jeos's Profile

聽到怡紅院個名大家會諗到咩？話說今晚同同事放工去左蘭桂芳影相，影影下路過哩間名字叫怡紅院既地方，正當我地影多幾張相既時候大門打開了，原來裡面是間兩層高既火鍋店，我同同事都好好奇，於是入去晚膳之餘，一邊研究裝潢，裡面都充滿住國式古香味，以紅色木製工藝為主，而哩度有咩食物款式係要睇賣身契內容先知，仲有本怡紅寶鑑，原來係本飲品菜單，真係好攪笑特別。小二捧住個九宮調味料盤到我地枱，叫我地任意取。火鍋食物大概10分鐘左右就逐一上枱，湯底我地選左酒綠皮蛋芫荽山和咸酸菜胡椒豬肚，哩度湯底單選同雙配都係比同一個價錢，我地當然選同價鴛鴦湯底啦。點左咩食物👇👇👇黑色牛栢葉：新鮮牛柏葉原來黑色，係牛既第3個胃，面層佈滿小點，餐廳將佢片開為一片片薄身，口感比較硬身爽口。自家製黑松露蟹肉餃：每粒水餃都漲卜卜，滾熟咬開黑松露既味道四溢，口感美味，裡面既醬汁豐富。邪流丸：新鮮手打牛丸，唔需要滾太耐，佢唔似一般丸類會漲起，一咬落芝士醬便爆出，但味道唔會搶過牛肉既味，幾特別。澳洲和牛粒：大大粒，叫左半份都有成十粒一碟，低食。西班牙黑毛豬肉片：薄身帶點厚徑，食落啖啖肉，脂肪位置爽滑，果然唔同一般既豬肉片。我地仲叫左生菜、波菜、豆腐，波菜嫩滑，份量又多，我同同事都好鍾意食。怡紅寶鑑裡面有好多款雞尾酒飲品，同事話想同我飲返杯，我地叫左杯Yhy Spirtz, 飲落酸酸甜甜，自己加入岩自己份量既桂花酒，中西合壁，幾特別。…Read More

係群組聽講過哩間豬料理便當唔錯，今日探完朋友路過，買個外賣返去同屋企人品味一下先。打開膠袋，食物香噴噴，一共叫左3款食物，一盒係宮崎便當、一碗豬軟骨拉麵，透明膠盒係牛舌串燒。宮崎便當一打開，4個分格分開左唔同食物，日式咖哩汁配珍珠米飯、燒汁雞扒、燒豬頸肉配茄子、蒜蓉螺肉，好吸引，雞扒軟滑，豬頸肉同茄子經過炭烤過，食落更滋味，飯係填滿左一整格滿滿的，份量非常足加上誘惑既咖哩汁，更加滋味。豬軟骨拉麵，湯底係濃郁既豬骨湯，豬軟骨淋得黎有咬口，最抵讚係拉麵吸收左湯既精華後仍然軟滑彈牙。椒鹽燒珍寶牛舌，叫得珍寶，size有反咁上下，佢比平時食到既牛舌大一倍，厚薄適中，咬落牛味濃又爽彈，帶點椒鹽味道，配埋配送既鮮檸檬汁食，酸酸地更醒腦。整體都滿意，外賣都保持到水準美味。…Read More

朋友生日，帶佢去左我經常光顧既日式餐廳，哩度既日式料理既選擇款式多兼有保證，所以客源不絕。今晚我地叫左和風火焰左口魚牛油果沙律、五色魚生丼、蝦三味壽司拼三文魚五味壽司、日本廣島蠔、牛油果軟殼蟹卷。沙律先上枱，嫩白的左口魚邊被火炙過，擺成一朵花形放於中央,花芯放了黑松露，而沙津菜就加了黑醋、粟米、車厘茄、青瓜、牛油果等多種豐富蔬果，開胃又清新。蝦三味壽司拼三文魚五味壽司：蝦三味選用生虎蝦、赤蝦、甜蝦，而三文魚五味就係分別以三文魚上加左海膽、牛油果、原味三文魚及兩款添加左芝士及咖哩鹽經燒炙過既三文魚壽司，一次過試到咁多款唔到口感唔同味道，認真正，朋友一路食一路估，非常興奮。日本廣島蠔，即叫即燒焗，香味四溢，分別係蒜泥同香草芝士兩款口味，食完都覺得唔夠喉。五色魚生丼，魚生鋪滿哂係飯面上，密封不見白，每款都係大大件，5款唔同既魚生配搭，每款食落都鮮甜美味，完全滿足到口感，同朋友都食得好開心。牛油果軟殼蟹卷，一碟有6件，每件面層都充滿勁多蟹籽，配搭3片牛油果加上外脆內裡軟殼既軟殼蟹，食完一件又一件，好味。食完所有野之後，朋友說每款食物都夠新鮮，樣樣都好好味，好滿意哩餐飯。…Read More

有一段日子都無黎過The one,今日同朋友行街兼食晚飯，見到哩間華麗歐陸式既西餐廳，朋友就好想入去食飯兼打卡，待應好似預先知道朋友喜歡影相一樣，安排我地坐近門口位置，方便我地，旁邊既兩枱客人都分別帶左狗狗出席聚餐，狗狗超可愛又乖巧，定定的望住主人們進食。我同朋友係Side Dishes、Main Course 、Pasta、Dessert中叫左4款食物，落左單朋友就把握時間去打卡，餐廳外面周圍都以鮮花、歐陸式的擺設作佈置,一邊食都一邊聞到有鮮花香氣。第一道菜：波菜酥皮批，沙津菜作伴碟更突出個批的對比，陣陣牛油香氣，切開蒸氣冒出，咸料豐滿，淡淡的波菜與芝士香料混合，兩個人share食唔算太膩。第二道菜：西班牙黑毛豬脊柳，原本以為係食開既成塊扒上，要自己切開，但上枱見到有驚喜，陣陣炭燒烤過既味道，食落每件都好琳身，連筋位位置都好軟滑美味，配上醬汁更加野美，我同朋友都食唔停，贊不絕口。第三道菜：紅酒牛肋肉扁意粉，鮮紅色的車厘茄配紅色醬汁意粉，意粉彈牙，牛肋肉食落似牛腩般美味，唔會好大嚿，非常方便細嚼。最後第四道菜甜品：開心果蘋果玉桂班戟，擺放精美，蘋果粒帶有點酒香既味道，令平凡既班戟食起來變得特別。成餐飯我同朋友都係贊不絕口，每款菜都令我地好滿意，之後一定會再黎光顧。…Read More

今日放工老朋友約左我去間古色小茶居食晚飯，諗住應該係食一盅兩件、碟頭飯？？原來哩度貌似茶居係專食蛇羹既地方，唔同傳統既蛇鋪，門口沒有放住一籠蛇作招來，靠既係口碑做街坊生意。朋友拍板叫左個套餐，包括兩碗蛇羹同入冬必食既生炒鴦腸糯米飯，朋友知我大食，之後再叫多碟豉油王炒麵，兩碗蛇羹先登場，滿瀉的份量，面層放滿脆片和檸檬草令蛇羹食落更有層次感和去除腥味，裡面既用料足，肉絲、菇絲、木耳絲、蛇肉，仲食到啖啖陳皮味道，親熱食真係正。生炒鴦腸糯米飯，望落炒得粒粒晶瑩，蠟腸同潤腸既份量都唔少，加埋蛋同蔥花，吸引之餘兼香噴噴。豉油王炒麵即叫即炒，叫左走銀芽，所以轉左配搭蔥段同洋蔥增加口感，麵身爽彈，條條分明味道適中唔會太咸，食到底以為應該剩返堆油係碟底，但竟然見唔到，真係炒得好好。食完飲返杯茶去除口腔油膩感，果然老字號，配搭非常合適。…Read More

今晚朋友邀請我黎哩間好靚既餐廳食晚飯，餐廳周圍都以花圃作佈置，一踏進玻璃門仿如到了外國宮殿般的佈置影入眼簾，流水漉漉聲，戶外有遮蓬遮擋上蓋。係餐廳門外等左一陣，店員詢問我地想坐外面定裡面，哩日比較風大，我同朋友選擇坐裡面，店員招待我地入到餐廳，男店員非常gentelman地為我們拉櫈。枱面上的餐牌繪畫成美女與野獸故事書一樣。我和朋友都各自order左食物，一邊閒聊一邊等待著，食物即時製作，一上枱熱騰騰、香噴噴，我點的是main course 中：法式雞胸肉配亞菲多忌廉汁扁意粉，望落好多汁，我同朋友開心sharing ，裡面濃濃的奶黃色忌廉汁和香草令到意粉味道濃厚。朋友order的法式焗波士頓龍蝦配意大利飯：於落單時特別叫待應將意大利飯要煮淋身啲, 因為每次出去食都係偏硬身，食兩啖就巳經食唔落，形成浪費就唔好，可能因為即時既烹調關係，所以哩個都等得比較耐，上枱望落閱目以花絮和沙律菜作裝飾，有一份精美的田園感係當中，龍蝦半份，雖然唔係好大隻，但肉身用叉就好易挑出，而意大利飯混合埋龍蝦汁烹煮，鮮甜濃郁，有埋多纖維既露筍做配搭，食完唔洗擔心會增磅。…Read More

被哩間餐廳外觀所吸引，於是同同事入去嘆個Dinner先返屋企，餐廳佈置令人舒適放鬆，雖然全餐廳都坐滿人，但一點都唔會覺得嘈吵，望下個Meau先，點左個意粉、慢煮牛腹肉、兩杯飲品&甜品就落單，同同事傾住計，大概15分鐘左右食物就逐一上枱。 Organic Chamomile Citrus: 沖泡出黎係清澈既淡黃色，飲落柑橘味比洋甘菊味道蓋過，清新的混合。 Fresh Ginger Honey Green Tea: 透明的壺內望落漆黑色一遍，沖泡出黎竟是橙黃色，飲落薑味唔算好重，口感舒服味道特別。 Jumbo Tiger Prawn Pasta: 賣相漂亮，香噴噴，打完卡就同同事急不及待分享，有兩隻去殼既虎蝦，同同事可以一人一隻唔洗自己剝殼，意粉中食到有股海鮮既鮮甜味道，好正。 Slow-Cook Beef Belly with chimichurri sauce:牛腹肉當中既油脂恰到好處，味道香濃，牛肉鮮味特別濃郁,口感軟嫩帶有嚼勁，有兩款醬汁配搭加上冰菜、帶莖甘筍同蔬菜乾片，整道菜漂亮又特別。 最後以班戟作甜品：原味班戟只配搭生果、開心果同糖漿，保持新鮮奶香味道，暖笠笠兼軟棉棉，口感特別。…Read More

聖誕將至，朋友仔想同我預先慶祝，於是我地相約去大灜喜食任食放題，第二次黎哩間分店，裡面依然人頭湧湧，所以一定要Book訂位，裡面地方闊大，侍應安排我地坐低後，我同朋友就分頭行事，我負責掃QR code落單，佢就負責係出面尋覓美食。網上落單食物款式種類多，幸好系統分哂種類，好容易就搵到想食既食物，點左刺身、燒物、一品料理等等既食物後，我預備出去自助區度拎食物同飲品。朋友畢左碗熱湯返黎比我飲，係蟲草花煲雞湯，冬天飲碗熱湯最正。我出去兜了個圈，飲品多選擇之餘仲有些係暖櫃暖住，比D唔慣飲凍飲人仕飲用，自助區食物選擇好多，分左類整齊地擺放，好有條理，我拎左些上湯娃娃菜、章魚小丸子仲有白雲鳳爪返去，返到去見朋友巳食緊刺身，點既食物機本上黎齊，速度快之餘樣樣望落都新鮮吸引，刺身當中我最喜歡食北寄貝同榮螺，爽口彈牙又鮮甜。黃金醬燒開邊蝦每轉只可以叫4隻，千島沙律醬配上芝士和彩椒去燒製，望到都流哂口水，咬落蝦肉爽口彈牙超美味，所以Encore左三轉。估唔到既係哩度有酸菜魚鍋食，雖然無火熱住，但可以比人過一過口忍，正。仲有個抵贊位就係椰青汁都係隨意比人任湛。哩度環境熱鬧，食物款式選擇多元化，我地晚市食每位收費$218另有加一服務費，哩個價錢哩講都算經濟抵食。…Read More

消費劵既帶動下，出街食飯豪爽左，朋友話想嘆日式壽喜燒，又想食D靚牛肉，係網上搵到哩間推薦食日本牛既餐廳，一於同朋友去睇下佢D牛有幾靚同頂級先。介紹下咩係壽喜燒: 壽喜燒係一種日式火鍋，以少量醬汁烹煮食材，通常食材包括高級的牛肉（例如：霜降牛肉）、大蔥、萵苣、豆腐、蒟蒻絲、冬菇等，而這些食材會由醬油、糖與味醂等混合的湯汁中煮製，並蘸生雞蛋食用，壽喜燒在日本一般被視為冬季的傳統料理。餐廳地方寬敞，音樂悅耳地播放著，充滿熱鬧氣氛。餐廳今期主打二人用的和牛壽喜燒，牛肉方面可選SetA: 日本A4黑毛和牛250g 或 Set B: 日本A4黑毛和牛150g + 澳洲M8和牛三角肉100g同朋友商量完之後，我地想食Set B 有兩款唔同地方既和牛。店員落單後好快地送上蔬菜盤、雞蛋及黑糖過來，店員介紹哩款雞蛋是非一般日本蛋，是比較少有同難買到的蘭王蛋，點牛肉食最岩。朋友係日本精，佢都話哩隻蛋大有來頭，係香港真的比較難搵到同食到，我同朋友都好開心即刻打卡紀念。朋友開火先落附帶的牛脂肪，然後放大蔥和牛片，再加點黑糖。和牛因為薄身，煎10秒左右便巳經熟透，蘸些生雞蛋食用口感份外嫩滑。日本黑毛和牛比較嫩滑，而澳洲M8和牛就啖啖牛味，食了兩轉後我地就叫店員加入上湯轉做壽喜燒，再放大蔥、香菇、豆腐、蒟蒻絲、紅蘿蔔、金菇同娃娃菜一起煮。個Set包埋兩碗飯，好大碗，而且白飯面落左大量飯素，好有味道，我同朋友食得好開心同滿足。…Read More

大胃王朋友今晚約左我去佢屋企附近既餐廳食飯，哩間餐廳位處北角匯附近，餐廳外表中式帶有份懷舊的味道，入到去睇下Meau,食物款式以意大利菜為主，大胃王朋友話叫個二人套餐，我就想食意大利菜中出名既雲吞，朋友話哩度既pizza都唔錯，叫我叫埋。兩人套餐包左餐湯、沙律、主食(意粉/意大利飯)、甜品及兩杯飲品，我地就叫左一款特飲及一款花茶品嚐 。特飲：草莓＆蕃石榴乳酸梳打用Rocks杯裝住，望落充滿夏日氣息，將底部既果汁攪伴一下就變成淺橙色，飲落有士多啤梨和乳酸既味道，更增進食慾感。 洛神花玫瑰茶用全透明壺及杯上，睇落高貴雅緻，壺內除左見到一朵朵玫瑰花仲有茉莉花，店員加左蜂蜜調和酸味，飲落更甜蜜。蔬菜湯哩個湯獨特之處係當中有好多唔同種類既蔬菜混合煮成，令到個湯更有不同層次，湯底係羅宋湯既味道，保持返傳統西湯特色。日式芝麻汁豆腐沙律好大碟，4片厚身豆腐放係沙律菜面淋埋胡麻醬汁，蔬菜新鮮兼食到唔同既口感味道。 主菜1：海鮮意大利飯海鮮全放於飯面，飯係混合左白汁加上芝士磨片，芝士味濃郁。主菜2：厚切豬扒配蘋果醬塊扒真的好厚身，保留原汁原味，配搭烘烤過既蒜頭和蘋果醬食，簡單滋味。芝士煙肉辣肉腸薄餅pizza係薄底，材料鋪滿整塊餅面，咬落超脆口就如食餅乾一樣的聲音。 波菜芝士雲吞配忌廉汁波菜餡既意大利雲吞與結身既芝士洋蔥白汁，好match。甜品原本點左馬路村柚子布甸，但食完其它野先知哩款巳售清，侍應用了Tiramisu取替。 哩度坐得舒服，每款食物都好好味，用心烹調，而且套餐包埋壺自選花茶或特飲，唔洗額外加錢享用，感覺更加著數。…Read More

係網上見到哩間餐廳佈置好靚，今晚終於有時間同朋友黎啦，位於長沙灣與荔枝角的中間地帶，一點都唔起眼，入到餐廳內所有佈置、音樂、年輕既店員親切地招待，令你立即讓整個人放鬆落黎。餐廳佈置以波西米亞風格為主，有種歐洲盛行夏日就去渡假享受既感覺，餐牌都貫串主題以糖果色系加花朵設計，營造優雅感，我地挑選左兩款主菜+兩杯飲品及甜品就落單。 飲品Green Tea Tropical餐廳用別緻既透明壺、透明杯，底層配上水松以防客人燙手，睇到份量又睇到茶既色澤濃淡，餐廳採用美國頂級品牌既Might Leaf 茶包，唔係一般餐廳所採用既牌子，飲落綠茶清淡優香兼帶淡淡既水果味，唔似一般綠茶飲落濃厚既感覺，哩款茶好岩女仕們點。 士多啤梨牛油果忌廉沙冰賣相吸晴，好Creamy幼滑，濃郁既士多啤梨味道，令到人覺得Sweet Sweet。慢煮西班牙黑豚胺配黑松露醬煎到香噴噴加埋黑松露獨有既香氣令到黑豚胺味道更升華，黑豚胺下有棵冰菜，及一些沙律菜，冰菜吸收左黑豚胺既油脂，食落更有味道，黑豚胺好大塊，容易切開，旁邊有個蛋黃醬配搭點黎食，面層仲有些乾菇及蔬菜片，整道菜都好特別。 阿根廷紅蝦蕃茄鮮魚湯意大利麵一上枱我們巳被它的香氣所吸引，意粉用鮮魚湯煮過，加上新鮮車厘茄、大蕃茄乾、羅勒及意大利小蘿蔔片，配埋兩隻去殼大蝦，賣相精緻漂亮，味道美味極致。法式焦糖梳乎厘班戟比想像中大，望落好溜既感覺，但一邊食一邊點完全又唔覺得溜，梳乎厘軟棉棉好有空氣感，每一啖都覺得似食緊空氣一樣，口感超特別。…Read More

朋友出左花紅，帶我去食日本料理，哩間餐廳由外到內都感受到濃厚既日本情懷，裡面面積廣闊，卡位坐得寬敞舒適，採用日系淺木色調裝潢，格調和諧，加上竹簾作屏風，散發濃濃和風禪意兼播放著輕柔的日本歌曲，嘆住日式料理仿如置身在日本一樣，而喜歡睇廚師煮野食既人可以坐高凳子位置。 朋友見到餐牌上既美人鍋套餐$418可選擇配壽司盛鐵火卷或特上刺身5點，對於壽司我一般所以另外叫左碗拉麵、小食同飲品。 特盛濃厚醬油雞白湯拉麵$98一股雞油清香飄逸，拉麵唔知係咪因雞油影響，比出面其它地方食到既更滑溜，裡面有八塊日式叉燒，平時最多得三片，加上好多木耳絲同有隻日式溫泉蛋，哩碗拉麵真抵食。 牛油焗帶子$58一碟有6粒,面層用了些沙律菜作點綴及將炸蒜分開放，讓客人自行添加，帶子咬落食到牛油既微脆外層兼內實既口感，雖然牛油邪惡，但兩個人share食少少都ok。綠茶可樂貪得意叫黎飲下，飲落唔似綠茶又無可樂果種磅礴既味道，感覺新穎。壽司盛鐵火卷刺身上枱啦，從顏色、紋理、切法就能看出這個廚師的手藝，手握拿捏得美，加上菊花作點綴，精緻得像一幅藝術品，食落鮮美和有自然甜味，漸漸滋潤了整個味蕾和口腔，真是極至美味。第一排右起：三文魚、油金魚、吞拿魚、白身魚 、鰻魚、蝦、三文魚子、鐵火卷。博多美人鍋：雖然餐牌上無特別介紹，湯底係白雪雪，雞件完全無醃製過，雖然食落唔係滑溜溜，但食到原汁原味，裡面還有蔬菜，金菇、豆腐、鮮肉丸、大蔥等，份量真的好夠。 食完超飽，要坐一陣先可以離開。…Read More

一個人去屯門探完朋友，路經見到屯門都有和氣食堂，緊係要幫襯下，Meau內既食物每一頁依然引人垂涎欲滴。叫左碗拉麵加兩串黑豚串燒，即叫即煮，野食黎得好快。鹽燒黑豚肋肉：是豬隻肋骨延伸至背脊之間的肌肉組織，此部位油脂含量適中，雖然燒過，但咬落依然多肉汁，帶點油脂，食落有口感。 汁燒黑豚護心肉：哩串比較黑，估計應該係燒汁影響，護心肉係指是阻隔豬肚子的橫隔膜和肝之間的一組組織。在豬伸縮的時候可以起到呼吸的作用，每頭豬只有200g左右，是比較珍貴及特殊的部位，食落無咩油脂，柔軟且多筋道，口感爽兼彈彈地。 海鮮海老湯拉麵：介紹下個湯底先，係成個拉麵既靈魂，橙啡色超結身同濃郁蝦既味道，當中有隻蝦加兩粒大碼size帶子，隻蝦開左邊，蝦肉面加左調味粉，唔係隨便烚熟放落湯比你，而蝦肉用筷子輕輕一拉便好易起出享用，食日本拉麵慣常會有一大塊紫菜、票米、木耳絲及蔥花係旁邊，哩度都唔例外，跟足材料，仲有埋鳴門卷，拉麵軟滑彈牙，份量都好多,仲要配埋隻溫泉流心蛋分開上，食完個拉麵之後慢慢再享用，超滿足。…Read More

放假去左將軍澳睇戲兼行街，行到肚仔餓，去左Popfood度搵餐廳醫肚，見到哩間Running 韓式燒烤餐廳自助燒都幾吸引。入面地方都幾寬落，雖然係燒烤餐廳，但無咩油煙味。坐低左之後，店員放低張單比你掃QR code自行落單，每款食物都有5、6款選擇，牛肋骨、牛脷、豚肉、魷魚、生蠔、帶子、羊肉樣樣都有。行兩步就有個自助區，熟食、飲品、甜品、調味醬汁、蔬菜等都可以係果度搵到。介紹下有咩調味醬汁可以配搭先：燒肉汁、韓式辣醬、甜酸烤肉醬、鹽醬、大醬仲有蒜蓉比你任畢。喜歡吃牛肉的我每款牛都叫左兩件，D肉望落鮮紅色，下面無血水，感覺都幾新鮮。燒好後浸落甜酸烤肉醬中，食落唔會乾淨淨，酸酸甜甜更加開胃。食韓國菜最喜歡點年糕食，哩度都有款年糕湯，用傳統大海帶加豆芽一起煮，滿足食韓國菜必食既人心理。食完肉就叫左海鮮燒，哩度既帶子粒粒都好厚身，屬於中型size，食落啖啖肉同嫩口。食完仲有時間，嘆埋甜品同雪條先走。…Read More

經過門口聞到陣陣麻辣香味傳出，朋友就話好耐無食過，天氣凍凍地一於陪佢瘋下。餐廳地方都幾大，店員會親自同你閒談介紹些招牌菜色比你落完單後，店員奉上兩味前菜給我們小品，一嚐巳感受到麻辣味燶厚。清炒土豆絲- $78以蒜頭和蔥花伴炒，土豆絲爽口，清清地，作為頭一味菜唔錯。蒜泥白肉- $78上枱既時候有點協，佢唔同平時出面所食到的蒜泥白肉得蒜泥蓉，哩度以辣椒碎、蒜泥和一整碟辣油伴味，食落認真夠麻辣，肉片好薄身，半肥半瘦，唔會有肥膩口感，彈牙，肉片下鋪了些牙菜以作墊高肉片，令賣相更豐滿。招牌水煮魚 (細)- $168紅油滿佈，望落巳經知道一定好辣，魚肉薄身嫩滑，裡面還有海帶、牙菜、椰菜、薑和胡椒串，吸收哂麻辣既味道，朋友一邊食一邊汗流滿面，佢話當中好多辣椒素，刺激人體五感，唔係一般人接受到。我地叫左兩碗白飯伴食還有飲品店員都將冷氣溫度刻意調低，讓客人火速降溫之餘兼唔洗出到成身汗攪到臭賓賓。食辣之前最好先打定低，辣椒素會影響腸胃消化，要小心選擇合適自己既辣度。…Read More