靜shersher的个人专页

今早的早餐揀選了沙爹牛肉滑蛋三文治 以及 經典原味奶茶，三文治的滑蛋都炒得很嫩滑，不過蛋香是淡淡的，蛋汁豐富得過度濕潤了麵包，是否因為它在外賣盒等候得太耐?牛肉的沙爹味輕輕透出，有沒有喧賓奪主就視乎那個才是主角了！而且沙嗲有一粒粒的小花生，有點咬口！奶茶也很好，茶身夠滑但不是以濃厚的奶去形造出來，茶味清新不苦澀。經好友提醒，奶茶亦可選「茶走」，嗜甜的可以一試。奶茶配三文治，我覺得味道都很好，價錢是見人見智了。…查看更多

上網見到好多正評，咁我地一家人都好滿心歡喜咁去，諗住有得食有得玩，好岩一家大細去~ 輕輕鬆鬆開開心心玩一個下午!先講佢收費~佢下午1點到4點，任食2.5個鐘，每位238，15歲以下1小童以及長者收費198，價錢都算幾合理。夜晚貴小小而且時間就短D!入到場就先比錢，佢就帶你入座，我地一行10人，分左兩張台，坐係個蝦缸隔離，個蝦缸係我地兩張台中間，佢先倒左一盤蝦入蝦缸。我目測就大概倒左十幾隻，同我地簡單解釋點整，佢之後我地講左聲，話食晒叫佢地，佢地會再幫我地加，咁我見佢地主動咁講，咁我地先坐低，行一個圈睇睇有D咩。去到呢度感覺都幾好。首先，飲品都好夠嘅，有汽水，紙包，仲有MR JUIXX 橙同蘋果汁，都有十幾款左右，唔錯啦。再睇睇BBQ類有咩食，都有十幾款，主要係腸，午餐肉，獅子狗，串燒，仲有幾款菇菜類，睇完覺得唔吸引，再加上除一款中華沙津外唯一一款可以即食的熟食之外，就完全冇熟食(後來兩點幾佢就出左一個雜菜湯，就完成冇喇) ，所以都係諗住拎盒野飲就燒蝦食先。本身諗住佢有機會晏少少會出幾款熟食.點知真係全程冇….咁我地首輪就專心燒蝦，再燒幾串串燒食下，慢慢燒，一人食左一隻，小朋友就食多一隻咁上下，見D蝦冇晒，就叫佢地黎加，佢地話加蝦果位員工去左洗手間，轉頭幫我地加，咁等左5,6分鐘左右佢就幫我地加，咁大概都係倒左十幾隻，我地就問可唔可以加多少少，因為我地有10個人，一人一隻就冇，但佢就話十幾隻都夠啦，叫我地食住先…食完先再加.. 好，咁我地就食住先啦。佢中途每張台有送一碟沙白，大約20粒左右。我地見佢出面BBQ食物唔係好吸引，所以呢轉就只燒蝦，我地分別兩張台兩個爐，每邊就係放到5-6隻左右嘅蝦係度燒，燒完又係一人一至兩隻就冇晒…之後我地又叫佢地加…佢又同樣地話加蝦果位同事出左去，今次係去左食煙，轉頭幫我地加…但今次佢唔記得左，要我地再摧先加…前前後後都等左10分鐘左右，佢今次又係加得十幾隻…我地今次都唔要求佢地加多D，諗住食完就叫佢地加。加第工次，佢又同樣話個同事行開左…到加蝦果位同事番黎幫我地加嘅時候已經黑晒面咁加… 最後我地就係總共食左4轉,,, 每人食到5,6隻蝦啦，但係個問題係時間已經差唔多夠… 咁就兩個半鐘，好彩我地中間都有食下其他BBQ食物，如果唔係其實真係會唔夠飽….我自己就食左一粒墨丸，半塊午餐肉，兩塊牛肉，幾粒沙白同埋少少中華沙津。最後講下自己感覺，我覺得十分一般，去到最尾見到佢地黑晒面咁不情願咁加蝦我仲有DD嬲…一黎佢地態度唔好，二黎佢地咁標榜任食，但加蝦真係加得好肉酸…令人感覺唔好，三黎，其實係我之前見到食評同有D網上ARTICLE，話佢除左蝦之外，都有二三十款食物供應，但….真係完全冇咁滯…你睇相你就會明…當然我地唔係話要食十打八打，但都唔係咁樣拖下時間…令到客人冇時間食，而且黑住面咁加，你有其他食物比人揀，兼下食D都好D，但係又冇…咁我就當然繼續食蝦啦…但蝦又唔加…不過最後啦…我會讚一讚番，佢D蝦都係隻隻都生猛同幾好味的! 小小建議，兩至三人去應該係最好，多人就真係唔建議!…查看更多

一行9個人食海鮮，我地揀左個8人套餐，另外再炒多一碟麵。8人套餐都有兩款，咁因為我地想食瀨尿蝦，其中一個套餐冇，所以目標清晰就叫果個餐!咁果度D人都好好嘅，其中一樣海鮮係扇貝，但我地比較鍾意蟶子，問一問可唔可以改，佢地都好幫手幫我地改左，咁呢兩個差不多，成本都差不多，所以應該冇問題卦，其他就真係唔知喇...講番海鮮，首先就係蝦，份量幾多，而且見到都覺得幾肥壯，唔會好似好瘦咁，之後食落D肉都好爽，唔會食到有D霉霉地嘅肉，所以應該黎講係新鮮，個味就係正常味道，太特別好味又唔會有哈哈，但食得出係新鮮。之後就係蟶子，個樣都係肥，炒得好惹味，佢擺番8隻殼係度，雖然唔係D肉痴住個殼，但我地講番出黎食左幾多，夾番埋都係有完整8隻 XD 都好多肉食丫，正!上湯龍蝦E麵，味道煮得好好，唔會太濃，仲有龍蝦鮮味。龍蝦肉略為少左DD薑蔥炒蟹，呢個係好味!!!! 我連D蔥都食晒咁滯!!! 蟹都幾大隻幾肥瀨尿蝦，一共4隻，椒鹽一定好味又惹味，冇得輸!! 不過唔知係咪瀨尿蝦唔當造，呢轉瀨尿蝦冇乜膏，但多肉搭救啦。鮑魚，有16隻!!!!!!!我地係冇諗過....雖然唔係話好大隻...但佢8人餐預一人兩隻..好似好多， XD唔理，佢蒸得都岩岩好，幾爽，唔會"UN"，唯一係我有少少嫌佢刷口唔夠乾淨，仲有少少偏黑..魚，都鮮味，都係蒸得岩岩好，唔會太老唔會未熟，不過我本人麻麻地鍾意食魚，所以冇太多意見。個餐包個菜，最後仲有時令水果，我食果日人係食橙。尚算多汁同甜! 不過提番個餐就冇野飲嘅3000埋單，9個人，真係算係咁喎!!! 一定會再食!!…查看更多

之前呢間野聽聞都要成日排隊，咁而家開左有咁上下日子，條龍就自自然然短左好多，今日行完街，8點幾，經過見到唔駛排隊，就唔諗黎試一試喇。我地3個人，一人叫一鍋之後SHARE黎食，我地分別點左蒜香牛肉鍋，台式麻辣鍋同埋芝士牛乳鍋。佢每個鍋配粉絲或者飯一碗，可惜我地果日粉絲賣晒，所以就得番飯喇。佢另外有D醬料，佢個MENU隻有教你點溝佢D醬料，不過個人覺得佢個鍋本身都夠味就唔係點料，所以都係參考下者。首先講下個蒜香牛肉鍋，好足料，大大話話每個鍋都有超過10款配菜，睇MENU同張相大家都大概可以見到。所以主要講下佢個味道，係好有蒜味，而且滾完之後D配菜都會好有蒜香味! 正! 而且佢個鍋本身已經配左少量粉絲。之後就台式麻辣鍋，一樣好足料，有超過10款配菜，但佢個麻辣就唔算好台式，反而有D韓式部隊鍋FEEL，而且佢本身係配辛辣麵，味道偏辣，但係都幾好食嘅。最近就介紹佢個芝士牛乳鍋，見到有成塊芝士係面頭，又有隻旦，同埋個湯好濃郁，好香，個人黎講我最鍾意食呢個，好好味，而佢呢個鍋就配烏冬。連配咩麵都睇得出佢係有心諗過嘅，都幾推介，會再試。但我地3個都ORDER左飲品，飲品黎講，我地3杯都覺得一般..…查看更多

孝順地今日同爸爸兩個人食晚餐! 佢欽點想食台式牛肉麵，唔想咁行同佢去食開果D，就揀左呢間。佢地點十分方便，但唔太好就係要行成層樓梯先落到去，走都要行樓梯，唔太適合老人家，不過我睇番周圍，都係見到年輕人居多。睇完個MENU，我爸爸二話不說就揀佢招牌食物，佢招牌係紅燒牛肉麵，不過我爸爸佢牙齒唔係太好，所以就揀左牛筋腩，應該會軟D，而我就揀左𡚒起湖燒雞腿排便當。另外再點左一杯杞桂圓紅棗茶。先講講紅燒牛筋腩麵。佢呢度麵底係好似粗身少少的拉麵款式，個人口味問題，我地都麻麻地，我地都係比較鍾意食番闊身果隻麵。之後就係湯底.....我地都覺得味道一般...因為佢個湯底太咸，而且個咸味唔係牛/鮮嘅味，簡單D咁講...有少少似豉油溝水的味道。不過牛筋腩份量都算幾多。都黎講...一般!!之後到個飯，佢有3碟小前菜，幾好味，雞排皮幾脆，唔會好多肥膏，因為真係用雞腿肉，所以都好滑!!再要加上佢係配魯肉飯，好味道!正!! 不過大家要睇/問清楚先，因為佢有D便當係配魯肉飯，但有D又唔係，所以都係睇清楚D好。杞桂圓紅棗茶都好飲嘅，好夠味，唔會係好似出面現成一樽樽溝水溝出黎果D咁，幾好!…查看更多

上網睇銅鑼灣區有咩食，見到呢間野個名，就即刻揀左呢間...佢"店名"嘅兩樣食物吉列牛同埋烏冬我都好鍾意食! 一於要試下!!去到佢有兩個MENU，應該一個係standard平時用開嘅，果日另外有一張係有幾款釜飯咁佢既然係吉列牛忌廉烏冬專門店，我地兩個人，就唔諗喇，叫一個吉列牛定食，加一個忌廉咖哩烏冬配牛肉，我地另外仲叫左個小食，係honey better雞翼!!佢先上左個忌廉烏冬，成碗麵就係被一層忌廉覆蓋住!一夾開，就係咖哩烏冬。開始食嘅時候，d忌廉開始慢慢溶溶地，我地撈埋一齊黎食，忌廉好香，咖哩烏冬咖哩味都好濃，而且忌廉同咖哩本身都好夾，好味!! 而且佢牛肉算多，仲有少少菇~ 正!!之後就係吉列牛定食，有一碗面豉湯，一小份胡麻豆腐，一粒車厘茄做前菜，一碗飯，有兩款醬汁點個牛，一個係甜甜地嘅燒汁，一個係有少少wasabi味嘅沙津醬。佢提供左個石燒比你heat番d牛，你可以將個牛放係個石燒上面煮到你喜歡嘅熟度，我唔係好肯定，但佢個牛本身都幾raw下嘅，所以睇你自己鍾意煮幾多啦。個味道都幾ok，而且又夠特色!!又得食又得玩不過好可惜嘅係d侍應就唔會主動問你有冇食過，又或者主動介紹比你知點燒... 如果可以主張少少咁就好喇~~ 而且我地真係第一次食..唔係好肯定要燒幾耐，結果頭一兩舊摸索中就燒得麻麻，食起上黎就有d "un"，摸索完先好d(加上我地多次叫佢(特別係一個唔帶眼鏡的男侍應)，佢竟然係面前都扮見唔到... 叫佢加茶佢應完又消失左...結果叫第二個加先加到..問佢拎牙籤佢只比得一枝>,<我地兩個都話要架嘛>,<)個honey better雞翼份量幾多，唔算太濃味，幾好總括黎講我覺得值得試嘅!…查看更多

好似附近冇咩潮州野，見佢地方都好企理，入去一試! 我地5個人，都可以叫多D野食下我地叫左九菜豬紅、老水拼盤、胡椒豬肚湯、蠔餅、炒蜆、椒鹽白飯魚、豬手、蠔仔粥九菜豬紅，佢係沙嗲，好驚好怪，但結果都幾好味，只係個豬紅，質地一般老水拼盤，佢有紅腸、豆腐、墨魚、豬腩肉，份量幾多，味道都唔錯胡椒豬肚湯，我覺得一般，雖然超足料，但佢個胡椒味太太重，蓋過晒其他味道，唔係好食到其他味蠔餅，幾好，唔算太油之餘D蠔都大同好味炒蜆，蜆肉唔多，而且我地揀左老乾媽炒，揀錯....呢個味道係麻麻椒鹽白飯魚，炸得鬆脆可口，香口豬手，個味道估唔到地好…查看更多

今日係WEEKDAY LUNCH HOUR!選擇黎呢度食LUNCH!一行3人佢呢度有LUNCH SET~都幾抵，選擇都多，有客飯，又或者麵食!我地3個人，就揀左3個客飯SET SHARE黎食!首先，黎得呢度，當然要試一試佢地嘅水煮魚，雖然係LUNCH SET，但份量都好多，而且個味道都好正宗，而且佢可以揀大中小辣，我地揀左中辣，大家都可以隨自己喜好再辣D或者輕手D!之後就係腩肉手撕包菜，睇到張相都知道係幾大碟，味道都好好，夠入味之餘唔會入口得個油字，辣味都好夠香最後就揀左個唔辣嘅，雖然佢呢度專食辣，但唔辣嘅野一樣好出色，好似呢個土豆燘雞，D雞好滑又新鮮，而且土豆又夠淋，我最錫意食呢D咁淋咁粉嘅薯仔!好味，全部送飯一流!!佢個餐包飲品或湯，佢個湯係燉湯所以我揀湯，又夠熱又夠清冇味精! 仲送埋甜品，而且都坐得好舒服架!…查看更多

本人係海鮮控...超鍾意食..特別係近年大熱蒸海鮮、粥底海鮮..我全部都勁鍾意呢日見到呢間粥底海鮮梗係要試下!!佢一黎有個海鮮拼盤，當中有蝦有蟹有帶子有貴妃同鮑魚。仲加埋D視覺效果，好期待好吸引!!! 佢有D特別，佢會先將D雞同埋蟹落個鑊加D酒同火炒一炒，炒嘅時候真係聞到超香~ 又有視覺效果HAHA之後佢就落湯底喇，佢呢度唔係用清粥水湯底，而係用南瓜湯底，少少甜少少咸，吊到D海鮮的鮮味!店員會逐一幫我地落D海鮮，幫我地計時，冉5我地夾D食物出黎D海鮮我個人認為全部都好新鮮好鮮甜，肉又夠爽!佢地除左海鮮拼盤，係落粥底前仲有幾款食物比你打邊爐食，有張紙比你揀，我地就揀D肉揀D蔬菜同餃咁到最後就會加白粥，白粥加埋海鮮鮮味同南瓜味好正!!!不過都有一點，佢南瓜湯底就應該唔係純南瓜..所以除左南瓜甜味..係有DD咸過頭... 不過DD啦，都可以另外，佢呢度都係一個價錢一個SET咁做，飲品不包，要飲野就要另外ORDER!總括黎講，二百幾有多款海鮮又夠飽到上喉嚨，都唔錯…查看更多

佢地TEA BUFFET長期做緊discount (提一提，TEA buffet 係weekend先有，weekdays冇架!!)，屋企人又想試下，所以就揀左個星期日輕輕鬆鬆去食下喇!!佢個location雖然有d唔就腳，咁當然，mtr通左車之後就方便好多，mtr站行過去都係6-7分鐘左右一上到去，心諗:都OK唔係好多人! 我好驚去到迫爆之後排住隊等拎野食..... 佢坐到8成FULL啦，但係因為佢個場地本身比較細，而且D座位都排得唔係密，所以EVEN 8成人，感覺上都唔會好迫爆! 感覺良好佢呢度，有個長期主題，就係本地懷舊食物，所以佢D食物同decoration都有呢個style，而佢唔同月份亦都會以唔同生果去做主題，我3月去嘅時候就係士多啤梨喇咁講下食物方面，懷舊主題，佢就會有幾款懷舊食物，當中我食到嘅就有雞蛋仔，豆腐花等等咁沙津吧都係有嘅，有幾款菜，亦有3款 sashimi另外亦有點心，燒賣同包類。同埋6-7款熟食，佢有一樣野好，就係一款熟食食完之後，佢fill另一款食物出黎，有時係會唔同款嘅，咁所以佢款式加加埋埋都有10款，都算幾好，而且味道都算ok，有菜.. 蘿蔔牛腩..甜酸排骨.海南雞飯..等等! 仲有即時淥嘅麵食之後就係dessert，佢呢度其中一個selling point就係H雪糕任食~ 同埋6-7款dessert百幾HKD..款式都算多，坐得又舒服，幾好!…查看更多

幸福班戟超多人排，我已經等左好耐，諗住冇咁多人，去到都係唔係好多人，但佢要等齊人先入得，都正常嘅，唔通比你霸住個位慢慢等咩，而我朋友未到，所以就慢慢等下先~入到去佢就話有限時同埋只可以ORDER一次，咁都OK GEI因為佢PANCAKE即叫即整，整一個都15-20分鐘，好難話你坐坐下又比你ORDER第二輪，咁咪會超晒時LOR我地3個人就叫左3款PANCAKE再加DRINKS，兩個咸一個甜咸嘅分別叫左厚切煙肉炒旦PANCAKE同埋三文魚牛油果PANCAKE先講厚切煙肉炒旦PANCAKE，厚切煙肉都好食，炒旦完全冇特別，配左少少沙津，完全冇特別.....而且個PANCAKE好乾三文魚牛油果PANCAKE，三文魚份量都算多，但又係完全冇驚喜冇特別......甜嘅我地就揀左最CLASSIC 幸福PANCAKE，AGAIN...完全冇驚喜冇特別... 而且有D'流'，3個人SHARE一個，一人一件已經係岩岩好，食多半件都唔OK....名大於實...價錢又太太太高…查看更多

總共叫左3款SUSHI~ 其中一個SIGNATURE富士山。你睇番佢MENU，佢會LIST晒出黎佢果款SUSHI有咩料，咁就唔驚食左D你唔鍾意食嘅料。見到佢個樣好大堆頭，心情已經好興奮，加上佢唔係得個樣，味道都好得。個富士山，有牛油果，蟹柳、鰻魚、脆片，好好味，而且D料都好足，啖啖都爆料!!另外ORDER左一個吉列蝦吞拿魚蓉，好新鮮好正!!如果你驚只食SUSHI太齋，佢呢度仲有其他野食，包括串燒呀，飯麵等我地都叫左幾個串燒，分別係芝麻雞翼、荔枝黑豚肉、冬菰芝麻雞翼超香口超脆，上台時好夠熱，JUICY!荔枝黑豚肉，我本身係勁鍾意呢個配搭，甜甜荔枝配咸咸豚肉，好夾冬菰都燒得夠JUICY，唔會太乾，正仲叫左一個雜菜鍋，份量好大好多，清清地，食食下冷冷SUSHI配個熱銅好正…查看更多

呢度出名係每日都有一款$10生蠔，鍾意食生蠔嘅人當然唔會放過我地小試每人3隻，佢有介紹番當晚$10係咩品種，當晚我地係愛爾蘭的除左$10，佢仲有好多唔同種類嘅，所以我地都點左幾款其他品種試試，佢有個半打SET，可以比你揀，如果你揀左價錢貴D，就ON TOP每隻加錢，咁我地都只係ORDER左半打，合共一人半打試下佢會問我地鍾意海水味重D，鐵味重D，CREAMY D..之後佢就做番介紹，我地每人試左4款，整體黎講都好味!我地另外叫左個STEAK，魷魚圈，牛油果MANGO沙津牛油果MANGO沙津超好食，超FRESH，MANGO又唔會酸，牛油果本身熟度岩岩好魷魚圈，炸得都好好，好有味，魷魚又唔'UN'，而且炸粉又夠薄，唔會睇起上黎好大，但食落魷魚得好細STEAK都好好味，我地叫左MEDIUM WELL (HAHA)，佢真係MEDIUM WELL，因為太多地方一係太熟，一係太生，根本你叫點煮都係冇意思，但佢熟度岩岩好，佢係面夠熟，切開又仲見到少少紅色但又`唔會點有血水出，加上佢配果個紫薯蓉，睇又靚，食又好味可以ENCORE!!!…查看更多

今次一個人去大官廳,餐廳有三層，因為冇book位，所以只可坐地下嗰層。呢層雖然係酒吧，但都算坐得舒服。我食量正常，勁鍾意飲湯，水湯唔少得！所以點咗個杏汁白肺湯，個湯有少少偏鹹，但個杏汁都幾濃，豬肺都幾爽口，算足料，！個蟹蓋都算啖啖肉，蟹肉又夠，同埋拆肉拆得仔細，我最驚有啲蟹殼或者蟹腳中間一條條好似膠嘅物體拆得唔乾淨，就會成啖浪費左，好彩無！炒飯夠熱幾香，又夠乾身整體嚟講食物 質素 都算唔錯！坐得舒服，會再食！…查看更多

其實之前都食過兩次，幾滿意，今次又再回頭! 一行4人，都係食SET! 揀左個438套餐，証下新菜式!今日嘅MENU就見相片，係私房菜，所以佢地都會好有心，轉登整張專屬你嘅MENU，等你知道自己有咩食~首先係前菜4款:沙律伴芝麻醬--> 沙律新鮮，份量夠，佢除左有沙律菜，仲有D蕃茄仔配柚子油，超越FRESH!涼伴黑木耳--> 夠爽，味道醒胃岩鹽花枝豆--> 正常，但個份量少得滯....4個人...如果兩個人會係幾多?! 哈哈流心旦魚子醬配茄子 --> 旦好流，流心個流，魚子醬唔算好有味，茄子好好味，配埋少少茄醬好好味!!湯，我地係海椰皇燉黑毛豚--> 好有椰香味，但稍為咸左少少溫室南瓜配帶子--> 帶子煎得岩岩好，面一層熟，中間少少剌身感覺，南瓜好甜，仲配左青瓜同哈密瓜煮，正!!蒸鮑魚-->  鮑魚質感蒸得岩岩好，爽爽，而且洗得夠乾淨，但鮑魚味唔夠濃陳皮骨--> 呢個真係超級好味，離遠已經聞到超香陳皮味，一舊肉食落口都唔"流"茶王燻雞--> 雞超嫩超滑EVEN雞胸都唔鞋，但茶味唔算好濃，皮都有少少"UN"魚湯時令蔬菜--> 好清，清得黎魚湯味濃!海班爆米飯--> 好鮮，魚肉都好多，又有感甜品--> 今日係薑汁湯YUEN，好滿足總括黎講，味道賣相服務都好，地方坐得一般，價錢亦有D偏貴…查看更多