icyng725's Profile

喺馬鞍山 如果去商場大家都會去新港城但我就鍾意去馬鞍山廣場貪佢夠多平民化啲嘅嘢食今日就試吓呢間新泰其實都食過去其他分店 有一定嘅信心保證今日經過馬鞍山 就入去食吓佢個舖頭有啲格攝要行入去 但係一見到就裝修好靚好舒服我哋上星期去咁啱下午茶時段見到好多人坐低high tea傾偈加埋個山景 真係唔講以為係酒店我哋因為嗰日未食過午餐 所以就嗌咗個二人套餐$228 有前菜，主食，飲品仲有個菜其實都幾抵㗎我哋嗌咗咖喱牛腩配薄餅個薄餅真係好好食又唔油 用嚟點咖喱絕配前菜就嗌咗大蝦紫米卷都幾Refreshing另外我嚟親呢間餐廳食嘢都會嗌佢嘅甜品今次就嗌咗原個椰青大菜糕非常足料淡淡椰子肉如果嚟呢間餐廳食嘅朋友 10分建議你哋試吓佢哋嘅甜品會有驚喜㗎…Read More

今日想食下午茶經過灣仔 一定唔愁冇嘢食啦但之前食開嗰幾間都厭了就試吓呢間新嘅泰菜依家新泰都有幾間分店灣仔呢間就未試過下晝4:00到 唔使等位餐廳入邊好大 啲凳亦都好舒適最啱同朋友嚟食下午茶，慢慢傾唔使趕住走又坐得舒服冷氣有夠 地方又大如果一大班朋友嚟，想食吓甜品下午茶呢間都真係灣仔可以選擇嘅餐廳我哋嗌咗龍眼冰三色冰味道都好OK 唔會太甜，又唔會太淡尤其三色冰幾正宗跟住我哋嗌咗個甜品拼盤拼盤有細有大細嘅就冇芒果糯米飯 大嘅就有我哋嗌咗個細嘅另外，加多個芒果雪糕糯米飯芒果雪糕糯米飯，用成個椰青上仲加埋啲新鮮嘅椰肉好好味除咗食甜點 我哋嗌咗個香芒軟殼蟹米紙卷店員話要用時間炸軟殼蟹好禮貌咁同我哋交代咗幾次呢樣真係要讚尤其而家香港啲餐廳 都出咗名態度麻麻以上係餐牌 大家可以參考吓都好多泰國嘢食你講得出嘅都有埋單四百幾蚊 價錢都唔係好平但係坐得舒服 服務態度良好 已經好夠啦…Read More

今日經過灣仔食完lunch想買杯嘢飲，買件cake 行過附近見到呢間唔多起眼嘅小店就試吓 點知都好高質素！嗌咗一杯鮮奶黑糖珍奶最令我驚喜嘅，係佢哋嘅珍珠真係好Q好彈牙有啲似喺台灣飲嘅味道香港嗰啲好多都係好林Gigi一pat嘢呢間茶茶go唔同 我仲嗌多咗件朱古力芝士蛋糕好嘅地方係佢一啲都唔太甜啱晒我呢啲又為食嘅瘦身人士同埋佢都幾大件下就有啲太濟如果大家經開灣仔想外賣cake同埋嘢飲呢間幾好，可以一試但溫馨小提示 佢不設堂食只限外賣大家要注意囉…Read More

上個禮拜六 去咗東涌東薈城outlet食完個lunch走入去愉景灣所以就周圍覓食見到呢間中菜 個Menu又有片皮鴨咁就入去一試點知一試有驚喜！要推介俾所有人！我哋就係試咗呢個餐二人餐 weekend都有$488 per two本身以為會唔夠 點知食到要打包佢除咗嗰個2人餐 仲有呢一個4人餐大家可以參考吓呢個頭盤係冷盤嚟 麻醬加娃娃菜都好醒胃夏天食啱啱好湯方面，我哋揀咗黑松露同埋山藥各一黑松露味道重啲山藥就清啲但兩款都好好飲 好足料主菜我哋就揀咗叉燒個叉燒有啲火炙嘅味道燒得好香同一般叉燒的確係唔同值得一試小籠包係前菜皮薄餡靚又多汁之後就介紹吓片皮鴨呢個真係重頭戲半隻片皮鴨 有專人喺你隔籬切埋分好晒三個唔同部位又有個簡單嘅說明書教你邊個部位點咩醬汁真係好貼心傳統片皮鴨剩係得甜醬青瓜而家新食法，可以加埋山楂條 藍莓醬 甚至爆炸糖真係幾新穎嘅食法而且味道有幾夾喎真係好推介，大家試吓最貼心嘅係 個蒸爐入邊全部都係片皮鴨啲皮但每一塊都有張紙隔開等你啲皮唔會黐埋一嚿嚿實在太窩心仲有呢一個蒜蓉土魷蒸荷葉飯又健康又嘢味真係飽到嘔呃總括嚟講，下次一定會再幫襯大家想食片皮鴨 又想試啲新式啲嘅不妨嚟呢間試吓…Read More

科學園依家乜都有得食飲茶 韓國嘢日本嘢 泰國嘢越南嘢你講得出嘅，佢都有不過價錢就真係偏貴如果晚餐 都要預二至$300一個人落樓如果喺科學園想食平少少但又唔想間快餐店的話楠天真係一個好好嘅選擇呢間嘢我都嚟咗幾次真係幾好味嘅茶餐廳今次都係嗌咗二人餐有燒味 解咗叉燒，同埋切雞有跟到一個青瓜幾清新同埋個汁校到幾好👍🏻👍🏻🤭仲有個菜心炒牛肉 牛肉唔韌菜心唔老好好！加$58就可以要個燉湯超級足料 有成隻雞髀呢個燉湯真係必點？*總括而言，呢間真係科學園嘅必食茶餐廳…Read More

好運中心開返之後 見到佢裝修好就去覓食尋晚口淡淡 見到有呢間魚蛋粉就入去試吓之前喺石門都食過 都幾好呢間就勝在裝修新 夠光猛我哋嗌咗一碗魚蛋河 同埋一碗牛三寶米粉牛三寶米粉好有驚喜！$70到 算係超水準牛肚牛筋，好入味牛腩唔係肥 但都唔柴湯唔太味精真係有驚喜加個菜，都好平 平平哋真係唔錯嘅選擇！…Read More

去得銅鑼灣食飯 就點都一定會去登龍街度行一轉 睇吓有咩嘢食假期前夕放工 就去佐敦行街行個圈嗰日有少少病病地 又唔敢食熱氣嘢見到呢間食雞湯粉嘅中式嘢就諗住入去試吓點知10分有驚喜！推薦俾大家!俾大家睇吓個門面先 費事你哋入錯舖頭🤣佢都有二人同四人餐我哋嗰日散叫左半隻花膠雞湯再加多個刀削麵幫我哋點餐個靚姐話佢哋出名刀削麵咁就真係要試吓啦加$25就可以有個粉麵 仲可以揀一個湯底我哋就揀咗桃膠椰子雞湯我見個Menu寫住啲升級優惠其實都幾抵㗎 加幾十蚊就有花膠海參鮑魚但我嗰日就食唔落就冇加啦以上就係我哋嗌嘅餸啦 我覺得個涼拌幾好食唔係好辣題外話 呢間舖頭嘅辣椒油，幾好食㗎 大家嫌清淡的話可以加總括而言 呢間啲雞湯真材實料 食得出係冇加味精飲完都唔會好口渴都算係鬧市區嘅清淡選擇有驚喜大家想食得清啲嘅 有足料嘅 不防黎呢間食下…Read More

今日帶小朋友去荃灣玩通常親子遊都係去愉景新城因為夠Baby Friendly 又多BB嘢買今次去咗一個比較新嘅商場就係映日灣隔離嘅plaza 88入邊有個好大嘅playhouse 同小朋友放完電 夜晚就搵餐廳醫肚大人細路都玩到咁攰 就梗係唔想郁喺返呢個商場度覓食行行吓就見到呢一間餐廳 喺G/F佢環境好chill 可以坐室內亦可以坐戶外如果係Couple咁嚟 一定揀室外 又有氣氛，依家啲天氣又唔太熱唔太凍我哋今次同B嚟 就坐返入面好彩我哋都比較早 啱啱仲有兩張枱本身以為呢啲咁有feel嘅餐廳應該都唔會太Baby Friendly點知一去到 waiter就好有禮貌咁搬埋BB凳仲要幫我抹埋呢樣真係未食，已經加晒分🤣媽媽們應該會懂的另一樣嘢令到呢間餐廳好啱帶小朋友嚟嘅係佢有一部超級大電視！仲要播緊兒童節目估唔到呢啲咁有氣氛 好似bar咁嘅西餐廳會咁Baby friendly🤣Bb睇到入晒神 我哋就可以專心睇Menu嗌嘢食如果係同friend嚟 佢嘅happy hour同埋生蠔餐都真係好抵食！我見在場都唔少人又嗌我哋同小朋友 就嗌返一啲熱食我哋嗌呢三碟courses都十分之有水準！10分10分推介呢個蜆肉意粉！意粉超滑超爽口蜆又新鮮 調味酸酸辣辣 好惹味我個小朋友就係咁食雞肉，蘑菇risotto一家大細都超級滿足其中發生一個小插曲 就係我小朋友扭計大喊呢度啲員工全部都係外籍人士 可能因為咁佢哋好有愛心免費請我小朋友食雪糕而家咁有人情味嘅餐廳，真係好少見！我哋一定會再幫襯！…Read More

石門好多小食店 價錢相宜所以有陣時都會過去食吓嘢前牌開咗呢間魚蛋粉咁就去試吓，見到個餐牌勁平點知有驚喜！嗌咗個牛腩魚蛋米同埋四寶河個牛腩好林 一啲都唔柴啲魚蛋都係手打 唔係街市買嗰啲估唔到咁平嘅價錢有咁嘅質素如果大家想試吓平靚正嘅午餐 可以一試絕對推介…Read More

星期六見到陽光普照 秋高氣爽呢啲天氣梗係要去戶外行吓所以上個禮拜六就同埋小朋友去科學園諗住踩下單車 輕鬆一下科學園而家多咗好多唔同菜式嘅餐廳因為我哋成日去嘅緣故好多餐廳都已經試暈晒飲茶又飲過 韓式嘢日式嘢西式嘢都食過晒唯獨呢間中式小菜 我哋食完又食基本上去親科學園都係會返嚟究竟有乜咁吸引？一嚟價錢相宜！就算晚飯 食過二人套餐，都只係$200午市有埋set就更加抵佢連假日都有午市set嗰吓好吖嘛二嚟啲姐姐好有禮貌 唔似一般茶餐廳咁嘈聲粗氣總之就係價廉物美事不宜遲去相先雖然只係茶餐廳 但係已經可以QR code落餐都好方便如果大家鍾意食魚一定要試吓去過梅菜蒸魚梅菜味道啱啱好舊魚雖然係淡水魚，但都好滑好有魚味特飲嚟講都有唔少嘅選擇我嗰日就叫左紅豆冰奶茶都幾過癮㗎去開科學園，又想有啲價廉物美嘅選擇不妨試吓呢一間！極度推介！…Read More

喺銅鑼灣利舞臺 成幢大廈都係美食今日就試咗呢間韓式嘅餐廳入到去個氣氛十分之好播住唔同年代嘅K-Pop 有啲歌係真係元組K-Pop 回憶即刻返晒嚟好青春佢一至五係有lunch set 但今日我就散嗌咗main Menu嘅餸菜試咗呢個鮑魚人蔘雞湯俾大家睇吓個Main Menu做吓Reference 佢提供嘅韓國菜嘅款式都好多有韓國粉絲 年糕 湯湯水水 部隊鍋講得出嘅韓國菜都有啦氣氛就真係一流好似去韓國旅行咁🤗至於嘢食 我呢個鮑魚人蔘雞湯就不過不失啦佢有一隻鮑魚幾條人蔘但因為散叫關係就冇任何飯跟得個粉絲底如果係Keep fit嘅朋友就幾arm如果唔係都唔係好夠飽…Read More

今日lunch時間行過見到呢間食粉面同牛腩嘅餐廳大排長龍突然又好想食一碗牛腩河就排隊試 直頭喜出望外！超有驚喜！比佢哋個Menu大家睇吓先其實就係一般茶餐廳咁 唔算有太多嘅選擇但係已經好足夠 因為每碟餸都好有質素！而且價錢10分優惠有咁嘅質素 性價比直頭超級高！呢樣都係我特別推介呢間餐廳嘅原因我就諗住一場嚟到就嗌咗淨切腩呢款腩 侍應講會比較瘦 冇乜脂肪啱晒我呢啲減肥人士試過第二間餐廳呢啲冇乜脂肪嘅暔會好瘦好柴點知呢間餐廳令我對瘦牛腩重拾希望真係唔係講笑 瘦得來，但係好爽，一啲都唔柴每舊都擺得入口！雖然價錢$160但份量超級多 我一個人係食唔晒如果兩個人嚟，應該就啱啱好食牛腩點會少得辣椒油！呢間舖頭嘅辣椒油係自家製！絕對唔係喺市面上買得到員工同我講 佢哋係自己獨門秘方製造！如果啱食嘅，可以買一樽返去屋企食完之後真係忍唔住 入手左一樽比屋企人食得辣嘅朋友，千祈唔好錯過個味道絕對有別於，一般嘅豆瓣醬或者辣椒醬最後嗌多個西多士做甜品唔知有冇人同我一樣 其實唔鍾意西多士入邊有花生醬呢間餐廳嘅西多士就係冇花生醬 冇任何嘅餡料！但係出奇地好味😋唔係誇張，呢一個可以話係我咁大個女食過咁多西多士最好食嘅頭三位最後整多杯青檸梳打 今日真係大滿足買單$200以食牛腩河嚟講絕對係唔貴一定會再嚟過！…Read More

夏日炎炎，想食啲辣辣地嘅嘢開下胃今日有啲嘢要去大埔喺太和站行過去大埔超級城嘅中途見到有一堆餐廳就食埋個lunch先今次試咗呢間星馬菜 聽到個名幾好笑幾文青就入去試吓嗰日係星期六 佢都有啲特惠嘅午餐Weekend都有呢啲餐，就真係算係良心小店我哋嗌咗一個海南雞飯 佢係走地雞所以肉質都幾鮮甜海南雞飯就當然唔少得嗰三款醬都好正宗嘅味道唔錯，唔錯但雞嘅份量就唔算太多如果大食嘅朋友就可能唔多夠另一個餐就嗌咗 海南雞配叻沙呢款雞就唔係走地雞所以味道冇咁好但係個喇沙就好好味好香椰味 又唔太辣啱晒唔係好食得辣嘅朋友另外，我哋加咗兩個小食一個係辣鳳爪一個係南乳雞翼南乳雞翼，真係必嗌！好香南乳味 雞肉柔嫩🤗🤗嘢飲就嗌咗一杯黑糖鮮奶珍珠，一杯榛子咖啡埋單$200有找星期六日 有咁嘅質素 算係咁啦…Read More

星期六 炎熱嘅下午行去荃灣啲商場 個個都呢入商場入邊涼冷氣搞到平時啲商場好擠擁行遠啲啲 去咗呢個冇乜人嘅商場又有位泊車喎雖然就冇免費泊車優惠啦但喺荃灣唔使等而有位泊都算係咁見到呢間西餐廳有卡位唔洗等就入去試吓Lunch事不宜遲俾大家睇吓個Menu先雖然Menu就唔係好多頁但係就有平價選擇 又有鋸扒貴價選擇都算係可以迎合唔同客人嘅口味我去嗰陣咁啱午餐時間都見好多周圍嘅打工仔嚟食 應該係佢哋平時嘅飯堂咁啲質素應該有保證啦我哋嗌咗一個鹹豬手 一個肉眼扒 仲嗌多個牛肉蕃茄通粉一嗌完餐 嘢食就好快就嚟啦上菜十分之快佢每個餐都跟湯同牛角包平時嘅西餐廳係跟軟包呢度嘅牛角包都幾好食 幾鬆軟有驚喜雖然我哋個餐唔算好平但係一上菜 我都wa咗一聲因為真係幾大碟好抵食塊肉眼扒我嗌五成熟唔會太生 都幾好 雖然唔係一級靚扒但係咁嘅份量咁嘅價錢 算係10分高質個鹹豬手就有驚喜！個皮超級脆三個餐埋單$300假日嚟講就邊度都要啦！唔錯！…Read More

今日去咗科學園行呢個地方真係好啱放鬆一下 今日天朗氣清 喺海旁附近行，真係好舒服Chill到傍晚時分，都係時候醫下肚食晚餐就喺科學園度，睇吓有咩好嘢食發覺原來科學園而家好多餐廳，有中菜、又有好chill嘅酒吧、泰菜、日本嘢 同幾年前相比真係好唔同兜完一輪，發現呢間裝修得幾企理嘅中式餐廳見到佢掛出嚟啲燒味幾靚 又突然之間好想食燒味 就入咗去試吓我哋入去嗰陣時大約七點幾 都已經好full下門口寫住一個Menu 都有職員出嚟寫某啲菜式已售罄 人流都真係幾旺下我嗌咗一個二人餐有燒味 可以自己拼一碟油菜一個主菜兩碗白飯兩個例湯/飲品咁多嘢，都只係188仲要唔使+1 再加多杯happy hour drink: 荔枝梳打真係好滿足樓面都好乾淨 令人食得放心值得一提嘅係個咕嚕肉！真係好脆，好好味！後尾老闆娘同我哋傾開偈話係用本地豬！嘩好抌本喎唔怪得咁好味啦！所有餸菜都唔會太油太鹹有別於一般嘅中式茶餐廳真係好有驚喜另外喺店內嘅所有職員都好Nice見到佢哋耐唔耐會同啲熟客仔傾偈依家仲有幾多餐廳係會有呢份人情味呢餐飯為我嘅happy Saturday Night 寫上圓滿句號又平又好食一定會再嚟幫襯！…Read More