娛樂組組長的个人专页

同朋友做完運動先食野，醒起有同事推介炸雞，見好耐無食韓國野，又見佢都開到幾夜11:30pm 關門，一行七人去食炸雞。去到門口見坐滿晒，雖然唔多人等位但都要等半個鐘先入到座。因為有人唔食雞，所以除左炸雞之外都點左其他野。亦都有人唔食辣，要照顧埋唔辣的朋友。菜單想點呢個原味燉雞但係sold out我地叫左half-half 原味加火山烤雞蛋捲，有好蛋舊，一班人分享每人食到一至兩舊。旁邊的粉紅色醬先係重點，微辣又好味道。煎餅，最無印象的食物，感覺同一般蔥油餅無乜分別。唔辣人之選。魚糕湯，即係韓式魚蛋，勁多粒魚蛋，d湯咸咸地幾好味。沙律，又係唔辣人之選，估唔到幾大碟。韓國年糕湯，有麵底和年糕，辣辣辣，好好味，年糕咬落有口感。叫左一jar 黑莓米酒特飲，酒精成份低過1%，同jolly sandy差唔多，飲落似藍莓沙冰，用來解辣一流，一jar 都分到十小杯到。登登登鄧，half-half 原味加火山烤雞。二話不說即刻拎起件火山口味，唔～係甜中帶辣，食食下仲愈來愈辣，自問食開譚仔三小辣的我，眼淚鼻水不自覺流下。不慌不忙食埋跟雞付送的白色酸羅白，先止到少少辣。每種味道的雞肉有雞腿、雞翼、雞胸幾件和雞頸一條。…查看更多

去開無印買聖誕禮物，見Muji Cafe 唔多人，就試下啦！門口帶位去坐一張大檯，staff拎左本menu來睇睇先... 最基本的餐是以3/4/5碟冷熱盤組合而成，選擇都唔少。我叫左3小碟的套餐，套餐連湯和飯，飯可選十六穀飯。冷盤我揀「紫薯青蘋果沙律」、「黑醋無花果火箭菜沙律」。熱盤我要「甜辣番茄烤鯖魚」。三小碟係同一大碟上。紫薯味唔重因爲柚子味好強，伴著青蘋果的清新，認真唔錯。黑醋無花果新鮮又甜，火箭菜太少，食唔到兩三條。番茄洋蔥又辣辣地，配鯖魚又幾特別。飯和湯另上。…查看更多

啱啱經過旺角，見到有間米芝蓮得獎的甜品外賣店，一睇，係我最鐘意食的梳乎厘。由於平日下午，幾乎唔駛等。今次點了期間限定的日本水蜜桃梳乎厘，好軟身好味道，同油麻地另一間外賣梳乎厘店的好似樣。水蜜桃係當造，所以好新鮮！ …查看更多

經朋友介紹來呢度食Hot Cake，於是坐低即刻叫左個焦糖岩鹽味。點知原來要等20-30分鐘製作，一度想改order，不過諗諗下，就係為左佢先來，如果一樣要等梗係叫返個hot cake 啦！登登登鄧⋯⋯ 20分鐘後上碟！好香的牛油味，切落去好軟，唔會太淋，有少少firm，呢個溫度啱啱好。焦糖好正，無失望，very good!! 下次有機會試下午茶餐，好似幾抵咁。…查看更多

今日咁啱要去堅尼地城，中午時間經過俾張招紙$48午餐吸引咗入去。上到去，原來係夜晚食火鍋，午市就賣麵。平日午飯時間只有幾檯人，幾靜同Service 幾好（尤其果位阿姐）三個小食前菜麵幾有彈性，湯底有我的至愛番茄糖水有驚喜😍…查看更多

放工經過中環街市附近，又想食個輕食，見下午茶餐去到6:30pm仲有時間，就入去坐低左，目測店內除我之外得一檯客。木造裝修同檯椅令整體環境很明亮，卡位細細地都好舒適。店內播放著pop music，唔知人多會唔會覺得吵呢？原來下午茶都唔平，本住試新野心態就叫左個C餐：通粉配龍蝦湯，蔥花叉燒炒日本滑蛋，牛油多士，咖啡或茶。湯底好香龍蝦味，通粉都煮得夠淋，叉燒滑蛋好滑，牛油多士略嫌太細份了。檸茶正正常常。埋單$48唔駛加一。…查看更多

大朝早想食個早餐，見呢度有比較多款式，就搵左個位坐低。叫左個魚柳炒蛋早餐約$20 連冷熱野飲。個魚柳唔係平時見到的一大塊魚柳，是切成兩隻手指粗的魚柳塊，大約有3-4條左右，全部煎到啱啱好，金、黃、香、脆。一口咬開，極其新解美味，問過老闆娘先知都係冰鮮魚柳，不過可以整到咁正，就係煮果個人的功力啦~ 至於炒蛋則不過不失，香滑之餘又唔會過熟，推介！…查看更多

同家姐係行銅鑼灣，見行到有小小累，就來坐低食d野。見到雲吞面要成$28，心諗出名的野一定會貴d架啦，就叫左雲吞面 $28、蝦子撈面 $40、菜 (只有芥蘭) $20。一上菜，真係嚇親，天呀！咁細碗的雲吞面！？我無睇錯呀嘛…再環顧現場，見到張張檯都係食緊d咁細碗的面，先知無搞錯。第一次見叫真是太震撼了…味道方面湯底是大地魚湯，味道唔錯，雲吞好鮮味，得果幾粒仔，好唔夠喉…蠔油蝦子撈面都係勁細碟，上面舖滿蝦子，味道唔錯，都係一句，份量太少了！食兩啖就無，覺得啖啖都份外珍貴！最抵食係碟芥蘭，雖然比出面貴，但係以呢度的份量來講，係幾多架啦。…查看更多

米線痴朋友極力推介麻酸辣米線，去開深水步總會來呢間，味道認真唔錯。好似車仔面咁，可以自選湯底，菜，同埋辣度。湯底有唔辣、麻辣同埋麻酸辣，我之前試過唔辣的雞湯湯底都幾好味，一試過麻酸辣湯底之後，就連麻辣都唔想試，因為麻酸辣湯底實在太正喇！份量又夠多，女仔有時會食唔晒。我今次點左三個菜: 豬大腸、竹笙、豬潤。竹笙好爽好大條，當竹笙竹吸晒d麻酸辣湯之後就更加美味。豬潤好大塊，豬大腸就好似無乜特別。呢度都好多人幫趁，時不時都有人排隊，同埋間舖好細間，坐得好迫，佢胯在有電視睇，冷氣夠，伙記阿姐落單上菜都好快手。值得推介。…查看更多

跟朋友來食出名的「榮式燒雞扒」，來到門口見到坐滿晒人，好在等左一陣間就入到去。點知入到去發現超細間，勁迫人，坐得幾辛苦。我地當然係食燒雞扒為主啦，我叫左個雞翼 + 雞扒飯，即叫即燒，佢地好快手，唔駛一陣就上菜。黑椒汁非常香濃，令人食指大動。雞扒又滑又香，咬落去唔會太老，好正！雞翼就普普通通，總體都算好味道。四十幾蚊一個美味的飯，算係咁。…查看更多

同朋友去打完波，順道搭車來食糖水，見到有新野出，當試要第一時間試。我叫左個綿花冰，個名好優雅，叫「鴛鴦夢碟冰花雪」。伴碟的材料都多囉，有香蕉、大樹菠蘿、木瓜、士多啤梨、火龍果同埋涼粉。冰就有兩隻味 - 芒果同埋士多啤梨，冰上面再淋d花奶同埋顏色糖粒。個look真係唔錯，味道都好甜，生果又新鮮。唔好處就係份量太太太小了，同埋貴 ($42)。…查看更多

去到松記見到各大糖水舖都出左的綿花冰，點都要睇下有咩分別。阿姐推介原味，即係加花生粒 & 朱古力醬，食落個感覺似食緊麥記得朱古力新地，係雪糕換左做綿花冰，份量比其他糖水舖的冰小一點。個人感覺花生粒太粗，如果細粒d會好d。朱古力醬加冰味道有點怪。 $28一個我覺得普通，下次如果再來松記會食返d傳統糖水，會抵食d。…查看更多

友人推介來上環就要食肉骨茶，我未食過當然要試下啦。來到門口見到係菜瀾先生推介的食店，水準應該唔差掛。食飯時間坐到七七八八，唔算太多人。我地叫左二人套餐A，都只係$188，無加一，好抵食。 肉骨茶中煲- 豬肉煮到好淋，湯料中藥味好重，好足料。將油條浸一浸d湯，吸左d湯來食，好好味呀。 馬拉盞炒通菜 - 唔辣的馬拉盞，始終覺得唔夠好味。 楊氏招牌雞 - 幾有雞味，不過無乜特色。 油條 - 用來浸湯食。 甜品 - 椰汁糕，無乜味道的，口感唔錯，好滑流，但係質感好水，一夾就散。…查看更多

見到前排咁多雜誌有介紹，Openrice又多人去，我都去趁下熱鬧。去之前打左個電話問，十點關門，大約九點就last order，咁唯有早d去。去到八點十分左右，門口已經有十多人係度等緊。拎埋籌之後順便睇埋菜單有咩食，劃定晒到入座的時候就落埋單，咁就唔駛等咁耐啦。等左半個鐘之後，終於入到去啦。舖位同門面一樣咁細，不過裝修都係新同埋，都算幾好。座位好細，不過未至於係網上d人話背貼背咁誇張，坐落都仲有空間伸展。食物方面都係偏細份量，大胃王要adjust一下，可能要叫多d先夠食。 金蒜莧菜餃 - 咬開有一陣好香的冬菇味飄出來，莧菜&冬菇粒都切得好細，好正！ 鮮蝦燒賣王 - 蝦好滑，蒸得啱啱好，唯一唔好係太細粒。 潮州蒸粉果 - 皮薄，連我呢d平時唔食粉果的都讚好味。 晶瑩鮮蝦餃 - 無得頂，蝦夠鮮，食落好爽口。 香滑馬拉糕 - 好軟熟，唔太甜。 酥皮叉燒包 - 表面好似菠蘿包咁嘅皮，拎上手係脆的，裡面係熱辣辣的豬肉，肉汁鮮美，一個真係唔夠，三兩啖就食晒。 芋絲春卷 - 春卷皮好脆好熱。 臘味蘿蔔糕 - 食落有一條條的蘿蔔絲，味道好淡。 黃沙豬潤腸 - 腸粉好滑流，豬潤唔會熟到透咬唔到。 香芋山渣糕 - 食到只有山渣味，唔覺有香芋味，不過又真係見到粒粒香芋係中間。茶錢 - 每人兩蚊，有普耳 & 壽眉選擇，有人會不停的問你要唔要添飲。…查看更多

今次係第二次去呢間食米線，朋友是米線痴，在附近返工，放工後諗唔到食咩野的時候，就會來呢度食。我叫左個冬菇雞絲過橋桂林米粉，湯底酸酸地又有的辣，雞絲好滑好香，冬菇夠大粒，配菜黑木有口感，仲有花生、蔥、蒜頭等調味。大大碗，只係廿幾蚊，好抵食。環境就不能夠有所要求啦，無冷氣，只有風扇，得果幾張檯仔，勝在有電視，要追劇的唔駛錯過重要劇集。…查看更多