Cha Tam的个人专页

喺荔枝角返工，通常都係去長沙灣、荔枝角、深水埗一帶搵食。知道有一間新開嘅石版燒牛扒喺長沙灣附近，又好似幾抵食，就約咗個朋友一齊去試吓。餐廳裝修都好有特色，裏面好日本風，坐得都幾舒服嘅。佢哋係用自助點餐機叫嘢食，套餐幾十蚊至百零蚊，都好多款選擇，燒牛都有好多種類，我同朋友兩個人叫咗一份牛肩胛、一份西冷扒。套餐包一杯飲品，另外，佢有一個自助區，可以任取沙律、羅宋湯、白飯，佢哋仲有多款醬料自取。羅宋湯都幾出色，好多蔬菜，幾足料😄飲品朋友叫咗橙汁，我就叫咗一杯柚子梳打，都幾大杯😚😚。我哋去完自助區攞嘢食，冇幾耐啲扒就送到了。塊石板都好夠熱，牛扒都好快熟。呢牛扒嘅size真係好夠份量，厚厚的。西冷扒牛味好濃，牛肩胛就好Juicy，佢哋仲有薯條&粟米，加埋之前拎嘅湯、沙律&白飯，真係超級飽，好抵食！　大滿足～(質素好過牛X )…查看更多

而家出親街食飯，閒閒哋都$100-$200落樓，日本嘢無幾百蚊都食唔到。朋友發現咗呢間喺旺角抵食嘅日本料理，午餐都係幾十蚊，魚生丼飯都唔使$100。我哋過咗午餐時間，單點都唔貴～餐廳都門闊落，幾好坐，有日本風味。Menu 好多嘢食揀，選擇困難嘅我哋都揀咗好耐😂😂朋友同我都係三文魚控，一定要揀三文魚刺生，有十片，片片都厚切，好正呀！跟住串燒我哋叫咗香草燒雞翼，同埋和牛粒串燒，都好香口呀～和牛粒夾住啲配菜(洋蔥、青椒)一齊食，感覺唔油膩👍🏻跟住，仲叫咗個牛油果北寄貝沙律，佢哋裝到滿滿的，好似個小山丘咁😆，每啖都有粒粒北寄貝，混入啲牛油果裏面，都好清新🍀最後，仲叫咗牛肉豆腐鍋，個汁好似壽喜燒啲汁咁甜甜哋，牛肉都好香牛味，豆腐滑滑的，好好味😋去開旺角，又有一個好選擇👍🏻🤗…查看更多

相約咗闊別香港多年嘅朋友食Lunch，梗係要帶佢食好嘢。香港美食實在太多選擇，朋友喺外國生活多年，少食亞洲菜，今次一於食韓國嘢！喺銅鑼灣利舞台嘅 Dodam Chicken，主要食韓式炸雞，餐廳都幾闊落幾好坐，Lunch 仲好抵食添～佢哋嘅炸雞同烤雞都有好多款式，我哋今次揀咗蜂蜜牛油香蒜脆雞，要無骨嘅。店員一拎到埋嚟真心有啲嚇親，咁大碟！兩個人，食唔食得晒㗎？😂😂蜂蜜牛油汁真係好香口，無骨脆雞又啖啖肉，好正呀～我哋冇估到碟炸雞咁大碟，仲叫咗個韓式炸醬烏冬，呢碟都唔弱，炸醬好似我以前喺韓國食嗰啲味道，雜菜同其他配料都好多，足料呀！午餐時段仲有自助取韓式粉絲&泡菜，任添～仲包埋飲品，好抵食，真係要推薦俾朋友🤗🤗…查看更多

同朋友去旺角食lunch, 見OpenRice 上呢間 Little Fresh Cafe & Bar 勁多正評，望落餐牌又幾抵食咁，即刻去試一試～Lunch Set 有4款，一睇價錢，好抵食喎，主食+餐湯/ 沙律+飲品都係$7X-$8X，直頭係抗通賬價😂😂我哋叫咗香草忌廉汁海蝦燴長通粉 & 黑色甜酒雞扒配甜走汁+薯條。餐湯係我最鍾意嘅雜菜湯😋，上湯嘅時候先發現原來仲有4片脆脆嘅蒜蓉包，真係好抵食呀～～長通粉嘅白汁好濃厚，海蝦有3大隻，絕不欺場！雞扒大大件，個sauce 同啲配菜都夾，薯條好似番薯條，甜甜地，幾好味😚餐廳裝修雅致，我哋坐喺靠窗座位，望到街景，感覺舒服。今次又發掘到一間CP值高餐廳🤗🤗，然後約朋友喺旺角食飯，又多一個好選擇～…查看更多

因為星期一放假，剛好在旺角逛街，趁午飯時間前，11:30am 就衝入去，果然冇乜人。雖然只有個半鐘，但係足夠有餘。我哋揀咗$248 的套餐（第三貴的套餐），所有肉類，特別的食物，可以用電話QR code order, 其餘的蔬菜，配菜，丸子，醬汁，飲品，全部可以喺自助吧自己揀選，取自己需要的份量，非常方便。可能因為 weekdays, 不是太多人，每次用電話order之後， 5分鐘內送到，非常快捷方便。店員又非常親切，不會嫌我哋不停重複order，感覺良好！ 另外座位寬敞，舒適，有足夠嘅冷氣，就算熱騰騰的火鍋，也不會讓我們感到熱辣辣，另外秋風系統不錯，所以中午食火鍋也不覺得很濃味。我哋叫咗醉雞煲做湯底，有非常充足的雞肉，感覺很保健。佢哋不同的肉類，都非常新鮮，不同種類的牛肉，特別出色。另外蔬菜，配菜都非常新鮮。雖然香港有好多火鍋店，但係呢間性價比高，值得推介。…查看更多

喺荃灣搵食，通常入大商場，因為荃灣實在太多商場😂今次諗住去荃灣廣場同咗朋友食晚飯，行到附近佈滿車房嘅街道，見到一間好有特色嘅日本居酒屋「瀛燒居酒屋」，睇裝修已經好地道，好似真係去咗日本咁🤗🤗我哋兩個人超肚餓，先叫咗一個牛肉鍋壽喜燒，牛肉好新鮮，湯好甜，令到啲配菜都好香甜😋食親日本嘢都一定會叫刺身，佢哋嘅刺三點身盛盒(三文魚、油甘魚、帶子)，超肥美，好鮮呀～跟住個明太子玉子燒，涵好多，又係厚切，估唔咁大件，我哋已經飽咗大半。之後再嚟埋串炸 (秋葵、日本魚蛋、沙錐魚)，炸粉好薄，炸得好香脆；另外， 仲有串燒 (雞肉棒、牛舌芯、白鱔)，佢哋附上蛋汁點雞肉棒，好特別，原來點落係好夾喎！用嚟送我哋叫咗嘅梅酒、提子特飲，一流呀😚😚…查看更多

每次經過長沙灣Boholic，都俾佢嘅裝修吸引，實在太靚，常常都滿座。今次約朋友一聚，想一齊試吓佢嘅「鳥籠下午茶拼盆」～餐廳超多打卡位，坐邊一個位置都會影到好靚嘅相，我哋2個女仔去到，都影到停唔到，直到「鳥籠」嚟到，大家先肯停🤣😝個Tea Set 齋睇好開心，又係超靚，直頭係5星級酒店嘅High Tea 😍，上下2層，一層甜點一層鹹點。我哋另外仲加咗個炸雞翼小食。鹹點炸蝦好香口，大蝦牛油果撻味道香濃，巴馬火腿竹炭麵包好特別，好好食😋甜點都好出色，Tiramisu 嘅咖啡味好濃，愛啡人士最愛🥰🥰。士多啤梨蛋糕中間嗰層好似食雪糕咁，好特別～馬卡龍係焦糖味，好少見。檸檬撻酸酸甜甜咁，食得好開胃。我最鍾意係個開心果蛋糕，唔會好甜。呢個Tea Set 配埋 Earl Grey Tea, 食完甜點之後飲茶中和一下，好圓滿！…查看更多

Moving 聽聞係一間出名嘅墨西哥fusion菜，一定要訂位，冇得Walk in，所以 Fri chill out night! 食物以 wrap 為主，初頭以為細細碟，但係其實都好夠飽，我同朋友兩個人，叫咗一個蘑菇 wrap ,同埋蕃茄餡嘅 wrap, 佢哋嘅醬料特別，加了之後更加美味。另外，我哋叫咗個三文魚牛油果嘅前菜，配合硬薄餅一齊食，估唔到好有驚喜！最後叫咗個朱古力雪糕甜品，不過太甜。整體來說，超出預期，超出想像！…查看更多

在荃灣廣場睇完戲之後，就在旁邊的大霸街搵食。因為突然想食越南嘢，又見到外面嘅餐牌食物吸引，價錢合理，於是乎進去一試。試咗一個炒杯麵，擺設非常有特色，用一個杯麵烘焙作半碟，海鮮新鮮，面炒得爽口，不妨一試。另外點了吉列豬扒青咖喱，雖然咖喱略嫌甜一點，但係吉列豬扒唔油膩，配合飯，味道非常合宜。另外叫了兩杯泰式奶茶，超好味，有驚喜。餐廳整體環境都OK，雖然座位有點兒狹窄，但係都坐得舒適，荃灣人士不妨一試！…查看更多

在荃灣廣場睇完戲之後，就在旁邊的大霸街搵食。因為突然想食越南嘢，又見到外面嘅餐牌食物吸引，價錢合理，於是乎進去一試。試咗一個炒杯麵，擺設非常有特色，用一個杯麵烘焙作半碟，海鮮新鮮，面炒得爽口，不妨一試。另外點了吉列豬扒青咖喱，雖然咖喱略嫌甜一點，但係吉列豬扒唔油膩，配合飯，味道非常合宜。另外叫了兩杯泰式奶茶，超好味，有驚喜。餐廳整體環境都OK，雖然座位有點兒狹窄，但係都坐得舒適，荃灣人士不妨一試！…查看更多

同朋友去西九戲曲中心睇舞台劇，去ELEMENTS搵食，見到呢間「瓊芳冰廳」，之前未試過，我哋又有少少趕時間，見好似幾好坐咁，同朋友2個人就決定食呢間～雖然喺ELEMENTS商場裏面，價錢又唔貴喎，都幾合理，見到有鐵板餐，好似幾吸引，之後叫咗一份鐵板西冷扒，另外一個香煎芙蓉蛋飯。鐵板餐係要上菜嘅時候淋醬汁，咋咋聲咁先正😆😆件西冷扒勁大件，厚切，有肉汁，好好食，配菜都好多呀😋！我哋要咗黑椒汁，西冷牛扒要配黑椒汁先好食～芙蓉蛋飯上面嘅蛋都真係煎得好香口，多洋蔥。成片蛋完全蓋住啲飯，都係分量十足！原來鐵板餐仲有餐湯同多士，真係好豐富，三個人都夠食😂嚟開呢個商場睇戲，又多一個晚餐選擇，性價比高👍🏻下次要試吓佢個黯然銷魂飯先~…查看更多

平日好少喺觀塘搵食，咁啱經開APM，見好耐冇食過放題，就約朋友去呢間喺鱷魚恤中心日本放題—極尚大喜屋，食個放題午餐！餐廳感覺相當企理，主要用QR code落單，壽司、刺身、日本料理、串燒、… 超多選擇🤗🤗我哋第一round 梗係叫咗刺身&壽司先😛，三文魚&帶子刺身相當肥美。另外，我哋叫咗花之戀、醬燒帝皇蟹棒、燒牛肉、蒜香牛油大蝦壽司，好好味呀！😋壽司最好係舊飯細細，上面片肉大塊，就可以食多幾件🤣。天婦羅、鹽燒雞翼、牛舌串燒、…實在太多選擇～最厲害連燒乳鴿都有！😆除咗點菜之外，都可以喺buffet area 拎嘢食，呢part 都好多選擇：海鮮、沙津、冷盤、小食，超多種類🤩仲有自助軟雪糕機、咖啡機。飲品個雪櫃都好多款嘢飲：汽水、冰茶、…仲有冷、熱sake…多到好難揀。最後，食埋個甜品就超級大滿足🤗…查看更多

喺荔枝角返工幾年，知道億利工業中心入面一向多特式餐廳，地下的一層雖然間中經過，但都冇特別為意呢間意大利餐廳。直至有一次朋友叫外賣Pizza上公司食，先知原來有間咁好食嘅餐廳，所以今次要約朋友去堂食試試。外面睇以為係一間好少座位嘅小店，原來都OK 闊落。我哋見Lunch Set $78 有湯&飲品咁抵食，就叫咗一個黑松露大蝦意粉，加個$28 小食蒜香巴馬臣芝士雞翼，另外，再叫咗個12寸辣肉醬至尊Pizza，大家share 食，我哋都叫咗杯Iced Latte。蒜香雞翼好惹味，個意粉啲蝦大大隻，配黑松露醬汁好香，意粉好彈牙煙韌，係好粗嗰種意粉，好有口感。跟住，到佢哋主打嘅Pizza，上枱嘅時候見到都驚食唔晒，大大個切開六大片。Pizza 果然冇令我哋失望，餅底係唔太厚嘅正宗Pizza 薄批，辣肉醬又唔算太辣，反而好香口，我哋每人食咗兩件已經好飽，最後我哋梗係唔會浪費，打包埋嗰兩件返去食。我哋仲叫咗個Tiramisu 做甜品，真係超飽超滿足😋😋其實仲有好多款Pizza想試，一定要再嚟食過！…查看更多

同好友請咗半日假去佐敦尖沙咀行吓街再做massage。Search 吓附近有咩靚Cafe 可以嘆吓咖啡順便食個lunch。見到一間新開嘅Cafe 喺彌敦道，好闊落、感覺好舒適，即刻入去試試🤗🤗Coffee menu 有好多選擇，我揀咗杯Dirty，朋友揀咗Latte 。咖啡好有水準，朋友&我都好鍾意，下次要試吓佢嘅 hand drip 先😍另外，我哋叫咗日本刺身帶子明太子長通粉&一個玉子燒早餐(all-day breakfast)，我哋share 食～帶子夠大粒&鮮甜，個明太子醬汁估唔到咁香，長通粉好煙韌，好有口感呀！個玉子燒早餐都好得，除咗厚厚的玉子燒好食外，入面個南瓜薯餅都好有驚喜！🤗🤗好有日式感覺嘅一餐，咁耐冇返鄉下，食咗當去咗先🤗…查看更多

星期日帶媽媽到佐敦油麻地行街、行到肚餓，諗起之前見過呢間，好似有好多唔同材料、主打食泡飯嘅店，就一於去試吓🤗坐低見到餐牌，已經有選擇困難症，好多唔同材料整嘅泡飯：花膠、龍蝦、螺片、干貝、黑毛豬、…湯底又有好多選擇：龍蝦湯、雞煲翅、蟲草花、川芎白芷魚頭、…好補呀！點揀好😆😆😆我哋決定試其中一個皇牌靚湯 - 花膠雞煲翅，配麵。另外一個就試牛魔王龍蝦湯泡飯。泡飯到先，個湯底超濃味，用嚟送泡飯真係唔停得口，牛肉又好香牛味😋😋之後雞煲翅嚟到，一睇，唔係一件件雞件，而係有成半隻雞，真係超足料！店員仲俾埋手套我哋用手撕開嚟食，花膠都冇欺場，都大舊🤗啖雞湯都好鮮味，好似用嚟配飯好啲，我哋叫咗上海麵，都唔錯。不過，實在太飽了，我哋2個人都食唔晒～…查看更多