lingyy2019的个人专页

平時間中都會來食早餐，食物味道價錢係商場內都合理。經過今次。。。。從未試過係任何餐廳食嘅食物中出現過食物發曬霉嘅情況，完全超出左我對食物衛生嘅要求。。。可以見到D霉菌已經遍佈整個牛角包內，難以想像個包到底放咗幾耐！!當時掛住睇手機，發現時已經張有問題嘅包連同其他食物一齊食咗落肚，唯有食定腸胃藥。好溫和咁同餐廳反映個牛角包🥐有發霉，提醒佢注意可能來貨有問題或存放問題，好似不以為然，咁唯有幫襯其他！…查看更多

最近好少同朋友聚餐，難得2人出來行街，順便食埋晚餐>>>雞煲打邊爐食評太多好評，毫不猶豫就揀咗呢間試試。。但失望！7點入座，全場第一枱客，可能今時今日嘅環境無乜人出街食？埋單走時有5枱客。芝士雞煲或麻辣雞煲，二選一，唔中意芝士打邊爐，都係叫返正常麻辣雞煲，友人唔食得辣，辣度唔可以走辣，唯有叫最小的辣度。雞煲內嘅雞肉竟然只有雞髀肉 ，唔係正常半隻雞！暫時未食過雞煲既雞得雞髀肉。。味道方面，只叫小辣，但辣度絕非小辣，食唔到辣既人相信接受唔到。。除左辣味之外，好咸！食完雞煲後只點左2，3款材料加入去，但因成煲野調味好濃，加左湯都好濃味，變相完全食唔出食材本身味道，未食飽就結帳了。追加既食材，每份份量唔多，價錢算貴調味醬油每位收$16，要收醬料費既情況下，但得6款調味材料，實在太求其P.S.食完此晚餐大約4個鐘後，有肚痛肚屙既情況，可以肯定關事，因食完晚餐後無再食過其他食物。…查看更多

年尾飯局特別多，見網上有自助餐優惠禮券買，平均自助晚餐$500/位，以五星酒店自助晚餐來講，價錢算抵。食物，環境完全無令人失望，選擇多，種類豐富，質素亦好好冷盤-海鮮新鮮🦞🦀🦐🐠生蠔，麵包蟹，龍蝦，長腳蟹，青口，賴尿蝦刺身，壽司🍣有太多熟食，未能一一試過，片皮鴨，羊架，牛扒，燒烤，質素都幾好甜品🍮食物Refill 得幾快缺點:1，有好幾款食物都需要排隊等候生蠔即開，全晚差不多都見排隊人龍天婦羅炸蝦🍤即炸，需排隊及等候甜品pancake 即做，需排隊及等候2，侍應太少，收碟太慢，要張已食完既碟疊起放，一段時間後先有侍應收。…查看更多

假期想食個豐富少少既午餐，之前已經食過一次半自助餐晚餐，今次再來試埋半自助午餐先揀好一份主菜及飲品，而前菜，沙律，餐湯，甜品都係出去自己無限拎，但用餐時間限制90分鐘選擇都唔少，沙律多款式，又有生果，甜品以西式為主，但估唔到有腐竹雞蛋糖水及豆腐花，除左湯外，全部食物都係凍既如果怕生冷食物可能就唔岩食了主菜-澳洲肉眼扒整體食物味道都幾好，牛肉5成熟，煮得剛剛好，但筋比較多😐餐廳空間大，拎野食亦唔會迫，坐得舒服，侍應亦有禮貌…查看更多

臨近除夕，想放肆一下自己，食餐飽，揀左任食放題，已經差不多有成年無食過，最後決定來大喜屋集團旗下既殿大喜屋，諗住大喜屋集團以前食過都唔差，最貴係殿呢間，食物質素應該唔錯。不過可能我要求過高，今次用餐頗為失望。首先選擇唔多，無論刺身款式或熟食都少選擇第二食物質素一般第三稱不上有服務開頭先每款刺身叫幾件，試吓係咪新鮮岩食蟹腳—好喊甜蝦—第一碟都唔差，第二次來果碟，融雪得唔好！其他刺身一般壽司方面，比較有噱頭既係海膽壽司，無鮮味，好普通其他壽司上面既刺身好薄，完全食唔出刺身味道，壽司飯用紅醋，醋味太濃，連飯都唔好食其他熟食，一般，到後期已經唔想特登去影相，因為唔特別，味道亦只係放得入口，稱唔上好味唯一讚得過係飲品選擇多，甜品亦值得食價錢$328+10%因為食物好一般，好多都無再落單，呢個價錢，食物配不上。…查看更多

12月又到年尾，節日特別多，需要慰勞一下辛苦拼搏既同事們，揀左請大家食壽司，價廉物美！壽司整體味道唔錯，壽司飯又唔會硬，刺身亦無雪味，算新鮮。呢個價錢食到咁多款既壽司及小食，款式選擇又多，雖然食材廉價，但味道值得一讚！👍…查看更多

呢間餐廳既中式小菜好出名，有幾間舖位，晚餐時段依然要等位，人流多！之前已到過餐廳同一大伙人食過，覺得部分菜式的確幾出色趁天氣開始較凍，食返個羊腩煲暖下身。點左份涼拌海蜇小食，幾爽口彈牙👍京都骨肉實在太厚太大件，好難咬開，醬汁亦太咸😔枝竹羊腩煲枝竹及羊肉份量都好多，羊肉肉質剛剛好，唔會太韌，亦沒有羊’蘇’味配生菜，放入去羊腩煲湯煮熟，混合d羊肉味，好正👍👍餐廳有卡位，二人坐亦唔覺迫侍應都好有禮貌！…查看更多

已經幫襯過幾次，食物做得好無論午餐，下午茶，晚餐都已經來過，最愛呢度既意粉及蜜糖雞翼飲品:榛子朱古力沙冰。大大杯👍蜜糖單骨雞翼。炸得好脆，好入味！👍卡邦尼意粉。意粉煮得剛剛好，白汁亦做得好濃味！…查看更多

第一次訂非門市既蛋糕，估唔到可以做得咁出色！首先上網睇完蛋糕款式，可以直接網上訂購，但係結帳幾次都唔成功，最後打電話去查詢，原來可以直接電話預訂，取貨先俾錢，送到最就近地鐵站取，真係好方便，呢點勝過一般餅店好多👍每款蛋糕都有獨特既名，好有意思桃 momo山形縣白桃慕絲 x 伯爵紅茶慕絲 x 山形縣白桃蛋糕層次分明，以白桃慕絲為主，果香突出，亦有紅茶味，令整個蛋糕甜味不會太重。整體味道出色，蛋糕面上裝飾得好靚，用心經營！💪…查看更多

屋企人生日，傳統生日蛋糕食得多，千層蛋糕就未訂過，千層有好多味道選擇，提前一日電話預訂就可以。芒果千層蛋糕🎂個賣相已經夠獨特，連生日牌都咁有創意🥳個蛋糕可以分到8份，每層層次分明，夾有忌廉及芒果，蛋糕甜度適中，食1/8件絕對無問題好滿意！😁…查看更多

旺角行行下街肚餓，又唔想食太油膩既小食，入去食個湯河醫下肚先。坐低望完餐牌，估唔到一碗湯河$26咁平！豬頸肉湯河👍👍😋份量唔少，豬頸肉好好味，河粉好滑，清湯底，但依然好有味，唔油膩。意想不到舖仔細細但做得咁用心！間店最出名係海南雞飯，留返下次試！…查看更多

餐廳用餐佈置得好有心機，天鵝主題全店大部分食客都係以女性為主，只有數個男性，對面坐既都係女性，相信係陪女朋友食🥰餐牌上選擇好多上菜後先知，普通一份沙律都好大碟👍上枱食物同菜單上圖片非常似👍沙律及意粉味道都唔錯反而甜品，賣相幾靚，但做得有點硬同乾身…查看更多

間唔中都會想食下漢堡包，果刻就會諗到食MOs Burger ~~黑醋雞堡~~始終比較中意呢款包包皮厚身，菜絲條，醬汁多，雞肉脆，有肉汁👍薯條厚切，熱辣辣，條條都大大條，唔會斷開晒！茄汁任取！唯獨佢既可樂唔好飲。…查看更多

天氣開始涼，朋友飯局少不免打邊爐，今次呢間之前已經來過一次，今日同行6人，可以叫多幾款食材😋好多款醬料揀，打邊爐最講醬料👍👍👍湯底-金屋藏嬌，濃濃既湯同配料，有雞，花膠，夠滋補食材好新鮮👍👍👍😋…查看更多

又到千色滙，近日難得見到間門口要排隊既餐廳。。麵道。。$80/碗豚骨湯拉麵拉麵份量好多，一個人食晒已經好飽好飽，搭配左2件大塊叉燒，溫泉蛋一隻，木耳，蔥花，芝麻，紫菜湯底好濃郁，會不自覺地飲多幾啖湯店面細細，但拉麵估唔到咁正，個人覺得好過本地其他出名日本過江龍拉麵店！…查看更多