肚滿腸肥的个人专页

當晚要搵食晚餐嘅地方，經過記得以前呢間係茶餐廳，見佢全新裝修，晚餐價錢合理就入去一試。落單可以掃qr code或者叫伙記幫手都得。朋友點了廚房推介“大澳炒飯”，跟餐湯和餐飲。中湯係霸王花豬骨，味道怪怪的，不似霸王花煲出來嘅味道😝餐飲點咗凍奶茶少甜，完全唔似港式奶茶。大澳炒飯係好食，有蝦有魚肉粒，用蝦醬炒飯好香唔會死鹹。我點了鐵板餐黑椒汁牛扒配薯菜，羅宋湯熱齋啡。羅宋湯無肉只有菜，唔酸只係得個“辣”字，飲咗兩啖放棄。牛扒要7成熟，做到我嘅要求，但牛扒向鐵板嘅一面燶咗D😮‍💨，黑椒汁上灑咗黑椒碎粒，完全唔夾兼無黑椒味，薯菜個“菜”只得一片番茄，薯條還可以，唔係熱只係少少脆。熱齋啡唔太苦澀。估計叫中式小菜類會好食好多。…查看更多

諗住去龍門居附近行行兼搵食，下午茶時間見佢試業中就入去一試。舖內座位目測應該只可以坐到20人以內。下午茶餐款式都幾多，叫咗越式香茅豬扒撈檬，配凍洛神花茶(唔記得影相呢)。豬扒炸得有點燶，香茅味道一般，不過份量都可以。檬粉同配菜的份量都幾多，以下午茶餐黎講係好飽肚，檬粉質地不過腍不過硬，配菜新鮮。洛神花茶應該唔係新鮮製造，味道還可以。另叫2件炸蝦餅，略嚴薄身和細件，外皮都炸得鬆脆。街坊價錢，一試無妨下次去要試食生牛肉湯河…查看更多

我個人好鍾意食手撕雞，見佢哋有就同朋友入去一試。手撕雞一上枱，份量真係估唔到係好大份，我落單時無講明辣度但辣度對我係適中，雞肉一d都唔嚡，只係青瓜絲多咗少少，菜飯的菜都幾多。男性朋友叫咗生炸Jumbo雞肶煎蛋飯餐，炸得燶咗少少，雞肶都幾大隻，一個男人食完都話覺得好飽呢。店員話下次可以叫加腩汁或咖哩汁，不過咖哩汁會辣d。店員服務態度不錯，有講有笑，小店我會再來支持。…查看更多

上openrice查找屋企附近有邊間米線舖未試，就揾到一於去呢處啦。熱拌米線，小麻辣，螺旋藻，豬大腸，辣腩肉，配杯凍咖啡少甜少奶。米線份量足夠，熱熱的而且比較乾身(碗底不會有太多水)，質地唔會好腍或好硬。配料有肉碎、蔥、酸菜，值得一讚係肉碎，有醃製過，而且係9分瘦1分肥，份量都不少呢(好食到唔記得影相)。螺旋藻一塊塊易入口不韌，反而豬大腸和辣腩肉就切得好薄和幼細，無口感，較為失色。我強烈建議唔好飲咖啡，一點都不似係咖啡，不能形容，可以講係極難飲。…查看更多

想揾抵又好食的下午茶，行行下就見到轉角呢間社企經營的西餐廳，一於支持佢哋。點了“黑椒牛脷野菜炒意粉”，一杯熱咖啡個人覺得佢哋落得太多黑椒，整到成個意粉都好辣。牛脷切條狀，似是炒好意粉後加上，所以一點點熱都沒有。咖啡飲落不是一般茶餐廳的味道，可見佢哋係用心制作。地方座位唔逼，餐廳內燈光唔太暗，播放緊Beatles懷舊歌，感覺好輕鬆可以慢慢歎。讚的是材料十足，而且份量不似是下午茶，令我好飽腹的一餐呢。下次會試食晚餐。…查看更多

放假去揾食, 就揾到呢間車仔麵舖試下生菜底：份量都幾多，係唐生菜湯底：清湯配秘製辣醬，我叫了少辣，有蒜辣的香味陳皮魚蛋：粒數忘了幾多，只記得食到尾都仲有，應該有5粒以上，質感煙韌好有咬口，陳皮味食唔出豬腸：無特別用醫汁整過，佢哋唔係用豬大腸，咬落爽口唔韌，唔會有一大舊肥膏係腸內醉雞翼：好少有車仔麵店會有呢款餸叫，賣相已經好吸引，只有少少酒味，唔係好食得有酒味的朋友應該會幾鍾意，肉質有點嚡口，但都係不錯之選佢哋無套餐叫，要起碼叫3餸1面底廚房內有兩位後生仔主理，店面只得一位女人，佢哋都好細心服務客人。其中一個廚師出來見我罐汽水無飲管都主動問我要唔要，其實當初店面個女職員有俾，只係環保理由我自行放回去呢呢間係我下次都會再幫襯之選…查看更多

朋友介紹就同4個好友約去呢間食雞煲打邊爐用了Openrice的訂檯服務仲有積分儲呢雞煲 --- 要了一隻辣椒🌶的辣度麻辣的味道不夠, 只得辣沒有該有的麻辣香雞是全用雞髀肉, 肉質嫩滑, 份量都幾多食完雞煲會照用返個煲去打邊爐, 因我們係食辣雞煲, 職員會照樣給辣的湯底(用一個水壺載著給你落煲)食物和飲品逐款計算山藥 --- 即鮮淮山, 新鮮爽口豬膶 --- 略嫌大塊同厚身, 煮耐了會好靭, 食得出沒有用化學物品“乸”過令到煮熟後會變得爽口油麥菜, 翡翠苗, 木耳(忘了影相), 雜菌拼盤 --- 好新鮮, 未見有開始變黃或有霉爛的跡象蜂巢冰豆腐 --- 不好食, 有少少酸味白鱔片 --- 大塊但有少少魚骨, 可接受手打醉愛雞丸 --- 無酒味, 有口, 好似有雞軟骨加入在內手切新鮮手頸脊(大) --- 食得出係真新鮮, 肥瘦適中, 肉質唔靭, 推介推介鮮炸響鈴(忘了影相) --- 見隔離枱食就叫了一盤, 好大條好實好脆口, 食一條已經好滿足飲品 --- 可樂 x3, 烏龍茶 x1, coke zero x3價錢我覺得好貴食店環境 --- 話說有live band會有演唱但當晚無, 另外該店的大厦係工厦活化改裝而成, 所以樓底較矮, 而且抽風系統不夠, 要有心理準備你整個人連同携帶的物品都盡吸收了火鍋同雞煲的味道而歷久不散(除非徹底清洗)總括來說, 食物質素是非常好和好新鮮的。…查看更多

夜晚9點幾經過, 本來係吉舖的開左呢間就去試食下。有堂食, 要先排隊俾錢買好才拿入店內食。店舖地方細但唔會好逼(掛住食無影相), 而且只得店主和一個靚姐, 所以食完要自己收拾食具和垃圾放入垃圾桶內。蛇羹的蛇肉幾多, 其他配料如木耳絲, 冬菇絲, 豬肉絲等等都齊備, 只是湯底的味道稍嫌不夠正宗, 但以$40/細碗來講都算可以。另外有蛋散薄脆和檸檬葉絲免費供放落去, 增添蛇羹的美味。店舖還有蛇湯和糯米飯賣, 下次會去幫襯試下味道如何。…查看更多

之前係某飲食網站見到有介紹, 本身又鍾意食辣, 所以就去試食下。店舖超細, 無得堂食, 我諗佢原意係想做外賣, 但見到係店外擺左4張細圓枱可以係度食, 唯一壞處係如果食食下落雨就好狼狽了, 而且你要接受無冷氣無風扇的情況下食呢。另外因店內只得2位四川嬸嬸煮食, 所以要有耐性等先有得食同埋清潔枱面。當日下午同男友叫了一碗少麻辣口水雞薯粉, 一碗少麻辣夫妻肺片薯粉, 一碟涼拌青瓜和2罐可樂。涼拌青瓜~ 份量都幾多, 青瓜好爽脆切得細細舊, 不過略嫌唔夠凍, 麻辣汁的麻同辣的程度適中, 跟店名“香辣”係名副其實少麻辣夫妻肺片薯粉~ 餸料份量幾多, 肺片切得薄薄易入口, 牛肉同牛肚唔會好韌咬唔開少麻辣口水雞薯粉~ 口水雞肉質唔嚡口, 仲有點雞味呢(我估可能有醃過)每碗都配有花生, 少許肉碎同芽菜芫茜葱, 唯一個人覺得薯粉有點韌, 要咬得耐少少先咬爛有心去食的朋友, 此乃小店一間, 真係要俾耐性等先會食到好野㗎我一定會再去幫襯, 支持小店…查看更多

星期日係屋企, 突然心血來潮想去呢間食個午餐, 叫左碗牛雜粉, 份量好多, 牛雜滿佈碗面排得好齊整, 有齊牛腸,膀,腩,筋,肚, "Yip"得夠晒入味而且食落唔會好韌, 米粉份量較多但個人認為質地比較嚡口, 湯底一D肥油都無而且好香腩汁味, 員工都好好禮貌, 咁耐無黎食都仲保持到水準, 讚呀！ …查看更多

天氣炎熱,想搵個落腳點食少少野飲杯凍飲,經過見到就入去坐低試下我同朋友各叫左一份土司餐:1)傳統土司~烘得香脆, 塗上咖吔醬, 香口無比!2)半熟蛋~佢地教有另一種食法(看圖示),D蛋食落好滑啊!3)肉鬆土司~超厚麵包加上肉鬆, 原來味道又可以好夾, 麵包烘過先鋪上肉鬆!4)咖啡~獨特咖啡香味,炭燒咖啡, 超香濃!5)奶茶~茶味有別一般香港奶茶, 飲落香滑!同朋友傾傾下傾左成3個幾鐘, 餐廳環境舒服到都唔知道時間, 又唔會趕客走,下次要幫襯佢地既正餐先!…查看更多

約左朋友係大埔食飯, 上網揾到呢間舖,見食評唔錯就去試下~~同其中一位朋友先到, 店舖空間比較細, 大約只可30人, 但唔會太逼!吉列蝦卷: 即炸蝦仲熱辣辣好脆口, 配上沙律醬食落唔覺膩燒牛舌: 厚身爽口唔韌, 燒得好香口八鯨(什錦刺身): 靚女老闆娘(我估,因不是穿制服)提議加多30元有吞拿魚刺身, 入口即溶, 每款刺身都好有鮮味, 唯獨附上既紫菜潮濕左,不脆了醬燒魷魚筒: 唔韌又唔會燒得好燶, 魷魚鬚仲脆脆地好香口鰻魚壽司: 叫左兩客共4件俾朋友個仔食, 魚肉切得比較長身, 不過醬汁較少, 發生左一段小插曲, 因一些突如其來的事, 要求靚女老闆娘換另一件, 佢即時不斷講sorry及即叫廚房做, 後來換上兩件仲再次講對唔住唔好意思呢!飯後送上雪糕Puff, 涼到入心! 下次入大埔必定再去幫襯! …查看更多

早一個星期已致電問有無得訂檯, 接電話既男人話六日假期唔俾訂。當晚我地一行首先8人到達(另2人遲d到), 入門口個男店員做手勢, 意思話無位, 跟住問佢要大約等幾耐, 話大約一個鐘,照等,之後見有4人離開我地先入4人, 其實坐逼少少都可坐6人, 其後15分鐘到隔離檯埋單走人就可坐夠10人,等隔離檯埋單離開其間我地都有點左兩次野食(食完1次再叫), 之後個男店員話: 其實你地咁多人可以訂檯, 你地咁樣我可以唔俾你地入黎, 我即刻同佢講我有打電話問, 但佢地回覆我無得訂, 呢d係咩服務態度, 好似係度話我地唔啱咁,就算食物再好食都變左食"一肚氣"之前寫食評0既人所講0既事,我今次終於親身經歷到,唔會再有下次幫襯…查看更多

放工要先去餵飽我五臟腑, 因為之後要係油麻地上堂, 搵地方落腳食野, 無意間見到呢間小店, 而且我一直都鍾意食米線薯粉,就入去試下。店內地方細小, 最多只可以坐到6個人, 要面壁食野, 裝潢簡單但有特色, 叫左碗鮮雜菌薯粉微辣加豬腸, 另加3蚊飲竹蔗水。餸菜比較多, 薯粉唔會太腍或太韌, 麻辣湯底好有四川風味, 唔係淨係得個辣, 最欣賞佢地係冬菇上面介花, 而且係鮮冬菇, 豬腸唔會韌到咬唔開唔吞得落肚,竹蔗水唔太甜。進食期間不斷有外賣電話來電及食客進出,舖內只有一個大嬸招呼, 同食客有講有笑, 隱約見到廚房有兩個男人正在煮食中, 不過店舖位置比較偏僻, 唔容易搵到, 有機會再去食其他野!…查看更多

當晚雖然無壽司刺身食, 而且食物種類唔太多, 不過甜品有好特別既選擇, 雪糕有3款, 可以自己"畢"起然後放係雪糕筒食, 芝士蛋糕有2款, 不能錯過。普通既飲品如奶茶咖啡檸檬茶可自由斟取。熱盤同冷盤都係有特色既食物, 如四川辣雞, 只是少少少少辣。服務員時常加水及收碟, 可能唔係太多食客。$88加一後$100有找, 只係交通唔太方便。星期六日公假$138, 不過就多左海鮮食, 下次要試呢個。…查看更多