬口，食落爽中帶嫩，牛味香濃，而且切得厚身，份量唔算少，配合煲仔飯嘅焦香飯粒一齊食，真係又香又惹味。…查看更多