sweetsotso的個人專頁

見到樓上有食評語話可一不可再都幾大量下我想講 如果你未去 就絕對唔建議試一間新開嘅餐廳 我都唔明服務態度點解會差到咁Booked 1930 因有朋友未到所以坐咗一陣先 但係佢8點已經催你快d落order 2030就last order 然後2100就催你埋單😀2115話要閂門😀😀😀而在場都仲有7,8枱客未走都算啦因為係慶祝生日 所以有帶自己嘅蛋糕黎個職員2100行埋黎: “你哋個蛋糕點？係咪自己搞掂？” 我地黑人問號❓下？第一 生日驚喜已經無咗第二 咩叫自己搞掂？ 下下下？❓❓❓❓❓離晒譜都算啦咁上面提過2100已經埋咗單架啦嘛咁我地都好自然認為係無切餅費就算有 你拎蛋糕俾我地嘅時候都好應該講聲係咪？加上都真係我地自己”搞掂”個蛋糕嘅(自己切 無打攪佢地 因為佢哋趕緊收工😊)點知當我地食到一半嘅時候拎住部機行埋嚟收錢 “我地要收返切餅費架$165 係咪都係俾卡？”我地都真係全部呆L晒到底你係做過d咩要收我地錢 仲要收之前無講定食物我唔評啦樣唔靚 所以冇影相亦唔好食因為佢哋 搞到個氣氛好差 心情好差中間仲不停走埋黎收碟收盛水又唔斟我地都未食完 收收收 收m9總結一係你可以好早食飯say 6,7點一係你有多餘錢嘥 咁就歡迎去呢到！👏🏻…查看更多

速食lunch 第一次黎 講咗食物先今次叫咗炙燒左口魚risotto 同一個蟹肉蟹膏意粉如果兩者比較，risotto 會比較優勝真係食得出左口魚嘅香味而唔腥(當然要襯熱食) 個汁都整得好好食 唯一太差就真係個份量太少太少！！完全唔係主食嘅份量但收主食嘅價錢..意粉整體都可以，但就有啲求其蟹膏冇整返熱就放上意粉到 搞到個意粉凍冰冰主食最忌就係凍呢到就扣咗分最奇怪係唔知點解要放蕃茄同個意粉格格不入 …. 不過，蟹肉果到拎返d分 意粉都彈口。總括嚟講呢 有好多地方需要改善1. 份量要改2. 最好整set menu 因為飲品一杯5字頭仲要加一未必個個會叫3. 侍應太放負 令人感覺都唔開心4. 裝飾要俾多少少心機 … 加油…查看更多

7點準時到問佢可唔可以坐outdoor，佢話出面full booking 我話我咪係book 咗果個囉？望下張紙，話sorry今晚好fullFine~ 咁坐入面都ok 嘅都係食飯姐 張枱又大d但有好奇怪喇 坐咗一陣 都唔覺出面係full booking 因為有一半枱都係空 。心諗呢間野服務態度都真係幾差，都是但啦而入嚟之前有同我地講咗有限時90分鐘咁呢樣我地理解嘅 分兩round 我地book 7pm 即我地8:30要走食物7:15pm到咗食到大約7:45就已經問我地上得甜品未仲不停走過黎想收嘢 問我地有咩係收得最少3次 水又唔加 (係所有staff都係咁)拿 老老實實 你間野係好多人等位我都理解到但我想講 成間餐廳都係坐咗一半人 咁趕人走係為咩呢~ 而我地又未夠鐘交枱做咩呀？食放題呀？知唔知客人係好有hard feeling 人地想好地地傾下計都唔得嘅我地幾個係反感到連野都唔想食No comments on their food nor drinks 好後悔入咗黎!! 奉勸各位有信心一個鐘食完先好黎好耐未去過一間咁差嘅”餐廳” 完。…查看更多

真係好少去寶琳街市睇睇下post 先知原來呢到有條食街呢間千鳥居試咗兩次，其實好好食好高質但見佢竟然冇食評，咁我介紹返😂第一次去見職員整緊牛柳粒好香所以叫咗一份試，真係堅！好！食！佢係即叫即整，蒜香炒，拎到返屋企係凍咗少少..但牛味仲好出好juicy，食得出係貴價牛超推另外就試埋雞軟骨同雞扒拉麵兩樣都好食，拉麵湯底好正好似係豬骨湯，同出面食>$100一碗差唔多質素雞扒又係好好食，好嫩睇得出係好比心機❤️整！雞軟骨正常，不過不失，但都幾大份！忌廉蟹肉薯餅都好抵食！$18有兩塊其實佢仲有好多小食我地都未試晒…應該會繼續幫襯😂😂值得一提係員工態度都超級好，好有禮貌！呢間真心OK, 將軍澳朋友可以一試…查看更多

見佢今日冇乜人排隊就入去試下我同意服務係好好嘅待應都時不時會幫我地加水、睇下我地有咩需要咁。但真係輸食物輸咖啡作為一間咖啡店，理應咖啡唔會出事我叫嘅係熱飲，等咗30分鐘，我以為慢工出細貨Yes 我又諗多咗首先佢係唔熱，咖啡苦而淡，最慘係好細杯，300ml都唔知有冇…之後係個黑色嘅蛋糕係佢地推薦嘅🤦🏻‍♀️🤦🏻‍♀️🤦🏻‍♀️🤦🏻‍♀️唔係講笑，係完全無味連d珍珠都冇味到底我食咗d咩🤷🏻‍♀️最後埋單$18x兩杯咖啡+ 一個cake抵唔抵自己諗啦🙃…查看更多

呢間酒店之前都已經好多人推架拿當然賣點係無適大海景la!!今次係同朋友去食Tea ~Er.....個high tea set 真係無乜特別想講..份量比較少，只有十件，而且每件都好tiny味道未算出眾suppose好好食嘅scone 都麻麻地...所以。。大家自己睇相😅不過我估大家黎呢到都應該係食景😉講真個景真係好靚打卡一流同以往嘅餐廳唔同呢到可以望晒維港、香港島同九龍東嘅景而且餐廳嘅樓底夠高，感覺好似比個海包圍咁所以如果大家想搵間餐廳chill下呢到係唔錯嘅選擇❤️食物: 🌕🌕🌑🌑🌑環境: 🌕🌕🌕🌕🌕服務: 🌕🌕🌕🌑🌑性價比: 🌕🌕🌕🌑🌑…查看更多

我見咁難book位，抱住好高期望去點知大失所望所有食物都係得個”””””甜”””””字！基本上我食唔出佢哋係咩......就算見到係綠色，知道係綠茶味都食唔到綠茶味🌚只係好甜咸點都係甜，唔知自己食緊咩，好怪個牛角包🥐可以完全唔脆🌚點做到🌚比較好少少就只有scone, 正常level 亦都唔稱得上係好食。呢到唯一可取之處就只有個view 居高臨下，係好靚嘅，可惜食物質素配唔上加埋一差不多要成$400@1 但食物同服務態度都做唔到6星酒店應有嘅級數....都係返過去天龍軒or cafe 103算完。…查看更多

其實已經唔係第一次食🤫經過之前食完Ritz Carlton 嘅Afternoon Tea好失望之後，今次再返黎食佢哋最特別之處係可以自己自由配搭茶點可以揀自己鍾意食嘅多啲而我自己比較鐘意食甜點，所以今次冇乜點揀咸點。同埋因為早咗book位，所以今次安排到sofa seat好~講下我自己比較滿意嘅甜點:1. Tiramisu ⭐️⭐️⭐️⭐️⭐️呢到嘅Tiramisu有d驚喜！ 平時出面食果d通常都只得咖啡味，同好多cream.... 而呢到嘅Tiramisu竟然比我食到Rum酒，而且唔會好軟身，有口感，亦唔會食到成口朱古力粉值得推介。2. 綠茶卷⭐️⭐️⭐️⭐️綠茶卷係我第二鐘意嘅甜點，綠茶味豐富，唔會得個甜字，綠茶cream同海綿蛋糕嘅比例做得好好，好平衡，好味3. 拿破崙⭐️⭐️⭐️⭐️淨係個Size都贏咗😂比起一般嘅甜點(除了scone) 都要大舊哈哈 可能因為佢有兩層，係典型嘅拿破崙味道。外皮好脆，夾心亦夠凍，唔會好cream有nuts食到，成件事都好夾，讚除咗食物，今次我都想推介一下下午茶的茶！——————雨前龍井！！因為平時我食afternoon tea好少飲中式茶但真係估唔到呢個龍井咁好飲其實佢係綠茶嘅一種，清清地，淡淡地嘅茶味好配合呢到嘅甜點！同埋沖咗幾壼都仲有茶味，幾好。最後價錢方面，呢到二人Tea set $4xx 我用咗HSBC有8折圍起都唔洗200蚊一個坐咗成個下午真心好抵！highly recommended! …查看更多

我姊妹誤打誤撞搵咗呢間餐廳😂其實個位置都幾難搵，行晒成層2樓都搵唔到以為自己去錯😂😂原來佢匿埋咗喺Boconcept隔離！ 因為平日，所以人客不多。環境好舒服，仲有outdoor 雖然係樓景，但感覺都好chill 嘅。我地order咗set dinner 佢頭盤係三款自選沙律🥗+daily soup 兩樣都做得好出色好好味！Daily soup係芹菜木魚，魚味好出但唔會腥沙律新鮮，佢選擇都幾多所以大家唔洗怕揀唔到😂Main course 服務員推介咗chicken and sea bass 我想講真係冇介紹錯！佢個sea bass起咗骨，食落淡淡肉，最緊要係唔腥！份量仲比我想像中多，推介另外個雞扒外脆內嫩，配合pita bread 食好夾賣相又靚除咗食物，呢到個服務員都好好人好nice!! 點菜前會介紹佢地嘅食物，又周不時幫我地加水。佢地本身收十點，但我地坐到10:45都冇趕我地走....所以....真係滿足嘅一餐！…查看更多

朋友上網見到呢間 cafe 話好想試下所以我地今日千里迢迢黎到大埔lunch 😂今日平日同埋尚算早 所以唔太多人(但坐底無耐就已經full house)Lunch揀咗”媽媽便當🍱”無他的，就係比佢個名吸引咗便當有飯，炸紫薯飯，有面鼓湯，技豆 & jelly 啱晒素人不過會有少少難”送”飯我覺得如果轉做烏冬會好好多~~ Lunch +25蚊就可以揀drink list 上面嘅飲品我就試咗個火龍果香蕉沙冰朋友試咗Ice latte~~ 我自己覺得沙冰會做得比較出色 唔會太甜Ice latte 正常水準Btw~ 呢到環境真係幾chill 同文青又有bar枱但坐落會有少少逼建議2~4個人黎都比較好值得一讚嘅係 佢地全日都無加一收費！有良心！讚！…查看更多

之前見呢間好多人推，睇相又見唔錯，見疫情又好啲所以今晚就試試佢。經過我地格價之後，都係覺得叫dinner set抵d, 因為佢一個主菜都200幾，而set dinner只係加多30-40$。今次主菜試咗明太子意粉同焗三文魚，前菜有波菜湯同生蠔🦪。湯比較淡同浠，唔太特別。生蠔幾好，幾新鮮，唔腥。主菜真心兩樣都好好食，三文魚煮到超軟滑值得推介意粉個明太子醬亦恰到好處，食落唔會好漏，都可以一試。我地最後仲叫咗個心太軟不過未有太大驚喜，正常水準。總括嚟講，呢到環境都幾好，唔會好嘈(可能因為平日)，食物有水準，生蠔一定要試。唯一我覺得以樓上鋪黎講，呢間真係少少偏貴...值唔值就見人見智喇…查看更多

限聚令仲係8人嘅時候試咗原來都已有一段時間哈哈好，宜家打返少少食評先。首先呢到嘅環境係幾舒服嘅，可能仲新新地，感覺好乾淨，同埋樓底都幾高下，所以就算好多人都唔會話好嘈。食物方面我哋上次去有買一送一主菜，仲送生蠔🦪Tim雖然唔太識分咩生蠔，但食落好過出面酒店自助餐果d好多，值得推介嘅。主菜揀咗牛排同ribs ，牛排一般般唔知係咪擺耐咗，上枱嘅時候已經唔太熱，Ribs就正常貨色，反而薯條好新鮮，好似啱啱炸起咁，好好食仲有嘅就係不得不提嘅紫薯髒髒茶本身望落個樣好似好甜，但飲落個味都幾 balance奶同紫薯嘅分量控制得幾好幾好，值得推介俾大家嘅。另外其實佢仲有個打卡位喺門口(趕住走冇影到)都好靚架，睇得出老闆有心機整…查看更多

Happy Friday 去咗西環，今次去試咗呢間lifetastic 原來佢仲有幾間分店，網上睇相以為呢到好大間去到原來都係小店 位置不多如無book枱主要都要坐bar枱同埋燈有d暗冇想像中咁清新話就話澳洲菜 其實都係意粉為主味道又唔係話好特別 菜式又冇花巧野 嗯。。真係一般水平，同想像有些少出入。。。唯獨蛋糕真係幾好食，但好細舊個人認為價錢偏貴。Anyway, 小店係要支持嘅如果去西環想chill下食下蛋糕飲下咖啡都ok 嘅正餐就唔太唔建議…查看更多

咁當然係黃店所以要懲罰啦不過有幾點大家下次去可以留意下嘅。首先地方有點難搵已經跟足google行 但都要行上行落先搵到 仲要兜下咁建議店主畫返張map或者拍段片教大家去。第二係用餐時間只有90分鐘所以記住齊人先入。食物方面係不錯的👍🏻羊豬牛都有試個人覺得羊慢煮的效果最佳而牛扒比較失色，有d硬反而最滿意嘅係蕃薯條炸得好好食加埋比利時啤酒正呀！芝士波菜有好多芝士 絕無偷工減料！都係正嘅。最後餐廳係10點打烊的，所以盡量都早d去今次冇乜點影相，掛住食同傾計下次有機會補返…查看更多

上網見Dining City 做緊restaurant week 二話不說已經Book 左呢間我地book既時間有少少晏，所以人唔多，可以安排坐window seat呢個無敵維港景！！真係冇得輸！食物方面，頭盤好似已經食左好多野咁首先會有個餐前脆脆薄片，之後會上餐前麵包同埋佢地Rech 好出名既紫菜麵包(分唔到唔緊要，佢地會安排waiter 介紹每一道菜式！）之後先到前菜，今次揀左seafood platter 同 crab salad 睇我食評都知我實係好鍾意食crab hahahhaha我覺得crab salad 就一般啦，因為其實我唔係好食到蟹味但望落去係好多蟹既反而個seafood platter 不錯👍 有蠔有蝦有螺 都算新鮮　至於主菜就揀左truffle risotto & seabass 個sae bass 好好食！冇雪味，唔腥而且煮到剛剛好，唔會太硬身口感鬆軟好食！risotto 就比較一般，冇太大驚喜建議大家可以揀其他試下最後當然係最重要既甜品啦！！！有佢地最出名既MR Rech 榛子雪糕配熱朱古力醬好食既，不過我覺得唔洗咁多朱古力醬⋯⋯除了甜品，佢地都會送返佢地自家品牌既朱古力比大家試好有心呀！！臨走前，門口姐姐又再送多一包朱古力比我地⋯⋯真係食左好多朱古力。。。。哈哈總括黎講，呢到係好有賓至如歸的感覺架！！好岩慶祝生日同記念日記住訂枱時要講定，佢地會送返個mini chocolate mousse cake架！ …查看更多