Food testing's Profile

每天都在這裡來來回回的我，有一天被一幅奇怪的banner吸引著，好似有貓噃，係真唔係呀，咁既價錢有貓陪食飯咁著數。過左兩日，按捺不住，即管一試。味道，愉快，價錢，皆是超值，熱情既貓喵及盡心既店員更加令人有賓至如歸既感覺。經過我在社交平台內演野一番之後，突然之間，有唔少朋友都話出開黎尖沙咀要揾我食晏wor.佢哋想點？心知肚明啦。更開心既係，所有朋友試過之後都讚賞好介紹，攪到我鬼死咁有飛史。呢度近工作地點，睇怕我以後都唔駛點煩惱晏晝食乜了…Read More

肉類既野 若不是拿去化驗，憑肉眼只能靠經驗去判斷品質。食好少少人之常情，一分錢一分貨，願意點選非最低消費的級數，總希望不會端上令人失望的品質。圖片內的肥牛品質及級數,我暫不細評了。請看官自行決定是否光顧.服務員工作忙碌，需要每次提點才有人加湯,bar枱位置凌亂，雪糕唔夠凍，雞肉未解凍,選擇少，來來去去三款丸，來來去去只有生菜，油麥菜，蓮藕，薯仔，大葱.,玉米，比較好食是牛脷，我食量一段，純粹誤入此店，非常遺憾，以後唔敢。綠楊坊，美食如雲，點解我行錯路？ …Read More

落雨濕濕行商場，腳軟肚餓揾食肆防疫距離要遵從，餐廳距離跟指引西多講明很邪惡，儆惡懲奸最爽心順便加碟炸大腸，可惜乾身太瘦削店內樓底不算低，何解冷風兜頭送食畢埋單見熊罐，三十九蚊唔失禮…Read More

個人比較喜歡食,慢慢食慢慢傾既感覺.18:30-22:00,真係足夠一班朋友又傾又講又食的時間喜歡這裡慢工出細貨的食品,種類唔需要多,卻要精的要求.呢度既BUFFET比到我呢個感受.因為貴,所以少人,假如食過一次就會知道BUFFET應該係點食.(誇張了一點,勿介意)平價自助餐的生蠔是生食的蠔,這裡的生蠔是活生生的蠔,小妹這晚就用叉子篤篤蠔邊,果然仲有反應,所以一滴調味都唔落就吞落肚.整晚食物質料都令人非常滿意.相信未來一年會多去兩三次.…Read More

是日,本人在黃金電腦購物後,打算找個位置稍為休息,也想吃些甜品,補充糖份,隨便找間糖水舖,不幸,誤入black店.我今次點選的是芝麻糊溝豆腐花. 芝麻糊一口都係渣,而豆腐花就水份太多.味道認真麻麻.糖水太甜不在話下,想搵啖水沖淡陣糖精味,又因為我自備水喝光,於是向樓面要一杯水,卻遭到拒絕,我唯有解釋要飲水的原因,樓面答,熱水就有,要唔要?我話好.之後,我見樓面無拎杯水比我,所以再次詢問,有另一位職員回答[我地既熱水用來洗碗架,所以無水供應]我很不滿,於是比錢走人,投訴[有無攪錯,一杯水都唔比,有無攪錯?!]櫃面好激動回答[阿姐,唔係唔比,無,點比呀?]我話,一杯水都無?唔係咁過份麻!你做飲食架.之後比左錢就出門.櫃面依然不服氣高呼,[係,我係唔比,吹咩?]我行番入去就話,[哪,即係唔係你無,我無鬧錯你啦!!]櫃位職員叫我過主,我亦都祝佢執笠.我係顧客,有幫趁,唔係白拿一杯水都可以叫我過主,呢種做生意方法真係差到爆.…Read More

好吧,元朗朋友講到不可不試咁,喜愛車仔麵就去食番一次咁多多啦.睇下牆壁menu,好似好平,又話家鄉枝竹,自家製雲吞,呢類擺明充炮艇的名字,真係out到無人有.點!餸! 幼麵,枝竹.豬腸,魚蛋,豬皮.... 同埋...個樓面已經行走左,order都交埋比麵檔,我想講,我仲未叫完..算吧,拎到來睇下點再算.啪! 突然有碗麵出現,傑撻撻,成碗漿粉水咁,用個細碗埋到懶滿溢,算吧,整啖先.攞命,咖哩漿水溝什水湯底,呢尐叫車仔麵,我突然好懷念屯門何福堂間擺明係街檔格食落口又鬼咁入味既車仔麵.含住包眼淚食,家鄉枝竹,又淋又爛,魚蛋無味,豬皮又係淋巴腺發炎咁,無哂彈力, 豬腸好少少,爽爽又入味.不幸中之大幸,再冒死叫幾粒自製雲吞試下,蝦,呢個麵檔手勢好差,乜野都要淋pat野上面,睇見都想反胃,又試一粒睇過,真係悔不當初,我今年真係犯太歲啊.食完,頸渴到腎上腺標升,叫杯5蚊既豆漿先.啊,好夠凍呀,好滑呀,就好似飲緊一杯有甜味既白開水一樣.今日到此為止.$32蚊速逃,無咩事唔好再見.…Read More

很喜歡深水圽的舊,有很多舊樓宇,餐廳,批發店,連帶人也帶了幾分的懷舊.今次試一試舊冰室[華南冰室],睇個招牌同店舖內的擺設,就擺明唔係[扮懷舊],最抵死係餐牌都懷舊價好小心叫左杯紅荳冰及蛋撻.紅荳冰好好味,我會介紹比朋友,至於蛋撻就一般般.好唔好食就,百貨賣百客啦.不過留意到一單野,就係有幾個貌似熟客既人都係點食[合桃蛋糕],呢個下次食完,有機會再留言.…Read More

半隻醉雞,皮薄肉滑,雞有雞味.呢個收費真係算[好平]我本想唔想比咁多人知道有間好野係屯門.第一次去食就食出興趣雞湯味淡左少少,再濃尐會更好 蒸飯套餐,賣相一般,味道唔錯.…Read More

呢間麥記可能係全香港最有特式既麥當奴.1.薯條保持低溫水準,而且仲好鬆軟,為了和合新世代與經典,店員喜歡把經典薯條倒回新晉薯條內 共冶一爐,薯條發揮不問年齡,唯材是用精神.2.汽水長期處於無汽狀態,溶化了的冰水混和糖漿與二氧化碳的水溶液,入口清純 尤如一杯混亂心情的白開水3.炸雞翼,外熱內凍.皮脆內生的八成熟4.巨無霸或魚柳包,顧客每次都能品嘗到低卡路里式製作,因為醬汁多數都停留在盒子內,更即場發揮層層疊玩法,必須要用心去把尤如鈄塔的Crown,meat & bun重新疊好,過程實在刺激.5.如果顧客拒絕接受,店員會好關心閣下是否想[搏彩]得禮物,或會在餐廳內大玩 三,四重唱歌頌顧客的意見.以上種種,使人有信心光顧其他食店INSTEAD OF Mcdonald- On Ting.…Read More

  打邊爐既地方係元朗有好多好多.一間位處[雞地]僻靜位置的食店要令人專登行去搵食一定要有令人難忘之處.花膠豬肚雞煲實在不宜加用胡椒,攪到本來應該屬膠質的湯底變哂味,好似飲緊胡椒豬肚湯.雞肉份量十足,不過最好唔好用厚皮雞.店員推介,[白薯粉]真係無介紹錯.就係因為[白薯粉],我今個冬天,一定會再去幫趁.火鍋用料都幾新鮮,值得推介, 可惜今次無影相.因為太凍,個個都收埋對手.…Read More

通常都係買外賣,遇見過的奇蹟真係嘆息.如果唔係因為衰自己食香口野,又最近工作地點,都幾難再三幫襯又幫襯.比少野就不時遇見,因此拎走前我都會點算所有數量才離開.你知啦.買少份人地唔夠會唔開心GAR,而且口味都好個人,唔可以有任何甩漏,包括我,買錯左番黎我會覺得買果個辦事不力.最近期所見係圖片中的早餐-雞包.任我點數,都唔會拆開個包去睇,就係咁瀨左野.呢個包都可以賣出街,好在我近,拎返去換,如果有D人係買上車食或者買比小朋友返學食咁咪大件事?!而今日杯咖啡係少奶到苦.KFC的份量控制不嬲都係差,下次都要金睛火眼睇實D已經應該有$28蚊個鐘既伙計點做野至得.…Read More

因為公司旅行的所謂[美食團]才會有機會上去一試這麼低水準的一間食肆.金果腐竹炒翠玉瓜,炸糉係打正綽號的[得獎菜式]!渣到無得再渣,唔夠熱,唔入味.成口味精.汁,油,水,各自為政,沒有一絲可取.唯一無得由我去彈的地方係,唔駛我比錢.食完一肚氣,比面人事部.多一句不如少一句.好好醜醜是是旦旦一餐.如果自費就千萬唔好去.係得既都唔駛靠團有客入去食.…Read More

因為工作關係,間中都有係呢度食自助餐.二百零蚊有生蠔食真係好抵.至於熱盤方面就真係悶,一個款式由頭帶到尾.好在都叫做有一些係即叫即做既食物有得開心吓.我本人就真係唔喜歡食果D一份份擺哂出來的翻熱食物.至於甜品方面就簡直係一流,必食之選,留肚.留肚食蛋榚.…Read More

呢間野就不嬲旺場.周不時都排哂隊等位.唔知係唔係因為工作繁重,D伙計就好好火.1.火腿通粉太軟身.2.炒蛋炒到碎濕濕.3.咖啡就奶味過重.4.厚切方包就真係好OK.至於如果你唔考慮服務質素就可以一試.24蚊一個豐富的早餐,有齊以上1-4的食物,重要賣到中午12時正.又真係好超值.…Read More

擺明區馬-.快,餐,店.所有飯市套餐一早煮定,一殼飯,一殼配料,上.水準不定,且選擇不多.20元一個餐,有餐湯,有熱飲,有主食.因此不少人都因為平而光顧.古式的生炸雞脾,加淮鹽,茶餐廳係食唔到.此間食店內的食物,幾乎十年如一日,職員亦都近乎你有你食,佢有佢做既態度,就算係本身個老闆都係目無表情的服務員一名.今日食左份茶餐,包括餐蛋麵,魚柳拼炸薯條,凍咖啡-共銀24元.個碟薯條先最得我歡心,又香又脆.波浪條形,好耐無見喇.店內貼有ＯＰＥＮＲＩＣＥ的宣傳海報，都算有番些少時代感。…Read More